Daily Murli for Friday 26 June 2026

26-06-2026 praatahmurli om shanti "baapdaada"' madhuban

“meethe bachche - is duniya mein nishkaam seva keval ek baap hi karta hai, baaki tum jo bhi karma karte ho uska phal avashya milta hai''

prashn:- drama anusaar kaun si baat 100 pratishat certain hai? jiski tum bachchon ko khushi hai?

uttar:- drama anusaar certain hai ki nai raajdhaani sthaapan honi hi hai। tum bachchon ko khushi hai ki shreemat par ham apne liye apni raajdhaani sthaapan kar rahe hain। is puraani duniya ka vinaash to hona hi hai। tum bachche jitna purushaartha karenge utna oonch pad praapta hoga।

geet:- tumhein paake hamne jahaan pa liya hai…

om shanti। jo bachche kehte hain, baba bhi vahi kehte hain। bachche kehte hain baba tumhein paake ham svarga ke maalik bante hain। baap bhi kehte hain bachche manamnaabhav। baat ek hi ho gai। manushya sab poochhenge ki brahmaakumaar kumaariyon ko is satsang mein jaakar kya milta hai? to brahmaakumaar-kumaariyaan kehte hain ham baapdaada se vishwa ke maalik bante hain। vishwa ka maalik aur koi ban na sake। vishwa ke maalik yeh lakshmi-naaraayan hi hain, shivbaaba to vishwa ka maalik ho nahin sakta। tum bachche vishwa ke maalik bante ho। tumhaara baap vishwa ka maalik nahin banta। aisi nishkaam seva karne vaala aur koi hota nahin। har ek ko apni seva ka phal zaroor milta hai। bhakti maarga mein va kisi bhi prakaar se jo koi kuchh bhi karte hain... social worker ko bhi seva ka phal zaroor milta hai। government se paghaar milta hai। baap kehte hain - main hi ek nishkaam seva karta hoon, jo bachchon ko vishwa ka maalik banaata hoon aur main nahin banta hoon। bachchon ko sukhi karke, sukhdhaam ka maalik banaae 21 janmon ka sukh de main apne nirvaandhaam mein va vaanaprastha avastha mein baith jaata hoon। vaanaprastha to mool vatan ko hi kahenge। manushya vaanaprastha lete hain। bachchon ko sab kuchh de jaae satsang aadi karte hain। guru karte hain ki yeh mukti ka raasta bataaye। ab tum bachche jaan gaye ho ki mukti jeevanmukti ka raasta koi manushya maatra kabhi kisko bata nahin sakte। ve kisi ko bhi sadgati de nahin sakte। apne ko bhi nahin de sakte। apne ko den to phir doosron ko bhi de saken। baap aate hi hain paramdham se। woh vahaan ka rahne vaala hai, tum bachche bhi vahaan ke rahne vaale ho। tumko part bajaana hai is karmakshetra par। baba ko bhi ek baar yahaan aana hai tum bachchon ke liye jabki svarga ki sthaapna ho rahi hai to zaroor narka ka vinaash hona hi hai।

abhi tum jaan gaye ho - shivbaaba brahma dvaara aadi sanaatan devi-devta dharma ki sthaapna kar rahe hain। tum jaante ho ham manushya se devta ban rahe hain phir se। tum bachchon ki buddhi mein hai ki har 5 hajaar varsha baad ham aakar phir se brahma dvaara shivbaaba ke bachche bante hain, varsa paane ke liye। patit-paavan unko kaha jaata hai। knowledgeful gyaan ka saagar bhi hai। yog arthaat yaad sikhaate hain parantu niraakaar kaise samjhaaye isliye kehte hain brahma dvaara manushya se devta banaata hoon arthaat devi-devta dharma ki sthaapna karaata hoon। ab woh dharma hai nahin, phir banaana pade। ab phir se aadi sanaatan devi-devta dharma sthaapan kar baaki sabko muktidhaam mein le jaata hoon। bhaarat praacheen khanda hai isliye bhaarat ki aadamshumaari vaastav mein sabse jaasti honi chaahiye। aisi baaten aur koi ki buddhi mein nahin aati। aadi sanaatan devi-devta dharma sabse jaasti bada hona chaahiye। 5 hajaar varsha se unhon ki vriddhi hoti rehti hai। baaki aur to aate hi hain 2500 varsha ke baad। islaamiyon ki aadamshumaari kam honi chaahiye phir thode samay baad bauddhi dharma vaale aate hain to unhon mein thoda pharka hona chaahiye। islaami, bauddhi aadi pahle satopradhaan hain phir dheere-dheere tamopradhaan bante hain। yeh bhi hisaab hai। jo ananya samajhdaar bachche hain unhon ko khyaal karna pade। aajkal likhte hain chaaineez sabse jyaada hain। parantu unhon ko srishti chakra ka gyaan to hai nahin। yeh sab raaz tum bachchon ki buddhi mein hai। jo padhe-likhe hain unhon ko detail mein samjhaana hota hai। devi-devta dharma vaalon ko 5 hajaar varsha hue। to is samay unhon ki sankhya bahut honi chaahiye। parantu devi-devta dharma vaale phir aur-aur dharmon mein convert ho gaye hain। pahle-pahle bahut musalmaan ban gaye phir bauddhi bhi bahut bane hain। yahaan bhi bauddhi bahut hain, Christian to beshumaar hain। devta dharma ka to naam hi nahin hai। agar ham brahman dharma kahen to bhi hinduon ki line mein daal denge। abhi tum jaante ho aadi sanaatan devi-devta dharma sthaapan ho raha hai - ham braahmanon dvaara shreemat par। yeh bhi samajh honi chaahiye। dharma gaaye to jaate hain na। yahaan ke manushya apne ko hindu ki line mein le aate hain। kahenge hindu aarya dharma hai, sabse puraana hai। bhaaratvaasi pahle-pahle aarya the, bahut dhanvaan the, ab an-aarya ban gaye hain। koi akla nahin, jisko jo aata woh dharma ka naam rakh dete hain। jhaad ke pichhaadi chhote-chhote patte taal taaliyaan nikalte hain। naye ka thoda maan hota hai।

abhi tum bachche jaante ho ki ham baba se svarga ka varsa le rahe hain। to aise varsa dene vaale baap ko kitna yaad karna chaahiye। tum jitna jaasti yaad karenge ek to varsa milega aur tum paavan banenge। laukik baap se to dhan ka varsa milta hai। saath-saath phir patit banne ka bhi varsa milta hai। woh laukik baap, woh paarlaukik baap aur yeh hai beech mein alaukik baap। inko beech mein donon taraph se jod diya jaata hai। shivbaaba ko to koi takleeph nahin hoti hai, inko kitni gaali khaani padti hai। vaastav mein shreekrishna ko gaali nahin milti hai। beech mein phansa hai yeh। kehte hain na - raaste chalte brahman phansa। gaali khaane ke liye yeh phansa hai। alaukik baap ko hi sahan karna padta hai। yeh kisko pata hi nahin ki shivbaaba inmen pravesh kar aae patiton ko paavan banaate hain। pavitra banne par hi maar khaate hain। baap kehte hain - main aaya hoon sabko vaapis le jaane। tum jaante ho, maut saamne khada hai। vinaash to zaroor chaahiye। vinaash bigar sukh shanti kaise ho। jab koi ladaai aadi lagti hai to manushya yagya aadi rachte hain, ladaai banda ho jaae। tum brahman kul bhooshan jaante ho vinaash to zaroor hoga। nahin to svarga ke get kaise khulenge। sab svarga mein to nahin aayenge। jo purushaartha karenge vahi chalenge baaki jaayenge muktidhaam। yeh kisko bhi pata na hone ke kaaran kitna darte hain। shanti ke liye kitna dhakka khaate hain। conference karte rehte hain। sirf tum brahman hi jaante ho sukhdhaam, shantidham ki kaise sthaapna ho rahi hai। vinaash ke sivaae sthaapna ho na sake। tum abhi trikaaldarshi bane ho। teesra netra gyaan ka mila hai। woh to kehte rehte hain pees kaise ho? arthaat koi bhi lade nahin। sabhi kehte hain one ness ho। ek hi baap ki mat len ki ham sab ek baap ke bachche bhaai-bhaai hain to one ness ho jaayegi। ek baap ke bachche hain to aapas mein ladna nahin chaahiye। yeh bhi to satayug mein hi tha। vahaan koi bhi aapas mein ladte nahin। woh to satayug ki baat ho gai, yahaan to hai kaliyug। barobar satayug mein devta the, baaki sab aatmaayen kahaan thi pata nahin padta। tum ab samajhte ho, ek raajya sirf satayug mein hi tha। vahaan sukh-shanti sab tha। yeh sab baaten tumhaari buddhi mein hain - nambarvaar purushaartha anusaar। samajhte hain, barobar ham satayug mein raajya karte the, bahut sukh tha। advait dharma tha। yeh gyaan kisko hai nahin। is samay tum knowledgeful bante ho। baap tumko aap samaan banaate hain। jo baap ki mahima vahi tumko banna hai। sirf divya drishti ki chaabi baap ke paas rehti hai। baap ne bataaya hai - bhakti maarga mein mujhe kaam karna padta hai, jo jiski pooja karte hain main unki manokaamna poori karta hoon। yahaan bhi divya drishti ka part chalta hai। kehte hain na - arjun ne vinaash ka saakshaatkaar kiya। vinaash bhi zaroor hona hai। vishnupuri bhi zaroor sthaapan honi hai। baap ne jaise kalpa pahle samjhaaya tha - vaise hi baith samjhaate hain। baba hamko manushya se devta banaate hain। jab devta bante hain to aasuri srishti ka vinaash zaroor hoga। chaaron taraph haahaakaar machna hai। buddhi samajh sakti hai, natural calamities aani hain। moosaldhaar barsaat bhi honi hai। in sabka vinaash ho jaae tab satayug ki sthaapna ho। 5 tatvon ki khaad bhi mil jaayegi। is dharti ko khaad dekho kitni milti hai। baap kehte hain - is roodra gyaan yagya mein yeh sab svaaha ho jaayega। bhakti maarga mein dekho roodra yagya kaise rachte hain। shivbaaba ka ling aur chhote-chhote saaligraam bahut banaakar pooja karke phir mita dete hain, phir roz banaate hain। pooja karke phir tod dete hain। shivbaaba ke saath jinhonne bhi service ki unhon ka bhi yeh haal karte hain। raavan ki dekho har varsha effigy banaae unko jalaate hain। dushman ki to ek do baar effigy banaae jalaate hain, aise nahin ki varsha-varsha jalaane ka niyam rakhte hain। ek baar hi gussa nikaal denge। raavan ko to har varsha jalaate hain। inka arth koi samajhte thode hi hain। phir kehte hain raavan ne seeta ko churaaya, kuchh arth nahin samajhte। foreigners kya samjhenge, kuchh bhi nahin। din-pratidin raavan ko bada banaate jaate hain kyonki raavan bahut duhkh dene vaala hai। abhi tum is par jeet paate ho। satayug mein hoga hi nahin। yeh jo karma ki bhogna, beemaari aadi hoti hai, yeh hai raavan ke kaaran। raavan ki praveshta hone ke kaaran manushya jo bhi karma karte hain, woh vikarma ho jaate hain। sukh-duhkh ka khel bana hua hai। is history-geography ka kisko bhi pata nahin hai। lakshmi-naaraayan ko yeh raajya kaise mila? kisko pata nahin। tum chhote-chhote bachche samjhaate ho - yeh lakshmi-naaraayan satayug mein raajya karte the। sangam par yeh raajayog seekh yeh pad paaya hai। bidla ko bhi chhoti-chhoti bachchiyaan jaakar samjhaayen ki inhonne yeh raajya kaise paaya? abhi to kaliyug hai, inko satayug nahin kaha jaata। raajaai to abhi hai nahin। raajaaon ka taaj hi uda diya hai। dharma shaastra sirf 4 hain। geeta dharma shaastra hai, jisse 3 dharma abhi sthaapan hote hain, na ki satayug mein। aise nahin ki lakshmi-naaraayan ne va raam ne koi dharma sthaapan kiya। yeh dharma abhi sthaapan kar rahe hain phir islaami, bauddhi aur Christian। Christian ka ek hi dharma shaastra hai Bible, bas। phir peechhe vriddhi hoti jaati hai। aadi sanaatan hai hi devta dharma ab phir se devi-devta dharma ki sthaapna karte hain। tum drama ke raaz ko achhi reeti samajh gaye ho। khushi bhi rehti hai। jabki tum bachchon ko 100 pratishat certain hai ki ham phir se apna raajya-bhaagya sthaapan kar rahe hain - ismen ladaai aadi ki koi baat hi nahin। raajdhaani sthaapan ho rahi hai, yeh certain hai। ez certain ej death। tum jaante ho ham phir se raajya bhaagya lete hain। kalpa-kalpa baap se varsa lete hain। jitna purushaartha karenge utna oonch pad paayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jo baap ki mahima hai us mahima ko svayan mein laana hai। baap samaan mahima yogya banna hai। paarlaukik baap se pavitrata ka varsa lena hai। pavitra banne se hi svarga ka varsa milega।

2) shreemat par apne hi tan-man-dhan se ek aadi sanaatan devi-devta dharma ki sthaapna karni hai।

vardaan:- puraane sanskaar roopi asthiyon ko sampoorn sthiti ke saagar mein samaane vaale samaan aur sampoorn bhav

baap samaan va sampoorn banne ke liye srishti ki kayaamat ke pahle apni kamjoriyon aur kamiyon ki kayaamat karo। koi bhi uljhan ka naam nishaan na rahe aisa apne ko ujjaval banaao। jaise janma parivartan ke baad puraane janma ki baaten bhool jaati hain aise puraani baaton ko, puraane sanskaaron ko bhasma karo, asthiyon ko bhi sampoorn sthiti ke saagar mein sama do tab kahenge samaan aur sampoorn।

slogan:- vistaar ko saar mein samaane ki jaadoogri seekh lo to baap samaan ban jaayenge।

ye avyakt ishaare - sada harshit rahne ke liye apni nature ko saral banaao, sahansheel bano।

sahansheelta vaale baaharmukhta ke vibration ko hi nahin, lekin man ke sankalp bhi jo utpanna hote hain, un sankalpon ki utpatti ko dekhkar bhi ghabraayenge nahin। apni sahansheelta se saamna karenge aur soorat se sadaiv santushta va prasannachit dikhaai denge। unke nain chain kabhi bhi asantushtata ke nahin dikhaai denge। ve santushtamni hone ke kaaran sada harshit rehte hain।