Daily Murli for Monday 26 October 2026

26-10-2026 praatahmurli om shanti "baapdaada"' madhuban

“meethe bachche - karma karte svayan ko aashik samajh ek mujh maashook ko yaad karo, yaad se hi tum paavan ban paavan duniya mein jaayenge''

prashn:- mahaabhaarat ladaai ke samay par tum bachchon ko baap ka kaun sa hukm (aagya) va pharmaan mila hua hai?

uttar:- bachche, baap ka hukm va pharmaan hai - dehi-abhimaani bano। sabko sandesh do ki ab baap aur raajdhaani ko yaad karo। apni chalan ko sudhaaro। bahut-bahut meethe bano। koi ko duhkh mat do। yaad mein rahne ki aadat daalo aur svadarshan chakradhaari bano। kadam aage badhaane ka purushaartha karo।

om shanti। bachche baithe hain baap ki yaad mein। aisa to koi satsang nahin, jahaan koi baithe aur kahe ki sab bachche baithe hain baap ki yaad mein। yeh ek hi sthaan hai। bachche jaante hain baba ne direction diya hai ki jab tak jeete raho tab tak baap ko yaad karte raho। yeh paarlaukik baap hi kehte hain - he bachchon। sab bachche sun rahe hain। na sirf tum bachche parantu sabhi ko kehte hain। bachche baap ki yaad mein raho to tumhaare janma-janmaantar ke jo paap hain, jiske kaaran kat chadhi hui hai, woh sab nikal jaayegi aur tumhaari aatma satopradhaan ban jaayegi। tumhaari aatma asul thi hi satopradhaan phir part bajaate-bajaate tamopradhaan ban gai hai। yeh mahaavaakya sivaae baap ke koi kah na sake। laukik baap ke karke do-chaar bachche honge। unhon ko kahenge raam-raam kaho ya patit-paavan seetaaraam kaho athva kahenge shreekrishna ko yaad karo। aise nahin kahenge he bachchon, ab mujh baap ko yaad karo। baap to ghar mein hai। yaad karne ki baat hi nahin। yeh behad ka baap kehte hain jeev ki aatmaon ko। aatmaayen hi baap ke saamne baithi hui hain। aatmaon ka baap ek hi baar aate hain, 5 hajaar varsha ke baad aatmaayen aur paramatma milte hain। baap kehte hain main kalpa-kalpa aakar yeh paath padhaata hoon। he bachchon, tum mujhe yaad karte aaye ho - he patit-paavan aao। main aata hoon zaroor। nahin to yaad kahaan tak karte rahenge! limit to zaroor hogi na! manushyon ko yeh pata nahin hai ki kaliyug ki limit kab poori hoti hai। yeh bhi baap ko hi bataana pade। baap bigar to koi kahenge nahin ki he bachche, mujhe yaad karo। mukhya hai hi yaad ki baat। rachna ke chakra ko bhi yaad karna badi baat nahin hai। sirf baap ko yaad karne mein mehnat lagti hai। baap kehte hain - aadhaakalpa hai bhakti maarga, aadhaakalpa hai gyaan maarga। gyaan ki praalabdha, tumne aadhaakalpa paai hai phir aadhaakalpa bhakti ki praalabdha। woh hai sukh ki praalabdha, woh hai duhkh ki praalabdha। duhkh aur sukh ka khel bana hua hai। nai duniya mein sukh, puraani duniya mein duhkh। manushyon ko in baaton ka kuchh bhi pata nahin hai। kehte bhi hain hamaare duhkh haro, sukh do। aadhaakalpa raavan raajya chalta hai। yeh bhi kisko pata nahin hai sivaae baap ke aur koi duhkh mita nahin sakta। shareer ki beemaari aadi doctor mitaate hain, woh ho gaya alpakaal ke liye। yeh to hai sthaai, aadhaakalpa ke liye। nai duniya ko svarga kaha jaata hai। zaroor vahaan sab sukhi honge। phir baaki itni sab aatmaayen kahaan hongi? yeh koi ke bhi khyaal mein aata nahin hai। tum jaante ho yeh nai padhaai hai, padhaane vaala bhi naya hai। bhagvaanuvaach, main tumko raajaaon ka bhi raaja banaata hoon। yeh bhi barobar hai ki satayug mein ek hi dharma hota hai to zaroor baaki sab vinaash ho jaayenge। nai duniya aur puraani duniya kisko kaha jaata hai, satayug mein kaun rehte hain - yeh bhi abhi tum jaante ho। satayug mein ek aadi sanaatan devi-devta dharma ka raajya tha। kal ki to baat hai। yeh kahaani hai - 5 hajaar varsha ki। baap bataate hain 5 hajaar varsha pahle bhaarat mein in devi-devtaaon ka raajya tha। woh 84 janma lete-lete abhi patit bane hain isliye abhi pukaarte hain ki aakar paavan banaao। niraakaari duniya mein to sabhi paavan aatmaayen hi rehti hain। phir neeche aakar part bajaati hain to sato rajo tamo mein aati hain। satopradhaan ko nirvikaari kaha jaata hai। tamopradhaan apne ko vikaari kahlaate hain। samajhte hain yeh devi-devtaayen nirvikaari the, ham vikaari hain isliye baap kehte hain - devtaaon ke jo pujaari hain unhon ko yeh gyaan jhat buddhi mein baithega kyonki devta dharma vaale hain। abhi tum jaante ho jo ham poojya the, vahi pujaari bane hain। jaise Christian Christ ki pooja karte hain kyonki us dharma ke hain। tum bhi devtaaon ke pujaari ho to us dharma ke thahre। devtaayen nirvikaari the, woh abhi vikaari bane hain। vikaar ke liye hi kitne atyaachaar hote hain।

baap kehte hain - mujhe yaad karne se tumhaare vikarma vinaash honge aur tum sada sukhi banenge। yahaan hain sada duhkhi। alpa-kaal ka sukh hai। vahaan to sab sukhi honge। phir bhi pad mein farka hai na। sukh ki bhi raajdhaani hai, duhkh ki bhi raajdhaani hai। baap jab aate hain to vikaari raajaaon ki raajaai bhi khatma ho jaati hai kyonki yahaan ki praalabdha poori ho gai hai। abhi tum bachche jaante ho baap ki shreemat par chalna hai। baap kehte hain jaise main shanti ka saagar hoon, pyaar ka saagar hoon, tumko bhi aisa banaata hoon। yeh mahima ek baap ki hai। koi manushya ki mahima nahin hai। tum bachche jaante ho baap pavitrata ka saagar hai। ham aatmaayen bhi jab paramdham mein rehti hain to pavitra hain। yeh eeshvareey knowledge tum bachchon ke paas hi hai aur koi jaan na sake। jaise eeshvar gyaan ka saagar hai, svarga ka varsa dene vaala hai। unhein bachchon ko aap-samaan bhi zaroor banaana hai। pahle tumhaare paas baap ka parichay nahin tha। abhi tum jaante ho paramatma jiski itni mahima hai woh hamko aisa oonch banaate hain, to apne ko aisa ooncha banaana pade। kehte hain na - inmen daiveegun bahut achhe hain, jaisa devta…। kiska shant svabhaav hota hai, kisko gaali aadi nahin deta hai to unko achha aadmi kaha jaata hai। parantu woh baap ko, srishti chakra ko nahin jaante hain। ab baap aakar tum bachchon ko amarlok ka maalik banaate hain। nai duniya ka maalik baap bigar koi bana nahin sakta। yeh hai puraani duniya, woh hai nai duniya। vahaan devi-devtaaon ki raajdhaani hoti hai। kaliyug mein woh raajdhaani hai nahin। baaki anek raajdhaaniyaan hain। ab phir anek raajdhaaniyon ka vinaash ho aur ek raajdhaani sthaapan honi hai। zaroor jab raajdhaani nahin ho tab baap aakar sthaapan kare। so to sivaae baap ke aur koi kar na sake। tum bachchon ka baap mein kitna lav hona chaahiye। jo baap kahenge so karenge zaroor। ek to baap kehte hain mujhe yaad karo aur service karo, doosron ko raasta bataao। devi-devta dharma vaale jo honge unko asar padega zaroor। ham mahima karte hi hain ek baap ki। baap mein gun hain to baap hi aakar hamko gunvaan banaate hain। baap kehte hain bachche, bahut meetha bano। pyaar se baith sabko samjhaao। bhagvaanuvaach maamekam yaad karo to main tumko svarga ka maalik banaaoonga। tumhein ab vaapas ghar jaana hai। puraani duniya ka mahaavinaash saamne khada hai। aage bhi mahaabhaari mahaabhaarat ladaai lagi thi। bhagwan ne raajayog sikhaaya tha। ab anek dharma hain। satayug mein ek dharma tha, jo ab praayahlop ho gaya hai। ab baap aakar anek dharmon ka vinaash kar, ek dharma ki sthaapna karte hain। baap samjhaate hain main yeh yagya rachta hoon, amarpuri jaane ke liye tumko amar katha sunaata hoon। amarlok jaana hai to mrityulok ka zaroor vinaash hoga। baap hai hi nai duniya ka rachayita। to baap ko zaroor yahaan hi aana pade। ab to vinaash jvaala saamne khadi hai। phir samjhenge to aap sach kehte ho barobar yeh vahi mahaabhaarat ladaai hai। yeh naameegraami hai to zaroor is samay bhagwan bhi hai। bhagwan kaise aata hai, yeh to tum bata sakte ho। tum sabko bataao ki hamko to direct bhagwan samjhaate hain। woh kehte hain tum mujhe yaad karo। satayug mein to sabhi satopradhaan hain, abhi tamopradhaan hain। ab phir satopradhaan bano tab mukti-jeevanmukti mein jaao।

baap kehte hain - sirf meri yaad se hi tum satopradhaan ban satopradhaan duniya ka maalik ban jaayenge। ham roohaani pande hain, yaatra karte hain - manamnaabhav ki। baap aakar brahman dharma, sooryavanshi chandravanshi dharma sthaapan karte hain। baap kehte hain - mujhe yaad nahin karenge to janma-janmaantar ke paapon ka bojha utrega nahin। yeh bade te bada phurna hai। karma karte, dhandha karte mere aashik mujh maashook ko yaad karo। har ek ko apni poori sambhaal karni hai। baap ko yaad karo। koi patit kaam nahin karo। ghar-ghar mein baap ka sandesh dete raho ki bhaarat svarga tha। lakshmi-naaraayan ka raajya tha। abhi narka hai। narka ke vinaash ke liye yeh vahi mahaabhaarat ladaai hai। ab dehi-abhimaani bano। baap ka pharmaan hai - maano va na maano। ham to aaye hain tumko sandesh sunaane। baap ka hukm hai - sabko sandesh sunaao। baap se poochhte hain kaun si service karen, baba kehte hain - sandesh dete raho। baap ko yaad karo, raajdhaani ko yaad karo। ant mati so gati ho jaayegi। mandiron mein jaao, geeta paathshaalaaon mein jaao। aage chalkar tumko bahut milte rahenge। tumko uthaana hai devi-devta dharma vaalon ko।

baap samjhaate hain bahut-bahut meethe bano। kharaab chalan hogi to pad bhrashta ho jaayega। koi ko duhkh mat do, time bahut thoda hai। beloved baap ko yaad karo, jisse svarga ki raajaai milti hai। koi ki murli nahin chalti to seedhi ke chitra ke saamne baith sirf yeh khyaal karo - aise-aise ham janma lete hain, aise chakra phirta rehta hai... to aapehi vaani khul jaayegi। jo baat andar aati hai, woh baahar zaroor nikalti hai। yaad karne se ham pavitra banenge aur nai duniya mein raajya karenge। hamaari ab chadhti kala hai। to andar khushi honi chaahiye। ham muktidhaam mein jaakar phir jeevan-mukti mein aayenge। badi jabardasta kamaai hai। dhandha-dhori bhal karo - sirf buddhi se yaad karo। yaad ki aadat pad jaani chaahiye। svadarshan chakradhaari banna hai। chalan kharaab hogi to phir dhaarna nahin hogi। kisko samjha nahin sakenge। kadam aage badhaane ka purushaartha karna chaahiye। peechhe nahin aana chaahiye। pradarshani mein service karne se bahut khushi hogi। sirf bataana hai ki baap kehte hain mujhe yaad karo। dehdhaariyon ko yaad karne se vikarma banenge। varsa dene vaala main hoon। main sabka baap hoon। main hi aakar tumko mukti-jeevanmukti mein le jaata hoon। pradarshani mele mein service karne ka bahut shauk hona chaahiye। service mein attention dena chaahiye। aapehi bachchon ko khyaalaat aane chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap mein hi poora lav rakhna hai। sabko sachcha raasta bataana hai। dhandha aadi karte apni poori sambhaal karni hai। ek ki yaad mein rehna hai।

2) service karne ka bahut-bahut shauk rakhna hai। apni chalan ko sudhaarna hai, svadarshan chakradhaari banna hai।

vardaan:- mehnat aur mahaanta ke saath roohaaniyat ka anubhav karaane vaale shaktishaali sevaadhaari bhav

jo bhi aatmaayen aapke samparka mein aati hain unhein roohaani shakti ka anubhav karaao। aisi sthool aur sookshm stage banaao jisse aane vaali aatmaayen apne swaroop ka aur roohaaniyat ka anubhav karen। aisi shaktishaali seva karne ke liye sevaadhaari bachchon ko vyartha sankalp, vyartha bol, vyartha karma ki halchal se pare ekaagrata arthaat roohaaniyat mein rahne ka vrat lena pade। isi vrat se gyaan soorya ka chamatkaar dikhla sakenge।

slogan:- baap aur sarva ki duaaon ke vimaan mein udne vaale hi udta yogi hain।

ye avyakt ishaare - paropkaar ki bhaavna se sampanna ban apkaari par bhi upkaar karo

ati paap aatma, ati apkaari aatma, bagule ke oopar bhi naphrat nahin, ghrina nahin, niraadar nahin lekin vishwa-kalyaankaari sthiti mein sthit ho merciful ban taras ki bhaavna rakhte hue seva ka sambandh samajhkar seva karo, jitne hopeless case ki seva karenge utne hi prize ke adhikaari banenge aur naameegraami vishwa-kalyaankaari gaaye jaayenge। peacemaker ki prize lenge।