Daily Murli for Saturday 9 August 2025

09-08-2025 praatahmurli om shanti "baapdaada"' madhuban

“meethe bachche - yeh purushottam sangamayug kalyaankaari yug hai, ismen hi padhaai se tumhein shreekrishnapuri ka maalik banna hai''

prashn:- baap maataaon par gyaan ka kalash kyon rakhte hain? kaun si ek rivaaz bhaarat mein hi chalti hai?

uttar:- pavitrata ki raakhi baandh sabko patit se paavan banaane ke liye baap maataaon par gyaan ka kalash rakhte hain। rakshaabandhan ka bhi bhaarat mein hi rivaaz hai। behen bhaai ko raakhi baandhati hai। yeh pavitrata ki nishaani hai। baap kehte hain bachche tum maamekam yaad karo to paavan ban paavan duniya ke maalik ban jaayenge।

geet:- bholenaath se niraala…

om shanti। yeh hai bholenaath ki mahima, jiske liye kehte hain dene vaala hai। tum bachche jaante ho shri lakshmi-naaraayan ko yeh raajya-bhaagya kisne diya। zaroor bhagwan ne diya hoga kyonki svarga ki sthaapna to vahi karte hain। svarga ki baadshaahi bholenaath ne jaise lakshmi-naaraayan ko di vaise hi shreekrishna ko di। raadhe-krishna athva lakshmi-naaraayan ki baat to ek hi hai। parantu raajdhaani hai nahin। unhon ko sivaae parampita paramatma ke koi raajya de nahin sakte। unhon ka janma svarga mein hi kahenge। yeh tum bachche hi jaante ho। tum bachche hi janmaashtami par samjhaayenge। shreekrishna ki janmaashtami hai to raadhe ki bhi honi chaahiye kyonki donon svarga ke vaasi the। raadhe-krishna hi svayanvar ke baad lakshmi-naaraayan bante hain। mukhya baat ki unhon ko yeh raajya kisne diya। yeh raajayog kab aur kisne sikhaaya? svarga mein to nahin sikhaaya hoga। satayug mein to woh hai hi uttam purush। kaliyug ke baad hota hai satayug। to zaroor kaliyug ant mein raajayog seekhe honge। jo phir naye janma mein raajaai praapta ki। puraani duniya se nai paavan duniya banti hai। zaroor patit-paavan hi aaya hoga। ab sangamayug par kaun-sa dharma hota hai, yeh kisko pata nahin। puraani duniya aur nai duniya ka yeh hai purushottam sangamayug, jo gaaya hua hai। yeh lakshmi-naaraayan hain nai duniya ke maalik। inhon ki aatma ko aage janma mein parampita paramatma ne raajayog sikhaaya। jis purushaartha ki praalabdha phir se naye janma mein milti hai, inka naam hi hai kalyaankaari purushottam sangamayug। zaroor bahut janmon ke ant ke janma mein hi inhon ko koi ne raajayog sikhaaya hoga। kaliyug mein hain anek dharma, satayug mein tha ek devi-devta dharma। sangam par kaun-sa dharma hai, jisse yeh purushaartha kar raajayog seekhe aur satayug mein praalabdha bhogi। samjha jaata hai sangamayug par brahma dvaara brahman hi paida hue। chitra mein bhi hai brahma dvaara sthaapna, krishnapuri ki। vishnu athva naaraayanpuri kaho, baat to ek hi hai। abhi tum jaante ho ham krishnapuri ke maalik bante hain, is padhaai se aur paavan banne se। shiv bhagvaanuvaach hai na। shreekrishna ki aatma hi bahut janmon ke ant ke janma mein phir yeh banti hai। 84 janma lete hain na। yeh hai 84 vaan janma, inka hi phir brahma naam rakhte hain। nahin to phir brahma kahaan se aaya। eeshvar ne rachna rachi to brahma-vishnu-shankar kahaan se aaye। kaise racha? kya chhu mantra kiya jo paida ho gaye। baap hi unhon ki history bataate hain। adopt kiya jaata hai to naam badalte hain। brahma naam to nahin tha na। kehte hain bahut janmon ke ant mein....... to zaroor patit manushya hua। brahma kahaan se aaya, kisko bhi pata nahin hai। bahut janmon ke ant ka janma kiska hua? vo to lakshmi-naaraayan ne hi bahut janma liye hain। naam, roop, desh, kaal badalta jaata hai। shreekrishna ke chitra mein 84 janmon ki kahaani clear likhi hui hai। janmaashtami par shreekrishna ke chitra bhi bahut bikte honge kyonki shreekrishna ke mandir mein to sab jaayenge na। raadhe-krishna ke mandir mein hi jaate hain। shreekrishna ke saath raadhe zaroor hogi। raadhe-krishna, prince-princess hi lakshmi-naaraayan mahaaraaja-mahaaraani bante hain। unhon ne hi 84 janma liye phir ant ke janma mein brahma-sarasvati bane। bahut janmon ke ant mein baap ne pravesh kiya। aur inko hi kehte hain tum apne janmon ko nahin jaante ho। tum pahle janma mein lakshmi-naaraayan the। phir yeh janma liya unhonne arjun ka naam kah diya hai। arjun ko raajayog sikhaaya। arjun ko alag kar diya hai। parantu unka naam arjun hai nahin। brahma ka jeevan charitra chaahiye na। parantu brahma aur braahmanon ka varnan kahaan bhi hai nahin। yeh baaten baap hi baith samjhaate hain। sab bachche sunenge phir bachche auron ko samjhaayenge। katha sunkar phir auron ko baith sunaate hain। tum bhi sunte ho phir sunaate ho। yeh hai purushottam sangamayug, leap yug। extra yug। purushottam maas padta hai to 13 maas ho jaate hain। is sangamayug ke tyohaar hi har varsha manaate hain। is purushottam sangamayug ka kisko pata nahin hai। is sangamayug par hi baap aakar pavitra banaane ki pratigya karaate hain। patit duniya se paavan duniya ki sthaapna karte hain। rakshaabandhan ka bhi bhaarat mein hi rivaaj hai। behen bhaai ko raakhi baandhati hai। parantu woh kumaari bhi phir apvitra ban jaati hai। abhi baap ne tum maataaon par gyaan ka kalash rakha hai। jo brahmaakumaar-brahmaakumaariyaan baith pavitrata ki pratigya karaane raakhi baandhati hain। baap kehte hain maamekam yaad karo to tum paavan ban paavan duniya ke maalik ban jaayenge। baaki koi raakhi aadi baandhane ki darkaar nahin hai। yeh samjhaaya jaata hai। jaise saadhu-sanyaasi log daan maangate hain। koi kehte hain krodh ka daan do, koi kehte hain pyaaj mat khaao। jo khud nahin khaate honge woh daan lete honge। in sabse bhaari pratigya to behad ka baap karaate hain। tum paavan banna chaahte ho to patit-paavan baap ko yaad karo। dvaapar se lekar tum patit bante aaye ho, ab saari duniya paavan chaahiye, woh to baap hi bana sakte hain। sarva ka gati-sadgati daata koi manushya ho nahin sakta। baap hi paavan banne ki pratigya lete hain। bhaarat paavan svarga tha na। patit-paavan woh parampita paramatma hi hai। shreekrishna ko patit-paavan nahin kahenge। unka to janma hota hai। unke to maa-baap bhi dikhaate hain। ek shiv ka hi alaukik janma hai। woh khud hi apna parichay dete hain ki main saadhaaran tan mein pravesh karta hoon। shareer ka aadhaar zaroor lena pade। main gyaan ka saagar patit-paavan, raajayog sikhlaane vaala hoon। baap hi svarga ka rachayita hai aur narka ka vinaash karaate hain। jab svarga hai to narka nahin। abhi poora raurav narka hai, jab bilkul tamopradhaan narka banta hai tab hi baap aakar satopradhaan svarga banaate hain। 100 pratishat patit se 100 pratishat paavan banaate hain। pahla janma zaroor satopradhaan hi milega। bachchon ko vichaar saagar manthan kar bhaashan karna hai। samjhaana phir har ek ka alag-alag hoga। baap bhi aaj ek baat, kal phir doosri baat samjhaayenge। ek jaisi samjhaani to ho na sake। samjho tape se koi accurate sune bhi parantu phir accurate suna nahin sakenge, farka zaroor padta hai। baap jo sunaate hain, tum jaante ho drama mein saari noondh hai। akshar by akshar jo kalpa pahle sunaaya tha woh phir aaj sunaate hain। yeh record bhara hua hai। bhagwan khud kehte hain mainne jo 5 hazaar varsha pahle hoobhu akshar by akshar sunaaya hai vahi sunaata hoon। yeh shoot kiya hua drama hai। ismen farka zara bhi nahin pad sakta। itni chhoti aatma mein record bhara hua hai। ab shreekrishna janmaashtami kab hui thi, yeh bhi bachche samajhte hain। aaj se 5 hazaar varsha se kuchh din kam kahenge kyonki abhi padh rahe hain। nai duniya ki sthaapna ho rahi hai। bachchon ke dil mein kitni khushi hai। tum jaante ho shreekrishna ki aatma ne 84 ka chakra lagaaya hai। ab phir shreekrishna ke naam-roop mein aa rahi hai। chitra mein dikhaaya hai - puraani duniya ko laat maar rahe hain। nai duniya haath mein hai। abhi padh rahe hain isliye kaha jaata hai - shreekrishna aa rahe hain। zaroor baap bahut janmon ke ant mein hi padhaayenge। yeh padhaai poori hogi to shreekrishna janma lenge। baaki thoda time hai padhaai ka। zaroor anek dharmon ka vinaash hone baad shreekrishna ka janma hua hoga। so bhi ek shreekrishna to nahin, saari shreekrishnapuri hogi। yeh brahman hi hain jo phir yeh raajayog seekh devta pad paayenge। devtaayen bante hi hain knowledge se। baap aakar manushya se devta banaate hain - padhaai se। yeh paathshaala hai, ismen sabse jaasti time lagta hai। padhaai to sahaj hai। baaki yog mein hai mehnat। tum bata sakte ho shreekrishna ki aatma ab raajayog seekh rahi hai - parampita paramatma dvaara। shivbaaba brahma dvaara ham aatmaon ko padha rahe hain, vishnupuri ka raajya dene। ham prajaapita brahma ke bachche brahman-braahmaniyaan hain। yeh hai sangamayug। yeh bahut chhota-sa yug hai। choti sabse chhoti hoti hai na। phir unse bada mukh, unse badi baanhen, unse bada pet, unse badi taange। viraat roop dikhaate hain, parantu uski samjhaani koi nahin dete। tum bachchon ko yeh 84 janmon ke chakra ka raaz samjhaana hai, shivjayanti ke baad hai shreekrishna jayanti।

tum bachchon ke liye yeh hai sangamayug। tumhaare liye kaliyug poora ho gaya। baap kehte hain - meethe bachchon, ab main aaya hoon tumko sukhdhaam, shantidham le jaane liye। tum sukhdhaam ke rahvaasi the phir duhkhadhaam mein aaye। pukaarte ho baba aao, is puraani duniya mein। tumhaari duniya to nahin hai। abhi tum kya kar rahe ho? yogbal se apni duniya sthaapan kar rahe ho। kaha bhi jaata hai ahinsa parmo devi-devta dharma। tumko ahinsak banna hai। na kaam kataari chalaani hai, na ladna-jhagadna hai। baap kehte hain main har 5 hazaar varsha baad aata hoon। laakhon varsha ki baat hi nahin। baap kehte hain yagya, tap, daan, punya aadi karte tum neeche girte aaye ho। gyaan se hi sadgati hoti hai। manushya to kumbhakran ki neend mein soye hue hain, jo jagte hi nahin isliye baap kehte hain main kalpa-kalpa aata hoon, mera bhi drama mein part hai। part bigar main bhi kuchh nahin kar sakta hoon। main bhi drama ke bandhan mein hoon। poore time par aata hoon। drama ke plan anusaar main tum bachchon ko vaapis le jaata hoon। ab kehta hoon manamnaabhav। parantu inka bhi arth koi nahin jaante hain। baap kehte hain deh ke sarva sambandh chhod maamekam yaad karo to tum paavan ban jaayenge। bachche mehnat karte rehte hain baap ko yaad karne ki। yeh hai eeshvareey vishwa vidyaalay, saare vishwa ko sadgati dene vaala doosra koi eeshvareey vishwa vidyaalay ho na sake। eeshvar baap khud aakar saare vishwa ko change kar dete hain। hell se heaven banaate hain। jis par phir tum raajya karte ho। shiv ko babulnaath bhi kehte hain kyonki woh aakar tumko kaam kataari se chhudaae paavan banaate hain। bhakti maarga mein to bahut show hai, yahaan to shant mein yaad karna hai। woh anek prakaar ke hathayog aadi karte hain। unka to nivritti maarga hi alag hai। woh brahm ko maante hain। brahm yogi tatva yogi hain। woh to ho gaya aatmaon ke rahne ka sthaan, jisko brahmaanda kaha jaata hai। woh phir brahm ko bhagwan samajh lete hain। usmein leen ho jaayenge। goya aatma ko mortal bana dete hain। baap kehte hain main hi aakar sarva ki sadgati karta hoon। shivbaaba hi sarva ki sadgati karte, to woh hai heere jaisa। phir tumko golden ej mein le jaate hain। tumhaara bhi yeh heere jaisa janma hai phir golden ej mein aate ho। yeh knowledge tumko baap hi aakar padhaate hain jisse tum devta bante ho। phir yeh knowledge praayah lop ho jaati hai। in lakshmi-naaraayan mein bhi rachta aur rachna ki knowledge nahin hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraani duniya me rehte double ahinsak ban yogbal se apni nai duniya sthaapan karni hai। apna jeevan heere jaisa banaana hai।

2) baap jo sunaate hain us par vichaar saagar manthan kar doosron ko sunaana hai। sada nasha rahe ki yeh padhaai poori hogi to ham krishnapuri mein jaayenge।

vardaan:- apvitrata ke naam nishaan ko bhi samaapta kar his holiness ka title praapta karne vaale holeehans bhav

jaise hans kabhi bhi kankad nahin chugte, ratna dhaaran karte hain। aise holeehans kisi ke avgun arthaat kankad ko dhaaran nahin karte। ve vyartha aur samartha ko alag kar vyartha ko chhod dete hain, samartha ko apna lete hain। aise holeehans hi pavitra shuddh aatmaayen hain, unka aahaar, vyavhaar sab shuddh hota hai। jab ashuddhi arthaat apvitrata ka naam nishaan bhi samaapta ho jaae tab bhavishya mein his holiness ka title praapta ho isliye kabhi galti se bhi kisi ke avgun dhaaran nahin karna।

slogan:- sarvansh tyaagi woh hai jo puraane svabhaav sanskaar ke vansh ka bhi tyaag karta hai।

avyakt ishaare - sahajyogi banna hai to parmaatma pyaar ke anubhvi bano

koi bhi kaarya karte baap ki yaad mein lavleen raho। kisi bhi baat ke vistaar mein na jaakar, vistaar ko bindi lagaae bindi mein sama do, bindi ban jaao, bindi laga do, to saara vistaar, saari jaal second mein sama jaayegi aur samay bach jaayega, mehnat se chhoot jaayenge। bindi ban bindi mein lavleen ho jaayenge।