Sakar murli for Wednesday 30 January 1963

> >

30-01-1963 dilleepraatah murli saakaar baba om shanti madhuban

helo, good morning ham se bol rahi hain । aaj budhvaar hai, san 1963 January ki tees taareekh hai । praatah class mein baapdaada ki murli sunte hain ।

record:-

aakhir vo din aaya aaj…

to ishaara deven phir vaheen se hi shuru karen, to inka arth bachchon ko achhi tarah se samjhaaven । yahaan bahut hi achhi sensible chaahiye । abhi kya suna bachchon ne? suna ki jis din ke ham mohtaaj the, vo din aaj aa gaya । kiske mohtaaj the? sukh aur shanti ke mohtaaj hain bhagat । saari duniya shanti aur sukh va sukh aur shanti ki mohtaaj hai zaroor; kyonki satayug-treta mein koi bhi mohtaaj hote hi nahin hain koi baat ke liye bhi । ab yeh geet bhi hai to sahi na । gaaya hua hai na unki yaad mein ki mohtaaj se sirtaaj kaun banaave? ashaant se shant kaun banaave? duhkhi se sukhi kaun banaave? to uski yaad mein yeh gaate hain abhi ki aakhir vo din aaya hai aaj, jo aa karke hamko mohtaaj se sirtaaj banaate hain, duhkhi se sukhi banaate hain, ashaant se shant banaate hain, insolvent se solvent banaate hain, devil se deity banaate hain । aise kahenge na bachche । us din ke mohtaaj hain । kyon? mohtaaj hain barobar । jab koi marte hain to bhi kah dete hain- left four heavenly abode । kahaan gaya tumhaara? svargavaasi hua । svarga ko yaad karte rehte hain na arthaat phir bhi bhagwan ko yaad karte rehte hain; parantu bhagwan kaun? kab aaenge? kya hai? bichaaron ko kuchh bhi pata nahin hai । ye jo geeta, ved, upnishad, shaastra, granth-ye sabhi ne baith karke soot munjhaay diya hai । moonjh gae hain । koi kya kehte hain, koi kya kehte hain, koi kalpa ki aayu kya rakh dete hain । bahut moonjhe hue hain bichaare । to zaroor samjhaane vaala chaahiye na । moonjhate hai besmajh । bahut besmajh ho gae । jitne hi shaastra padhe, jitne upnishad padhe hain, jitni ye nai- nai geetaaai banaay karke padhi hain, jitna baith karke geeta ka anek prakaar ka arth banaaya hai utne hi moonjh gae hain । kitni geetaaen hongi? aise aur koi shaastra nahin hai, jinko itna baithkar samajhne ke liye koshish ki hai, parantu jitna samjhaaya hai, geeta banaai hai, itne hi moonjhate gae hain । koi kah dete hain kalpa ki aayu bahut badi-badi hai । mukhya ismen samajhte hain na । koi kehte hain geeta dvaapar mein sunaai । koi kah dete hain ki krishna bhagwan ne sunaai । unko bhagwan bhi kah dete hain । kabhi kah dete hain-nahin, eeshvar to sarvavyaapi hai । phir sunaaega kaun? agar sarvavyaapi hai to kismen se niklega? vo samajhte hain ki krishna mein se nikal aaya bhagwan । krishna mein se bhi bhagwan nahin nikla, bhagwan ne krishna ka bhi rath nahin pakda । yeh bhi to jhooth hai । bahut moonjhe hue hain, bilkul hi । ek to shaastron se bahut moonjhe hue hain । tang kiya hai shaastron ne baith karke sabko । bada tang kiya hai । doosri, maaya ne tang kiya hai । bahut tang kiya hai, bahut duhkhi banaaya hai । baap baith karke samjhaate hain ki sabse jaasti jo point hai tangi ki, vo kaun-si hai? bhagwan kisko kaha jaae? pahli baat । bhagwan hai kaun? agar sarvavyaapi kah dete hain । achha, vo to sarvavyaapi kehte aae, kehte aae, parantu koi ko pata to nahin hai kuchh bhi । yeh to karte aae ho, usse kuchh phaayda to milta nahin hai । bhaarat rasaatal mein ja raha hai । bhal agar baith kar karke yeh foreigners se raajya liya hai, aur hi tang ho gae hain, nahin to koi ki taakat thi jo bhaarat ke oopar chadhaai kare, jabki British government ka raajya tha? bilkul nahin । na cheen, na paakistaan, koi ki bhi taakat nahin thi । safe the । achha, abhi to safety bhi chali gai । din-pratidin jisko svaraaj kaha jaata hai, naam rakh diya hai naya bhaarat, nav yug । naam dekho, kaise rakhte hain । nav bhaarat akhbaaren bhi nikalti hain । nav yug akhbaaren nikalti hain । new dilli । puraani dilli, abhi new dilli । vo dilli badal karke aur thoda naya makaan bana diya, bas dilli saari new ho gai? puraani to padi hai । new tab kahen jab puraani vinaash ho jaave । abhi vo to vinaash hi nahin hui hai । new new karte rehte hain । abhi baap baith karke bachchon ko samjhaate hain-laadle bachche, jab nai srishti thi, jisko satayug kahenge, aur to kuchh nahin kahenge na । nai srishti ko hi satayug kahenge । nai srishti mein naya bhaarat tha, jisko praacheen bhaarat kaha jaata hai । vo ho gai nai srishti, naya yug aur phir usmein nai dilli thi, usko paristaan kaha jaata tha । nai srishti mein bhaarat hi naya hota hai aur koi jo khanda hote hain, kabhi bhi nai srishti mein aise nahin kahenge ki koi Christian khanda tha ya American khanda tha ya bauddhi khanda tha । nai srishti mein naya bhaarat tha । abhi koi bhi nahin kahenge ki nai srishti mein koi aur khanda hoga । bilkul yeh to samajh ki baat hai na । nai srishti mein naya bhaarat khanda tha । aur koi khanda tha nahin, na boddhi khanda, na Christian khanda, na islaami khanda । mukhya lo, baaki to hain multiplication, unko kya varnan karenge । achha, ye bhaaratvaasi bachche jaante hain ki nai srishti mein, nae bhaarat mein barobar shri lakshmi aur naaraayan ka raajya tha । unko devi-devta kaha jaata hai, par unko hindu to nahin kaha jaaega? aise kabhi nahin koi kahenge, ye hindu hain । inhen kahenge devi aur devtaaai । bhaarat mein devi aur devtaaai to unka sanvat hona chaahiye na । dekho, Christian ka sanvat hai । bauddhiyon ka bhi ainivarsari ya varsi manaate hain, samay dete hain । barobar kalpa ki aayu ka kisko samjhaane ka baba raaj bataate hain achhi tarah se । bahut moonjhe hue hain bichaare । abhi yeh raaz duniya to nahin jaanti hai । to zaroor duniya ka maalik bataaega, aur koi thode hi bataaega । pahle yeh bhi nahin jaante the na । abhi baith karke samjhaate hain bachchon ko; kyonki yeh hai detail mein samjhaani, nahin to jin bichaaron ki buddhi kamjor hai, unke liye to sirf kaha jaata hai-bachchiyaan behad ke baap ko yaad karo, kyonki vo svarga ko rachne vaala hai, heaven ko rachne vaala hai, vaikuntha ko rachne vaala hai । apne vaikuntha ko yaad karo । vishnupuri ko yaad karo । manamnaabhav madyaajeebhav । apne baap ko yaad karo, shivbaaba ko yaad karo, vishnupuri ko yaad karo । brahma dvaara vishnupuri ki sthaapna hoti hai na । bolte hain-bachchi, tum takleeph jaasti agar na kar sakti ho to yeh yaad karo । baaki detail mein koi samjhaane vaala ho, to phir unke liye samjhaaya jaata hai ki barobar sanvat inka bhi hai । sanvat bauddhiyo ka bhi hai, islaamiyon ka bhi hai । are iski to baat chhod do, chhote chhoton ko । achha, abhi bhaarat mein shri lakshmi aur naaraayan ka, agar hindu bhi kaha jaata hai, aadi sanaatan hindu kah dete hain, sanvat bataao? koi sanvat to hona chaahiye ya asanvat hona chaahiye? sanvat samajhte ho? angreji mein kya kaha jaata hai? san । achha shri lakshmi aur naaraayan ne ya aadi sanaatan hindu mahaasbha ya hindu dharma । achha, hindu dharma ki sanvat to bataao? kisko maaloom hai? kyon yeh maaloom nahin hona chaahiye? hindu dharma ka bhi to sanvat hona chaahiye na । koi bhi nahin hai । jo inka sijra hota hai, tippana kehte hain । kya kehte hain? (kisi ne kaha dvaapar vaala vikrimi sanvat)… to kya usko hindu kahen? yaani hindu tab se hi shuru hue? to phir kyon kehte hain-satayug ki aayu arbon baras? zaroor sanvat hona chaahiye na । barobar nai duniya mein bhaarat khanda naya, usmein bhaarat naya, usmein devi-devtaaon ka raajya, abhi unko aayu deni chaahiye na! satayug aur treta ko aayu deni chaahiye । svarga racha jaata hai geeta se aur gaaya bhi jaata hai barobar ki geeta mein likha hua hai- jo yuddha ke maidaan mein marenge, vo svarga ko jaaenge । geeta se svarga ki sthaapna hoti hai zaroor । devi-devta dharma ki । phir agar unko hindu kehna chaahen hindu kah deve । baaki hindu dharma to hai nahin । hindu to hai hindustaan ka naam । agar kehte hain hindu dharma, to hindu dharma ki bhi to sensas aayu chaahiye na । koi bhi nahin bataay sakte hain । abhi baap baith karke bataate hain; kyonki yeh bhi bolta hai-ham bhi nahin jaante the । ab baap baithkar samjhaate hain, to unko to ginenge na barobar, geeta ko 5000 varsha hua; kyonki agar geeta ko ham dvaapar mein le aave, to dvaapar mein to svarga nahin sthaapan hua, devi-devtaaen to nahin the na । dvaapar mein to vo log aae hain । tum logon ko kalpa ki aayu 5000 varsha ye baat pahle bataani chaahiye, to koi bhi samjhe ki barobar sivaay parampita paramatma ke yeh samjhaani koi de nahin sakte hain; kyonki vo kehte hain ki main is puraane tan mein aata hoon । yeh bhala kya jaante honge! yeh aur hi sabse puraana tan । to baap baithkar samjhaate hain- sanvat to chaahiye na । baap baithkar samjhaate hain, abhi samajhte ho shri lakshmi aur naaraayan ko kitna varsha hua, kyonki geeta se ye dharma ki sthaapna hui hai । geeta ko 5000 varsha hua । bhale inhen devi-devta dharma kaho ya aadi sanaatan hindu dharma । hindu dharma se aage kaun sa dharma hai? koi hai? koi dharma hi nahin hai । hai hi bas devi-devtaaon ka dharma, vo geeta se nikla । unka shaastra hi hai geeta । vo to 5000 varsha hua । phir kalpa ki aayu ko badhaane ki kya darkaar hai? aur phir doosri baat, ki barobar agar aadi sanaatan hindu dharma hai aur unko koi bahut le jaate hain aur vo sanstha kahaan sensas kahaan hinduon ki? hinduon ki to sensas thodi kamti ho gai hai । phir kaun-se doosre manushya hain, jinki ye bataaven? kya aakaash mein koi hai? paataal mein koi hai? kya ek-ek star koi duniya hai? nahin, koi ka varnan hi nahin hai । jis cheej ka varnan nahin hai, vo hai nahin । jaise, bhakta parampita ke liye kehte hain ki unka naam .roop, desh kaal hai hi nahin, to phir vo cheej hai hi nahin । vaise hi koi bhi aur sanstha hai hi nahin । devi-devtaaon ke bigar, deityism bigar, aur koi sanstha hai hi nahin । to zaroor samajhna chaahiye ki 5000 varsha geeta ko hua । 5000 varsha svarga ko sthaapan karne vaale shivbaaba ko hua । abhi shivjayanti ki bhi to sanvat chaahiye na! shiv ki jayanti kab? zaroor bataaenge 5000 varsha pahle । sangamayug par । aise kahenge na । abhi sangamayug ka to koi aayu nikalna nahin hai; kyonki yeh hai beech ka sangam, kyonki svarga se shuru hota hai sanvat aur raajaaon se hota hai । lakshmi naaraayan se sanvat shuru hua satayug aadi ka, jisko phir kaha jaata hai- new world, new yug । new bhaarat aur new baadshaahi bhi usko kahenge । vo baadshaahi kahaan? paristaan kahaan? dilli । dilli ko bahut badlaaya hai । dilli bahuton ki gaddi bani hai; kyonki devi-devtaaon ki bhi gaddi thi na, to unke baapdaada, jo bade te bade kul vaale, achhe kul vaale, pavitra kul vaale the, unki bhi gaddi yahin thi । to automatically gaddi ko lekar inke oopar badi chataameti lagi rehti hai । phir inke oopar badi ladaaiyaan vagairah sab hui hain । abhi samjha na, bhaarat ke aadi sanaatan devi-devta dharma ki aayu । abhi 5000 se kuchh baaki, jo 27-26 varsha kam hote hain, bas vo hi aayu hai । yaani srishti ki aayu phir yahi bataaya jaata hai ki 5000 varsha । ismen inheen dharmo ko, inheen yugon ko phirna hai aur koi yug ka naamnishaan nahin hai । hai koi shaastra ya koi bhi baat jismen satayug tretaayug, dvaapar, kalhayug aur sangamayug ko bhi bhool gae hain vaastav mein । kahin bhi likha hua hai nahin । to kahaan hai vo brahma, jis brahma se pahle-pahle braahman dharma, jo phir devta dharma । isko kehte hain braahman dharma, ospishas dharma, ospishas yug, phir ospishas ladaai । vo jo hathiyaaron ki ladaai hai, unko kabhi ospishas thode hi kaha jaata hai । inko thode hi ospishas ladaai kahenge ki yaadav aur kaurav aapas mein lade । nahin, vo bhi nahin lade । kaise lade? bhala kis cheej se lade? koi cheej hai kya ? vo to dikhlaate hain ki unko teer maarte the, baan maarte the । maao ne unka haath ghumaay diya tha to vo bola unko teer । abhi teer ki to baat hi nahin । abhi to likhte bhi hain ki vahaan moosal nikle the । moosal maana bombsa । abhi teer ki to baaten hain nahin । sabhi gyaan ke baan hain । shaastron mein dekho kya likha hua hai! munjhaaya hua hai na । to baba kehte hain ki ye sabhi jo tumhaare ved, granth, shaastra vagairah- vagairah hain, inhonne aur inho ke sunaane vaalon ne hi tumhaara soot bilkul munjhaay diya hai । kuchh nahin samajhte ho, koi baat ko nahin samajhte ho । anek mat । anek mat-mataantar ye maanav mat । ek nai maanav mat, kal baba ne suna ki manushyon ne baith karke ek maanav mat banaai । yeh hai maanavmat koi janaavar mat thode hi hai । maanav ek do maanav ko mat dete rehte hain । (kisi ne kaha- maanav dharma) achha, maanav dharma so to manushyon ka dharma hai hi hai । saari srishti par manushyon ka dharma hai, koi shaitaanon ka dharma thode hi hai, janaavar ka dharma thode hi hai । maanav ka to dharma hai na । phir yeh maanav dharma । to bas uthaaya na । bas, unke pichhaadi follow kiya । inki badi sanstha ban jaaegi । samjhe ya na samjhe? bas, kya mat dete honge, is maanav mat ko baith karke ek geeta taambe par lagaai hai, chhapaai hai । abhi pata nahin hai-geeta kab, kisne banaai, kaun sa dharma sthaapan hua, paai ka kisko pata nahin hai । dekho, ye bichaare zaroor ladaai vaale hain । is samay mein baba kehte hain mujhe to in ladaai vaalon ke oopar raham bahut aata hai ki inko janma by janma jab se ladaaiyaan shuru hui hain, unko kaha jaata hai ki geeta mein likha hua hai ki jo ladaai ke maidaan mein, yuddha ke maidaan mein marenge so svarga mein jaaenge । vo baat dekho kahaan ki kahaan, vo bichaare marte hain apne raaja ke liye ya apni janta ke liye ya praja ke liye, apne aap marte hain dushmanon se bachaane ke liye । kyonki satayug-treta mein to koi dushman hota hi nahin hai, balki satayug, treta, dvaapar mein bhaarat ka koi dushman hota hi nahin hai । ye kalhayug mein thode dushman aae hue hain । baap baith karke samjhaate hain-bachche, un sipaahiyon ke oopar raham aati hai ki ye bichaare janma by janma is aasha se ki ham svarga jaaenge, ladte hain । abhi is samay mein baap jaante hai ki ye vahi samay aaya hua hai, inka bhi to kalyaan hona chaahiye । ye yuddha to yahi hai; parantu vo bichaare svarga mein kaise jaaen? dekho, baap ko kitna rehta hai । bolta hai-un sabko ek bhaashan dena chaahiye । baba kehte hain taiyaar hona chaahiye bachchon ko, nahin to baap kehte hain, taras to padta hai na bachchon ko ki ye bhaarat ki raksha karte aae hue hain । aajkal inko baahar mein bhi bheja jaata hai । inka to pahle kalyaan hona chaahiye; kyonki ye bhaarat ko un dushmanon se bachaate hain । un maaya ke dushmanon se to nahin bacha sakte hain । maaya ke dushmanon se to baap bachaay sakte hain । vo raasta dete hain, jo tum svarga ko jaao, parantu vo kaise jaave? baba kehte hain ki bachche, aur kuchh na samajh sakte ho, bhala ye to yaad karo । tumko kehte aae hain ki tum yuddha ke maidaan mein marenge to svarga mein jaaenge barobar । unka arth kah dete hain-manamnaabhav madyaajeebhav । kaise pahunchenge? yaad karo apne behad ke baap ko aur baap se to zaroor svarga ka varsa milega । baap se aur kaun-sa varsa milega? baap se zaroor varsa milna hota hai na । to baap kehte hain-bachche mujhe yaad karo arthaat manamnaabhav arthaat buddhi ka yog mere se lagaao । ye sabke liye hai । jo bhi palatnen hain, sabke liye hai; parantu vo paltan to nahin aaengi na । yeh to khaas bhaarat ke liye hai na । vaastav mein hai sabke liye; kyonki vo aaya to hai maaya ke bandhan se bachaane ke liye । kehte ho-achha inka bhi to kalyaan hona chaahiye, ye bichaare thode hi yahaan aaenge sunne ke liye । sunna to sabko chaahiye na । achha, inko bhi kahen ki bachche, ladaai to ladni hai zaroor । ye geeta vahaan bhej dete hain । ye taanba aadi ka abhi nikli hai । ladaai lagi hai na, tabhi aajkal geeta ko uthaate hain । to vahaan bhej dete hain ki ladaai vaalon ke paas yeh geeta koi sunaave । ab ye ladaai vaale geeta to sunte aae hain । ladaai vaale bhi sunte aae hain, manushya bhi sunte aae hain । ladaai to kya, manushya geeta ka paath sunaate hain । bade dharandar geeta ka paath baith karke karte hain । abhi svarga mein to koi bhi nahin jaate hai । kitni geeta suni hongi bachchon ne? janma-janmaantar geeta suni hain । peechhe narkavaasi kyon bante jaate hain? geeta ke oopar vishvaas to hai nahin; kyonki samajhte hain patit-paavni hai ganga । ganga patit-paavni hai ya gyaan geeta patit-paavni hai? kyonki geeta mein gyaan hai na । vo hua gyaan geeta athva use gyaan ganga kahen aur vo hai paani ki ganga । soot moonjha hua hai na । koi ek taraph jaate hain, saadhu-santa-mahaatma bhi vahaan jaate hain । jabki geeta mein gyaan hai svarga jaane ka, phir so gyaan ko hi pakadna chaahiye, phir vahaan kyon jaate hain? parantu nahin, vo to gyaan ka saagar baap aate hain । vo sanmukh aakar sunaate hai tab svarga ki sthaapna hoti hai । vo kaarya koi manushya thode hi karenge geeta se, aur phir vo geeta to koi kaam ki hi nahin hai । unhonne to likha hua hai shri krishna bhagvaanuvaach । yahaan to baap aate hai, vo kehte hain-mere ko yaad karo, to phir main tumko svarga mein bhej doonga । to vaapas zaroor jaana pade । guide aaya hai, vo bolte hain ki bachche, jab svarga ki sthaapna hoti hai to narka se to sabko vaapas jaana pade na । jaante ho na ki barobar likha hua hai-machchharon ke maaphik manushya to nahin ude machchharon ke maaphik aatma vaapas bhaagi । kahaan? ek ne sabko mukti de di, jiske liye bhakta logon ne aadha kalpa bhakti ki hai । kiske liye? bhagwan se milne ke liye yaani is duhkh se vaapas jaane ke liye । kehte hain na- bhagwan ne hamko yahaan duhkh mein kyon bheja hai? jisko parampita paramatma kehte hain, usko kya padi thi jo duhkh mein bheja? abhi pata to unko padta nahin hai ki duhkh kyon hai, baap ne kyon duhkh diya hai । baap duhkh to de nahin sakte hain, parantu bichaaron ko kuchh pata nahin hai । anek guru, anek phalaana । ab baap aakar kehte hain- bachche, ye jo guru log hai, inko bhi chhod do । ye ved, granth, shaastra vagairah ne tumhaara soot bilkul hi munjhaay diya hai । baat mat poochho । ekdam ghor andhiyaare mein daal diya hai । abhi baap aa gaya hai, ladaai saamne khadi hai । kabhi bhi koi se poochhenge to bolenge kalpa ki aayu bahut badi hai abhi to redi geesri pahante hain । abhi to 40 hajaar varsha bolkar in bechaaron ko ghor andhiyaare mein daal diya । ye purushaartha kaise karen ? abhi vo bolte hain ki ham inko kaise samjhaaven । ye to manushya hain na । unko buddhi mein baithta nahin hai woh bolta hai yeh bhi pata nahin। yeh to isne ekdam nai geeta bana di । kalpa ki aayu yeh krishna, ye to sab baith karke geeta ka khaana kharaab karna chaahte hain । bhaagvat ka khaana kharaab karte jaate hain । baba kehte hain-haan bachche, inhonne shaastron ne, vedon ne tumhaara khaana kharaab kiya hai । main aa karke tumhaara khaana aabaad karta hoon । dekho, bhaarat ka khaana khaali hai na । khaana kaha jaata hai tijori ko jismen paisa rakha jaata hai । dekho, bhaarat ki raajdhaani ki tijori khaali ho gai hai na । usmein choohe daudte hain । nahin to bhaarat ki tijori kitni bhari hui thi । uph! heere-javaahraat! aise mat samjho chhoti tijori; kyonki vaikuntha koi chhota to nahin hai na । koi ajmer mein gae honge, vahaan vaikuntha ki model dekhi hogi, jisko sone ki dvaarka kaha jaata hai । inmen se bahut gai hongi dvaarka mein । model to itni badi hoti hai na । dekho, rail kitni badi hai, rail ki model banaaenge to itni chhoti banaaenge na! koi itni badi rail to nahin banaaenge! to model taaun bhi achha hai vaikuntha ka model dekhne ke liye ki vahaan sone ke hi mahal bante the, unmein nambarvaar purushaartha anusaar heere-moti-ratna jade hote the । jaise yahaan ek saahukaar aaya, to dekho kitna bada-bada banaate hain । raadhaasvaami log kitna kharcha karke kya-kya banaate hain । abhi tum samajhte honge vo banaai- banaai rah jaaegi । jo bhi paisa unke oopar laga hai sab matti mein mil jaaega । kuchh bhi nahin rahega । abhi tum jaan gae na, sojhre mein aa gae na । ab to duniya ka vinaash saamne ho raha hai । to baap baith karke samjhaate hain na, abhi tum bachche to jaan gae, jaag gae aur vo to bichaare soe pade hai । abhi talak kya se kya banaate rehte hai, plans banaate rehte hai aur tees- tees baras ke liye loan, bees- bees baras ke liye loan lete rehte hain aur tum bachche jaante ho ki loan-phone kaahe ka, vo to sab matti mein mil jaaega । to baba ne abhi samjhaaya na kalpa ki aayu baba ne achhe se bataai । kalpa ki aayu sivaay uske to koi doosra samjhaay nahin sake । to abhi vo samjhaate hain bachchon ko ki bachche, naya yug bhaarat mein hi hota hai aur naya bhaarat hota hai । nai duniya mein naya bhaarat hota hai । nai duniya mein naya na boddhi khanda, na islaami khanda, na Christian khanda । abhi to jo usmein naya tha aur ab vo bhaarat puraana hua hai । praacheen maana naya tha, ab puraana hua hai । ab bhaarat hi phir naya banega । godhi ji to yahi chaahte the na-nai duniya ho, naya bhaarat ho aur usme raamraajya ho । yeh kiski aasha thi? kaurvapti ki aasha aur apni praja se । kaurav aur paandav । paandav ki to koi raajdhaani thi hi nahin । bilkul hi nahin । kaurav-paandav aapas mein bhaai thahre yaani bhaaratvaasi । abhi paandavon ki to kaurvon se koi ladaai jhagda hai nahin, baat hi nahin hai । ye paandav to hai hi, jiske taraph saakshaat svayan parampita paramatma hai । paandav kitne? 5 paandav kehte hain । phir kah dete hai andhe-sajje ki aulaad । 5 paandav bhaai the । yaani ek maa-baap ke bachche the । abhi vo to koi baat hai nahin । dekho, paandav tum kitne ho! kiske bachche ho? barobar tum paandav maa-baap ke bachche thahre । paandav kaha hi jaata hai roohaani pande ko ।. abhi dekho, tumhaari buddhi kya kehti hai aur geeta kya kehti hai? buddhi ko to ladaao । kahaan ki baat kahaan! geeta sunaai kab, thonk diya dvaapar mein । abhi vo jagah kahaan se aave? phir kya dvaapar mein hi aaenge geeta sunaane ke liye? phir kya hoga? koi buddhi chaahiye na! abhi to tum dekhte ho ki geeta baba suna rahe hai, jabki bhaarat puraana hai, mahaan duhkhi hai, bilkul hi kangaal ban gaya hai । baap aa karke saari srishti ke aadi-madhya-ant ka samaachaar sunaate hain, ekdam brahmaanda se । brahmaanda kisko kaha jaata hai ye koi bhi vidvaan-aachaarya nahin jaante । baap baithkar samjhaate hain- braham mahtatva jaise yeh aakaash tatva hai na । to inko brahma kahenge; kyoki ek to oonche te ooncha hai । vo hai hi sadaiv pavitra । isko to kalhayug kaha jaata hai । isko kehte hai patit bhoomi । sabko patit hi kaha, patit aakaash, sab tatva bhi patit hain । vo brahamtatcha jismen ham ande rehte hain, vo to kabhi patit nahin hota hai na । us braham mein ham ande rehte hain । kehte hain na ande misal hai, ismen andon ka baap rehte hain । usko kaha jaata hai brahmaanda । isme baap aur ande rehte hai । us brahmaanda ko, rahne ke sthaan ko kah dena-yeh eeshvar hai, yeh to badi bhool hai । aise hi bhool jaise hindustaan ko kah dete hain hindu dharma । ye bhi bhool hai na । samajhne vaale hain bhi gareeb nivaaj । vo geet gaaya na- aakhir vo din aaya aaj, vo tum bachche jaante ho na । inko padhaate honge, abhi padhaate kaise hai vo jaane । ek gaadi dikhlaate hai na । ab na vo gaadi aur ghoda hai, na us ghode ka kochmain krishna hai na pichhaadi mein baitha hua seth saahab arthaat arjun hai । aage driver baitha hai aur pichhaadi mein seth baitha hai । seth ko driver le aaya yuddha ke maidaan mein । abhi vahaan baat mat poochho anginat sena baithi hai । unmein baith karke kabhi kisko raajayog aur sahjayog ki knowledge de sakenge?, jisse nar se naaraayan banenge, naari se lakshmi banenge va devi-devta dharma ki sthaapnaaen hogi, kingdom sthaapan hogi । kya aise hoti hai kingdom sthaapan yuddha ke maidaan mein? seth aur gumaashta । bichaare krishna ko gumaashta bhi bana diya, so bhi dvaapar mein । abhi dvaapar mein ye baat hi kahaan hai । dvaapar ke baad phir svarga satayug kaise aa sakta hai? jaise ki bilkul hi naansensa baat ho gai na । kitne naansensa ban gae the yeh । yeh khud dekho kitne sensible the aur 84ven janma mein kitne nonsensible manushya ban jaate hain । isko kaha jaata hai svarga se kitna narka ban jaate hain । kitna ham jo devta the, so kitne asur ban jaate hain । maaya ne asur banaaya । angreji mein kaha jaata hai na- god is omneeprejenta yaani sarvavyaapi । aise nahin kehte hain ki raam omneeprejenta hai । haan, barobar raavan hai hi hai । unko ham baras-baras jalaate hain goya raavan hai hi hai । abhi raam hai nahin, agar raam ki duniya hoti to raavan kahaan se jalaaenge? raavan hai । ye bhaaratvaasi, ye bade-bade raashtrapti bhi unko dekhne ke liye jaate hai ki inko raavan ko jalaate hai । ye to gudiyon ka khel hua na । itni bhi samajh nahin hai ki are bhai, yeh raavan kya cheej hai? raavan kisko kaha jaata hai? phir bata dete hain ki raavan lanka ka raaja tha । seeta churaai gai । raavan bhala lanka mein tha na, bhaarat mein to nahin tha । ismen tumhaara kya jaata hai? unko kyon jalaate ho? kya baat hai? itna paisa kharcha karte hain, baat mat poochho । saare bhaarat mein karodon rupaya kharcha hota hai, karodon ki bhi baat nahin hai, arbon rupaya kharcha karte hain in sab naansensa baaton mein । baap baith karke samjhaate hain ki kaisi naansensa baaton ke pichhaadi kitne achhe-achhe prejidenta, mahaaraajaaai aadi ki buddhi jaati hai । koi ki buddhi mein nahin aata hai ki bhaarat ki ham ninda karaate hai , kuchh bhi nahin, bas baat mat poochho, vidvaan, aachaarya, pandit paisa lootte hi rehte hain, maarte hi rehte hain, khaate hi rehte hain । baap aa karke bachchon ko samjhaate hai ki bachche, aakhir vo din aaya aaj, jis din ka raasta takte the so din, bhai geet sunaao thoda । (record baja:-vo din aaya aaj aakhir) tum bachche padhte ho school mein aur kya em-object hai so tum padhte ho । bhala school mein na aane vaale, baahar vaale kya jaanenge isko । yahaan koi bhi naya aaega to bilkul hi moonjh jaaega । bade-bade vidvaan jitne yahaan aaenge bilkul hi moonjh jaaenge । bolenge yahaan to naansensa baaten sunaai jaati hain aur baap phir kahege-yeh dekho naansensa sunne ke liye aaya hai । isliye gaaya jaata hai ki pahle-pahle jo inko beemaari hai paanch vikaaron ki vo aur jo beemaari hai shaastron ki vo, ye sab unse nikalvaane ke liye saat roj chaahiye bhatthi mein, to inko rang chadhe । jo kachadpatti hai, bhoosa hai, vo nikle । isko bhoosa kaha jaata hai । kisko kaha jaata hai bhoosa? bolte hain-vaah! upnishad, ved, ved bhagwan ne racha । tum kehte ho bhagwan ne bhoosa racha! aise-aise kah dete hai; parantu kya karenge? interfere to koi kar nahin sakte hain । hamaara yeh religion hai । religion mein government interfere nahin kar sakti hai । baaki kahege to zaroor ki barobar inki buddhi mein vedo-granthon-shaastron ka bhoosa bhi janma-janmaantar ka bhara hua hai aur din-pratidin bharta jaata hai । abhi vo bhoosa bhi bilkul hi sad gaya hai । aakar jalne laga hai । barobar vo bhoose ye jo shaastra hai na, sab jalkar khaak ho jaaenge । satayug mein thode hi koi bhaktimaarga hai, jo itni saamagri ho । vahaan bhaktimaarga ki koi ek bhi saamagri nahin hogi । ek chitra bhi nahin । shivbaaba ke bhi chitra nahin । yeh to somnaath se le karke peechhe banaane shuru kar dete hain । baap baith karke achhi tarah se samjhaate hai na । kalpa ki aayu samjhaai? bataao na! achha, aadi sanaatan hindu sabha ke paas jaao, hindu dharma jo kehte ho, yeh kab kisne sthaapan kiya, thoda vo to bataao drishtaant de karke । achha, islaami ka bhi aur bauddhi ka bhi to sanvat hai na । krishna-raadhe svayanvar kiya, unko kahaan lagaaenge? satayug mein agar shri lakshmi naaraayan aur phir treta mein raamchandra ko le jaaenge to bichaare shri krishna ki raajdhaani ko dvaapar mein kaise le aate hai? koi hisaab, koi kitaab, kuchh bhi nahin । abhi dekho bachchon ko aa karke din aaya hai ki baap baith karke bachchon ko samjhaate hain । vo gareebon ko sirtaaj, mohtaajon ko sirtaaj । is samay mein bhaarat hai sabse mohtaaj, sabse duhkhi bilkul hi । ghar-ghar mein bahut jhagda hai । baat mat poochho aur bahut shaastra, bhakti, ganga, ye, kitne mandir hai, bahut dher ke dher mandir banaae jaate hain । ye sab bhaktimaarga ki saamagri yahaan hai, vahaan ek saamagri nahin ho sakti hai । vahaan to bada mauj ka raajya hai । bahut sukhi manushya hain । kehte rehte hain - heavenly abode svarga, vaikuntha । baap aa karke bataate hai ki abhi tumhaara mukh meetha karne aaya hua hoon । tumko phir se svarga ka maalik banaane aaya hoon, tumhaari jo khaane khaali ho gai hain unko badi yukti se aabaad karaane aaya hoon । na koi ladaai, kuchh bhi nahin । yahaan to dekho sab duhkh hi duhkh hai । jab kalhayug ke ant mein kuchh nahin dekhne mein aata hain to satayug ke aadi mein itne khajaane aur ye mahaaraaja-raaja kahaan se aae? inhonne bhala kahaan se inhereetensa liya? shri lakshmi naaraayan ne kahaan se inhereetensa liya? aisa kaun tha inke pahle doosra raajya jinse liya? satayug ke aadi mein to ye dhoor-chhaai lagi hui hai । to wonder bhi khaana chaahiye na । yeh to koi wonder hai । yeh wonder kaun samjhaave? baap baith karke samjhaate hain-ham tumko phir se raajaaon ka raaja, vo hi shri lakshmi naaraayan banaata hoon । tum vahaan nai duniya mein honge aur apna mahal banaana shuru kar denge hoobhu jaise kalpa pahle tumne banaae the, jinki model bhi dikhlaate hain aur gaate bhi hain ki vaikuntha tha, dvaarka thi, samudra ke neeche chali gai । unka bhi arth hua na । ye chakra phirta hai । barobar paanv neeche chala jaata hai paataal mein, aise chakkar padta hai । barobar raavanraajya oopar mein aa jaata hai to raamraajya neeche chala jaata hai । raamraajya oopar jaata hai to raavanraajya paataal mein chala jaata hai, yeh hua chakkar । vo baith karke samajhna hai ki chakkar kaise phirta hai । koi neeche nahin jaata hai paataal mein nikal karke? chakkar to aise hi phirta hai na । baap baith karke ye svadarshanchakra ka khel samjhaate hain । dekho, ye chakkar bhi tumhaara gol hai na aur ismen bilkul sahaj hai- satayug, treta, dvaapar, kalhayug sangamayug. । unmein kaun-kaun hain? maataaon ke liye to bilkul hi sahaj hai buddhi se yaad karne ki । chakra aur jhaad । beej aur jhaad । bas । koi jaasti takleeph thode hi hai aur jhaad bhi bachchon ke liye banaaya hua hai achhi tarah se samajhne ke liye । haan, bachchi । time hota hoga bachchon ko । (record baja-aakhir vo din aaya aaj…) jab baba hai niraahankaari, niraakaari to bachche kitne niraahankaari hote hain! isliye baba kehte hain, nahin to sab lashkar le aave apna 40 hajaar-20 hajaar, main unko baith karke kehta hoon-lado bhale, tumko inki sambhaal karni hai । ek kaam karo to svarga mein pahunchengi; kyonki abhi svarga ki sthaapna ho rahi hai । aage nahin hoti thi, ab ho rahi hai । kisko kaha to nahin jaata hai na ladaai vaalon ko ki kya karo? jo ladaai mein marenge so svarga mein jaaenge । par kaise? baap unko bataate hain- bachche, lado bhale, parantu jab tum goli chalaao aur baitho-utho, shivbaaba ko yaad karte raho । aaj se le karke shivbaaba ko yaad karte raho, phir bhale parta mein jaao, shivbaaba ko yaad karo, to vo baba hai na, vo hai rachta svarga ka, vo tumko svarga mein zaroor bhej denge । abhi yeh mantra mila na । bas, inse hi jeevanmukti । second ka kaam to bhi kya raha, jo janak ko jeevanmukti mili । bas, manamnaabhav arthaat jab bhi chalo, utho-baitho, ab se le karke shivbaaba ke yaad mein raho । yaad karne ka purushaartha karenge, to ladaai ke samay mein bhi jab marte ho, to marne ke samay sab koi hai. to he raam ko yaad karte hain । tum aur koi ko yaad na karo, apne baap ko yaad karo, to zaroor tum svarga mein jaaenge, to kalyaan ho jaave un bachchon ka । ho jaaega na! hai to laakhon aadmi, to unka bhi kalyaan hona chaahiye । jab ek ka bahut kalyaan ho gaya na, naamaachaar niklega, sab aaenge phir samajhne ke liye । isko kaha jaata hai vihangamaarga । jaise vo bomas lagaate hain na, to saara khalaas । to tum bhi ye baith karke 40 hajaar ka lekar karke samjhaao । yeh bahut samjhenge achhi tarah se, sabse jaaratti yeh samjhenge । yeh baba bhi to niraahankaari hai na । dekho, kitna niraahankaari hai । baithte hai, koi ahankaar hai bachche? nahin to aasaami to badi hai na । highest aasaami hai shivbaaba aur brahma daada । jagatpita, amba Adam aur phir shivbaaba sab aatmaon ko kehta hai kitni aasaami hai । achha bolte hain sipaahi ko le aao, usko sikhlaana achha, basarte bade-bade saahukaaron ko, vo moonjhe samjhenge hi nahin, usko nasha hai bahut dhan ka । vo marne ke liye to taiyaar hi hain ekdam । vo samajhte hain shareer chhoda to kya hua, phir doosra shareer le lenge । dekho, kitna unmein gyaan hai! sabse first class gyaan ladaai vaalon ko hai । vidvaan-aachaaryo mein bhi itna gyaan nahin hai, jitna unmein hain । bichaare kahne se hi maan lete hain - haan, barobar ham shareer chhodkar jaate hai, phir svarga me chale jaaenge । to kyon nahin unko gyaan riyal milna chaahiye । to phir niraahankaar banna chaahiye na । saadhu-santa thode hi yeh kaam karenge । nahin । ham kyon nahin karenge apne bachchon ke liye । bachche ho gae na, baapdaada ke bachche ho gae, kyon nahin karenge! unko samjhaana bilkul sahaj hai; kyonki vo to marne ke liye taiyaar hain । jaise tum marne ke liye taiyaar ho ki abhi-abhi shareer chhoote to ham vaikuntha me jaaven । abhi vinaash ho to svarga mein jaaenge । vo to kahenge abhi ham vinaash karte hain, goli lagi, vinaash mein ham svarga mein chale jaaenge । bahut khushi se bichaare lade bhi । un bichaaron ki himmat badh jaave aur taakat bhi aa jaave; kyonki ye to abhi government nahin jaanti hai to kisse ladaai hone ki hai, kya hai । yeh to samajhte hain ki cheen phalaana thikra koi baat nahin hai । yeh zaroor hai ki ladaai hai । vo bichaare jaante nahin hain । unke liye yuktiyaan bhi agar baap se poochhen to vo bata bhi deven । bahut yuktiyaan baap bataay deve kyonki phir to shreemat hai na bachchon ko; parantu drama mein dekhne me nahin aata hain । pata nahin aage chalkar. dekhne mein to aata hai, yaadvon aur kaurvon ki abhi in kaurvon aur paandavon ki dushmani thi । dushmani to hamaari koi se hai nahin । ham to bhaarat ko svarga bana rahe hain, hamaari dushmani thode hi hai kiske saath । paandavon ki dushmani kaurvon se hai kya? are! bilkul nahin । ye praja ko, praja raajya ko, kaurav raajya kaha jaata hai । ham to kehte hai sab svarga mein jaaen, parantu sab nahin ja sakenge । svarga mein to vo hi jaaenge jo pavitra banenge । aise thode hi chale jaaenge । pavitra banna hai va to sunna hai, jaise baba ne kaha na-manamnaabhav, madyaajeebhav ye to bhala sunaave un logon ko, mantra to de deve unko । isko hi kaha jaata hai maaya ko vasheekran mantra va is mantra se vo svarga ka maalik banenge । koi to nimitta bana hai na, nahin to major militri ya ham naanvaailens, vo vaailens department, vo kaise nimantran de sakte hai? zaroor koi ka kalyaan hone ka hai । ek to ye impartikyular aur vo in general । abhi samjha! major ji samjha? baba khud baith karke lecture denge । baapdaada, shivbaaba bhi kehte hain. hamko bachcho ko to pavitra banaana hai na, kyonki bhaarat ki seva karte aae hai । ye sanskaar chale aa rahe hain bachche, janma-janmaantar sanskaar anusaar yuddha ke maidaan mein aate rehte hain । (geet baja-jinke man me nek iraade unki mushkil door hata de, tere ghar mein kya mushkil hai, tu mahaaraajaadhiraaj…) mahaaraajaadhiraaj ka jo akshar likha hai vo geeta mein krishna ko samajh karke likha hai । ye nahin kehte tu mahaaraajaaon ka bhi mahaaraaja banaane vaala hai, ismen vo line nahin hai, kyonki baba to raajaaon ka raaja banaate hain । krishna ka jo naam chhod diya, to unka daal diya 'tu mahaaraajaadhiraaj'; kyonki krishna hai । abhi mahaaraaja to nahin kahe jaaenge । jo moorkha hote hain vo unko mahaaraaja kahenge । raadhe aur krishna ko to prince and princess kaha jaata hai । unko to mahaaraaja-mahaaraani kaha hi nahin jaata hai; kyonki svayanvar ke baad vo lakshmi naaraayan kahe jaate hain, mahaaraaja-mahaaraani peechhe bante hain । ye bhi dekho kisko pata nahin hai । buddhu log thahre na । kitne bade-bade । baat mat poochho । jab aakar shaastravaad karte hain jaise sab jaante hain, bahut kuchh jaante hai । nahin to bachchi, tumhaare aage ye sab bilkul 100 percent buddha ekdam । bas ho gaya? nahin, beech mein se line kat gai hai । ek-ek centre ke heads aae the jinhonne kaha tha ki ham shiv ke oopar ek memorendam likh karke aaenge aur denge so haath uthaao? inhon mein jinhonne diya hai vo haath uthaao । (khaali ek jagdeesh ne) । jagdeesh aur baba, doosra koi nahin । achha, abhi chhutti len।