Daily Murli for Monday 15 June 2026

15-06-2026 praatahmurli om shanti "baapdaada"' madhuban

“meethe bachche - amar baba aaya hai tumhein gyaan ka teesra netra dene, abhi tum teenon kaalon aur teenon lokon ko jaante ho''

prashn:- roohaani baap roohon ko varsa kis aadhaar par dete hain?

uttar:- padhaai ke aadhaar par। jo bachche achhi reeti padhte hain deh-abhimaan ko chhod dehi-abhimaani rahne ka purushaartha karte hain, unhein hi baap ka varsa milta hai। laukik baap sirf bachchon ko varsa dete lekin paarlaukik baap ka sambandh roohon se hai, isliye roohon ko varsa dete hain।

geet:- bholenaath se niraala…

om shanti। roohaani bachche, roohaani baap se amraktha sun rahe hain - is mrityulok se amarlok mein jaane ke liye। nirvaan-dhaam ko amarlok nahin kaha jaata। amarlok jahaan tum akaale mrityu ko nahin paate ho isliye unko amarlok kaha jaata hai। roohaani baap jisko amarnaath kaha jaata hai। zaroor amarlok mein le jaane ke liye mrityulok mein katha sunaayenge। teen kathaayen bhaarat mein hi mashhoor hain। amraktha, satya naaraayan ki katha, teejri ki katha। bhakti maarga mein to teejri ka arth koi samajhte hi nahin hain। gyaan ka teesra netra sivaae gyaan saagar amar baba ke koi de na sake। yeh bhi jhoothi kathaayen sunaate hain। meethe-meethe roohaani bachche ab jaan gaye hain ki hamko ab gyaan ka teesra netra mil raha hai, jis teesre netra se teenon kaalon, teenon lokon ko tum jaan chuke ho। mool vatan, sookshm vatan, sthoolavtan ke aadi-madhya-ant ko bhi jaan chuke ho isliye bachche apne ko trikaaldarshi bhi samajhte hain। tum meethe-meethe bachchon bigar srishti mein koi trikaaldarshi nahin hota। teenon kaalon arthaat srishti ke aadi-madhya-ant ko nahin jaante। mool vatan, sookshm vatan, sthoolavtan ko bahut jaante hain। parantu teenon kaalon ke aadi-madhya-ant ko koi nahin jaante। ab meethe-meethe roohaani bachche roohaani baap se sun rahe hain। ham unke bachche bane hain। ek hi baar tum roohaani bachchon ko roohaani baap mila hai। roohon ko padhaate hain aur sab deh-abhimaani hone ke kaaran kehte hain - main yeh padhta hoon। main yeh karta hoon। deh-abhimaan aa jaata hai। abhi is sangam par roohaani baap aakar roohaani bachchon ko kehte hain tum achhi reeti padho। baap se har ek bachcha varsa lene ka hakdaar hai kyonki sab roohaani bachche ho na। laukik sambandh mein sirf bachcha varse ka hakdaar banta hai। is paarlaukik sambandh mein sabhi bachchon, roohon ko varsa milta hai। amarnaath ki bhi katha sunaate hain। kehte hain paarvati ko pahaadi par, kandaraaon mein jaakar katha sunaai। yeh to wrong hai na। ab tum bachche jaante ho jhooth kya hai, sach kya hai। sach to zaroor sachcha baba hi sunaayenge। baap ek hi baar sach sunaae sachkhanda ka maalik banaate hain। tum jaante ho is jhooth khanda ko aag lagni hai। yeh jo kuchh dekhne mein aata hai, yeh nahin rahega। samay baaki thoda hai। yeh shivbaaba ka gyaan yagya hai। jaise laukik sambandh mein bhi baap yagya rachte hain। koi roodra yagya rachte hain, koi geeta yagya। koi raamaayan yagya rachte hain। yeh hai shivbaaba va roodra gyaan yagya। yeh antim yagya hai।

tum jaante ho ham amarpuri mein ab ja rahe hain। baaki thode minute ka ab raasta hai। koi bhi manushya ko yeh pata nahin hai। woh to kah dete hain - mutyulok se amarlok mein jaane ke liye 40 hajaar varsha abhi pade hain। amarlok satayug ko kaha jaata hai। tum bachchon ko abhi baba sammukh baith amraktha, teejri ki katha, satya naaraayan ki katha suna rahe hain। bhakti maarga mein kya-kya hota hai, woh to dekha। bhakti maarga ka kitna vistaar hai। jaise jhaad ka bada vistaar hota hai vaise hi bhakti ka bhi bada karmakaanda ka jhaad hai। yagya, vrat, nem, jap-tap aadi kitna karte hain। is janma ke bhakta to bahut baithe hain। manushyon ki vriddhi hoti rehti hai। tum bhakti maarga mein aaye ho tab se doosre dharma sthaapan hue hain। har ek ka apne dharma se connection hai। har ek ki rasam-rivaaj alag hai। bhaarat amarpuri tha, bhaarat ab mrityulok hai। tum aadi sanaatan devi-devta dharma vaale the। parantu ab patit hone ke kaaran tum apne ko devta kahla nahin sakte। yeh tumko bhool gaya hai ki ham so devta the। jaise kehte hain Christ ne hamaara dharma sthaapan kiya to hamaare Christian chale aaye hain। aise nahin ki european dharma ke hain। vaise tum hindustaan mein rahne vaale athva bhaarat mein rahne vaale devi-devta dharma ke ho। parantu apne ko devta kahla nahin sakte। samajhte ho ham to paapi neech, kangaal, vikaari hain। bhakti maarga mein manushya duhkhi hote hain to baap ko hi pukaarte hain। yeh sirf tum brahman bachche hi jaante ho ki jis baap ko pukaarte aaye hain woh hamko behad ka varsa dene ke liye amraktha suna rahe hain। ham amarpuri ke maalik banne vaale hain। amarpuri ko svarga kaha jaata hai। tum kahenge ham svargavaasi banne ke liye purushaartha kar rahe hain। kaliyug mein manushya marte hain to kehte hain svargavaasi hua। ab usne koi svarga mein jaane ke liye purushaartha thode hi kiya? tum to purushaartha kar rahe ho amarpuri vaikuntha mein jaane ke liye। purushaartha karaane vaala kaun? amar baba, jisko amarnaath bhi kaha jaata hai। is yagya ko paathshaala bhi kaha jaata hai। doosre koi paathshaala ko yagya nahin kaha jaata। yagya alag rache jaate hain, jismen brahman log baith mantra padhte hain। baap kehte hain yeh tumhaara college bhi hai, yagya bhi hai, donon ikatthe hain। tum jaante ho is gyaan yagya se vinaash jvaala prajvalit hui hai, ismen saari duniya svaaha ho jaani hai। phir nai duniya banni hai, iska naam hi hai mahaabhaari mahaabhaarat ladaai। is jaisi ladaai aur koi hoti nahin। kehte hain yuddha mein mooslon se ladaai hui। tumhaare saath ladaai to hai nahin। isko mahaabhaarat ladaai kyon kehte hain? bhaarat mein to ek hi dharma hota hai na। maut to baahar hai। yahaan ladaai ki to baat nahin hai। baap samjhaate hain - tumhaare liye nai duniya chaahiye to zaroor puraani duniya ka vinaash hoga।

tum bachchon ki buddhi mein viraat roop ka bhi saara gyaan hai। yeh bhi samajhte ho jo kalpa pahle aaye the vahi aayenge devta banne ke liye। buddhi ka kaam hai। ham jitne brahman bane hain, ab phir devta banenge। prajaapita brahma bhi gaaya hua hai। parampita paramatma brahma dvaara manushya srishti rachte hain isliye brahma ko prajaapita kehte hain। parantu kaise, kab rachte hain? yeh koi nahin jaante। kya shuru mein manushya nahin hain jinko rachte hain? bulaate hi hain patit-paavan aao। to jab manushya patit hote hain tab to baap aate hain। duniya ko badalna hai। tumko baap nai duniya ka laayak banaate hain। abhi sab tamopradhaan puraani duniya mein ho phir satopradhaan banna hai। baap ne samjhaaya hai - har ek manushya maatra ko, har cheez ko sato-rajo-tamo mein aana hota hai। duniya nai se puraani zaroor hoti hai। kapda bhi naya pahante hain phir puraana hota hai। tumko gyaan mila hai, sachchi satya naaraayan ki katha abhi tum sun rahe ho। geeta hai sarvashaastramai shiromni। baaki hain unke baal bachche। jaise brahma ki vanshaavli, vaise geeta hai mukhya। oonch te oonch maa-baap, baaki hain bachche। abhi maa baap se varsa mil sakta hai। baaki kitne bhi shaastra padhen, kuchh bhi karen, varsa mil na sake। karke jo shaastra padhte hain, unki bahut kamaai hoti hai। woh to ho gaya alpakaal ke liye। yahaan tum bachche sunte ho to kitni kamaai karte ho - 21 janma ke liye, vichaar karo। woh ek sunaayenge, sab unko paise denge। yahaan baap tum bachchon ko sunaate hain - tum 21 janma ke liye kitne saahookaar bante ho। vahaan sunaane vaale ki jeb bharti hai। bhakti aadi karna pravritti maarga vaalon ka kaam hai। tum ho pravritti maarga vaale। tum jaante ho - svarga lok mein ham poojya the। nahin to 84 janmon ka hisaab kahaan se aaye? yeh hai roohaani gyaan, jo supreme rooh gyaan saagar se milta hai। patit-paavan baap hi sabke sadgati daata hain। ham bachchon ko amraktha suna rahe hain। janma-janmaantar jhoothi katha sunte aaye ho। ab sachchi katha sunkar tum 16 kala sampoorn bante ho। chandrama ko 16 kala sampoorn kaha jaata hai। soorya ke liye nahin kehte hain।

tum jaante ho ham aatmaayen bhavishya mein sarvagun sampanna, 16 kala sampoorn banenge। phir aadhkalpa ke baad unhon mein khaad pad jaati hai। abhi tum samajhte ho ham phir se sarvagun sampanna, 16 kala sampanna.... so devta phir se ban rahe hain। ham aatmaayen pahle apne ghar jaayenge phir ham shareer dhaaran kar so devta banenge phir chandravanshi gharaane mein aayenge। 84 janmon ka hisaab-kitaab chaahiye। kis yug mein, kis varsha mein kitne janma hue, baap ne 84 janmon ki sachchi-sachchi katha ab sunaai hai। tum bachchon ko kahenge tum bhaaratvaasi 84 janma lete ho। apne ko ek to brahman samajhna pade। mama baba kehte ho na। varsa shivbaaba se lete ho, brahma baba dvaara। brahma bhi unka ho gaya। brahma se varsa mil na sake। yeh bhi bhaai ho gaya। yeh shareer-dhaari hai na। tum sab bachche varsa unse lete ho। in (brahma) se nahin। jisse varsa nahin paana hai, unko yaad nahin karna hai। ek shivbaaba ko hi yaad karna hai। unko hi kehte hain tum maat-pita ham baalak tere। tum inke paas aate ho to buddhi mein rehta hai, ham shivbaaba ke paas jaate hain। yaad shivbaaba ko hi karna hai। aatma bindi hai, usmein 84 janmon ka part noondha hua hai। aatma bhrakuti ke beech mein rehti hai। udti bhi second mein hai, main aatma ek shareer chhod doosra leta hoon। bhrakuti ke beech jaae viraajmaan hota hoon। buddhi mein samajh hai - hamaari aatma aisi hai। satayug mein to koi aisi cheez dekhne ki aasha nahin rehti। aatma ko dekh sakte hain, divya drishti se। koi in aankhon se dekhne ki baat nahin hai। bhakti maarga mein hi saakshaatkaar karte hain। jaise raamkrishna ka shishya vivekaanand tha, usne bataaya hai main saamne baitha tha to unki aatma nikal mere mein pravesh ho gai। aise koi hota nahin hai। aatma kaise ek shareer chhod doosre mein pravesh karti hai, yeh sab baaten tum bachchon ko samjhaai jaati hain। abhi tum samajhte ho ham amarlok mein jaane ke liye purushaartha kar rahe hain, amarlok mein ham janma lenge। vahaan ham garbha mahal mein honge। yahaan to garbhajel mein bahut traahi-traahi karte hain। ab aadhaakalpa ke liye baba tumko sab duhkhon se chhudaate hain। to kitna pyaar se aise baap ko yaad karna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan ko rooh samajh, roohaani baap se padhkar poora varsa lena hai। sachkhanda ka maalik banne ke liye sachchi katha sunni aur sunaani hai।

2) jis baap se behad ka varsa milta hai, use hi yaad karna hai। kisi dehdhaari ko nahin। is puraani duniya ko aag lagni hai isliye ise dekhte bhi nahin dekhna hai।

vardaan:- silence ki shakti dvaara apne register ko saaph karne vaale lokapriy, prabhu priy bhav

jaise science ne aisi invention ki hai jo likha hua sab mit jaae, maaloom na pade। aise aap silence ki shakti se apne register ko roz saaph karo to prabhu priy va daivi lok priy ban jaayenge। sachchaai saphaai ko sabhi pasanda karte hain isliye ek din ke kiye hue vyartha sankalp va vyartha karma ki doosre din leek bhi na rahe, beeti ko beeti kar fullstop laga do to register saaph rahega aur saaheb raazi ho jaayega।

slogan:- vyartha sankalp karna va doosron ke vyartha sankalp chalaane ke nimitta banna - yeh bhi apvitrata hai।

ye avyakt ishaare - sada harshit rahne ke liye apni nature ko saral banaao, sahansheel bano।

man, vaani, karma mein saralta aur sahansheelta yeh donon aavashyak hain। agar saralta hai, sahansheelta nahin to bhi shreshtha nahin। saralta ke saath sahansheelta hai to shakti svarup kaha jaata hai। shaktiyon ke chitron mein saralta aur sahansheelta donon hi gun dikhaate hain। abhi ki result mein kahaan sahansheelta adhik hai, kahaan saralta adhik hai। ab in donon ko samaan banaao।