Daily Murli for Tuesday 9 September 2025

09-09-2025 praatahmurli om shanti "baapdaada"' madhuban

“meethe bachche - apne oopar aapehi kripa karni hai, padhaai mein gallop karo, koi bhi vikarma karke apna register kharaab nahin karo''

prashn:- is oonchi padhaai mein paas hone ke liye mukhya shiksha kaun-si milti hai? uske liye kis baat par vishesh attention chaahiye?

uttar:- is padhaai mein paas hona hai to aankhen bahut-bahut pavitra honi chaahiye kyonki yeh aankhen hi dhokha deti hain, yahi criminal banti hain। shareer ko dekhne se hi karmendriyon mein chanchalta aati hai isliye aankhen kabhi bhi criminal na hon, pavitra banne ke liye bhaai-behen hokar raho, yaad ki yaatra par poora-poora attention do।

geet:- dheeraj dhar manuva…

om shanti। kisne kaha? behad ke baap ne behad ke bachchon ko kaha। jaise koi manushya beemaari mein hota hai to unko aathat diya jaata hai ki dheeraj dharo - tumhaare sab duhkh door ho jaayenge। unko khushi mein laane ke liye aathat diya jaata hai। ab woh to hain had ki baaten। yeh hai behad ki baat, inke kitne dher bachche honge। sabko duhkh se chhudaana hai। yeh bhi tum bachche hi jaante ho। tumko bhoolna nahin chaahiye। baap aaye hain sarva ki sadgati karne। sarva ka sadgati daata hai to iska matlab sabhi durgati mein hain। saari duniya ke manushya maatra, unmein bhi khaas bhaarat aam duniya kaha jaata hai। khaas tum sukhdhaam mein jaayenge। baaki sab shantidham mein chale jaayenge। buddhi mein aata hai - barobar ham sukhdhaam mein the to aur dharma vaale shantidham mein the। baba aaya tha, bhaarat ko sukhdhaam banaaya tha। to advertisement bhi aisi karni chaahiye। samjhaana hai har 5 hazaar varsha baad niraakaar shivbaaba aate hain। woh sabhi ka baap hai। baaki sab brothers hain। brothers hi purushaartha karte hain father se varsa lene। aise to nahin fathers purushaartha karte hain। sab fathers hon to phir varsa kisse lenge? kya brothers se? yeh to ho na sake। abhi tum samajhte ho - yeh to bahut sahaj baat hai। satayug mein ek hi devi-devta dharma hota hai। baaki sab aatmaayen muktidhaam mein chali jaati hain। world ki history-geography repeat kehte hain to zaroor ek hi history-geography hai jo repeat hoti hai। kaliyug ke baad phir satayug hoga। donon ke beech mein phir sangamayug bhi zaroor hoga। isko kaha jaata hai supreme, purushottam kalyaankaari yug। abhi tumhaari buddhi ka taala khula hai to samajhte ho yeh to bahut sahaj baat hai। nai duniya aur puraani duniya। puraane jhaad mein zaroor bahut patte honge। naye jhaad mein thode patte honge। woh hai satopradhaan duniya, inko tamopradhaan kahenge। tumhaara bhi nambarvaar purushaartha anusaar buddhi ka taala khula hai kyonki sab yathaartha reeti baap ko yaad nahin karte hain। to dhaarna bhi nahin hoti hai। baap to purushaartha karaate hain, parantu takdeer mein nahin hai। drama anusaar jo achhi reeti padhenge padhaayenge, baap ke madadgaar banenge, har haalat mein oonch pad vahi paayenge। school mein student bhi samajhte hain ham kitne marks se paas honge। teevravegi jor se purushaartha karte hain। tuition ke liye teacher rakhte hain ki kaise bhi karke paas hoven। yahaan bhi bahut gallop karna hai। apne oopar kripa karni hai। baba se agar koi poochhe ab shareer chhoote to is haalat mein kya pad paayenge? to baba jhat bataayenge। yeh to bahut sahaj samajhne ki baat hai। jaise had ke student samajhte hain, behad ke student bhi samajh sakte hain। buddhi se samajh sakte hain - hamse ghadi-ghadi yeh bhoolen hoti hain, vikarma hota hai। register kharaab hoga to result bhi aisi niklegi। har ek apna register rakhe। yoon to drama anusaar sab noondh ho hi jaati hai। khud bhi samajhte hain hamaara register to bahut kharaab hai। na samajh saken to baba bata sakte hain। school mein register aadi sab rakha jaata hai। inka to duniya mein kisko pata nahin hai। naam hai geeta paathshaala। ved paathshaala kabhi nahin kahenge। ved upnishad granth aadi kiski bhi paathshaala nahin kahenge। paathshaala mein em object hai। ham bhavishya mein yeh banenge। koi ved shaastra bahut padhte hain to unko bhi title milta hai। kamaai bhi hoti hai। koi-koi to bahut kamaai karte hain। parantu woh koi avinaashi kamaai nahin hai, saath nahin chalti hai। yeh sachchi kamaai saath chalni hai। baaki sab khatma ho jaati hain। tum bachche jaante ho ham bahut-bahut kamaai kar rahe hain। ham vishwa ke maalik ban sakte hain। sooryavanshi dynasty hai to zaroor bachche takhta par baithenge। bahut oonch pad hai। tumko svapna mein bhi nahin tha ki ham purushaartha kar raajya pad paayenge। isko kaha jaata hai raajayog। woh hota hai bairistari yog, doktari yog। padhaai aur padhaane vaala yaad rehta hai। yahaan bhi yeh hai - sahaj yaad। yaad mein hi mehnat hai। apne ko dehi-abhimaani samajhna pade। aatma mein hi sanskaar bharte hain। bahut aate hain jo kehte hain ham to shivbaaba ki pooja karte the parantu kyon pooja karte hain, yeh nahin jaante। shiv ko hi baba kehte hain। aur kisko baba nahin kahenge। hanoomaan, ganesh aadi ki pooja karte hain, brahma ki pooja hoti nahin। ajmer mein bhal mandir hai। vahaan ke thode brahman log pooja karte honge। baaki gaayan aadi kuchh nahin। shreekrishna ka, lakshmi-naaraayan ka kitna gaayan hai। brahma ka naam nahin kyonki brahma to is samay saanvara hai। phir baap aakar inko adopt karte hain। yeh bhi bahut sahaj hai। to baap bachchon ko bhinna-bhinna prakaar se samjhaate hain। buddhi mein yeh rahe shivbaaba hamko suna rahe hain। woh baap bhi hai, teacher, guru bhi hai। shivbaaba gyaan ka saagar hamko padhaate hain। abhi tum bachche trikaaldarshi bane ho। gyaan ka teesra netra tumko milta hai। yeh bhi tum samajhte ho aatma avinaashi hai। aatmaon ka baap bhi avinaashi hai। yeh bhi duniya mein koi nahin jaante। woh to sab pukaarte hi hain - baba hamko patit se paavan banaao। aise nahin kehte ki world ki history-geography aakar sunaao। yeh to baap khud aakar sunaate hain। patit se paavan phir paavan se patit kaise banenge? history repeat kaise hogi, woh bhi bataate hain। 84 ka chakra hai। ham patit kyon bane hain phir paavan ban kahaan jaane chaahte hain। manushya to sannyaasi aadi ke paas jaakar kahenge man ki shanti kaise ho? aise nahin kahenge ham sampoorn nirvikaari paavan kaise banen? yeh kahne mein lajja aati hai। abhi baap ne samjhaaya hai - tum sab bhaktiyaan ho। main hoon bhagwan, bridegroom। tum ho brides। tum sab mujhe yaad karte ho। main musaaphir bahut beautiful hoon। saari duniya ke manushya maatra ko khoobsoorat banaata hoon। wonder oph world svarga hi hota hai। yahaan 7 wonders ginte hain। vahaan to wonder oph world ek hi svarga hai। baap bhi ek, svarga bhi ek, jisko sabhi manushya maatra yaad karte hain। yahaan to kuchh bhi wonder hai nahin। tum bachchon ke andar dheeraj hai ki ab sukh ke din aa rahe hain।

tum samajhte ho is puraani duniya ka vinaash ho tab to raajaai mile svarga ki। abhi ajun raajaai sthaapan nahin hui hai। haan, praja banti jaati hai। bachche aapas mein raay karte hain, service ki vriddhi kaise ho? sabko paigaam kaise deven? baap aadi sanaatan devi-devta dharma ki sthaapna karte hain। baaki sabka vinaash karaate hain। aise baap ko yaad karna chaahiye na। jo baap hamko raajtilak ka hakdaar banaae baaki sabka vinaash kara dete hain। natural calamities bhi drama mein noondhi hui hai। is bigar duniya ka vinaash ho nahin sakta। baap kehte hain abhi tumhaara imtahaan bahut nazdeek hai, mrityulok se amarlok transfer hona hai। jitna achhi reeti padhenge padhaayenge, utna oonch pad paayenge kyonki praja apni banaate ho। purushaartha kar sabka kalyaan karna chaahiye। charity begins at hom। yeh kaayda hai। pahle mitra-sambandhi biraadri aadi vaale hi aayenge। peechhe public aati hai। shuru mein hua bhi aise। aahiste-aahiste vriddhi hui phir bachchon ke rahne ke liye bada makaan bana jisko omnivaas kehte the। bachche aakar padhne lage। yeh sab drama mein noondh thi, jo phir repeat hoga। isko koi badal thode hi sakta hai। yeh padhaai kitni oonch hai। yaad ki yaatra hi mukhya hai। mukhya aankhen hi bada dhokha deti hain। aankhen criminal banti hain tab shareer ki karmendriyaan chanchal hoti hain। koi achhi bachchi ko dekhte hain, to bas usmein phans padte hain। aise bahut duniya mein case hote hain। guru ki bhi criminal aai ho jaati hai। yahaan baap kehte hain criminal aai bilkul nahin honi chaahiye। bhaai-behen hokar rahenge tab pavitra rah sakenge। manushyon ko kya pata woh to hansi karenge। shaastron mein to yeh baaten hain nahin। baap kehte hain yeh gyaan praayah lop ho jaata hai। peechhe dvaapar se yeh shaastra aadi bane hain। ab baap mukhya baat kehte hain ki alpha ko yaad karo to vikarma vinaash ho jaaen। apne ko aatma samjho। tum 84 ka chakra lagaakar aaye ho। abhi phir tumhaari aatma devta ban rahi hai। chhoti-si aatma mein 84 janmon ka avinaashi part bhara hua hai, wonder hai na। aise wonder oph world ki baaten baap hi aakar samjhaate hain। koi ka 84 ka, koi ka 50-60 janmon ka part hai। parampita paramatma ko bhi part mila hua hai। drama anusaar yeh anaadi avinaashi drama hai। shuru kab hua, banda kab hoga - yeh nahin kah sakte kyonki yeh anaadi avinaashi drama hai। yeh baaten koi jaante nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) abhi imtahaan ka samay bahut nazdeek hai isliye purushaartha kar apna aur sarva ka kalyaan karna hai, padhna aur padhaana hai, charity begins at hom।

2) dehi-abhimaani ban avinaashi, sachchi kamaai jama karni hai। apna register rakhna hai। koi bhi aisa vikarma na ho jisse register kharaab ho jaae।

vardaan:- sarva ko umang-utsaah ka sahayog de shaktishaali banaane vaale sachche sevaadhaari bhav

sevaadhaari arthaat sarva ko umang-utsaah ka sahayog dekar shaktishaali banaane vaale। abhi samay kam hai aur rachna jyaada se jyaada aane vaali hai। sirf itni sankhya mein khush nahin ho jaana ki bahut aa gaye। abhi to bahut sankhya badhni hai isliye aapne jo paalna li hai uska return do। aane vaali nirbal aatmaon ke sahayogi ban unhein samartha, achal adol banaao tab kahenge sachche sevaadhaari।

slogan:- rooh ko jab, jahaan aur jaise chaaho sthit kar lo - yahi roohaani drill hai।

avyakt ishaare - ab lagan ki agni ko prajvalit kar yog ko jvaala roop banaao

powerful man ki nishaani hai - second mein jahaan chaahe vahaan pahunch jaae। man ko jab udna aa gaya, practice ho gai to second mein jahaan chaahe vahaan pahunch sakta hai। abhi-abhi saakaar vatan mein, abhi-abhi paramdham mein, second ki raphtaar hai - ab isi abhyaas ko badhaao।