Daily Murli for Friday 13 February 2026

13-02-2026 praatahmurli om shanti "baapdaada"' madhuban

“meethe bachche - yahaan tumhaara sab kuchh gupta hai, isliye tumhein koi bhi thaath nahin karna hai, apni nai raajdhaani ke nashe mein rehna hai''

prashn:- shreshtha dharma aur daivi karma ki sthaapna ke liye tum bachche kaun si mehnat karte ho?

uttar:- tum abhi 5 vikaaron ko chhodne ki mehnat karte ho, kyonki in vikaaron ne hi sabko bhrashta banaaya hai। tum jaante ho is samay sabhi daivi dharma aur karma se bhrashta hain। baap hi shreemat dekar shreshtha dharma aur shreshtha daivi karma ki sthaapna karte hain। tum shreemat par chal baap ki yaad se vikaaron par vijay paate ho। padhaai se apne aapko raajtilak dete ho।

geet:- tumhein paake…

om shanti। meethe-meethe roohaani bachchon ne yeh geet suna। roohaani bachche hi kehte hain ki baba। bachche jaante hain yeh behad ka baap, behad ka sukh dene vaala hai arthaat woh sabhi ka baap hai। unko sab behad ke bachche, aatmaayen yaad karte rehte hain। kis na kis prakaar se yaad karte hain parantu unko yeh pata nahin hai ki hamko koi us parampita paramatma se vishwa ki baadshaahi milti hai। tum jaante ho hamko baap jo satayugi vishwa ki baadshaahi dete hain, woh atal akhanda, adol hai, woh hamaari baadshaahi 21 janma kaayam rehti hai। saare vishwa par hamaari raajaai rehti hai jisko koi chheen nahin sakta, loot nahin sakta। hamaari raajaai hai adol kyonki vahaan ek hi dharma hai, dvet hai nahin। woh hai advait raajya। bachche jab bhi geet sunte hain to apni raajdhaani ka nasha aana chaahiye। aise-aise geet ghar mein rahne chaahiye। tumhaara sab kuchh hai gupta aur bade-bade aadmiyon ka bahut thaath hota hai। tumko koi thaath nahin hai। tum dekhte ho baba ne jismen pravesh kiya hai woh bhi kitna saadhaaran rehte hain। yeh bhi bachche jaante hain yahaan har ek manushya unrighteous chhi-chhi kaam hi karte hain, isliye besmajh kaha jaata hai। buddhi ko bilkul hi taala laga hua hai। tum kitne samajhdaar the। vishwa ke maalik the। abhi maaya ne itna besmajh bana diya hai jo koi kaam ke nahin rahe hain। baap ke paas jaane ke liye yagya-tap aadi bahut karte rehte hain parantu milta kuchh bhi nahin hai। aise hi dhakke khaate rehte hain। din-pratidin akalyaan hi hota jaata hai। jitna-jitna manushya tamopradhaan ho jaate hain, utna-utna akalyaan hona hi hai। rishi-muni jinka gaayan hai woh pavitra rehte the। neti-neti kehte the। abhi tamopradhaan ban gaye hain to kehte hain shivoham tatatvam, sarvavyaapi hai, tere-mere mein sabmen hai। vo log sirf paramatma kah dete hain। parampita kabhi nahin kahenge। parampita, unko phir sarvavyaapi kehna yeh to wrong ho jaata hai isliye phir eeshvar va paramatma kah dete। pita akshar buddhi mein nahin aata hai। karke koi kehte bhi hain to bhi kahne maatra। agar parampita samjhen to buddhi ekdam chamak uthe। baap svarga ka varsa dete hain, woh hai hi heavenly god father। phir ham narka mein kyon pade hain। ab ham mukti-jeevanmukti kaise pa sakte hain। yeh kiski bhi buddhi mein nahin aata hai। aatma patit ban padi hai। aatma pahle satopradhaan, samajhdaar hoti hai phir sato rajo tamo mein aati hai, besmajh ban padti hai। abhi tumko samajh aai hai। baba ne hamko yeh smriti dilaai hai। jab nai duniya bhaarat tha to hamaara raajya tha। ek hi mat, ek hi bhaasha, ek hi dharma, ek hi mahaaraaja-mahaaraani ka raajya tha, phir dvaapar mein vaam maarga shuru hota hai phir har ek ke karmon par madaar ho jaata hai। karmon anusaar ek shareer chhod doosra lete hain। abhi baap kehte hain main tumko aise karma sikhaata hoon jo 21 janma tum baadshaahi paate ho। bhal vahaan bhi had ka baap to milta hai parantu vahaan yeh gyaan nahin rehta ki yeh raajaai ka varsa behad ke baap ka diya hua hai। phir dvaapar se raavan raajya shuru hota hai, vikaari sambandh ho jaata hai। phir karmon anusaar janma milta hai। bhaarat mein poojya raajaayen bhi the to pujaari raajaayen bhi hain। satayug-treta mein sab poojya hote hain। vahaan pooja va bhakti koi hoti nahin phir dvaapar mein jab bhakti maarga shuru hota hai to yatha raaja-raani tatha praja pujaari, bhagat ban jaate hain। bade se bada raaja jo sooryavanshi poojya tha, vahi pujaari ban jaate।

abhi tum jo viceless bante ho, uski praalabdha 21 janma liye hai। phir bhaktimaarga shuru hota hai। devtaaon ke mandir banaakar pooja karte rehte hain। yeh sirf bhaarat mein hi hota hai। 84 janmon ki kahaani jo baap sunaate hain, yeh bhi bhaaratvaasiyon ke liye hai। aur dharma vaale to aate hi baad mein hain। phir to vriddhi hote-hote dher ke dher ho jaate hain। variety bhinna-bhinna dharma vaalon ke features, har ek baat mein bhinna-bhinna ho jaate hain। rasma-rivaaz bhi bhinna-bhinna hoti hai। bhakti maarga ke liye saamagri bhi chaahiye। jaise beej chhota hota hai, jhaad kitna bada hai। jhaad ke patte aadi ginti nahin kar sakte। vaise bhakti ka bhi vistaar ho jaata hai। dher ke dher shaastra banaate jaate hain। ab baap bachchon ko kehte hain - yeh bhakti maarga ki saamagri sab khatma ho jaati hai। ab mujh baap ko yaad karo। bhakti ka prabhaav bhi bahut hai na। kitni khoobsoorat hai, naach, tamaasha, gaayan aadi kitna kharcha karte hain। abhi baap kehte hain mujh baap ko aur varse ko yaad karo। aadi sanaatan apne dharma ko yaad karo। anek prakaar ki bhakti janma-janmaantar tum karte aaye ho। sannyaasi bhi aatmaon ke rahne ke sthaan, tatva ko paramatma samajh lete hain। brahm va tatva ko hi yaad karte hain। vaastav mein sannyaasi jab satopradhaan hain to unhon ko jangal mein jaakar rehna hai shanti mein। aise nahin ki unhon ko brahm mein jaakar leen hona hai। woh samajhte hain brahm ki yaad mein rahne se, shareer chhodne se brahm mein leen ho jaayenge। baap kehte hain - leen koi ho nahin sakte। aatma to avinaashi hai na, woh leen kaise ho sakti। bhakti maarga mein kitna maatha koot karte hain, phir kehte hain bhagwan koi na koi roop mein aayenge। ab kaun right? woh kehte ham brahm se yog lagaae brahm mein leen ho jaayenge। grihastha dharma vaale kehte bhagwan kisi na kisi roop mein patiton ko paavan banaane aayenge। aise nahin ki oopar se prerna dvaara hi sikhlaayenge। teacher ghar baithe prerna karenge kya! prerna akshar hai nahin। prerna se koi kaam nahin hota। bhal shankar ki prerna dvaara vinaash kaha jaata hai parantu hai yeh drama ki noondh। unhon ko yeh moosal aadi to banaane hi hain। yeh sirf mahima gaai jaati hai। koi bhi apne badon ki mahima nahin jaante। dharma sthaapak ko bhi guru kah dete hain lekin ve to sirf dharma sthaapan karte hain। guru unko kaha jaata jo sadgati karen। woh to dharma sthaapan karne aate hain, unke pichhaadi unki vanshaavli aati rehti hai। sadgati to kiski karte hi nahin। to unko guru kaise kahenge। guru to ek hi hai jisko sarva ka sadgati daata kaha jaata hai। bhagwan baap hi aakar sabki sadgati karte hain। mukti-jeevanmukti dete hain। unki yaad kabhi kisse chhoot nahin sakti। bhal pati se kitna bhi pyaar ho phir bhi he bhagwan, he eeshvar zaroor kahenge kyonki vahi sarva ka sadgati daata hai। baap baith samjhaate hain, yeh saari rachna hai। rachayita baap main hoon। sabko sukh dene vaala ek hi baap thahra। bhaai, bhaai ko varsa nahin de sakte। varsa hamesha baap se milta hai। tum sabhi behad ke bachchon ko behad ka varsa deta hoon isliye hi mujhe yaad karte hain - he parampita, kshama karo, raham karo। samajhte kuchh bhi nahin। bhakti maarga mein anek prakaar ki mahima karte hain, yeh bhi drama anusaar apna part bajaate rehte hain। baap kehte hain main koi inhon ke pukaarne par nahin aata hoon। yeh to drama bana hua hai। drama mein mere aane ka part noondha hua hai। anek dharma vinaash, ek dharma ki sthaapna va kaliyug ka vinaash, satayug ki sthaapna karni hoti hai। main apne samay par aapehi aata hoon। is bhakti maarga ka bhi drama mein part hai। abhi jab bhakti maarga ka part poora hua tab aaya hua hoon। bachche bhi kehte hain, abhi ham jaan gaye, 5 hajaar varsha ke baad phir se aapke saath mile hain। kalpa pahle bhi baba aap brahma tan mein hi aaye the। yeh gyaan tumko abhi milta hai phir kabhi nahin milega। yeh hai gyaan, woh hai bhakti। gyaan ki hai praalabdha, chadhti kala। second mein jeevanmukti kaha jaata hai। kehte hain janak ne second mein jeevanmukti paai। kya sirf ek janak ne jeevanmukti paai? jeevanmukti arthaat jeevan ko mukta karte hain, is raavan raajya se।

baap jaante hain sab bachchon ki kitni durgati ho gai hai। unhon ki phir sadgati honi hai। durgati se phir oonch gati, mukti-jeevanmukti ko paate hain। pahle mukti mein jaakar phir jeevanmukti mein aayenge। shanti se phir sukhdhaam mein aayenge। yeh chakra ka saara raaz baap ne samjhaaya hai। tumhaare saath aur bhi dharma aate jaate hain, manushya srishti vriddhi ko paati jaati hai। baap kehte hain is samay yeh manushya srishti ka jhaad tamopradhaan jad jadeebhoot ho gaya hai। aadi sanaatan devi-devta dharma ka foundation saara sad gaya hai। baaki sab dharma khade hain। bhaarat mein ek bhi apne ko aadi sanaatan devi-devta dharma ka samajhta nahin hai। hain devta dharma ke parantu is samay yeh samajhte nahin hain - ham aadi sanaatan devi-devta dharma ke the kyonki devtaayen to pavitra the। samajhte hain ham to pavitra hain nahin। ham apvitra patit apne ko devta kaise kahlaayen? yeh bhi drama ke plan anusaar rasam pad jaati hai hindu kahlaane ki। aadamshumaari mein bhi hindu dharma likh dete hain। bhal gujraati honge to bhi hindu gujraati kah denge। unhon se poochho to sahi ki hindu dharma kahaan se aaya? to koi ko pata nahin hain sirf kah dete - hamaara dharma shreekrishna ne sthaapan kiya। kab? dvaapar mein। dvaapar se hi yeh log apne dharma ko bhool hindu kahlaane lage hain isliye unhon ko daivi dharma bhrashta kaha jaata hai। vahaan sab achha karma karte hain। yahaan sab chhi-chhi karma karte hain isliye dharma bhrashta, karma bhrashta kaha jaata hai। ab phir shreshtha dharma, shreshtha daivi karma ki sthaapna ho rahi hai isliye kaha jaata hai ab in 5 vikaaron ko chhodte jaao। yeh vikaar aadhaakalpa se rahe hain। ab ek janma mein inko chhodna - ismen hi mehnat lagti hai। mehnat bigar thode hi vishwa ki baadshaahi milegi। baap ko yaad karenge tab hi apne ko tum raajaai ka tilak dete ho arthaat raajaai ke adhikaari bante ho। jitna achhi reeti yaad mein rahenge, shreemat par chalenge to tum raajaaon ka raaja banenge। padhaane vaala teacher to aaya hai padhaane। yeh paathshaala hai hi manushya se devta banne ki। nar se naaraayan banaane ki katha sunaate hain। yeh katha kitni naameegraami hai। inko amraktha, satya naaraayan ki katha, teejri ki katha bhi kehte hain। teenon ka arth bhi baap samjhaate hain। bhakti maarga ki to bahut kathaayen hain। to dekho geet kitna achha hai। baba hamko saare vishwa ka maalik banaate hain, jo maalikapna koi loot na sake। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada yeh smriti rakhni hai ki ham ek mat, ek raajya, ek dharma ki sthaapna ke nimitta hain isliye ek mat hokar rehna hai।

2) svayan ko raajaai ka tilak dene ke liye vikaaron ko chhodne ki mehnat karni hai। padhaai par poora dhyaan dena hai।

vardaan:- karmaateet stage par sthit ho chaaron or ki sevaaon ko handle karne vaale siddhi swaroop bhav

aage chalkar chaaron or ki sevaaon ke vistaar ko handle karne ke liye bhinna-bhinna saadhan apnaane padenge kyonki us samay patra vyavhaar ya telegram, telephone aadi kaam nahin karenge। aise samay par wireless set chaahiye। iske liye abhi-abhi kamayogi, abhi-abhi karmaateet stage mein sthit rahne ka abhyaas karo। tab chaaron or sankalp ki siddhi dvaara seva mein sahayogi ban sakenge।

slogan:- parmaatma pyaar ki paalna ka swaroop - aapki sahajyogi jeevan hai।

ye avyakt ishaare - ekta aur vishvaas ki visheshta dvaara saphalta sampanna bano

har ek ko do baaten vishesh dhyaan mein rakhni hain - ek sada sanskaaron ko milaane ki unity। doosra ek do mein vishvaas rakh sada santushta rehna hai aur sabko santushta karna hai। jab yeh donon baaten sada dhyaan par rahengi tab baap jo hai jaisa hai, vaisa dikhaai dega aur pratyakshata hogi।