Daily Murli for Thursday 15 January 2026

15-01-2026 praatahmurli om shanti "baapdaada"' madhuban

“meethe bachche - tumhaare mukh se kabhi bhi he eeshvar, he baba shabd nahin nikalna chaahiye, yeh to bhakti maarga ki practice hai''

prashn:- tum bachche saphed dress pasanda kyon karte ho? yeh kis baat ka prateek hai?

uttar:- abhi tum is puraani duniya se jeete ji mar chuke ho isliye tumhein saphed dress pasanda hai। yeh saphed dress maut ko siddha karta hai। jab koi marta hai to us par bhi saphed kapda daalte hain, tum bachche bhi abhi marjeeva bane ho।

om shanti। roohaani baap baith bachchon ko samjhaate hain, roohaani akshar na kah sirf baap kahen to bhi theek hai। baap baith bachchon ko samjhaate hain। sab apne ko bhaai-bhaai to kehte hi hain। to baap baith samjhaate hain bachchon ko। sabhi ko to nahin samjhaate honge। sab apne ko bhaai-bhaai kehte hi hain। geeta mein likha hua hai - bhagvaanuvaach। ab bhagvaanuvaach kiske prati? bhagwan ke hain sab bachche। woh baap hai to bhagwan ke bachche sab brothers hain। bhagwan ne hi samjhaaya hoga, raajayog sikhaaya hoga। abhi tumhaari buddhi ka taala khula hua hai। duniya mein aur kisi ke bhi aise khyaalaat nahin chal sakte। jin-jin ko sandesh milta jaayega woh school mein aate jaayenge, padhte jaayenge। samjhenge pradarshani to dekhi, ab jaakar kuchh jyaada sune। pahli-pahli mukhya baat hai gyaan ka saagar, patit-paavan geeta gyaan daata shiv bhagvaanuvaach pahle-pahle unko yeh pata pade ki inhon ko sikhlaane vaala athva samjhaane vaala kaun hai! woh supreme soul gyaan ka saagar niraakaar hai। woh to hai hi satya। (truth) woh satya hi bataayenge। phir usmein aur koi prashn uth nahin sakta। pahle-pahle to is par samjhaana hai, hamko parampita paramatma brahma dvaara raajayog sikhlaate hain। yeh raajaai pad hai। jisko nishchay ho jaayega ki jo sabka baap hai, woh paarlaukik baap baith samjhaate hain, vahi sabse badi authority hai to phir doosra koi prashn uth hi nahin sakta। woh hai patit-paavan to jab woh yahaan aate hain to zaroor apne time par aate honge। tum dekhte bhi ho - yeh vahi mahaabhaarat ladaai hai। vinaash ke baad phir viceless duniya honi hai। yeh hai vicious duniya। yeh manushya nahin jaante ki bhaarat hi viceless tha। kuchh bhi buddhi chalti nahin। gaadrej ka taala laga hua hai। uski chaabi ek baap ke paas hi hai isliye unko hi gyaan daata, divya chakshu vidhaata kaha jaata hai। gyaan ka teesra netra dete hain। yeh kisko pata nahin hai ki tumko padhaane vaala kaun hai। daada samajh lete hain tab teeka karte hain। kuchh na kuchh bolte hain - isliye pahli-pahli baat hi yeh samjhaao। ismen likha hua bhi hai - shiv bhagvaanu-vaach। woh to hai hi truth।

baap samajhte hain main patit-paavan shiv hoon। main paramdham se aaya hoon, in saaligraamon ko padhaane। baap hai hi knowledgeful। srishti ke aadi-madhya-ant ka raaz samjhaate hain। yeh shiksha abhi tumko hi behad ke baap se mil rahi hai। vahi srishti ke rachayita hain। patit srishti ko paavan banaane vaale hain। bulaate bhi hain he patit-paavan aao to pahle-pahle uska hi parichay dena hai। us parampita paramatma ke saath aapka kya sambandh hai? woh hai hi satya। nar se naaraayan banne ki satya knowledge dete hain। bachche jaante hain baap satya hai, baap hi sachkhanda banaate hain। tum nar se naaraayan banne yahaan aate ho। barrister paas jaayenge to samjhenge ham barrister banne aaye hain। abhi tumko nishchay hai ki humein bhagwan padhaate hain। kai nishchay karte bhi hain phir sanshaybuddhi ho jaate hain to unko sab manushya kehte hain tum to kehte the, bhagwan padhaate hain phir bhagwan ko chhod kyon aaye ho? sanshay aane se hi bhaaganti ho jaate hain। koi na koi vikarma karte hain। bhagvaanuvaach kaam mahaashatru hai, in par jeet paane se hi tum jagatjeet banenge। jo paavan banenge vahi paavan duniya mein chalenge। yahaan hai hi raajayog ki baat। tum jaakar vahaan raajaai karenge। baaki jo bhi aatmaayen hain woh apna hisaab-kitaab chuktu kar vaapis apne ghar chali jaayengi। yeh kayaamat ka samay hai। ab yeh buddhi kehti hai satayug ki sthaapna zaroor honi hai। paavan duniya satayug ko kaha jaata hai। baaki sab muktidhaam mein chale jaayenge। unko phir apna part repeat karna hai। tum bhi apna purushaartha karte rehte ho। paavan ban aur paavan duniya ka maalik banne ke liye। maalik to sab apne ko samjhenge na। praja bhi maalik hai। abhi praja bhi kehti hai na - hamaara bhaarat। bade te bade manushya sannyaasi aadi bhi kehte hamaara bhaarat। tum samajhte ho is samay bhaarat mein sabhi narkavaasi hain। abhi ham svargavaasi banne ke liye yeh raajayog seekh rahe hain। sab to svargavaasi nahin banenge। yeh abhi gyaan aaya hai। vo log jo sunaate hain, shaastra sunaate hain। woh hain shaastron ki authority। baap kehte hain yeh bhakti maarga ke ved shaastra aadi sab padhne se seedhi neeche utarte jaate hain। yeh sab hai bhakti maarga। baap kehte hain jab bhakti maarga poora hoga tab hi main aaoonga। mujhe hi aakar sab bhakton ko bhakti ka phal dena hai। majority to bhakton ki hai। sab pukaarte rehte hain na - he god father। bhakton ke mukh se O god father, he bhagwan zaroor niklega। ab bhakti aur gyaan mein to farka hai। tumhaare mukh se kabhi he eeshvar, he bhagwan yeh akshar nahin niklenge। manushyon ko to yeh aadhaakalpa ki practice padi hui hai। tum jaante ho woh to hamaara baap hai, tumko he baba thode hi karna hai। baap se to tumko varsa lena hai। pahle to yeh nishchay hai ham baap se varsa lete hain। baap bachchon ko varsa lene ka adhikaari banaate hain। yeh to sachcha baap hai na। baap jaante hain - yeh hamaare bachche hain, jinhon ko ham gyaan amrit pilaae, gyaan chita par bithaae ghor neend se jagaae svarga mein le jaata hoon। baap ne samjhaaya hai - aatmaayen vahaan shantidham aur sukhdhaam mein rehti hain। sukhdhaam ko kaha jaata hai viceless world। sampoorn nirvikaari devtaayen hain na। aur woh hai sweet hom। tum jaan gaye ho ki hamaara hom woh hai, ham actors us shantidham se aate hain - yahaan part bajaane। ham aatmaayen yahaan ke rahvaasi nahin hain। woh actors yahaan ke rahvaasi hote hain। sirf ghar se aakar dress badalkar part bajaate hain। tum to samajhte ho hamaara ghar shanti-dhaam hai, vahaan ham phir vaapis jaate hain। jab sabhi actors stage par aa jaate hain tab phir baap aakar sabhi ko le jaayenge, isliye unko liberator, guide bhi kaha jaata hai। duhkh harta sukh karta hai to itne sab manushya kahaan jaayenge। vichaar karo - patit-paavan ko bulaate hain। kislie? apni maut ke liye, duhkh ki duniya mein rahne nahin chaahte hain, isliye kehte hain ghar chalo। yeh sab mukti ko hi maanne vaale hain। bhaarat ka praacheen raajayog bhi kitna mashhoor hai। vilaayat mein bhi jaate hain praacheen raajayog sikhlaane। vaastav mein hathayogi to raajayog jaante hi nahin। unhon ka yog hi wrong hai isliye tumhein jaakar sachcha raajayog sikhaana hai। manushya ko sannyaasiyon ki kaphni dekh unhon ko kitna maan dete hain। bauddha dharma mein bhi sannyaasiyon ko, kaphni pahni hui dekh unko maante hain। sannyaasi to baad mein hote hain। bauddha dharma mein bhi shuru mein koi sannyaasi nahin hote hain। jab paap badhta hai tab sannyaas dharma sthaapan hota hai। shuru mein to woh aatmaayen oopar se aati hain। unki sankhya aati hai। shuru mein sannyaas sikhlaakar kya karenge, sannyaas hota hai baad mein। yeh bhi yahaan se kaapi karte hain। Christian mein bhi bahut hain jo sannyaasiyon ka maan rakhte hain। kaphni ki jo paharvaais hai, woh hathayogiyon ki hai। tumko to gharbaar chhodna nahin hai। na koi saphed kapde ka bandhan hai parantu saphed achha hai। tum bhatthi mein rahe ho to dress bhi yeh ho gai hai। aajkal saphed bahut pasanda karte hain। manushya marte hain to bhi saphed chaadar daalte hain। tum bhi abhi marjeeva bane ho to saphed dress achhi hai।

to pahle koi ko bhi baap ka parichay dena hai। do baap hain, yeh baaten samajhne mein time lete hain। pradarshani mein itna samjha nahin sakenge। satayug mein hota hai ek baap। is samay tumko 3 baap hain kyonki bhagwan aate hain prajaapita brahma ke tan mein, woh bhi to baap hai sabka। laukik baap bhi hai। achha ab teenon baap se oonch varsa kiska? niraakaar baap varsa kaise de। woh phir dete hain brahma dvaara। is chitra par tum bahut achhi reeti samjha sakte ho। shivbaaba niraakaar hai aur yeh hai prajaapita brahma aadi dev, great great grand father। baap kehte hain mujh shiv ko tum great-great grand father nahin kahenge। main sabhi ka baap hoon। yeh hai prajaapita brahma। tum ho gaye sab behen bhaai। bhal stri purush hain parantu buddhi se jaante hain ham bhaai-behen hain। baap se varsa lete hain। bhaai-behen aapas mein criminal assault kar na saken। agar donon ki aapas mein vikaari drishti kheenchati hai to phir gir padte hain। baap ko bhool jaate hain। baap kehte hain tum hamaara bachcha ban phir munh kaala karte ho। behad ka baap bachchon ko baith samjhaate hain। tumko yeh nasha chadha hua hai। jaante ho grihastha vyavhaar mein bhi rehna hai। laukik sambandhiyon ko bhi munh dena hai, tod nibhaana hai। laukik baap ko to tum baap kahenge na। unko to tum bhaai nahin kah sakte ho। ordinary ve mein baap ko baap hi kahenge। buddhi mein hai yeh hamaara laukik baap hai। gyaan to hai na। yeh gyaan bada vichitra hai। aajkal karke naam bhi le lete hain parantu koi visitor aadi baahar ke aadmi ke saamne bhaai kah do to woh samjhenge inka maatha kharaab hua hai। ismen badi yukti chaahiye। tumhaara gupta gyaan hai, gupta sambandh hai। ismen bada yukti se chalna hai। lekin ek do ko regard dena achha hai। laukik se bhi tod nibhaana hai। buddhi chali jaani chaahiye oopar। ham baba se varsa le rahe hain। baaki chaache ko chaacha, baap ko baap kehna padega। jo bi.ke. nahin bane hain to woh bhaai-behen nahin samjhenge। jo brahmaakumaar kumaariyaan bane hain vahi in baaton ko samjhenge। baahar vaale to pahle sunkar chamkenge। ismen samajhne ki badi achhi buddhi chaahiye। baap tum bachchon ki vishaalbuddhi banaate hain। tum pahle had ki buddhi mein the। ab buddhi chali jaati hai behad mein। hamaara woh behad ka baap hai। yeh sab hamaare bhaai behen hain। baaki sambandh mein to bahu ko bahu, saasu ko saasu hi kahenge, behen thode hi kahenge। aate to donon hain। ghar mein rehte bhi badi yukti se chalna hoga। lok sangrah ko bhi dekhna padta hai। nahin to woh log kahenge yeh pati ko bhaai, saasu ko behen kah dete, yeh kya seekhte hain। yeh gyaan ki baaten to tum hi jaano aur na jaane koi। kehte hain na - tumhaari gati mati tum hi jaano। ab tum uske bachche bane ho to tumhaari gati mat tum hi jaano। bada sambhalkar chalna padta hai। kahaan koi moonjhe nahin। to pradarshani mein bhi tum bachchon ko pahle-pahle yeh samjhaana hai ki hamko padhaane vaala bhagwan hai। ab bataao woh kaun hai? niraakaar shiv ya shreekrishna। shiv jayanti ke baad phir aati hai shreekrishna jayanti kyonki baap raajayog sikhlaate hain। bachchon ki buddhi mein aaya na। jab tak shiv paramatma na aaye, shiv jayanti mana na saken। jab tak shiv aakar krishnapuri sthaapan na kare to shreekrishna jayanti bhi kaise manaai jaae। shreekrishna ka janma to manaate hain parantu samajhte thode hi hain। shreekrishna prince tha to zaroor satayug mein prince hoga na। devi devtaaon ki raajdhaani hogi। sirf ek shreekrishna ko to baadshaahi nahin mili hogi। zaroor krishnapuri hogi na। kehte bhi hain krishnapuri aur yeh hai kansapuri। kansapuri khatma hui phir krishnapuri sthaapan hui na। hoti bhaarat mein hi hai। nai duniya mein thode hi yeh kans aadi ho sakte hain। kansapuri kaha jaata hai kaliyug ko। yahaan to dekho kitne manushya hain। satayug mein thode hote hain। devtaaon ne koi ladaai nahin ki। krishnapuri kaho athva vishnupuri kaho, daivi sampradaay kaho, aasuri sampradaay yahaan hai। baaki na devtaaon aur asuron ki ladaai hui, na kaurvon paandavon ki hui hai। tum raavan par jeet paate ho। baap kehte hain in 5 vikaaron par jeet pahno to tum jagatjeet ban jaayenge, ismen koi ladna nahin hai। ladne ka naam le to hinsa ho jaae। raavan par jeet paani hai, parantu nonviolence se। sirf baap ko yaad karne se hamaare vikarma vinaash hote hain। ladaai aadi ki koi baat nahin। baap kehte hain tum tamopradhaan ban gaye ho ab phir tumko satopradhaan banna hai। bhaarat ka praacheen raajayog mashhoor hai। baap kehte hain - mere saath buddhi ka yog lagaao to tumhaare paap bhasma honge। baap patit-paavan hai to unse buddhiyog lagaana hai tab tum patit se paavan ban jaayenge। ab practical mein tum unke saath yog laga rahe ho, ismen ladaai ki koi baat nahin hai। jo achhi reeti padhenge aur baap ke saath yog lagaayenge vahi baap se varsa paayenge। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bhaai-bhaai ki drishti ka abhyaas karte hue laukik bandhanon se tod nibhaana hai। badi yukti se chalna hai। vikaari drishti bilkul nahin jaani chaahiye। kayaamat ke samay sampoorn paavan banna hai।

2) baap se poora varsa lene ke liye achhi reeti padhaai karni hai aur patit-paavan baap se yog lagaakar paavan banna hai।

vardaan:- apni sampoornata ke aadhaar par samay ko sameep laane vaale master rachayita bhav

samay aapki rachna hai, aap master rachayita ho। rachayita rachna ke aadhaar par nahin hote। rachayita rachna ko adheen karte hain isliye yeh kabhi nahin socho ki samay aapehi sampoorn bana dega। aapko sampoorn ban samay ko sameep laana hai। vaise koi bhi vighna aata hai to samay pramaan jaayega zaroor lekin samay se pahle parivartan shakti dvaara use parivartan kar do - to uski praapti aapko ho jaayegi। samay ke aadhaar par parivartan kiya to uski praapti aapko nahin hogi।

slogan:- karma aur yog ka balance rakhne vaale hi sachche karmayogi hain।

avyakt ishaare - is avyakti maas mein bandhanmukta rah jeevanmukta sthiti ka anubhav karo

jab tak karmendriyon ka aadhaar hai to karma to karna hi hai, lekin karma-bandhan nahin, karma-sambandh। jeevan-mukta avastha arthaat saphalta bhi jyaada aur karma ka bojh bhi nahin। jo mukta hain vo sada hi saphaltaamoorta hain। jeevan-mukta aatma sada phalak se kahegi ki vijay nishchit hai, saphalta janmasiddha adhikaar hai।