Daily Murli for Friday 16 October 2026

16-10-2026 praatahmurli om shanti "baapdaada"' madhuban

“meethe bachche - is puraani duniya se behad ke vairaagi bano kyonki baap tumhaare liye naya svarga roopi ghar bana rahe hain''

prashn:- is avinaashi roodra yagya mein kin-kin baaton ke kaaran hi vighna padte hain?

uttar:- yeh shivbaaba ka racha hua avinaashi roodra yagya hai, ismen tum manushya se devta banne ke liye pavitra bante ho, bhakti aadi chhodte ho is kaaran vighna padte hain। log kehte hain - shanti ho, vinaash na ho aur baap ne yeh roodra gyaan yagya racha hi hai puraani duniya ke vinaash ke liye। iske baad hi shanti ki duniya aayegi।

om shanti। om shanti ka arth baap ne bachchon ko samjhaaya hai। aham aatma ka svadharma hai shant। shantidham mein jaane ke liye koi purushaartha nahin karna padta hai। aatma svayan shant swaroop, shantidham mein rahne vaali hai। yahaan thode samay ke liye shant rah sakte hain। aatma kehti hai meri karmendriyon ka baaja thak gaya hai। main apne svadharma mein tik jaata hoon, shareer se alag ho jaata hoon। parantu karma to karna hi hai। shanti mein kahaan tak baithe rahenge। aatma kehti hai - main shanti desh ki rahvaasi hoon। sirf yahaan shareer mein aane se main talkie bana hoon। aham aatma mam shareer hai। aatma hi patit aur paavan banti hai। aatma patit banti hai to shareer bhi patit banta hai kyonki satayug mein 5 tatva bhi sato-pradhaan hote hain। yahaan 5 tatva tamopradhaan hain। sone mein khaad padne se sona patit ban jaata hai। phir unko saaph karne ke liye aag mein daala jaata hai। unko yog agni nahin kaha jaata। yog agni bhi hai, jisse paap jalte hain। aatma ko patit se paavan banaane vaala paramatma hai। naam hi ek ka hai। bulaate hain he patit-paavan aao। drama plan anusaar sabko patit tamopradhaan banna hi hai। yeh jhaad hai na। us jhaad ka beej neeche rehta hai, inka beej oopar mein hai। baap ko jab bulaate hain to buddhi oopar chali jaati hai। jisse tum varsa le rahe ho woh ab neeche aaya hua hai। kehte hain mujhe aana padta hai। mera jo yeh manushya srishti ka jhaad hai, yeh anek variety dharmon ka hai। ab woh tamopradhaan patit jadajdeebhoot avastha ko paaya hua hai।

baap baith bachchon ko samjhaate hain - satayug mein pahle-pahle hote hain devi-devtaayen। ab kaliyug mein hain asur। baaki asur aur devtaaon ki ladaai lagi nahin। tum in aasuri 5 vikaaron par yogbal se jeet paate ho। baaki koi hinsak ladaai ki baat nahin hai। tum koi bhi prakaar ki hinsa nahin karte ho। tum kisko haath bhi nahin lagaayenge। tum double ahinsak ho। kaam kataari chalaana, yeh to sabse bada paap hai। baap kehte hain - yeh kaam kataari aadi-madhya-ant duhkh deti hai। vikaar mein nahin jaana hai। devtaaon ke aage mahima gaate hain - aap sarvagun sampanna, sampoorn nirvikaari। aatma in organs dvaara jaanti hai। kehte hain ki ham patit ban gaye hain to zaroor kab paavan the, jo kehte hain ham patit bane hain। bulaate bhi hain he patit-paavan aao। jab paavan hain tab koi bulaate hi nahin। unko svarga kaha jaata hai। yahaan to saadhu-santa aadi kitni dhun lagaate hain patit-paavan seetaaraam… jahaan bhi jaao gaate rehte hain। baap samjhaate hain ki saari duniya patit hai। raavan raajya hai na, raavan ko jalaate hain। parantu unka raajya kab se hua, kisko pata nahin hai। dher ki dher bhakti maarga ki saamagri hai। koi kya karte, koi kya karte। sannyaasi bhi kitne yog sikhaate hain। vaastav mein yog kisko kaha jaata hai - yeh koi ko pata nahin hai। yeh bhi kiska dosh nahin hai। yeh drama bana banaaya hai। jab tak main na aaoon, inhon ko apna part bajaana hai। gyaan aur bhakti, gyaan hai din satayug treta, bhakti hai raat dvaapar kaliyug phir hai vairaagya। puraani duniya se vairaagya। yeh hai behad ka vairaagya। unhon ka hai had ka vairaagya। tum jaante ho yeh puraani duniya ab khatma hone vaali hai। naya ghar banaate hain to puraane se vairaagya ho jaata hai।

dekho, behad ka baap kaisa hai! tumko svarga roopi ghar banaakar deta hai। svarga hai nai duniya। narka hai puraani duniya। nai so puraani so phir nai banti hai। nai duniya ki aayu kitni hai, yeh kisko pata nahin hai। abhi puraani duniya mein rah ham nai banaate hain। puraane kabristaan par ham paristaan banaayenge। yahi jamuna ka kantha hoga, is par mahal banenge। yahi dehli jamuna nadi par hogi। baaki yeh jo dikhaate hain - paandavon ke kile the। yeh sab drama plan anusaar zaroor phir bhi banenge। jaise tum yagya tap daan aadi karte honge, yeh phir bhi karna hoga। pahle shiv ki bhakti karte ho। first class mandir banaate ho, unko avyabhichaari bhakti kaha jaata hai। ab tum gyaan maarga mein ho। yeh hai avyabhichaari gyaan। ek hi shivbaaba se tum sunte ho jiski pahle tumne bhakti ki, us samay koi aur dharma hote nahin। us samay tum bahut sukhi rehte ho। devta dharma bahut sukh dene vaala hai। naam lene se mukh meetha ho jaata hai। tum ek baap se hi gyaan sunte ho। baap kehte hain aur koi se tum mat suno। yeh hai tumhaara avyabhichaari gyaan। behad baap ke tum bane ho। baap se hi varsa milega। nambarvaar purushaartha anusaar। baap thode samay ke liye saakaar mein aaya hua hai। kehte hain mujhe tum bachchon ko hi gyaan dena hai। mera yeh sthaai shareer nahin hai, main ismen pravesh karta hoon। shiv jayanti se phir jhat geeta jayanti ho jaati hai। unse gyaan shuru kar dete hain। yeh roohaani vidya supreme rooh de rahe hain। paani ki baat nahin। paani ko thode hi gyaan kahenge। patit se paavan, gyaan se banenge। paani se thode hi paavan banenge। nadiyaan to saari duniya mein hain hi। yeh to gyaan saagar baap aate hain, ismen pravesh kar knowledge sunaate hain। yahaan gau mukh par jaate hain। vaastav mein gau mukh tum chaitanya mein ho। tumhaare mukh se gyaan amrit nikalta hai। gau se to doodh milta hai। paani ki to baat hi nahin, yeh sab kuchh baap baith samjhaate hain। jo sabka sadgati daata hai। ab sabhi durgati mein pade hain। aage tum nahin jaante the to raavan ko kyon jalaate hain। ab tum jaante ho behad ka dashahra hone vaala hai। yeh saari duniya bet (taapu) hai। raavan ka raajya saari srishti par hai। jo shaastron mein hai bandar sena thi, bandaron ne pul banaai... yeh sab hain danta kathaayen। bhakti aadi chalti hai, pahle hoti hai avyabhichaari bhakti, phir vyabhichaari bhakti। dashahra, raakhi bandhan sab abhi ke hi tyohaar hain। shiv jayanti ke baad hoti hai shreekrishna jayanti। abhi krishnapuri sthaapan ho rahi hai। aaj hai kansapuri, kal hogi krishnapuri। kans aasuri sampradaay ko kaha jaata hai। paandav aur kaurvon ki ladaai hai nahin। shreekrishna ka janma hai satayug mein, woh hai first prince। school mein padhne jaata hai। jab bada hota hai to raajgaddi par baithta hai। mahima saari shivbaaba ki hai, jo patiton ko paavan banaane vaala hai। baaki yeh raas leela aadi yeh to aapas mein khushi manaate honge। baaki shreekrishna kisko gyaan sunaaye, yeh kaise ho sakta hai। baba kehte hain - kisko mana nahin karni hai ki bhakti nahin karo। aapehi chhoot jaati hai। bhakti chhodte hain, vikaar chhodte hain, is par hi hangaama hota hai। baba ne kaha hai main roodra yagya rachta hoon, ismen aasuri sampradaay ke vighna padte hain। yeh hai shivbaaba ka behad ka yagya, jisse manushya se devta bante hain। gaaya hua hai gyaan yagya se vinaash jvaala pragat hui। jab puraani duniya ka vinaash ho - tab tum nai duniya mein raajya karenge। log kehte hain ham kehte shanti ho, yeh bi.ke. kehte vinaash ho। gyaan na samajhne ke kaaran aisa bolte hain। baap samjhaate hain - yeh saari puraani duniya is gyaan yagya mein svaaha ho jaayegi। puraani duniya ko aag lagne vaali hai। natural calamities aayegi, sarson muaaphik sab pees kar khatma ho jaayenge। baaki kuchh aatmaayen bach jaayengi। aatma to avinaashi hai। ab behad ki holika honi hai, jismen shareer sab khatma ho jaayenge। baaki aatma pavitra bankar chali jaayegi। aag mein cheez shuddh hoti hai। havan karte hain, shuddhata ke liye। woh sab hain jismaani baaten। ab saari duniya svaaha hone vaali hai। vinaash ke pahle zaroor sthaapna honi chaahiye। kisko samjhaao - pahle sthaapna phir vinaash। brahma dvaara sthaapna। prajaapita mashhoor hai aadi dev, aadi devi... jagat amba ke laakhon mandir hain। kitne mele lagte hain। tum ho jagat amba ke bachche gyaan-gyaaneshvari, phir banengi raaj-raajeshvari। tum bahut dhanvaan bante ho। phir bhakti maarga mein lakshmi se deepmaala par vinaashi dhan maangate hain। yahaan tumko sab kuchh mil jaata hai aayushvaan bhav, putravaan bhav। vahaan 150 varsha aayu rehti hai। yahaan tum jitna yog lagaayenge utni aayu badhti jaayegi। tum eeshvar se yog lagaakar yogeshvar bante ho।

baap kehte hain main dhobi hoon। sab moot paleeti aatmaon ko saaph karta hoon। phir shareer bhi shuddh milega। main second mein duniya ke kapde saaph kar leta hoon। sirf manamnaabhav hone se aatma aur shareer pavitra ban jaayenge। chhu mantra hua na। second mein jeevanmukti, kitna sahaj upaay hai। chalte-phirte sirf baap ko yaad karo aur koi jara bhi takleeph nahin deta hoon। ab tumhaari ek second mein chadhti kala hoti hai। baap kehte hain - main tum bachchon ka servant bankar aaya hoon। tumne bulaaya hai - he patit-paavan aakar hamko paavan banaao to servant hua na। jab tum bahut patit bante ho to jor se chillaate ho। ab main aaya hoon। main kalpa-kalpa aakar bachchon ko mantra deta hoon ki mujhe yaad karo। manamnaabhav ka arth bhi yeh hai। phir vishnupuri ka maalik banenge। tum aaye ho vishnupuri ka raajya lene, raavan puri ke baad hai vishnupuri। kansapuri ke baad krishnapuri। kitna sahaj samjhaaya jaata hai। baap kehte hain is puraani duniya se sirf mamatva mita do। ab hamne 84 janma poore kiye hain। yeh puraana chola chhod ham jaayenge nai duniya mein। yaad se hi tumhaare paap kat jaayenge, itni himmat karni chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mukh se sadaiv gyaan amrit nikaalna hai। gyaan se hi sabki sadgati karni hai। ek baap se hi gyaan sunna hai, doosron se nahin।

2) chadhti kala mein jaane ke liye chalte-phirte baap ko yaad karne ka abhyaas karna hai। is puraani duniya, puraane chole se mamatva mita dena hai।

vardaan:- buddhi roopi paanv dvaara is paanch tatvon ki aakarshan se pare rahne vaale pharishta swaroop bhav

pharishton ko sada prakaash ki kaaya dikhaate hain। prakaash ki kaaya vaale is deh ki smriti se bhi pare rehte hain। unke buddhi roopi paanv is paanch tatva ki aakarshan se oonche arthaat pare hote hain। aise pharishton ko maaya va koi bhi maayaavi touch nahin kar sakte। lekin yeh tab hoga jab kabhi kisi ke adheen nahin honge। shareer ke bhi adhikaari bankar chalna, maaya ke bhi adhikaari banna, laukik va alaukik sambandh ki bhi adheenta mein nahin aana।

slogan:- shareer ko dekhne ki aadat hai to light ka shareer dekho, light roop mein sthit raho।

maateshvari ji ke anmol mahaavaakya - “nirantar eeshvareey yaad ki baithak''

ab jab paramatma ki yaad mein baithte ho to baithne ka matlab kya hai? humein sirf paramatma ki yaad mein baithna nahin hai parantu apni eeshvareey yaad to nitya chalte phirte har samay karni hai aur yaad bhi us vastu ki rehti hai jiska parichay ho। uska naam roop kya hai, agar ham kahen eeshvar naam roop se nyaara hai to phir kis roop ko yaad karen? agar kahen eeshvar sarvavyaapi hai to unki vyaapakta to sarvatra ho gai to phir yaad kisko karen, agar yaad shabd hai to avashya yaad ka roop bhi hoga। yaad ka matlab hai ek yaad karne vaala, doosra jisko yaad karte ho to zaroor yaad karne vaala unse bhi bhinna hai, to phir eeshvar sarvavyaapi nahin thahra। agar koi kahe ham aatmaayen paramatma ki ansh hain to kya paramatma bhi tukda tukda hota hai। phir to paramatma vinaashi thahra! unki yaad bhi vinaashi hui। ab is baat ko log nahin jaante, paramatma bhi avinaashi hai, ham us avinaashi parampita paramatma ki santaan aatma bhi avinaashi hain। to ham vansh thahre na ki ansh। ab yeh chaahiye knowledge, jo paramatma svayan aakar ham bachchon ko dete hain। paramatma ke ham bachchon ke prati mahaavaakya hain bachche, main jo hoon jaisa hoon us roop ko yaad karne se tum mujhe avashya praapta karoge। agar main duhkh sukh se nyaara pita sarvavyaapi hota to phir khel mein sukh duhkh nahin hota। to main sarvavyaapi nahin hoon, main bhi aatma sadrishya aatma hoon lekin sarva aatmaon se mere gun param hain isliye mujhe param aatma arthaat paramatma kehte hain। achha, om shanti।

ye avyakt ishaare - paropkaar ki bhaavna se sampanna ban apkaari par bhi upkaar karo

mansa seva karne ke liye sarva ke prati sada hi shreshtha aur nihsvaartha sankalp hon, sada par-upkaar ki bhaavna ho। apkaari par bhi upkaar ki shreshtha shakti ho। sada daataapan ki bhaavna ho। sada sva parivartan, sva ke shreshtha karma dvaara auron ko shreshtha karma ki prerna dene vaale ho।