Daily Murli for Tuesday 17 June 2025

17-06-2025 praatahmurli om shanti "baapdaada"' madhuban

“meethe bachche - apna kalyaan karna hai to har prakaar ki parhej rakho, phool banne ke liye pavitra ke haath ka shuddh bhojan khaao''

prashn:- tum bachche abhi yahaan hi kaun-si practice karte ho, jo 21 janma tak rahegi?

uttar:- sada tan-man se tanduroosta rahne ki practice tum yahaan se hi karte ho। tumhein dadheechi rishi misal yagya seva mein haddiyaan bhi deni hain lekin hathayog ki baat nahin hai। apna shareer kamjor nahin karna hai। tum yog se 21 janmon ke liye tanduroosta bante ho, uski practice yahaan se karte ho।

om shanti। college athva university hoti hai to teacher bhi student taraph dekhte hain। gulaab ka phool kahaan hai, front mein kaun baithe hue hain? yeh bhi bageecha hai parantu nambarvaar to hain hi। yahaan hi gulaab ka phool dekhta hoon phir baaju mein ratna jyoti। kahaan ak bhi dekhta hoon। baagvaan ko to dekhna pade na। us baagvaan ko hi bulaate hain ki aakar is kaanton ke jangal ko khatma kar phoolon ka kalam lagaao। tum bachche practical mein jaante ho kaise kaanton se phoolon ka sapling lagta hai। tumhaare mein bhi bahut thode hain jo in baaton ka chintan karte hain। yeh bhi tum bachche jaante ho - woh baagvaan bhi hai, khivaiya bhi hai, sabko le jaate hain। phoolon ko dekh baap bhi khush hote hain। har ek samajhte hain ham kaanton se phool ban rahe hain। knowledge dekho kitni oonchi hai। is samajhne mein bhi bahut badi buddhi chaahiye। yeh hain hi kaliyugi narkavaasi। tum svargavaasi ban rahe ho। sannyaasi log to gharbaar chhod bhaag jaate hain। tumko bhaagna nahin hai। kisi-kisi ghar mein ek kaanta hai to ek phool hai। baba se koi poochhte hain - baba, bachche ki shaadi karaayen? baba kahenge bhal karaao। ghar mein rakho, sambhaal karo। poochhte hain isse hi samjha jaata hai - himmat nahin hai। to baba bhi kah dete hain bhal karo। kehte hain ham to beemaar rehte hain phir bahu aayegi, unke haath ka khaana padega। baba kahega bhal khaao। na karenge kya! circumstance aise hain khaana hi pade kyonki moh bhi to hai na। ghar mein bahu aai to baat mat poochho jaise ki devi aa gai। itne khush hote hain। ab yeh to samajhne ki baat hai। hamko phool banna hai to pavitra ke haath ka khaana hai। uske liye apna prabandha karna hai, ismen poochhna thode hi hota hai। baap samjhaate hain tum devta bante ho, ismen yeh parhej chaahiye। jitni jaasti parhej rakhenge utna tumhaara kalyaan hoga। jaasti parhej rakhne mein kuchh mehnat bhi hogi। raaste mein bhookh lagti hai, khaana saath mein le jaao। koi takleeph hoti hai, laachaari hai to station vaalon se dabalroti le khaao। sirf baap ko yaad karo। inko hi kaha jaata hai yogbal। ismen hathayog ki koi baat nahin hai, shareer ko kamjor nahin banaana hai। dadheechi rishi misal haddi-haddi deni hai, ismen hathayog ki baat nahin hai। yeh sab hain bhakti maarga ki baaten। shareer ko to bilkul tanduroosta rakhna hai। yog se 21 janmon ke liye tanduroosta banna hai। yeh practice yahaan hi karni hai। baba samjhaate hain ismen poochhne ki darkaar nahin rehti। haan koi badi baat hai, usmein moonjhate ho to poochh sakte ho। chhoti-chhoti baaten baba se poochhne mein kitna time jaata hai। bade aadmi bahut thoda bolte hain। shivbaaba ko kaha jaata hai - sadgati daata। raavan ko sadgati daata thode hi kahenge। agar hota to unko jalaate kyon? bachche samajhte hain raavan to naameegraami hai। bhal taakat raavan mein bahut hai, parantu dushman to hai na। aadhaakalpa raavan ka raajya chalta hai। parantu kab mahima suni hai? kuchh bhi nahin। tum jaante ho raavan 5 vikaaron ko kaha jaata hai। saadhu-santa pavitra bante hain to unhon ki mahima karte hain na। is samay ke manushya to sab patit hain। bhal koi bhi aaye, samjho koi bade aadmi aate hain, kehte hain baba se mulaakaat karen, baba unse kya poochhenge? unse to yahi poochhenge ki raam raajya aur raavan raajya kab suna hai? manushya aur devta kab suna hai? is samay manushyon ka raajya hai ya devtaaon ka? manushya kaun, devta kaun? devta kis raajya mein the? devtaayen to hote hain satayug mein। yatha raaja raani tatha praja… tum poochh sakte ho ki yeh nai srishti hai ya puraani? sat-yug mein kiska raajya tha? abhi kiska raajya hai? chitra to saamne hain। bhakti kya hai, gyaan kya hai? yeh baap hi baith samjhaate hain।

jo bachche kehte baba dhaarna nahin hoti unhein baba kehte are alpha aur be to sahaj hai na। alpha baap hi kehte hain mujh baap ko yaad karo to varsa mil jaayega। bhaarat mein shivjayanti bhi manaate hain parantu kab bhaarat mein aakar svarga banaaya? bhaarat svarga tha - yeh nahin jaante hain, bhool gaye hain। tum kahenge ham bhi kuchh nahin jaante the ki ham svarga ke maalik the। ab baap dvaara ham phir se devta ban rahe hain। samjhaane vaala main hi hoon। second mein jeevanmukti gaaya hua hai। parantu inka bhi arth thode hi samajhte hain। second mein tum svarga ki pariyaan bante ho na! inko indra sabha bhi kehte hain, woh phir indra samajhte hain barsaat barsaane vaale ko। ab barsaat barsaane vaalon ki koi sabha lagti hai kya? indralath, indra sabha kya-kya sunaate hain।

aaj phir se yeh purushaartha kar rahe hain, padhaai hai na। bairistari padhte hain to samajhte hain kal ham barrister banenge। tum aaj padhte ho, kal shareer chhod raajaai mein jaakar janma lenge। tum bhavishya ke liye praalabdha paate ho। yahaan se padhkar jaayenge phir hamaara janma satayug mein hoga। em object hi hai - prince-princess banne ki। raajayog hai na। koi kahe baba hamaari buddhi nahin khulti, yeh to tumhaari takdeer aise hai। drama mein part aisa hai। usko baba change kaise kar sakte hain। svarga ka maalik banne ke liye to sab hakdaar hain। parantu nambarvaar to honge na। aise to nahin sab baadshaah ban jaaen। koi kehte eeshvareey taakat hai to sabko baadshaah bana den। phir praja kahaan se aayegi। yeh samajh ki baat hai na। in lakshmi-naaraayan ka raajya tha। abhi to sirf naam maatra mahaaraaja-mahaaraani hain। title bhi de dete hain। laakh do dene se raaja-raani ka lakab mil jaata hai। phir chaal bhi aisi rakhni pade।

abhi tum bachche jaante ho ham shreemat par apna raajya sthaapan kar rahe hain। vahaan to sab sundar gore honge। in lakshmi-naaraayan ka raajya tha na। shaastron mein kalpa ki aayu lambi likh dene se manushya bhool gaye hain। abhi tum purushaartha kar rahe ho - saanvare se sundar banne ka। ab devtaayen kaale hote hain kya? shreekrishna ko saanvara, raadhe ko gora dikhaate hain। ab sundar to donon sundar honge na। phir kaam chita par chadh donon kaale ban jaate hain। vahaan hain sunahri duniya ke maalik, yeh hai kaali duniya। tum bachchon ko ek to andar mein khushi rahni chaahiye aur daiveegun bhi dhaaran karne chaahiye। koi kehte hain baba beedi nahin chhootti hai। baba kahenge achha bahut piyo। poochhte ho to kya kahenge! parhej mein nahin chalne se giroge। khud apni samajh honi chaahiye na। ham devta bante hain to hamaari chaal-chalan, khaan-paan kaisa hona chaahiye। sab kehte hain ham lakshmi ko, naaraayan ko varenge। achha, apne mein dekho aise gun hain? ham beedi peete hain, phir naaraayan ban sakenge? naarad ki bhi katha hai na। naarad koi ek to nahin hai na। sab manushya bhakta (naarad) hain।

baap kehte hain - devta banne vaale bachche antarmukhi ban apne aapse baaten karo ki jab ham devta bante hain to hamaari chalan kaisi honi chaahiye? ham devta bante hain to sharaab nahin pi sakte, beedi nahin pi sakte, vikaar mein nahin ja sakte, patit ke haath ka nahin kha sakte। nahin to avastha par asar ho jaayega। yeh baaten baap baith samjhaate hain। drama ke raaz ko bhi koi nahin jaante hain। yeh naatak hai, sab paartadhaari hain। ham aatmaayen oopar se aati hain, part to saari duniya ke actors ko bajaana hain। sabka apna-apna part hai। kitne paartadhaari hain, kaise part bajaate hain, yeh variety dharmon ka jhaad hai। ek aam ke jhaad ko variety jhaad nahin kahenge। usmein to aam hi hoga। yeh manushya srishti ka jhaad to hai parantu inka naam hai - variety dharmon ka jhaad। beej ek hi hai, manushyon ki variety dekho kitni hai। koi kaise, koi kaise। yeh baap baith samjhaate hain, manushya to kuchh nahin jaante। manushyon ko baap hi paarasbuddhi banaate hain। tum bachche jaante ho is puraani duniya mein baaki thode roz hain। kalpa pahle muaaphik sapling lagti rehti hai। achhi praja, saadhaaran praja ka bhi sapling lagta hai। yahaan hi raajdhaani sthaapan ho rahi hai। bachchon ko harek baat mein buddhi chalaani hoti hai। aise nahin, murli suni na suni। yahaan baithe bhi buddhi baahar bhaagti rehti hai। aise bhi hain - koi to sammukh murli sunkar bahut gadgad hote hain। murli ke liye bhaagte hain। bhagwan padhaate hain, to aisi padhaai chhodni thode hi chaahiye। tape mein accurate bharta hai, sunna chaahiye। saahookaar log khareed karenge to gareeb sunenge। kitnon ka kalyaan ho jaayega। gareeb bachche bhi apna bhaagya bahut ooncha bana sakte hain। baba bachchon ke liye makaan banvaate hain, gareeb do roopaya bhi maneeaardar kar dete hain, baba iski ek eet makaan mein laga dena। ek roopaya yagya mein daal dena। phir koi to hundi bharne vaala bhi hoga na। manushya hospital aadi banaate hain, kitna kharcha lagta hai, saahookaar log sarkaar ko bahut madad karte hain, unko kya milta hai! alpakaal ka sukh। yahaan to tum jo karte ho 21 janmon ke liye। dekhte ho baba ne sab kuchh diya, vishwa ka maalik pahla number bana। 21 janmon ke liye aisa sauda kaun nahin karega। bholaanaath tab to kehte hain na। abhi ki hi baat hai। kitna bhola hai, kehte hain jo kuchh karna hai kar do। kitni gareeb bachchiyaan hain, silaai kar pet paalti hain। baba jaante hain yeh to bahut oonch pad paane vaali hain। sudaama ka bhi misaal hai na। chaaval mutthi ke badle 21 janmon ke liye mahal mile। tum yeh baaten nambarvaar purushaartha anusaar jaante ho। baap kehte hain main bholaanaath bhi hoon na। yeh daada to bholaanaath nahin hai। yeh bhi kehte hain bholaanaath shivbaaba hai isliye unko saudaagar, ratnaagar, jaadoogar kaha jaata hai। tum vishwa ka maalik bante ho। yahaan bhaarat kangaal hai, praja saahookaar hai, government gareeb hai। abhi tum samajhte ho bhaarat kitna oonch tha! svarga tha। uski nishaaniyaan bhi hain। somnaath ka mandir kitna heere-javaahron se saja hua tha। jo oont bharkar heere-javaahar le gaye। tum bachche jaante ho abhi yeh duniya badalni zaroor hai। uske liye tum taiyaari kar rahe ho। jo karega so paayega। maaya ka opposition bahut hota hai। tum ho eeshvar ke mureed। baaki sab hain raavan ke mureed। tum ho shiv-baba ke। shivbaaba tumko varsa dete hain। sivaae baap ke aur koi baat buddhi mein nahin aani chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) antarmukhi ban apne aap se baaten karni hain - jabki ham devta bante hain to hamaari chalan kaisi hai! koi ashuddha khaan-paan to nahin hai!

2) apna bhavishya 21 janmon ke liye ooncha banaana hai to sudaamen misal jo kuchh hai bholaanaath baap ke havaale kar do। padhaai ke liye koi bhi bahaana na do।

vardaan:- aadi aur anaadi swaroop ki smriti dvaara apne niji svadharma ko apnaane vaale pavitra aur yogi bhav

braahmanon ka niji svadharma pavitrata hai, apvitrata pardharma hai। jis pavitrata ko apnaana log mushkil samajhte hain woh aap bachchon ke liye ati sahaj hai kyonki smriti aai ki hamaara vaastavik aatma swaroop sada pavitra hai। anaadi swaroop pavitra aatma hai aur aadi swaroop pavitra devta hai। abhi ka antim janma bhi pavitra brahman jeevan hai isliye pavitrata hi brahman jeevan ki personality hai। jo pavitra hai vahi yogi hai।

slogan:- sahajyogi kahkar albelaapan nahin laao, shakti roop bano।

avyakt ishaare-aatmik sthiti mein rahne ka abhyaas karo, antarmukhi bano

kaha jaata “antarmukhi sada sukhi''। unhein koi baahar ki aakarshan aakarshit nahin kar sakti। kabhi manmat, kabhi parmat aakarshit nahin kar sakti। antarmukhi sada sukhi rahne vaale, sukhdaata ke bachche master sukhdaata honge, baaharmukhta se mukta honge।