Mamma's Murli - 014

> > mama murli madhuban

mukti aur jeevan mukti paane ki vidhi

> record –

jaane na najar pahchaane jigar yeh kaun hai jo dil par chhaaya……

ye jaane na najar, pahchaane jigar, aisi kaun si cheej hai । aisi kaun si cheej hai, jisko najar nahin dekh sakti lekin jigar, jigar kaho ya buddhi kaho, koi cheej to buddhi se pahchaani jaati hai na, to buddhi pahchaanti hai athva buddhi se jaana jaata hai, aankhon se dekha nahin jaata hai । aisi kaun si cheej hai hamaare jeevan laal ji? paramatma । haan, paramatma । hamaara parampita, paramatma, jo in aankhon se nahin dekha jaata, lekin buddhi se jaana to jaata hai na, pahchaana to jaata hai na । aatma bhi aisi cheej hai, ham bhi aisi cheej hain । aankhon se nahin dekhi jaati hain lekin buddhi se jaani jaati hain । to parampita paramatma aur ham aatma aisi cheej hain ki jisko aankhon se nahin dekha ja sakta । aatma ko bhi aankhon se nahin dekha jaata hai lekin buddhi se jaana jaata hai ki haan, ham aatma hain aur so bhi parampita paramatma ki santaan hain theek hai na । abhi baap ne baith karke yeh buddhi di, usko pahchaanne ki right buddhi bhi abhi usne hi di hai, aatma ne buddhi nahin di hai iseelie aatma ki bhi pahchaan paramatma ne di hai। iseelie pahchaan dene vaala woh baap ho gaya, kyonki aatma aatma ko na aatma ki pahchaan, na paramatma ki pahchaan de sakti hain। kyon bhala , iska bhi kaaran kya hai ki ham sab aatmaaen jo hai na, ham sab abhi iron aged athva tamopradhaan, last stage par hain। to yeh bhi srishti ka jo chakra hai na, is raaj ko bhi samajhna hai ki yeh sabhi aatmaon ka last stage hai sabka hai । is samay koi bhi nahin kahenge ki koi aatmaaen pavitra hain । bhale koi achhi aatmaaen hain jinko paap aatmaon ke bhent mein pavitra kah sakte hain lekin pavitrata ki jo kampleet stage hai na uske bhent mein nahin kahenge ki woh pavitra hain । jo kampleet stage ki pavitrata hai woh abhi nahin hai iseelie pavitrata jis cheej ko kahi jaae uska matlab hi hai ki koi bhi paanch vikaar ya maaya ka bandhan na ho। lekin abhi sabhi aatmaon ko bandhan to hai na । maano misaal ke taur koi sunne vaalon mein yeh vichaar bhi uth sakta hai ki bhaai aaj bahut achhe sanyaasi , saadhu kai hain, bhai pavitra gine jaate hain, jo bichaare ekdam jaante hi nahin hain, maante hi nahin hain paramatma ko, jinke koi karma hi achhe nahin hain, unke bhent mein to phir bhi achhe kahenge zaroor। ismen koi baat nahin hai parantu phir bhi, jo poorn pavitrata ki stage hai, uske bhent mein to kahenge na ki utne nahin hai, dekho sanyaasi hai bhala phir to kya shareer ko rog hoga to yeh bhi to koi karma ka hisaab hai, to samjhenge ki uski aatma mein vikaari duniya ke karma ka bhi koi hisaab hai ya koi bhi shareer chhodenge to kahaan janma lenge, isi vikaari duniya mein to janma lenge na, to ismen jo bhi hain, bhale pavitra aatmaaen bhi hain parantu kahenge woh aatmaaen sab jo hain woh hai apvitra । apvitra kis bhent mani ki kuchh na kuchh pavitrata ka unmein hai, karma ka hisaab hai, jab hai tabhi to phir yahaan apvitra duniya mein hai na, to phir kuchh shareer ko hoga ya shareer chhodenge to bhi phir bhi vikaariyon ke ghar mein janma lenge, kahaan jaaenge? janma lene ke liye to zaroor koi vikro se hi janma lenge, vikaari kul mein janma lenge । to yeh bhi to sab ka hisaab kitaab hai na, to kahenge na vikaari sambandh ka koi hisaab kitaab hai to yeh sabhi baaten samjhaai jaati hain । abhi sab jo bhi hain na, sab aatmaaen kaha jaaengi tamopradhaan baaki pavitra aatma jinki bhi hamaare paas history hai, yeh devtaaen, woh na shareer vash lete the, na koi jeevan mein vikaaron ke karma ka hisaab kitaab bhongate the । unke paas koi vikaari khaate ki bhogna nahin thi na to woh aatma bhi pavitra, shareer bhi pavitra । haan sanyaasi saadhu kahenge unki aatma pavitra zaroor hai lekin shareer to pavitra nahin hai na, shareer to phir bhi vikaari cheej ka aur phir bhi usi kaaran kuchh na kuchh rog aadi rehta hai, to koi karma ka hisaab hai na to yeh sabhi cheejen samajhne ki hain ki is samay kampleet jo pavitrata hai na, stage woh koi ki bhi nahin kahi ja sakti hai iseelie baap kehte hain ki woh jo stage hai pavitrata ki jismen sada sukh ho, koi bhi vikaari khaate ka hisaab kitaab hoga hi nahin, aisi jo stage hai na, woh main aakar ke banaata hoon iseelie kehte hain uski parichay aur aisi stage banaana yeh bhi main aatma ko sikhaata hoon aur mera bhi jo parichay hai ki mere se tum kya power lo woh bhi main aa karke samjhaata hoon । to baap kehte hain tera parichay aur teri kampleet stage kaun si hai, usko kaise praapta karo, yeh donon hi baaten main samjhaata hoon, yaani tera bhi parichay mera bhi parichay baap kehta hai । to donon ka parichay main de sakta hoon । baaki aatma kampleet parichay nahin de sakti hai, na kampleet bana sakti hai । to yeh sabhi cheejen bhi samajhne ki hai, iseelie kehte hain mera parichay main aakar ke deta hoon to abhi dekho parichay , baap bhi parichay deta hai knowledge deta hai । baaki aise nahin ki ham dekhen । kai yeh aas rakhte hain na ki ham uska saakshaatkaar karen dekhen, to baap kehte hain ki nahin, in aankhon se to yeh koi dekhne ki cheej nahin hai na। chalo divya drishti se dekho bhi, parantu phir bhi kya hoga, dekha parantu phir bhi uska parichay to chaahiye na, ham agar koi cheej dekhen, jaise ye rakha hai hamaare aage, ham dekh rahe hain lekin hamko iska knowledge nahin hoga ki ye kya karne ki cheej hai, ismen aavaaj bharna hai ya pata nahin ismen kuchh karne ka hai, uska kuchh maaloom na hoga, kuchh gyaan na hoga to kaam mein aa sakegi cheej? aaegi hi nahin । iska knowledge chaahiye ki yeh kaise use ki jaati hai । isse kya phaayda lena hota hai । yeh kaise kaam ki cheej hai, yeh kya hai। jab gyaan hoga us cheej ka tabhi hamaare paas uski value hai to parichay, knowledge, baaki dekhne se to koi aisa nahin hai ki dekhne se kuchh ho jaaega iseelie baap kehte hain dekhne se mere bhi dekhne se kya hoga, mere bhi dekhne ke baad bhi tumko us cheej ka gyaan chaahiye na to gyaan maana hi parichay, knowledge, samajh । to yeh saara madaar ho gaya knowledge ke oopar, parichay ke oopar । abhi baap kehte hain main tumko apna poora poora parichay, knowledge de raha hoon ki main kya hoon, mera kartavya, mera naam, mera roop , main kis dhaam ka nivaasi hoon , tum bhi kis dhaam ki nivaasi ho, kahaan se aati ho aur tera bhi kaisa stage baay stage yeh saara chakkar chalta hai, woh baith karke samjhaata hoon । to abhi tera bhi chakkar ka chadhti kala poora hua, abhi utarti kala bhi poora hone par hai । abhi phir se chadhti kala ki baari hai to utarti kala, chadhti kala , yeh sabhi hisaab samajhne hain। chaar yugon mein do yug hai chadhti kala ke do yug utarti kala ke। utarti kala ko bhakti maarga kahenge aur bhakti maarga jab shuru hota hai to utarti kala bhi shuru hoti hai iseelie utarti kala shuru hoti hai to usko kahenge to sahi na utarti kala। to bhakti maarga ho gaya utarti kala aur woh ho gaya chadhti kala to yeh hisaab hai saara chakkar ka । ismen bhi kisi ko moonjhane ki baaten nahin hai ki nahin bhaai bhakti utarti kala kaise, nahin! yeh bhi samajhna hai ki bhaai gati sadgati aur durgati, teen stejis hain aatma ki। gati kisko kahenge? jo roj samajhte hain vo samajhte ho gati kisko kahenge? achha poochhe , seth ji aap bataaie gati maana? ji? ji? nahin, abhi gati kisko kahan, chalo ham poonchhate hain jaise poora poora khyaal mein aae । hamaare shankh ji bataao, gati? mukti ko, mukti maana? baikunth mein jaana, svarga mein jaana , achha । chalo aur hamaare, yeh to roj nahin aate hamaare behen ji, aate hain roj? aap bata sakte hain? jo jeevan mein nahin aave, uski gati ho gai । achha, achha । aur kaun hai dekhen maataaon mein se poochhe, dekhen, dekhen hamaari seeta, aap bataaie, gati maana? isne to kaam hi poora kar diya, achha। hamaari raadhe, aap sunaaie, gati ka maana? woh to theek hai, to gati kisko kehte hain, gati aur sadgati mein kuchh pharka hai? shanti dhaam mein baithna usko gati kehte hain aur sadgati? achha। to sadgati maana jeevan mein aakar ke jo hamaari satayug ki stage hai । jeevan mein mukta yaani jeevan mein duhkh se mukta aur gati maana duhkh aur sukh se mukta। jahaan ham aatmaaen niraakaari duniya mein rehti hain । ye jo hamaare vensi laal hain, vensi laal naam hai na? isne kaha kuchh theek ki gati maana jo jeevan se mukta ho yaani jab aatma abhi part mein nahin aai hai, woh sada nahin hota hai aisa ki sada koi aatmaaen vo part mein nahin aati hai, usko aana hai parantu kuchh time nahin aati hai, har ek aatma ka aapko kal bhi bataaya tha na hamaare raam chandra ji ne ki kuchh time vo aatmaaen wait karti hai, jab talak neeche part ho । to jab talak part nahin hai neeche, oopar hai aatmaaen, niraakaari duniya mein, to usko kahenge gati । gati maana duhkh sukh se nyaare । aur phir jab sukh mein aati hain yaani aatma bhi pavitra shareer bhi pavitra. jisko svarga kehte hain । gati ko svarga nahin kahenge gati hai silence varda, shanti dhaam, niraakaari duniya । usko niraakaari duniya ko svarga nahin kahenge, woh maana aatma duhkh sukh se nyaari ho karke jab talak part neeche nahin hai tab talak wait karti hai। to utna samay unko gati kahenge । phir sadgati jab jeevan mein aati hai to pahli pahli sadgati ki stage hai yaani jeevan mein mukta । uska matlab hi hai duhkh jeevan mein nahin hai, duhkh ki sabhi baaton se mukta to unko kahenge sada sukh to woh ho gai jeevanmukti । usko svarga kahenge, ye yahaan ki baat hai na, corporeal world ki jahaan jeevan mein aa karke sada sukhi to usko kahenge svarga, aur jab duhkh sukh se bhi nyaara usko kahenge gati aur durgati jo ham phir jeevan mein duhkhi to jeevan mein duhkhi, usko durgati kahenge aur jo jeevan mein sukhi, usko sadgati kahenge aur jeevan se jab talak part nahin hai usko gati kahenge । to yeh har ek aatma ka part hai, kuchh time jitna time vahaan hai, abhi tak neeche part nahin hai to woh gati, peechhe sadgati । pahle aati hai to sadgati, har ek ka bhi andaaj hai na part ka, koi bahut samay, koi kam samay, jaisa kal bhi samjhaaya tha na koi satayug se koi peechhe aati hain kopraej, koi kalhayug mein peechhe utarti hain to unka phir apna-apna time hai parantu aana phir sabko last stage tak hai to yeh sabhi hisaab samajhne ka hai । to yeh kahenge na ki pahle gati, peechhe sadgati, peechhe durgati to yeh sabhi ka aisa chakra chalta hai , last mein sab aa karke durgati mein pahunchti hain । peechhe bhale uski stage mein pharka hai koi durgati mein bhi koi kuchh achhe hain, koi durgati mein bahut neeche hain, parantu kahenge to abhi sab jo hain na yeh vikaari maaya ke bandhan mein sab hain, koi thoda hai, koi bahut hai । jaise sanyaasi saadhu, bhal, chalo uski aatma kuchh pavitra hai, parantu phir bhi maaya ka bondage to hai na kuchh na kuchh । haan bhaai shareer ko rog hota hai ya koi bhi karma ka kuchh hota hai । baithe hain is vikaari duniya mein to maana vikaari duniya ka kuchh na kuchh khaata zaroor hai । to isko kaha hi jaata hai vikaari bandhan mein, yaani duhkh ke bandhan mein to duhkh ka khaata kuchh na kuchh hai to yeh sabhi cheejen jara thodi samajhne ki hain ki ye saari srishti ka bhi jo niyam hai to kaise phir chadhti kala phir ye utarti kala । abhi utarte utarte sabhi jo aatmaaen hain na, abhi last stage mein hai iseelie usko kahenge abhi durgati mein । to jabhi bhakti shuru hoti hai, tabhi durgati ka time shuru hota hai to time shuru hua hai na phir vo time chalta chalta chalta dekho dvaaparkaal se bhakti shuru hoti hai aur dvaaparkaal se hi maaya ka aana shuru hota hai । satayug, treta mein maaya nahin hai, yaani paanch vikaar । peechhe maaya aati hai to maano durgati shuru hoti hai । to durgati shuru hoti hai aur uski end hoti hain to yeh time kahenge ki bhakti ke aadhaar se kuchh na kuchh manushya chalte rehte hain, parantu yeh time hi hai dvaapar se phir kalayug hona, to kahenge na durgati ka time hai । to isi hisaab se kaha jaata hai ki ye bhakti to vo side hi hai , do yug jo hai dvaapar aur kalhayug vo durgati ke hain aur satayug aur treta jo hain na vo sadgati ke hain to yeh hisaab se samajhne ka hai । isi mein koi aise nahin ki kabhi-kabhi ham jaise kah dete hain na, bhaai bhakti to durgati । kai samajhte hain ki bhakti ko durgati kaha jaata hai । nahin! bhakti ko durgati nahin kahenge । bhakti ka time hi jo hai na woh jab bhi durgati ka time hai tabhi hamaara dvaapar se kalayug hona hi hai । to hamaara us samay utarti kala ka time hai, peechhe phir chadhti kala ka time aata hai to satayug aur treta phir ham chadhte hain to yeh hisaab samajhne ki hai yeh to us jhaad mein bahut achhi tarah se samjhaaya hua hai ki do yug chadhti kala ke jaisa naar hota hai na, aap logon ne vo kijdi ka naar dekha hoga, to naar mein aadha side jo hai na, vo kinjadiyaan bhar karke aisi chadhti hai, phir aadha samay utarti hain to kinjdeeya dheere-dheere khaali hoti jaati hain । khaali ho kar ke phir last mein bilkul khaali ho jaati hain । to yeh bhi srishti ka ek naar hai, chakkar hai । isko chakkar mein bhi lagaaya hua hai na to yeh bhi chakkar hai । is hisaab se chakkar hai ki yeh aadha samay chadhti hai, abhi dekho ham bharpoor ho jaate hain aur bharpoor ho karke abhi chadhte hain aur phir aadha copper ej se ham utarna shuru karenge to utarte utarte to bhakti bhi usi time chalti hai lekin hamko woh kala mein utarte utarte chadhna hai so thoda bhakti ke sahaare thoda-thoda dheeme dheemen utarte hain , nahin to bhakti bhi na ho na to bilkul naastik ho jaaen, ham bilkul jaldi utar jaaen parantu uske aadhaar se kuchh na kuchh thoda-thoda thamte thamte chalte hain to yeh sabhi thamaane ki thodi thodi hain । parantu utarte zaroor hai kyonki yeh do yug hai hi utarne ke । to yeh hisaab bhi samajhna hai jaise makaan puraana hona shuru hoga to puraana hota chalega na । aise to nahin na puraana naya ho jaaega । naya honga, phir puraana hoga, phir todenge, phir banaaenge tab phir naya hoga, lekin puraana hua to bhale usko thamaane ke liye marammat bhi karenge, parantu marammat se naya to nahin ho jaaega na, unko kahenge kuchh marammat kar karke usko thamaate thamaate chalaate hain to bhakti maana thamaate thamaate kuchh na kuchh achhe-achhe karmon se chalaana parantu uska puraana hona to chalta rahega na । aisa to nahin makaan marammat se naya ho jaaega, nahin! uski puraani kandeeshan chalti chalegi । jab phir todkar ke naya banaaenge to naya kahenge phir yahi hisaab ko samajhne ki baaten hain na । to yeh bhi srishti ka bhi hisaab hai । in sabhi baaton ko samajhna hai iseelie in baaton ko bhi jitna jitna abhi baap baithkar ke samjhaate hain na, to samjhaate rehte hain ki dekho yeh samajhne ki sab baaten hain ki hamaara aadha samay kaisa hai, iseelie dekho yeh sab rang diya hai na । yeh kalayug yeh copper yeh silver yeh golden । abhi golden end silver isko kahenge sadgati aur yeh hai durgati ka time yaani hamaari utarti kala hai । do yug ham utarte hain to abhi utarte utarte dekho phir ab gati mein jaaenge, vaapas jaaenge usko phir gati kahenge, sukh duhkh se nyaare, phir aaenge to phir sadgati mein, iseelie yeh sabhi hisaab samajhne ka hai to bhakti kahaan se shuru hoti hai copper ej se, yahaan to satayug treta mein bhakti ki jaroorat nahin hai na । yahaan se to bhakti shuru hoti hai lekin kalhayug se hi chalta hai kyonki aisa nahin hai ki bhakti hone se ham phir vaapas ghar aa jaaenge sadgati mein, nahin! ham to neeche chalte chalte phir vaapas ja kar ke, phir yahaan aaenge yeh chakkar ka niyam hai । aise nahin hai jaise batlaaya na, makaan koi marammat se naya ho jaaega, nahin! tempareri bhal kuchh thama den, parantu puraanaapan to chalta hi rahega na, to ye sabhi thodi cheejon ko samajhna hai । isi tarah se yeh srishti ka bhi ek naar ki tarah se, isko kaha jaata hai kinjadi ka naar । yeh jo sabhi banaae hue hain na, dekho kai naar svaastika ke roop mein bhi hote hain, jaise svaastika hote hain na, svastika dekhe hain na, woh ganesh ke pujaari nikaalte hain, to yeh saara chakkar hai arthaat aadha samay kaise sukh ka, aadha samay duhkh ka । do yug sukh ke hain sukh mein bhi pharka hai satayug ka sukh ooncha treta mein do kala ka thoda-thoda aaste aaste aaste, parantu hai sukh ka । aise nahin hai ki kam maana usmein duhkh aa jaata hai, nahin usmein duhkh ka naam nishaan nahin hai । phir treta ke baad mein dvaapar se duhkh ka raajya shuru hota hai to pahle thoda, phir aaste aaste badhta jaata hai, peechhe kalayug aa karke hota hai to yeh dekho chakkar mein, iseelie to yeh naara aisa chalta hai aur bhi jo hai na, yeh dekho utarti kala jo hai na, vo utarti utarti utarti abhi aakar ke poori hui hai, abhi phir chadhti kala, to yeh sabhi cheejon ko achhi tarah se samajhna hai ki abhi ham utarti kala ke last mein hai, abhi hamaari yeh chadhti kala jismen abhi ham chadhkar ke athva hamaari aatma abhi usi taraph jaati hai, to yeh sabhi hisaab ko baaton ko samajhna hai iseelie kahenge to sahi na, jab bhakti maarga shuru hota hai to us time durgati hai, yaani manushya ki duhkh ki avastha hai । durgati ka doosra koi arth nahin hai, maana hamaari jo sukh ki stage hai woh nahin hai hamaari duhkh ki stage hai । to woh time duhkh ka hai isliye duhkh ko ham kuchh na kuchh thamaane ke liye yeh bhakti ya thoda bahot kuchh phalaana inka kuchh na kuchh is prakaar ki sukh ki praapti karte hain woh alpakaal ki hoti hain aur yahaan ho gaya sada kaal ki jo phir baba hamaari gati karke phir ham ko duhkh se chhudaate hain to gati aur durgati dene vaala ho gaya paramatma to yeh cheejen bhi samajhne ki hai gati maana niraakaari duniya mein jahaan ham aatmaaen jaati hain, vahaan na duhkh na sukh usko kahenge gati aur phir sukh mein aate hain to svarga kahenge, vaikunth svarga sukh ko kahenge aur hamaari gati niraakaari duniya ko vaikunth nahin kahenge to niraakaari duniya ko baikunth nahin, svarga nahin kahenge svarga maana jahaan sukh hai to svarga hi idhar hai duniya mein aur woh niraakaari duniya usmein koi svarga nahin kahenge to ye in aksharon ko bhi samajhna hai svarga maana niraakaari duniya mein jahaan ham aatmaaen jaati hain vo svarga nahin hai, to yeh bhi hisaab samajhna hai usko niraakaari duniya silence world kahenge, incorporeal world, to incorporeal world ko svarga nahin kahenge । sab kehte hain svarga ki duniya mein jab yahaan ham jeevanmukta hain to yeh bhi sabhi baaten samajhni hai, aise nahin ki mukti jeevan mukti ek hi baat hai gati sadgati ek hi baat hai । mukti maana mukta yaani part se hi mukta aur jeevan mukti maana jeevan mein duhkh se mukta, to pharka hai na woh shareer se yaani part hi nahin hai part se hi mukta hai aur woh jeevan mein duhkh se mukta usko kahenge jeevanmukta aur phir jeevanbandh, jeevanbandh maana durgati । jeevan hamaari bandhan mein, karma ke chakkar mein chalti hai, abhi dekho karma ke bandhan ke chakkar mein hai na, to yeh sabhi cheejon ko achhi tarah se samajhna hai । yeh hisaab hai saara sansaar ka, hamaare saare chakra ka jisko jaanna hai । baap kehte hain abhi dekho tumhaara kaun sa abhi stage aane ka hai । abhi to sabhi ko gati mein jaane ka hai yaani mukta hona hai । abhi to sab ka part poora hota hai sadgati, durgati abhi sab poora hua abhi tumko mukta hona hai arthaat abhi jaana hai apne us dhaam, jahaan se nange aae, kehte hain na nange aae aur nange jaana hai yaani aatma kahaan se aai, pahle shareer nahin tha to jab aai thi jaise shareer nahin tha phir woh ho karke jaana hai iseelie kehte hain isse detach ho jaao । yeh deh sahit deh ke sarva sambandhon se detach ho jaao kyonki yeh abhi shareer tumhaare ye paanch vikaaron ke hisaab se bane hue hain na, abhi to isse detach ho jaao । phir detach ho karke phir jo tum shareer lenge na woh tumko phir sada sukh ke shareer milenge iseelie baap kehte hain abhi jaise nange aae vaise nange jaana hai yaani plen aatma hokar jaana hai isliye apna deh sahit deh ke sarva sambandhon se apni buddhi hataao, yeh hai uska pharmaan iseelie baap kehte hain abhi isi pharmaan ko samajh kar ke abhi uska purushaartha rakho to abhi hamaara purushaartha, jisko kaha hai na geeta mein bhi ki ashareeri ho jaao to geeta mein bhi akshar hai ki ashareeri ho ja, ashareeri ka matlab hai tu asal mein aatma shareer dhaaran karne vaali hai na, pahle pahle to tum ashareeri thi na yaani shareer nahin tha peechhe shareer liya hai to abhi phir se ashareeri ho ja yaani shareer se detach ho ja । tum pahle se hi detach ho jaaenge to teri buddhi shareer se nikal ja karke ashareeri avastha mein rahegi to phir ant mate so gate aisi avastha ko jaakar ke paaenge । kaha bhi jaata hai na ant mate so gaten to abhi buddhi tu vahaan laga, ant mati so gati ki, ki main plen tha yaani main aatma, abhi mujhe phir plen ho karke jaana hai arthaat is shareer se detach, to apni aashakti is shareer se in sab nikaal । kaha na isse mamatva nikaal apne ko ashareeri samajh । yeh maama, kaaka, chaacha, baba yeh deh ke sambandh se bhi buddhi hata । yeh sab se buddhi hata karke man ko mere mein laga । kyon kaha, manamnaabhav hai na geeta na, manamnaabhav to madhyaaji bhav arthaat nirantar man ko mere se lagaane se tum phir jaakar ke aisa jo shareer hai jo sukh ka hai na, woh praapta karenge to yeh sabhi hisaab baith kar ke abhi tum shareer bhi sukh ka kaise lo woh tabhi lenge jab abhi shareer se detach ho jaaenge । is shareer se detach ho jaao to phir tum ko shareer peechhe jo milega na woh sada sukh ka milega kyonki yeh duhkh ke bandhan se teri buddhi nikal jaaegi to yeh sabhi baithkar ke knowledge baap samjhaate hain ki abhi tumhaara kya stage hai । to inheen sabhi baaton ko bhi achhi tarah se samajhna hai yeh samajhne ki knowledge hai jisko samajhna hai baat mein, baad mein kisi ko kehna nahin hai aise bhi dekho bahut yahaan kehte bhi hain ki kabhi bhi kisi ko aise mat kaho ki haan bhaai yeh bhakti mat karo, nahin! aisa kabhi kisi ko nahin kehna, aise bhi na ho ki bhakti bhi chhode gyaan bhi na le saken, woh to naastik ho jaaega to kisko naastik thodi banaana hai । nahin! naastik se to bhagat achha, parantu phir bhi kaha hua hai na, bhakti se gyaan shreshtha hai parantu kisi ko aisa nahin kehna hai ki tum bhakti na karo kyonki buri baat ke liye kiseeko rok sakte hain ki yeh krodh mat karo, vikaaron mein mat jaao, woh to buri baat hai na to buri baat ke liye ham chhuda sakte hain baaki achhi baat kyon chhudaaen, jab samajh aa jaaegi na apne aap is achchhaai se phir ye achchhaai hai, shreshtha hai usko pakdenge to abhi chhote bachche jo hain na, chhote bachpan ki jo hai na, woh apne aap chhoot jaaenge । bachcha hota hai na to chhotepan mein khilaune se khelega par jab samajh aati jaaegi to woh chhotepan ke khelpaal apne aap chhoot jaaega to hamaare mein bhi gyaan nahin tha to hamaare mein bhi yeh chhotaapan tha, ham vo hi thaakur, khilaune aadi bhagwan ke le karke usko kapda pahnaana, khilaana, ye karna jaise bachchiyaan hoti hain na gudiyon ka khel karte hain to jaise gyaan nahin tha to yeh tha । abhi samajh mein aai hai to ham kehte hain ham khud chaitanya mein practical mein devta bane na । abhi khaali yeh thodi hai ki unka but lekar ke unko baith karke unki pooja karen vo to jaise gudiyon ka khel ho gaya । usko kehte hain idol parasta, angreji mein bhi karte hain, to kehte hain idol parasta । practical mein tum devta bano to yeh hai ki jab woh stage banen na, to vo sab apne aap chhoot jaaegi baaki kisi ko kehna nahin hai ki yeh na karo । phir bhi achha jaakar ke koi buraai kaam kare to isse to achha hai na phir bhi bhagwan ka kisi na kisi tareeke se ulta ki seedha phir bhi kuchh na kuchh uska baithkar ke karta hai na to naastik se to achha hai na, bhaai bure kaam karne se to achha hai na iseelie kabhi bhi kisko aisa nahin kehna ki yeh bhakti chhodo, isse to kuchh nahin hai । nahin! ham kehte hain, aisa kabhi bhi samjhaane mein yeh bahut samjhaaya jaata hai ki kabhi bhi kisi ko bhakti chhudaane nahin hai, tab talak woh apne aap samajh mein aae । jab aaega na tabhi hamaara woh chhotepan ki baaten jo hai na woh apne aap chhoot jaaengi kyonki samajh aa gai na ki abhi hamko kaun sa karma karna hai । hamaara karma hai apne jeevan ko banaana, doosron ke jeevan ko banaana । haan vahi time ham kiske jeevan ko banaaen, chaitanya mein usko practical devta banaaen to woh shreshtha kaam hai na to woh jab samajh aaegi to apne aap aa jaaegi na । baaki kisse woh chhudaana bechaara woh bhi kaam na kar sake aur woh bhi chhod deve to naastik ho jaaega na, iseelie kabhi bhi kisi se aisa nahin chhudaana hai । haan baaki bhi vikaaron ke liye to kahenge na bhaai yeh bhi gand hai isse tumhaara vikram banega isko chhodo । baaki bhakti ke liye kisko nahin kahenge ki chhodo । vo to jitna jitna gyaan ki paraakaashtha badhti jaaegi na, vo apne aap jo kuchh chhotepan ke hain woh apne aap chhootta jaaega jaise bachche ka chhotaapan jitna jitna samajh mein aata jaaega, utna chhotaapan apne aap chhootta jaata hai । to yeh bhi saari cheejen samajhne ki hai ki iseelie yeh bhi sab baaten apne paas rakhne ki hai, abhi yeh to sab hua gyaan jo buddhi mein rakh kar ke apne gyaan se apne ko kaise ooncha rakhna hai aur apne karmon ko kaise achha banaana hai, lekin phir apni dhaarnaaen bhi to achhi karne ki hai na । aise nahin hai ki khaali hamko pandit banna hai, khaali doosron ko battery kahne ka hai, nahin! hamko yeh to apni practical jeevan ke oopar bhi attention dena hai to hamaari dhaarnaaen bhi bahut achhi honi chaahiye । hamaare karma bhi bahut achhe hone chaahiye । ham kehte hain, ham paanch vikaaron ko jeette hain । abhi baap aaya hai aur hamko aakar ke paanch vikaar yaani maaya ke oopar jeet pahnaate hain to maaya maana vikaari. maaya koi shareer to nahin hai na, maaya koi in aankhon se jo dekhte hain ye dhan sampatti usko maaya nahin kahenge, maaya maana vikaar, dhan-sampatti to devtaaon ke paas bhi thi, parantu vikaar nahin the to uska maano unke paas maaya nahin thi । maaya maana aisa nahin ki unke dhan-sampatti nahin thi, to uski maana dhan sampatti ko maaya nahin kahenge । to unheen baaton ko samajhna hai । to hamaako chhodna hai vikaaron ko, phir unhi vikaaron par attention hona chaahiye ki hamaare mein koi aisa bhoot to nahin hai, yeh bhoot hai na, to yeh bhoot ekdam to abhi in bhooton ko nikaalna hai to abhi dekho kaam , woh bhi itni badi baat nahin hai woh to bramhacharya ka to bahut log paalan karte hain, aise bhi karte hain । bhale yahaan gyaan mein nahin aate hain, bahut hain jo brahmachaari rehte hain । woh to gaandhi ji ka bhi em tha, bahut abhi hai jo gaandheeji ke maanne vaale vo brahmachaari rehte hain । bade-bade minister hamaare se milte hain na to vo kehte hain, ham gaandhi ke samay se brahmachaari hain to aise to bahut hai jo apne ko brahmachaari kehte hain to yeh bhi koi badi baat nahin hai lekin saath-saath doosre bhi vikaaron ke oopar attention to dena hai na । to dekho krodh abhi yeh bhi bahut bhaari bhoot hai na, abhi krodh yeh bhi to dekho ham apna bhi haani karte hain, apna bhi ji jalta hai, doosron ka bhi jalaate hain, hota hai na aise, to yeh hai ek-do ko duhkh dena । to ek duhkh hota hai laathi maarna kiska khoon karna karma se, parantu yeh kuvchan kisi ko bolenge ya kuchh bhi aisa ulta-pulta kahenge to woh bhi hamne jaise kisi ke oopar jaise woh haanth se laathi maarni hai yeh mukh se laathi maarni hai, to yeh bhi to vikarma ho gaya na । to hamko apne vachnon ke oopar, bol ke oopar bhi attention dena hai ki hamaara bol kisi ko koi duhkh to nahin deta hai । to ek hai haanth se bhaai mainne maara thodi, mainne khoon thodi kiya, mainne koi paap thodi kiya parantu yeh jo vachan se, jabaan se maara, kisi ko duhkh diya to yeh bhi to duhkh ho gaya na, to duhkh ho gaya na to iska bhi hamaare oopar paap chadha iseelie hamko kisi ko aisa vachan nahin bolna hai jisse kisko duhkh ho, apni taraph se apne ko koshish mein rakhna hai haan koi besamjhi se kismen duhkh hai koi baat hai samjho, woh doosri baat hai lekin ham jisko kahe krodh to aakar ke ham usmein kuvchan bolen woh to baat nahin honi chaahiye na aur bhale koi hamaare oopar koi bhi apkaar karen lekin hamko apkaari ke oopar upkaar karna hai । hamaara kaam kya hai kehte hain na kar bhala to ho bhala yeh kahaavat bahut common hai ki kar bhala to ho bhala । ham kis ka bhala karenge to hamaara bhala hoga ismen hamaara kya bigdega, iseelie aisa aabkaari ke oopar upkaar karna, yeh dhaarna honi chaahiye aur kisi ke prati bhi hamko koi kuvchan ya koi bhi aisa baat bolna nahin hai । ham is javaan ke oopar bahut attention se jo bhi vachan kehna hai woh bahut saral rakhna chaahiye, aisi koi nahin ki kam jyaada jaise aave woh bol deven, usse koi doosre ko nuksaan ho jaae to dekho uske nuksaan ka hamaare oopar bhi lagega । jaise ham kehte hain ki phaayda bhi ham ko milta hai, koi ki achhi service karte hain, to bhaai uska phaayda milta hai, koi dish service karenge kisko haani pahunchaaenge to uska nuksaan bhi to milega na ki nuksaan nahin milega? milega, to yeh bhi sabhi cheejen hain jismen ham ko baith kar ke har baat mein samajh rakhni hai । apne ek ek akshar ke oopar, bol ke oopar attention dena hai ki mere bol se koi ko duhkh to nahin pahunchta hai iseelie apne bol ke oopar, apne in sabhi baaton ke oopar attention । to isko kahenge yeh sabhi bhi seekhna hai na । to aise krodh mein temper loose ho karke ya ham kisi ke liye kuchh bhi kah den ya kisko koi duhkh ki baat pahuncha den, nahin! abhi to knowledge hai na samajh mili hai, to yeh sab jo yahaan aate ho, kyonki aate ho, aap log shiksha le rahe ho, to haq hak hai in sabhi baaton ka samjhaane ka, to yeh sabhi cheejen dhaarnaaon mein rakhni hai, to yahi baaton ke liye to yahaan aate ho na, baaki aise nahin hai ki yahaan khaali aao, ghanta aadha time diya, phir jaise ho vaise hi raho, nahin, to phir aane ka phaayda hi kya hai? phaayda yahi hai ki in paanch vikaaron ko kaise jeete । to iske oopar dhyaan rakhna chaahiye, parantu aise nahin hamaara svabhaav hai, hamaari aadat hai, ya hamaara aisa hai, nahin! us aadat ke oopar to apna control dena hai na, to attention dena hai aur attention ke liye yukti bhi baap batlaate hain ki bachche kaise attention rakho, har vakta apne ko soul konshiyas rakho, aatma nishchay rakho ki aai em soul, yeh to easy hai na । soul samajhne se supreme saul bhi yaad rahega । baap kaun sa, soul ka baap kaun hoga? jaise apna baap ho to bachcha bhi kahenge, woh bhi manushya hai na, to yaad rahega ki baap hai to zaroor baap ke sambandh mein bachcha aaega । yeh samjhega ki main bachcha hoon, bachcha kiska hoon baap ka । to bachcha hai to baap zaroor yaad aaega । bachcha aur baap, baap aur bachcha, bachche baap se sambandh rakhte hain, baap bachche se । bachcha akshar phir niklega kahaan se, bhaai bachcha hoon to baap se hi to bachcha kahne mein aata hai na । to zaroor baap aaega, aatma maana hi paramatma zaroor yaad aaega ki main aatma usi ki santaan hoon, to apne ko pahle woh nishchay rakhne ka hai । to yeh hai yuktiyaan apne ko kaise vikaaron se chhudaakar rakhen, yeh yuktiyaan hai to apne ko saul konshiyas rakho main aatma hoon, dekho bhi aisa kuchh hota hai maano koi ne hamko do gaali de di samjho kuchh bura kah diya, to ham kya samjhenge hai to bichaari yeh bhi aatma yeh koi doosri cheej thodi hai, yeh bhi aatma hai, achha! usne mujhe kaha, to abhi kya hua vaise bhi kehte hain, sanyaasi abhi laga tumko? kahaan laga ? tumko kidhar laga bataao, kuchh nahin, vo to aavaaj, hava mein ud gaya, parantu sanyaasi bhi aise aise misaal dete hain, parantu apne paas to riyal gyaan hai ki chalo isne kaha, to aakaash tatva se aavaaj kaha, lekin kaha kisne ? aatma ne kaha । abhi aatma jo karti hai, so paati hai, ham kyon apne sir par iska lekar ke apna vikarma banaaen, agar ek vachan se ham bhi do kuchh bura kah denge to hamaara vikram ban jaaega । hamaara to kaam hai isnen bhi jo bhi vikarma banaaen, isko bhi pyaar se usi vikram se bachaaen, koshish karen to hamaara pharka padega na, isse hamaari bhaavna shubh aaegi ki nahin in bichaare ka bhi kalyaan karen, jo kar sakte hain to । to kar sakte hain to karen, to agar karne ki bhi himmat nahin hai to main apna koi vachan de karke inka haani to na karu na, ya apni haani to na karu na । to kya hoga ki har vakta khyaal rahne se ki yeh bhi aatma hai, main bhi aatma hoon, yeh dhyaan rahne se aatma ka jo gyaan hai na, woh buddhi mein rahega ki ye aatma ke sanskaar hai । abhi uske sanskaar ke saath shuddh mera sanskaar, mujhe to shuddh rakhna hai na । mujhe thodi asuddha sanskaar mein aana hai to main phir aatma ashuddha sanskaar mein aaoongi to mera vikarma ban jaaega, to woh aatma ki saari knowledge rahegi na buddhi mein, to ham apne vikram banaane se bache rahenge । to yeh buddhi mein har vakta rehna chaahiye ki apne ko aatma nishchay । to yeh dekho yukti ho gai na apne ko vikarma se bachaane ki । to koi bhi bura kaam ham haanth se bhi koi bura kaam na karen, mukh se bhi koi bura kaam na karen । mukh bhi vikarma mein aa gaya to phir to vikarma ban gaya । baaki man se kisi ke ulte sankalp chalte hain uska vikram nahin banta hai, usi time ham baap ko yaad karen lekin haan vesta to gaya na , parantu vikram se to pahle bachaana hai buddhi ko aur karma ko । mukh chala to khaata ban gaya । ulta bola to ulte ka, sulta bola sulte ka, khaate mein to aa gaye na । to bachna hai, iseelie zara sahansheel, yeh bhi gun hai na nirbhayta, gambheerta aur ham dekho kitne bade baap ke bachche hain, bade shaandaar baap ke bachche hain na, to hamaara bolchaal bada royal aur usi shaan se, dekho jo shaan vaale bachche hote hain na, kitne shaan se unke bolchaal rehte hain to woh to hai baahar ki jismaani mehnat, apne paas to roohaani hai na ki ham aatma usi parampita paramatma ki santaan hain । hamaara bol kaisa hona chaahiye, hamaari chaal kaisi honi chaahiye, ham kitne royal hone chaahiye to apni phir royalty woh bhi rakhni chaahiye na, roohaani, shreshtha royalty । to yeh bhi sabhi baat apne dhyaan rakhne ka hai iseelie koi ko bhi, kisi bhi tarah se hamaare se duhkh pahunche । aisa kuchh bolna karna nahin chaahiye, koi bhool bhi ho jaae na, to kah do aai em sorry isliye inke oopar bhi abhi poora attention hona chaahiye ki aisa koi bolchaal na hona chaahiye aur samjho koi ne bola bhi to doosre ko kya samajhna chaahiye, kyonki yahaan aate to ho na sab, samjho kisi ne koi kaisa kuvchan bol bhi diya, to bhi unko feel nahin karna chaahiye । usko phir deh abhimaan kahenge, hamaare ko feel hua usne aisa kyon kaha, to feel hua to maana uska matlab us samay aatma nishchay nahin hai na । kyon feel kiya, feel kaun karti hai aatma, par usi samay aatma ko khyaal nahin hai ki main kiski santaan hoon । agar yeh gyaan hota to woh feel nahin karta, to usko kahenge deh abhimaan । apne ko samajhte hain main aisa hoon, isne kyon kaha, to isne aur main, woh ho gaya body konsias hoon to woh body konsias ki vajah se feel hua phir woh deh abhimaan aane se phir ya to usse rooth jaaenge ya phir ek ka do akshar bol denge, koi aisi-aisi baaten ho jaati hai na, to yeh sabhi jo baaten hain in sabka kaaran hai deh abhimaan । bolna bhi deh abhimaan se, feel hona bhi deh abhimaan se, hai to sab deh ka abhimaan na । to baap kehte hain bachche isse detach ho jaao । deh ka abhimaan chhodo । ab dehi yaani aatma ka abhimaan rakho yaani main aatma paramatma ki santaan hoon, shuddh ahankaar rakho, yeh ashuddha sab chhodo । to abhi chhodna chaahiye na usko, iseelie in sab baaton ki bhi dhaarna achhi, buddhi mein rakhni chaahiye । ye khaali sunne ka to gyaan nahin hai na practical, to saara din apna chart rakho ki mainne aaj kiske saath kuchh aisa kuvchan to nahin bola । mere se aaj ke din mein koi aisi bhool to nahin hui, krodhvash ya lobhvash ya mohvash ya koi bhi vikaarvash hui to nahin, to yeh sabhi apna attention rakhna chaahiye aur apne mein phir achhi tarah se vo dhaarna rakhni chaahiye ki main aisa koi kaam na karoon, kisi ko duhkh na doon । to yeh apna saara chart rakhna hai, isko ham kehte hain dincharya । yeh sab chart rakhna chaahiye achhi tarah se । to phir kya hai ki aisa aisa karke dhaarna banegi, nahin to agar dhaarna ka poora khyaal nahin hoga to phir hamaare vahi karma chalte rahenge, to ham phir aage to nahin badh pa sakenge na, to yeh sabhi cheejon ka poora attention apne mein rakhna chaahiye aur us attention se apne ko chalaana chaahiye, to yeh sabhi baaten hain jisse hamaara khaata roj ka banta hai । dekho hamaara roj ka khaata kya bana । roj ka khaata hamaara achha kya hua, bura kya hua to jaise woh khaatedaar hote hain na dukaandaar, hamaara jama kya hua, kharcha kya hua, dekhte hain roj, to aap bhi apna roj ka potaamel dekho ki hamaara kitna khaata mita, kitna khaata bana, jo bana woh achha bana phaayde mein bana ya nuksaan mein bana ya ghaate mein bana । dekhna chaahiye na to apna chart humein yeh roj ka har ek ko rakhna chaahiye, koi vikaarvash krodhvash, lobhvash, mohvash aisa to koi kaam nahin hua to apne ko sambhaalna chaahiye । aisi sambhaal karne se hi ham kuchh aage badhenge aur badh kar ke kuchh paaenge । aur phir bhi dekho sab aate hain to bhi humein phir kaha jaata hai olvej si father, hamko jahaan se shiksha mil rahi hai, phir koi ki oonchi neechi baat mein hamko nahin phansana hai । purushaarthi hain na sab, stoodentas mein koi neecha bhi hai, koi ooncha bhi hai to ismen ham kahen ki usne aisa kyon kiya, ye itne garva se aata hai to usko dekh kar ke ham jo padhaai le rahe hain baap se usko ham chhod deven ya usse apna haanth hata denven to woh nuksaan hamko padega na । aise thodi hai ki hua aapas mein kuchh aur rooth jaaen ham padhaane vaale se, usse kyon roothe, abhi students hote hain aapas mein koi baat mein takkar ho jaae, agar school ya teacher ko chhod dega to kya hoga । vahaan school chhodega doosra school le lega, yahaan to padhaane vaala paramatma ka ek hi school hai, chhodega to kahaan jaaega, iseelie yeh sabhi jo khyaal aata hai na, yeh nahin hona chaahiye । aise nahin hai ki chalo aapas mein kisi bhi baat mein kisi ne kuchh kaha ya koi aisi baat ki takkar ho gai to usmein takkar karke ham usi ka haanth chhod den aur apni jo padhaai hai yeh jo shiksha hai jisse hamaari itni unnati hai usko agar ham chhodenge to nuksaan kisko hoga? chhodne vaale ko hoga na iseelie yeh bhi samajh hai ki kiya aapas mein aur haanth chhoda uska, to usmein usne kya gunaah kiya ya usko kya pharka padega । padhaai chhoda to nuksaan to usne apna kiya na, to apna nuksaan karna yeh bhi to samajh ki baat nahin hai na, to yeh sabhi baaten hain jo samajhni chaahiye ki chalo aapas mein koi baat ki anban ya samjho koi aisi baat ho jaati hai, yeh bhi ham samajhte hain ki chalo koi karma ka hisaab hai iske saath to kabhi-kabhi koi baat mein samjho, koi takkar bhi pad jaae, parantu uske kaaran ham padhaai chhod den, ya rooth jaaen ya koi rooth karke padhaai aur uska sang chhod den, jis sang se ham itni unnati chaahte hain, usmein nuksaan to apna hoga na, to aise aise nuksaanon se apne ko bachaana chaahiye, tabhi ham apna saubhaagya pa sakenge, hamko jo cheej leni hai, hamaara attention usmein hona chaahiye । hamaara kaam kya hai ham woh gun grahan karen, ham woh cheej leven baaki jo hai jo kiska hamko achha nahin lagta hai, chhod do, doosre ka kichda ham apne pocket mein apni buddhi mein kyon daalte hain । apna pocket clear rakho, saaph rakho । koi ka kichda hai tum kyon uthaate ho । chalo woh bhi bichaare kichde ko nikaalne ke liye mehnat karte hain, jo karega so paaega ham doosre ka kichda khaali peeli kyon daalen uska dhyaan nahin karo, to yeh samajh honi chaahiye na, taaki jo ghadi-ghadi baat ki isne aisa kaha, isne aisa hua, hamko feel hua yeh hua to phir aise feel karne, deh abhimaani hokar rahenge to phir aage bhi to nahin badh sakenge na, to yeh sabhi deh ka abhimaan hai to usko kaha jaaega deh ka abhimaan ki main phalaana hoon, yeh to bhool gae ki main aatma hoon । parampita paramatma ki santaan hoon yeh to bhool gaya na । main phalaana hoon, koi ne mujhe aisa kaha, isne aisa kaha yeh to deh ka abhimaan hua na । isse koi bhi vikarma vinaash nahin hue aur paap bante chalenge । to yeh hai sabhi paap banaane ki baaten aur paapon se chhootne ki baat to yeh hai ki hamko dehi abhimaani yaani aatma nishchay aur ham parampita paramatma ki santaan । ham kaahe ke liye kisi ka yeh sab kichda apne paas daalen to usi mein ham saaph hote jaaenge aur saaph hote saaph hote nikal padenge baahar kichde se ekdam । nahin to usmein kichda aur jama hota jaaega aur duhkhi hote jaaenge । to yeh bhi sabhi cheejen hain na isko achhi tarah se samajhna hai to yeh hai shikshaaen, jisko phir apne paas achhi tarah se rakhna hai aur isi se to apne ko banaana hai na । baaki to gyaan samjha, chalo gyaan bhi kisi ko koi samjha jaaega, lekin practical dhaarna chaahiye na, deh abhimaan chhootna chaahiye, ashuddha ahankaar hai na yeh pahla pahla, woh to nikaalna chaahiye aur uske saath sabhi vikaaron ke oopar attention rakhna chaahiye । to yeh sabhi cheejen hain jis ko achhi tarah se dhaarna mein laana chaahiye । yeh krodh bhi ek bahut badi hai, dincharya ka bhi paalan kar jaaenge lekin krodh ki hai na usmein bhi poora attention chaahiye kyonki yeh usse nuksaan bahut karte hain apna bhi aur dusre ka bhi । dekho krodh aaega koi ko to pahle apna ji jalega, apne andar hoga, phir doosre ko thokenga, phir uska bhi ji jalaaega । to apna bhi jalaana doosre ka bhi jalaana phaayda hi kya hai । to yeh haani hai to yeh haanikaarak jo baaten hain na usse chhootna chaahiye । yeh paap hai to yeh sabhi paap karma se apne ko bachaana hai, tabhi to ham paapon se mukta honge na, nahin to paap banaate jaaenge, so bhi gyaan mein hote agar paap banaate hain to uska 100 guna 10 guna jyaada dand padta hai । samajhdaar agar koi bura kaam karega na, to samjhu ke oopar uska dand jyaada hai । jo hai hi besmajh to kahenge, ye hai hi beakal bichaare, isko pata nahin hai to iske liye itni koi baat nahin hai, lekin samajhdaar ke liye to saja hai na bahut, to samajhdaar ko to aur hi khabardaar rehna chaahiye । to abhi aap samajhdaar bante ho na samajhdaar ke bachche samajhdaar ho, to abhi jab samajh mili hai to khabardaar rehna hai, parantu iska matlab yeh nahin hai, ki isse to samajh na len to hi achha hai, nahin! besmajh hai to ismen to paapon mein pade hi rahenge na । woh to dharmaraaj ke dande khaane hi rahenge khaate hi rahenge, to khaane se kya phaayda hai? phaayda thodi hai । na pad milega gotre bhi khaate rahenge, aur ismen ham gotre se bhi chhoot sakte hain, pad bhi achha, status bhi achha । isse to phaayde ki baat leni chaahiye na । to yeh sabhi cheejen hain jo apne paas achhi tarah se rakho aur dhaaran karo aur jo-jo buri-buri aadat ho na, woh nikaalo । kismen vishesh krodh hota hai, kismen vishesh kaam vikaar hota hai, kis mein vishesh lobh hota hai kismen koi baaten hoti hain, paanchon vikaaron mein se, to apne mein jo vishesh ho na to woh nikaal dena chaahiye jaldi se । vishesh cheej to nikaal deni chaahiye, yeh to seedhe-seedhe vikaar hain na, woh nikaal dena chaahiye total kat oph । aur usmein phir yeh sabhi shiksha milti hai ki ye sab baaton ko jitna jitna rakhenge utna-utna tumhaari buddhi svachchha rahegi aur yog achha baithega, gyaan achha buddhi mein baithega । agar yeh sabhi vikaar honge to gyaan yog nahin baithega । yog lag nahin sakega to aur hi paap naash nahin ho sakte to yeh sabhi cheejen hain, jisko achhi tarah se buddhi mein rakhte apna purushaartha rakhne ka hai । to yeh bhi dhaarna ki point leni padti hai ki jab aate ho to apne ko kaisa svachchha aur kitna apne ko banaana hai gunvaan, to yeh bhi to sabhi dhaarna rakhne ki hai na । aur yahi hamaari purity hai । purity ka matlab hi kya hai, inheen ko to nikaalna hai na, isi se to pure bante hain na, impurity to yahi hai na । baaki impyoriti thodi hai ki kisi ke kapde dhoye nahin, saaph nahin ya nahaaya nahin ya yeh kiya । nahin! yahi to impuriti, aatma ko impure banaane ki yahi to cheejen hain, usse hamko saaph rakhna hai apne ko । iseelie kehte hain roj ye gyaan snaan karo । is snaan se buddhi saara din refresh rahegi, attention rahega ki aaj subah ko kya suna । aaj hamko krodh nahin karna hai, aaj koi moh mein ya lobh mein ya koi bhi vikaarvash hamko nahin jaana hai to attention rahega iseelie phir jor diya jaata hai, bhaai roj aao jaise vo snaan aadi roj hota hai । iseelie sunenge to refresh rahenge । agar koi nahin aaega na, are! teen-chaar din bhi koi dekh le na aaega to buddhi ekdam ho jaaegi, palat jaaegi, to iseelie kaha jaata hai na jaisa sang vaisa rang । koi dekh leve chaar-paanch roj na aae na, to woh jo aanand hai na, woh jo refresh rehta hai, umang apne jeevan mein to thanda pad jaaega iseelie is sang ki bhi jaroorat hai, to rakhna chaahiye । baaki koi ke kaaran apni padhaai chhod dena ya sang chhod dena, yeh to apna nuksaan hai na । jo karega so paaega hamko to apna phaayda lete chalna । baaki koi soche ki main ghar baithe phaayda le loonga, imposibal hai aisa । kyonki hamaare paas anubhav hai na, jab talak sang nahin hai na vo, aise bahut kehte hain par ghar rahkar ke, parantu aise koi karke to dikhaae । bhaai ghar mein aise hi rahe, bada mushkil hai sang zaroor chaahiye । aur gaaya bhi hai na, jaisa sang vaisa rang, iseelie kaha hua hai to sang ka bhi to prabhaav padta hai na । to yahaan hai hi paanchon vikaaron ko chhudaane ka course, kyonki maaya se chhudaane aata hai na । baap aa karke kampleet pavitra banaata hai to iseelie yahaan in sab baaton par jor diya jaata hai aur unheen ke chhootne se hi to ham achhe banenge na । baaki dheere-dheere aaste aaste aaste aaste karte-karte to dekho kaale padte gae, saanvare ekdam, abhi to gore hona hain na ekdam, saanvale se bilkul gora । baaki dekho humein sundar se shyaam banne mein to aadha kalpa laga, ham shyaam bante aae । shyaam maana kaala, aaste aaste kaala hote hote abhi to bilkul blaik ho gae hain । bhale shareer se gore ho lekin ho to gae na kaale yaani aatmaaen impure । bhale aaj shareer se ham gor hain parantu dekho shareer mein rog aadi yeh sab karma ki bhogna, maana khaate mein to gire । woh to sabse thande mulkon mein rehte hain to isse to skin saaph hai to kya hua, goraapan thodi hai woh । gora maana ever healthy, ever velthi, ever happy, woh kahaan hai, woh to nahin hai na । to yeh sabhi cheejon ko samajhte apne purushaartha ko aisa karo, samjha । abhi aise aise banenge, achhe-achhe khushboodaar to baap bhi kahenge aise phoolon ki khushbu lena achha hai to khushboodaar bachche banna hai na । khushbu maana yeh gunon ki khushbu, isse khushbu aaegi to baap bhi apne gale ki maala usko banaaenge । woh kehte hain na jaise vaijayanti maala, rudraaksha maala to ham to rudra ki maana aatmaon ki vaijayanti jo vijay praapta karke jeevanmukti ki maala bhi hai na woh, dekho ham jeevan mukti ki bhi stage ko praapta karte hain aur woh hai aatmaon ki aatmaon mein bhi ham number aage, to baap kehte hain apne ko aage karo rudraaksha maala mein bhi aage karo to vaijayanti maala mein bhi aage karo aur apne ko aisa laayak banaao, to banaana chaahiye na । to khushboodaar bachchon ko baap bhi apne gale lagaaega arthaat apne sameep karega । kaise hamaare vaadusen ji, vaad mein chalna hai abhi ghaate mein nahin chalna hai, ghaate ka din poora hua abhi, abhi hamaare ko apna vriddhi karna hai theek hai na । usi liye apni vriddhi mein lage raho । kaise hamaare, inka naam kya hai hamaare, arjun ? nahi, tumhaare peechhe, baabooraam । achha baabooraam । dekho naam bhi baabooraam, sachcha sachcha baabooraam banna hai । raam niraakaar paramatma ko kaha jaata hai na, abhi baap to woh hai lekin master ko bhi kehte hain na phalaana bhaai iska bachcha hai to master phalaana to vo bhi abhi uska bhi sachcha sachcha bachcha banna hai । bahut achha hai, achha abhi time bhi hua hai aap logon ko thoda time par chhodte hain, bachchon ke imtihaan vagairah hain shaayad aur thoda apne ghar grihastha ko bhi sambhaalna hai । ghar ka bhi sambhaalna hai, aise to nahin na, donon kaam karna hai parantu shreshtha karma se chalna hai । vo common grahasti to chalaai vo to janaavar pashu pakshi bhi chalaate hain, lekin apne karma ko shreshtha rakh kar ke chalaana, to karma shreshtha ko bhi seekhna hai na, samajhna hai ki sabse shreshtha kaun si cheej hai । usi ko lekar ke chalne se hamaari pravritti ka aadarsha ooncha rahega to woh bhi banaana hai na । achha aisa baap aur daada jo baithkar ke hamko aadarsha sikhlaate hain ki kis tarah se manushya ko kya karne ka hai to aisa apna aadarsha banaana hai to baap aur daada aur maa ke meethe meethe bahut achhe sapoot aise samajhdaar aur sayaane aur koi bhi paap karma na karne ka apna poora dridhta rakhna chaahiye aise jo bachche hain, aise bachchon ke prit yaad pyaar aur good morning aur good de, good evening ye bhi time good rakhne ka khyaal rakhna hai । ye jo bed maaya baithti hain na usse sambhalna hai । abhi bed hai to good naam bhi hai, peechhe good bed donon hi naam nahin hoga satayug mein । ham apne ko good rakhen to ham koi bed thodi hain jo apne ko good rakhen । vahaan to hain hi good, usmein yeh khyaal nahin rakhna padega, abhi khayaal rakhna padta hai kyonki abhi maaya ka raaj hai na । abhi pichhaadi hai uski aur uska force bhi hai iseelie sambhaalna hai aur saara din apna jo achhe hain na vo rakho apne paas diary, chart, yaad ka bhi jo temprechar hai na, usko bhi dekhna hai saara din mein kitna apne parampita paramatma ko yaad kiya aur saare din kaun sa karma hamne ronga kiya, kaun sa right kiya, woh note rakhna chaahiye to dhyaan rahega ki phir ham aisa na karen, to ye sab cheejen achhi tarah se nikaal diya na achha chalo ।