Sakar murli for Sunday 29 September 1963

> >

29-09-1963 mumbaeepraatah murli saakaar baba om shanti madhuban

helo, ham mumbai se bol raheen hain, aaj ravivaar hai san 1963 septembar ki untees taareekh hai । praatah class mein baapdaada ki murli sunte hain ।

record:-

chhod bhi de aakaash sinhaasan, is dharti par aa ja re…

abhi yeh geet suna । yeh public mein gaaya jaata hai । vedon mein aata hai । sivaay tum braahamnon ke inka arth koi samajh nahin sakte hain; kyonki geeta vaastav mein hai । usko kaha hi jaata hai-shreemat bhagvadgeeta । 'shri kaha jaata hai 'shreshtha' ko । akshar hona chaahiye shri-shri, kyonki krishna ko shreekrishna kaha jaata hai । phir unse ooncha to hai 'parampita paramatma, jisko niraakaar kaha jaata hai । vo saakaar hai aur ye niraakaar ke liye kehte hain ki aakaash sinhaasan । aakaash tatva yahaan kahaan hai, jahaan yeh khel hota hai manushyon ka? yeh koi aakaash tatva mein nahin rehte hain, yeh rehte hain braham-mahtatva mein । yeh baap khud kehte hain । shiv baap khud kehte hain, abhi yeh roop badla hai isne । yeh kehte hain ki main saadhaaran boodhe tan mein aata hoon । agar koi kahe ki krishna ke tan mein aate hain, par krishna ka tan to hota hi satayug mein hai । agar kahen ki krishna ki aatma ke tan mein, to vo to phir kahenge ki krishna ki 84ven janma ki aatma, jo jadajdeebhoot avastha ko paai hui hai, us avastha mein main aata hoon । baap kehte hain ki abhi main niraakaar se saakaar mein aaya hoon । krishna to thahra nahin । abhi yeh jo gaadi banaate hain, ghoda banaate hain aur yuddha ke maidaan mein le jaate hain-yeh to jhooth ho gaya । abhi baap baithkar samjhaate hain ki vat is right । sach kya hai, jhooth kya hai- yeh samjhaate hain । bolta hai na-main tumhaare sabhi vedon ka saar sunaata hoon । abhi yeh bolte hain । yeh bhagvadgeeta ko bahut maanne vaala । jo padhte aate the, vo to padhte hi the aur sunaate the; parantu abhi nahin । abhi baap ne aakar samjhaaya hai ki bachche, gyaan-saagar patit-paavan krishna ko tum log kah nahin sakte । krishna to hai hi paavan duniya ka maalik, svarga ka maalik aur so bhi bhaarat mein aur saari vishwa ka prince kahenge । phir jab shaadi-svayanvar rachta hai tab raadhe aur krishna svayanvar ke baad shri lakshmi aur naaraayan kahlaate hain । isko kaha jaata hai-vishwa ka mahaaraajan aur vishwa ki mahaaraani । sivaay shri lakshmi aur naaraayan ke vishwa ki mahaaraani aur mahaaraajan koi ho nahin sakte hain । sivaay seeta aur shri raamchandra treta mein vishwa ke mahaaraajan va vishwa ke raajan aur raani, to unko mahaaraaja nahin kah sakenge, do kala kam hai । achhi tarah se samjho । ye baap baith karke bachchon ko samjhaate hain । bachche, jab-jab bhaarat mein ati dharma glaani hoti hai, bhaarat mahaan duhkhi ban jaata hai, kaudi misal ban jaata hai, tab main bhaarat ko phir se heere misal banaane arthaat aadi sanaatan devi devta dharma ki sthaapna karne aata hoon jo phir praayahlop ho gaya hai । baba ne bahut baari samjhaaya hai ki praayah maana chitra hai aur geeta ka bhi naam kuchh hai, kyonki baap samjhaate hain ki ved,granth,upnishad,shaastra,jap,tap,teerthadaan,punya vagairah- vagairah yeh bhaktimaarga mein hote hain । dvaapar se kalhayug ke ant tak hote hain । satayug aur treta mein bhaktimaarga hota nahin hai; kyonki bhakta bhagwan ko yaad karne ke liye dhakka khaate hain । svarga mein koi bhakta bhagwan ko bulaane ke liye dhakka nahin khaate hain; isliye uska naam svarga rakha hua hai, iska naam narka rakha hua hai । svarga paavan hai । bhaarat satayug, svarga, paavan hai । bhaarat kaliyug, patit, narka hai । yeh to bahut samajhne ki baat hai na । to baap aa karke yeh samjhaate hain । dekho yeh baap kehte hain abhi yeh dharma ki sthaapna arth phir aaya hua hoon । aise to nahin kahenge ki geeta sunaane vaale koi dharma ki sthaapna karte hain । nahin, vo bhaktimaarga । vo padhna hai । shivbaaba bolte hain bhaktimaarga mein upnishad, ved, yagya, ye koi shaastra nahin hain । bolte hain- bachche, tumhaara jo bhaarat ka aadi sanaatan devi devta dharma hai, unka dharmashaastra ek shreemat bhagvadgeeta hai । abhi prashn uthta hai ki aadi sanaatan devi devta dharma, so tha satayug mein । abhi jo baap ne aakar dharma shaastra ka gyaan diya, yeh kab diya? kya satayug mein diya? nahin । kyonki satayug paavan tha । satayug mein raajaaon ka, is lakshmi naaraayan ka raajya tha । kab diya yeh to koi likha nahin hai । vo kehte hain, jaante hain ki barobar zaroor kaliyug ke ant mein hi hoga । patit kaliyug ke ant mein hote hain, paavan satayug ke aadi mein hote hain । jab patit hote hain tab paavan ek bhi nahin hote hain । vo phir shivbaaba samjhaate hain । sunte ho? inke taraph nahin dekho । yeh to janma-maran lene vaala hai aur yeh bahut janma ke ant ke janma ka sada hua-tamopradhaan shareer hai । puraani jutti hai । abhi samjha? aatma bhi puraani tamopradhaan hai, to shareer bhi tamopradhaan hai । isliye tamopradhaan bhaaratvaasi । ye shareer bhi puraane, tamopradhaan bhi hain aur kangaal bhi hai, worth not A kaudi hai । kaha jaata hai na-kaudi misal । dekho barobar hai na । dekho baba kitna samjhaate hain bhaarat satayug ke aadi mein ye, kalhayug ke ant mein ye kaurav hai । yeh praja par praja ka raajya yaani aasuri sampradaay । dekho, vo raavan aur vo nikla hai na । is samay mein sabhi hain aasuri sampradaay, kyonki raavan ka raajya hai । har ek manushya vikh se janma lete hain gurunaanak kehte hain-amrit chhod vikh kaahe ko khaate ho? siksa log bhi, aajkal sindhi log bahut bhaagvat granth padhte hain aur yeh tikaane rakhte hai, banaate hain । samajhte to kuchh bhi nahin hain । kehte bhi hain ki maanush ko devta kiye karat na laagi vaar । kehte hain ki bhagwan aate hain, yeh sab bachche hain, phir yeh asur kyon kehte hain? parantu nahin, baba kehte hain-apne gurunaanak ka dekho, vo kya kehte hai? asankhya chor haraamkhor, asankhya paapi paap kar jaaye । yeh kab ki baat hai? 500 varsha hua na, tab kehte hai । usse to abhi jo kalhayug vo aur hi tamopradhaan bana hai, to aur hi paapi ban gae honge । akshar bhi hain na । tum log padhte to ho na । asankhya kudeeaar koode phiraay-aise akshar hain na । vo jhooth bolte hai? vo bhi aise kehte hain na aur manushya bhi kehte hain-jhoothi kaaya, jhoothi maaya, jhootha sab sansaar aur granth ke bhi yahi vo kehte hain । dekhte hain । naya hai na, satopradhaan soul vo us shareer mein aa karke kehte hain- kya hai yahaan? asankhya paapi paap kar jaae, asankhya, barobar is samay mein sab hain na! duniya ko to aise mahima nahin denge । vo bhaarat ki mahima hai । ek geet bhi gaate hain na- 'kya bhaarat ki durdasha hai abhi aur so to sab samajhte ho । barobar bhaarat satayug mein satopradhaan tha aur usko kaha jaata hai sukhdhaam, abhi hai dukhdhaam aur phir shivbaaba baith karke samjhaate hain jahaan se ham aatmaaen aati hain, vo hai shantidham । yeh teen to yaad karte ho achhi tarah se । ham chakkar lagaate hain na । bhaaratvaasi pahle sukhdhaam mein, peechhe duhkhadhaam mein, peechhe jaaenge shantidham mein । shantidham se phir aaenge sukhdhaam mein । isko hi kaha jaata hai svadarshanchakra । sva ko darshan hua-ham bhaaratvaasi, jo aadi sanaatan devi devta dharma dharma vaale । abhi ye to in baaton ko nahin samajhte hain; parantu bhaarat ke to barobar the na । bhaaratvaasi aadi sanaatan praacheen bhaarat mein sada sukhi the । abhi bhaaratvaasi is samay patit, sada duhkhi hain । koi ek bhi manushya sukhi nahin samjho । to yeh baap samjhaate hain-bachche, jis niraakaari duniya se tum aate ho, vo hai tumhaara shaatidhaam । sweet home isko kaha jaata hai । hom kaha jaata hai, jahaan maat-pita rehte hain । tum gaate ho-tum maat-pita, ham baalak tere । pata nahin padta hai kisko ki kisko gaate hain? ab yeh kehte hain-tum bhaktimaarga mein gaate aae ho- 'tum maat-pita, ham baalak tere । tumhari kripa te sukh ghanere ।' ye bhaaratvaasi gaate hain, aur koi dharma vaale nahin gaaenge । kyon? jaante hain ki jab tum maat-pita aate ho, aakar bante ho, tab phir aapka ham bachche ban karke ham bahut sukh aapse loot lete hain । kaisa sukh lete hain? sukh ghanere । kahaan ke? vo aaega svarga rachne na । tab kehte hain ki svarga ke ham sukh ghanere paate hain, abhi nahin hain । jo hokar gaya hai to gaaya jaata hai na । he baba, he aatmaaen, maat-pita, ham baalak tere । tumhari kripa te sukh ghanere । kiski mahima hai? sukh ghanere hote hi hai svarga mein । baap baithkar yeh samjhaate hai ki bachche, ye jo bhagvadgeeta manushya ki banaai hui hai, aai kahaan se? satayug aur treta mein bilkul hi koi bhi shaastra rehta hi nahin hai । koi bhi bhaktimaarga ka chihna nahin, koi bhi kriyaakarma nahin; kyonki svarga hai na । usmein dhakka khaane ki koi bhi baat nahin । baba saaph kehte hain । yeh ved, granth, upnishad, shaastra, vagairah, jo bhi tum bhaaratvaasiyon ne baith karke banaae hain, sab jhoothe hain । dekho, kaisa saaph bataate hain na । kyon? phir samjhaate hain ki dekho, abhi jo itne shaastra hain, ye to tum padhte aae ho । tumko maaloom nahin hai, tumhaare vidvaan-aachaarya-panditon ko, jo yeh bhi pandit tha koi samay mein । inko yeh maaloom hi nahin hai ki satayug aur treta mein shaastra hote hi nahin hain । ye bhaktimaarga ke hain । achha, mainne baith karke tumko sahaj raajayog sikhlaaya aur sikhlaay raha hoon aur kehta hoon ki ye gyaan praayahlop ho jaata hai, phir yeh gyaan devtaaon mein hota hi nahin hai । ye gyaan ka teesra netra tum braahamnon ka khulta hai । jaise yeh svadarshanchakra aur shankh vagairah jo unko dete hain, vo un devtaaon ko nahin hain । ye tumko hain । devtaaon ki teesri aankh kholte hain; par hai tumhaari teesri aankh khuli hui । gyaan ka shankh tum bajaati ho । yeh vishnu ke jo do roop lakshmi naaraayan ban karke raajya karenge, vo gyaan ka shankh nahin bajaate hain । vo svadarshanchakra nahin phiraate hain । unke paas koi bhi ye magad phalaana hai nahin । yeh to sab tum braahamnon ka chihan hai । satayug mein vishnu ke do roop shri lakshmi naaraayan raajya karte hain । in bachchon ko baap kehte hain, jinhonne mere se raajya le liya hai, jo kalpa-kalpa raajya lete hain aur ganvaate hain । inko yeh gyaan hai nahin । hota hi nahin hai । ye trikaaldarshi hote hi nahin hain, isliye na inko gyaan ka teesra netra hai, na inko koi shankh, chakra aur gada hai । kuchh bhi nahin hai । yeh sirf tumko hai । abhi yeh baat kahaan, koi geeta mein likhi hui hai? baap baithkar samjhaate hain samajhne ki baat । bhaarat ka shaastra ek hai । kaun-sa? vaastav mein hai sarvashaastramai shiromni geeta । iska koi daaut nahin hai । unhonne baith karke banaai hai, parantu unhonne baith karke ek jhoothi banaai hai । jaise novel jhoothe bante hain na! novel koi sachcha hai kya! novels kitne padhte hain । vilaayat se sindh mein bahut novels aate hain । novels kitne padhte honge! laakhon-karodon rupaya novelon ke oopar kharcha hota hai । usse phir karodon-padmon rupaya, ye novels roopi tumhaare jo shaastra hain-geeta, bhaagvat, raamaayan, mahaabhaarat, chaar ved, chhah shaastra, baarah puraan-ye sabhi hain aise hi, jaise novel bante hain । kyon? kisne banaae? jo bhi rishi-muni the, vo jangal mein jaakar baithaakar kya karen? kaam na tha, to unhonne baith karke ye ved, upnishad, granth, shaastra banaae । ye kis dharma ke shaastra hain phir, koi yeh bataave; kyonki aadi sanaatan devi devta dharma -braahman aur devta aur kshatriy-ye teen hain । parampita paramatma brahma dvaara abhi braahman, phir sooryavanshi aur chandravanshi dharma ki sthaapna karte hain । yeh shaastra abhi ka hai । satayug-treta mein shaastra hota hi nahin hai । achha, vahaan to shaastra nahin hua aur yeh bhaarat ka ek hi dharma ka vo ek hi shaastra so praayahlop ho jaata hai । phir kaun-sa dharma sthaapan hota hai? islaami dharma । islaami dharma ka barobar ek shaastra, usko kaha jaata hai-islaami dharma ka shaastra । devi-devta, chandravanshi sooryavanshi aur braahamnon ka shaastra ek । bas, koi doosra shaastra nahin ho sakta hai; kyonki yeh dharma hai satayug-treta mein, peechhe aata hai islaami dharma । usko kaha jaata hai-islaami dharma ka phalaana shaastra । bauddhi dharma ka phalaana shaastra । harek shaastra dharma ke oopar hota hai । jo dharma sthaapan karte hain unke naam par shaastra । usko kaha jaata hai 'dharmashaastra' । Christ aaya to Christian ka dharmashaastra Bible taiyaar hua । gurunaanak aaya bhaarat mein uska bhi dharma sthaapan kiya hua hai । usko dharma kaha jaata hai । sikkha dharma kisne sthaapan kiya? gurunaanak ne । unka dharmashaastra kaun-sa granth? pahle jap saahib, phir sukhamni । baap samjhaate hain ki ye sabhi shaastra baith karke itna vistaar ko paaya hai । bolte hain, gurunaanak kehte hain-jap saahib, jo sachkhanda ko sthaapan karne vaala hai, to phir sukh mile hi । uska naam rakh diya hai-sukhamni । sukhamni ka arth to doosra nikalta hi nahin hai । jap saahib, gurunaanak jiski mahima karte hain-ek onkaar sat naam karta purush nirbhay, nirvair, akaal moorat, ajoni, satayug aadi sat, hai bhi sat, hosi bhi sat । yeh saara tum bachchon ko yaad to hoga na! barobar satayug aadi maana sat-treta-dvaapar-kaliyug yeh chakra phirta hai । yeh sat hai ye chakra phirta hi rehta hai । inka bhi koi granth vaalon ko to pata hi nahin-chakra kaise phirte hain । satayug mein raajaai kiski thi? kitna samay raajya kiya? satayug ke aadi mein kahaan se itne log bane, jab kalhayug ki ant, satayug ki aadi hoti hai? vo hai hi aise, jaise raat poori ho karke subah hoti hai । brahma ki raat, brahma ka din-aise kaha jaata hai na । abhi brahma ke oopar aaya arthaat brahmaavanshi braahamnon ki raat aur din । shivjayanti usko phir kaha jaata hai 'shivraatri । iska arth to koi bachcha samajhta hi nahin hai । shivraatri kyon? kyon kehte hai ki shiv raatri mein janma liya? janma ki baat ho gai na । shivjayanti usko kah diya shivraatri । bahut achha manaate hain aur hai bhi incorporeal ki shivraatri । koi bachche uska arth jaante ho? koi apne guruon se ja karke poochho to sahi? bade-bade tumhaare vidvaan hain, bade-bade satsang karte hai । unse ye baat to poochho ki ye jo niraakaar shivbaaba hai, jisko shiv kehte hain, unki shivraatri va shivjayanti kyon aur kahaan hoti hai? hoti to hai na, aata to hai na । achha, yeh jo paramatma hai, vo kab aaenge? vo aaenge hi tab, jabki unko nai srishti rachni hogi । main jaaoon, puraani ko khalaas karenge aur yeh patit duniya ko paavan banaaoon । isliye to aaenge na, kyonki yeh hai ever paavan । manushya to ever paavan nahin hai na, sadaiv paavan to nahin hai na । inko to mahima hai । yeh to hai gyaan ka saagar, shanti ka saagar, ever paavan । inko patit to koi nahin kahenge na! inki to mahima hi alag hai, gyaan ka saagar hai । krishna ki yeh mahima hai hi nahin । krishna ki mahima bilkul alag hai- sarvagun sampanna, solah kala sampoorn aur sampoorn nirvikaari, ahinsa parmodharma, maryaada purushottam । kiski? inki mahima hai । abhi to yahaan koi ki mahima nahin hai । bhaarat ki thi । abhi ek to nahin hai na! yatha raaja-raani tatha praja । yaani ek ko to nahin ho sakti hai na! jaise yahaan, raavan raajya hai । sabhi patit hain । yatha raaja-raani tatha praja, unmein sab aa jaate hai । saadhu-sant-mahaatma, kya yeh praja nahin hai? hindurooghan ke rahne vaale hindu praja hai na । bhaarat ka naam koi hindustaan to tha nahin । tumne suna nahin? yada yada hi dharmasya glaanirbhavti bhaarat । aise to nahin kehte-bhavti hindustaan । hindustaan kahaan se aaya! bhavti bhaarat, to barobar tum bhaaratvaasi jaante ho bahut achhi tarah se ki bhaarat mein paanch hajaar varsha pahle, satayug ke aadi mein inka raajya tha aur sone jaise tha । kal ek geet tumne laaya tha na 'sone ka, peechhe vo sunaana in bachcho ko । abhi yeh yaad rakho ki braahamnon, devi-devtaaon aur kshatriyon ka shaastra ek, so khatma । yaani bhaarat ka shaastra ek so khatma । bhala ye chaar ved kis chaar dharma ke dharmashaastra hain? shivbaap poochhte hain । koi bataave yahaan aa karke । bhale chaar ved padhne vaale, bhala unse kya! kya raajayog ke hain? bhagwan unmein kehte hain-main tumko raajaaon ka raaja banaaoonga? kaun hai? usse kya hai? us ved padhne se em-object kya hai? tum ved padhte aae ho । tum bolte ho-anaadi padhte aae hain; parantu yeh jo srishti ka chakra hai-sat-treta-dvaapar-kalhayug so inko kalhayug to hona hi hai, tamopradhaan hona hi hai । phir tumhaara ye chaar ved, chhattees shaastra aur phalaana. ye sab padhne se uska nateeja nikla kya? dher ke dher kharcha kiya hoobhu jaise novels । unko kaha jaata hai irreelijiyan buksa, usko kaha jaata hai reelijiyas buksa । sirf aise kehte hain ki C]dhu-sat-mahaatma ne banaaya hai, vo paapaatmaao ne banaaye hain । bahut dher ke dher baithkar banaae hain । baap poochhte hain bachchon se-achha ved-granth padhte-padhte ganga-snaan karte-karte is samay me tumhaari haalat kya hai? saari duniya ki haalat kya hai? saamne maut aa karke khada hua hai । tumhaari haalat kya hai? ghar-ghar mein jhagda, ghar-ghar mein ladaai, bada duhkh hai । isko kaha hi jaata hai-duhkhadhaam । phir bhala ye padhkar uska nateeja tumko kya milta hai? tum kehte ho ki ye bhaktimaarga ke shaastra hai arthaat durgatimaarga mein jaane ke liye । yeh seedhi-seedhi baat hui na । padhte-padhte yaani jab hi ham bhakti bahut karenge, tab bhagwan aaenge । so to bahut zaroor karni padhe । aadha kalpa tum logon ko bhakti zaroor karni hai aur aadha kalpa bhakti karte-karte sabko durgati mein zaroor pahunchna hai । phir sabka sadgati daata vo । bhale tum shaastra padho par sabka sadgati to daata ek hai । gaandhi ji bhi kehte the-patit-paavan ek । phir vo bichaare kehte the- raghupti raaghav raaja raam, patit-paavan seeta-raam । pahla jo naam hai vo hai raam । raghupti raaghav raaja raam nahin । baap phir jo kehte hain-seeta-raam । abhi koi treta vaali seeta nahin, raam vo nahin । tum sab ho seetaaen bhakti । isko kaha jaata hai bridegroom । sab hain bhakta । saari duniya ke nar-naari bhakta, so ho gae seetaaen aur ek hai raam । phir jo sabhi bhakta patit hai, durgati ko paae hue hai, un sabko main aa karke sadgati mein le jaata hoon । main aa karke phir bhaarat ko raajayog sikhlaata hoon । unko raajayog sikhla karke svarga ke maalik heere jaisa banaata hoon । baaki jo bhi dharma vaale hain vo apna hisaab-kitaab chuktu karke apne-apne incorporeal sweet hom baap ke paas chale jaate hain । vahaan ja karke nivaas karte hain, phir jab devi-devta dharma ki, satayug-treta ki aayu poori hoti hai, tab phir islaamiyon ka sthaapan karne vaala, phir bauddhiyon ka sthaapan karne vaala, Christian ka sthaapan karne vaala-ye sab nambarvaar aate hain, phir unki jo sanstha hai sensas, vo sthaapan ki jaati hai । aise hi phir srishti ka chakra vriddhi ko paata hai । baap poochhte hain-tumhaara jo ye ved-granth-chhattees shaastra so apaar hote hain । tum train bharo to kya, kya bhi bhar lo to bahut hain । achha, unse tum padhte aae ho, kehte hai ki anaadi hai । kab se hai, vo kuchh pata nahin hai । bhala padhte aae hai; par satayug mein to nahin padhte ho । bhakta satayug mein to dhakka nahin khaaenge na । satayug aur treta mein koi bhakta hote nahin hai । dhakka nahin khaate hain । kyon? vo sukhi rehte hain । yaad bhi nahin karte hain । bhakta sabhi bhagwan । agar sabhi bhakta, sabhi bhagwan hain, tab kya hoga inka? kya murdon ka haal hoga! abhi bhagwan kaise ho sakte hai, jo kehte hai sarvavyaapi shivbaaba sarvavyaapi, sada un bhakton mein vyaapi-yeh kya gyaan hai! tumko baap bolta hai-mere se tumko inhereetensa milta hai na । bhaarat ko kalpa-kalpa main aa karke is brahma ke tan se, jaise abhi de raha hoon phir se tumko raajayog sikhlaay in raavan roopi paanch vikaaron par jeet pahnaay jagatjeet banaata hoon । abhi ismen us ladaai ka koi question hua hi nahin । hai koi ladaai kahaan hamaari? yeh dekho, paandav aur kaurav, ham kahaan ladte hai unse! hamaari ladaai koi kiske saath hai hi nahin । ye bhi jhooth likh diya hai ki kaurav aur paandav ki ladaai lagi । kaurav-paandav ki ladaai lagi hi nahin hai, bilkul nahin । kya baap aa karke bachchon ko aapas mein ladaaenge? bhaai the na । baap baith karke bhaaiyon ko ladaae yeh to raavan ka kaam hai na । raam ka kaam to nahin । raam to hai hi patit-paavan । vo patit kaam kaise karaaenge? jo likh diya hai ki kaurvon aur paandavon ki aapas mein ladaai hui । to baap ne kal bhi samjhaaya na-nahi bachche, tum hai barobar ladaai par । tumhaari ladaai hai raavan ke saath । ye gupta ladaai in paanch vikaaron ke oopar । yu aar at vor with raavna, with five elimentas not with kaurva । your brothers and sisters, mitra-sambandhi sab hain na, unse kaise ladenge? bhaai-bhaai ke bachche the na । vo andhe ke aulaad andhe, vo sajje ki aulaad sajje । vo koi aapas mein lade thode hi hain । nahin । andho ko baith karke main sajja banaata hoon । kaha jaata hai na- andho ki laathi, he prabhu tum । aise to nahin kehte hai krishna ko -tu andhe ki laathi hai । prabhu koi krishna ko thode hi kehte hain । prabhu, god, paramatma, vo sabhi us ek ko kaha jaata hai । yeh baba kehte hain-tum mujhe kaho na । yeh 84 janma poora lete hai; kyonki manushya pahle-pahle yeh hua na । 84 janma so main bataaya; kyonki janma lenge to zaroor neeche chale jaaenge na । sooryavanshi phir chandravanshi, phir vaishyavanshi phir shoodravanshi । phir brahmaavanshi banna pade । ye jo varna ya kul hai, so bhi tum bhaaratvaasiyon ke hai । ye so bhi devi-devtaao ke hain; kyonki pahle devi-devta banenge । pahle to braahmanon ki choti ko lenge । braahmanon ki choti bahut mashhoor hai । jo viraat ka ek chitra banaate hai usmein vishnu ko viraat dikhlaate hai । unmein braahman nahin dikhlaate hai, bhool jaate hai । sirf bolte hain-yeh devta, yeh kshatriy । yeh pet hai vaishya, ye toge hai shoodra-aise dikhlaate hain । ye jo braahman hain, unka naam gum kar diya, parantu nahin, gaaya jaata hai barobar ki brahma dvaara pahle braahman, yeh choti । ye sabse service karne vaale bachche, yeh devta kiski ghoor bhi service nahin karte hai । inko devta banaane vaala yeh baba kyonki vo patit hai na, so paavan bane na । poojya the so pujaari maaya ne banaaya । phir yeh aa karke unko poojya banaate hain । so praalabdha bhogte hain, aur kya karte hain! sab koi yatha raaja-raani tatha praja apni yahaan praalabdha bana rahe hain । so praalabdha svarga mein aur tretaayug mein bhogni hai । ismen phir lakshmi naaraayan kisko kya karte hain? vo bhi praalabdha bhogte hain, praja bhi praalabdha bhogti hai । yatha raaja-raani tatha praja is samay ki padhaai ki praalabdha bhogte hain । yahaan baba bolte hain ki phir roj likh karke aao । tum samajhte ho baba ne, master ne aise di । ek din diya, doosre din bola nahin na, chhooti, looli kallan khaichi- aise kaha jaata hai । baap ne na kaha-achha chhoote phir likhne se । baba bolte hain-ek dapha teacher ne daayraiksan diya, tumhaara kaam hai roj likh karke aana । baap bhi samjhe to sahi students kaise hain? stoodentas hain ya koi hajjaam hai? are, teacher bhi to aise hi kahenge na । are, tum padhte ho, padhaai pahni hai, nahin to jaakar hajaamat karo । aise kehte hain na, gusse jab karte hain to । abhi gusse ki baat nahin, yeh to baba hasi-kudi karte hai । ye sanyaasi hain nivrittimaarga vaala hathayog karmasanyaas । nivrittimaarga yaani striyon ko chhodkar jaate hain । abhi tum kuchh vichaar to karo ki vo hain sanyaasi hathayogi nivrittimaarga vaale aur karma-sanyaas । abhi yeh hai raajayog, karmayog aur pravrittimaarga । pravrittimaarga vaala baith karke tumko mahaaraani-mahaaraaja banaate hain । tumko hathayogi sanyaasi baith karke mahaaraaja aur mahaaraani banaaenge kya? nahin, tumko to vo by ji aur baba tumko vaishya aur lampat banaate hain aur hi jaasti । aajkal to bade-bade aadmiyon ka bahut hi sagaaiyo bhi banvaate hain । gareeb bichaara nahin, bade-bade aadmi jaate hain, inko thoda rikmenda karo, to yeh hamaari bachchi se yeh kare, yeh kare, yeh sabhi kaam karte rehte hain aur so bhi bhale vo nirvikaari rehte hain । baba aise nahin kehte hain; parantu shivbaaba ne baithkar samjhaaya- bachche, tum bhaaratvaasi jab vaammaarga mein jaate ho, jab yeh raavan ka raajya shuru hota hai to haahaakaar mach jaata hai; kyonki itne pavitra aur vo kaam chita par baith jaate hain । agar in sanyaasiyo ka ismen part na hota to bhaarat inse pahle hi kaala ban jaata; par nahin, drama mein inka part hai । sirf bhaarat hai, jinmen itne sanyaasi, nange aur phalaane rehte hain । aur koi bhi desh mein nahin rehte hain । yeh baap ne samjhaaya, parantu vo bhi jab satopradhaan the, tab kuchh achhe the । abhi to sabhi tamopradhaan hain । vo jangal mein rehte the । vo wahin baith karke shaastra vagairah likhte the, manushya unko sab kuchh pahunchaate hain, vo taakat thi । abhi to unmein vo bhi taakat nahin hai । yahaan ghus aae hain aur baith karke in maataaon ko, jinko naagin aur sarpaniyaan phalaana kehte, unko kya sikhlaaaige! kya tum raajayog sikhlaaenge? baba bolte hain-yahaan hongi, jo aage vahaan jaati rehti hongi, abhi bhi koi jaateen hongi । baba poochhte hain unse ki ke hai hathayog, karmasanyaas ya nivrittimaarga । vo pravrittimaarga ka gyaan, raajayog kaise sikhla sakte hain, jab yeh ghar-baar chhod jaate hai? koi buddhi se bhi to kaam lena chaahiye na । yaani vo hain hi hathayogi । karmasanyaasi naam hai unka । ghar-baar chhodte hain, akele rehte hain । usko kaha jaata hai-nivrittimaarga । tumhaara hai pravrittimaarga । abhi tumko raaja-raani, svarga ke maalik kaun banaaenge? kya ye banaaenge ya baap banaaega? manushya nahin bana sakte hain । yeh bhi nahin । yeh bhi ban raha hai । woh sabko banaane vaala hai । to bhala inko yaad kaise karen? bilkul sahaj, main aatma hoon aur sadaiv yaad karta hoon-O god father । ye kaun yaad karta hai, ye kahaan hai, kisko yaad karte ho? aatma paramatma ko yaad karti hai, jaise aatma hai, vaise paramatma hai । kya paramatma ko tum nahin jaanti? tum krishna ka chitra dekhti ho par vo to satayug mein chaitanya mein tha na । achha, yeh jo shiv hai, unka bhi chitra hai na । vo bhi to aaya hoga na kab! kiske shareer mein chaitanya mein aaya to hoga na । barobar vo kehte hain ki main inmen aaya hua hoon । ham tumko phir se so raajaaon ka raaja aisa bana raha hoon । abhi meri mat par chalna pade । asuron ki mat sab chhod deni pade । yeh hai shri-shri mat । abhi baba ne samjhaaya na-rudra ko, shiv ko kahenge-shri-shri । krishna ko kahenge shri, lakshmi naaraayan ko shri lakshmi-shri naaraayan kahenge । unko kabhi bhi shri-shri kehna yeh shivbaaba ka disregard karna hai, kyonki unka pad oonche te ooncha hai । unko kaha jaata hai shri-shri bhagvadgeeta । ek shri nahin, shri-shri । bhagvad shri-shri kaho na । agar krishna kahenge to ek shri । unko kahenge do shri । vo to gyaan ka saagar, vo koi krishna thode hi hai । aisa koi bhi nahin hoga jo tumko yeh kah sake ki saari srishti mein, geeta mein to likha hua hai-krishna bhagvaanuvaach । bhagvaanuvaach kehte hain ya nahin? krishna-krishna karte rehte hain ya nahin? sabhi anek mate hain, koi kya kehte hain; parantu koi bhi patit duniya ko paavan karne vaala sivaay ek patit-paavan ke doosra to koi ho nahin sakta hai । abhi vo patit-paavan aave kaise? kahaan aave? patit ko paavan duniya mein aana hoga ya patit duniya mein aana hoga? bolta hain-dekho, main raavan ki paraai srishti aur yeh shareer patit mein aata hoon । yeh pahle paavan tha, poojya tha, abhi 84 janma poora karke, ek to nahin raha na । lakshmi naaraayan ki saari raajdhaani । jo poojya the lakshmi naaraayan aur unki jo raajdhaani , poojta to koi manushya ko to nahin, poojega to head ko na । to shri lakshmi naaraayan us dynasty ke head the, iseelie unko pooja jaaega । yatha raaja-raani tatha praja । ab praja ko thode hi koi poojenge । lakshmi naaraayan ko kyon poojte hain? kyonki sarvagun sampanna, solah kala sampoorn aur sampoorn nirvikaari, maryaada purushottam, ahinsa parmodharma vaala, satayug ke aadi sanaatan devi devta dharma ka maalik tha aur yatha unki praja thi aisi sukhi । vahaan sab sukh hai na । abhi to duhkh hai । abhi dukhdhaam se phir sukhdhaam banaane aur tum bachchon ko sukhdhaam mein jaane ke laayak banaane, tumko yeh patit se paavan bana rahe hain । abhi itna achhi tarah se samjhaave bhaarat ka koi doosra shaastra hai nahin । baaki jo banaae hain ye ved aur shaastra aur kitne bante hain, unhonne ye sabhi aise hi banaae hain, jaisi manushyon ne novels banaai, taise jo rishi-muni aage vaale ho gae । are, raamaayan kisne banaaya? ek daaku tha.- vaalmeeki । phir koi vaalmeeki, koi soordaas ka, koi vo raamaayan, koi kya raamaayan- yeh baith karke banaae hain, nahin to bhala unmein kya hai? inmen to hai na- bachche, tumko main so nar se naaraayan banaata hoon । raajayog sikhlaata hoon । aisa kaun-sa shaastra hai, jinmen yeh likha hua hai ki main tujhe raajaaon ka raaja banaata hoon । koi likha nahin । kya vedon me likha hua hai? shaastron mein likha hua hai? upnishdon mein likha hua hai? granth me likha hua hai? kismen likha hua hai? bilkul koi bhi nahin hai । yeh ek hai, to bas vo hi hai jo patit se paavan baaki kya? baaki to padhte aae ho । sabhi padhte aae ho na । padhte-padhte tumko duhkhadhaam tamopradhaan banna hi hai, so ban gae hain । phir unse phaayda kya? phir bhi baba kehte hain- novel se vo shaastra padhna phir bhi behtar hai, kyonki phir bhi usko kuchh na kuchh rileejiyas maainded kaha jaata hai । unko phir kahenge irreligious maainded । kai jo irreelijiyan vaale hote hain, vo novel bahut padhte hain । aajkal padhte to sabhi hain । bade-bade aadmi, lakhapti, karodapti novels bahut padhte hain aur jisko irreligious maainded kehte hain, vo phir bade-bade bahut shaastra । bas, ved, granth aur shaastra padha aur geeta kanth ki haay haay, bhala geeta to kanth hai; par phaayda kya! kya geeta se tum doosre janma mein raaja ban jaaenge? kabhi nahin banenge । aise bhi nahin, koi kahe ki ham to krishna ko yaad karte, vo hai svarga ka maalik । krishna ko yaad karte-karte ant mate so gat main svarga me chali jaaoongi, yeh bhi to ho nahin sake । tumko yahaan aana hai via sukhdhaam-shantidham । tum yahaan duhkhadhaam se sukhdhaam mein phat ja nahin sakenge । dekho, kaise samjhaate hain! via zaroor aana hai । tumko jaana hai baba ke paas । gyaan dete hain, ant mate so gat vahaan jaana padega na । krishna ke ant mate so gat krishna ke paas aa jaaega, abhi thode hi rakha hai jo jaaenge । abhi to pahle baap ke paas jaaenge । baap kehte hain-pahle tum sabko mere paas aana hoga, main tumhaara guide hoon main aaya hoon tumko vaapas le jaane ke liye aur naatak poora ho gaya । sabhi actors yahaan hain । jab talak main hoon vahaan jo kuchh bhi thode bachche hain, vo sab aa jaaenge । unki aayu bas baaki abhi hai । vo koi ek-do janma bhi nahin le sakenge । aata rahega; kyonki srishti vriddhi ko paati rehti hai । jab vahaan bhi poore ho jaaenge, khaana khaali ho jaaega, to mera jaana shuru ho jaaega । main sabko phir vaapis le jaaoonga kyoki khaali to nahin chhodega । bas, khaali hua aur main vaapas chala jaaoonga । vahaan khaali hua- yahaan se main vaapas chala jaaoonga, tum bachchon ki aatmaao ko machchharon ke muaaphik le jaaoonga । aise koi ved-granth-upnishad likha hua hai kya ki baap aate hain machchharon ke muaaphik aur kehte hain-kaalon ka kaal hoon main sabko sabhi bandhanon se chhudaay karke saath mein le jaaoonga? koi manushya kah sakega? yeh bhaktimaarga ka hai na, sabhi to bhaktimaarga ki mahima hai na; isliye in shaastra vagairah ki mahima hai; parantu inmen phaayda to kuchh hona nahin hai । bahut bhakti, bahut bhakti maana bhakti karte raho jabki bhagwan na aa jaae, dhakka khaate raho । aadha kalpa tum bhaaratvaasiyon ke liye poora dhakka hai, jo pahle braahman bante hain । sabke liye bhi nahin । jo abhi braahman bante hain-sage ya lage, unke liye hain 84 janma, phir bhaktimaarga ka aadha dhakka । sabke liye nahin । dekho, aise kaise sir pade? ye kaun-se bhakta hain, jo dvaapar se ? jo yahaan aaenge na, vo hi ve samjho । jo phir yahaan aakar chale jaate hain, unhein samajhna ki koi puraane poore bhakta hain । abhi yeh hisaab-kitaab hai । achha, aaj kise? dekhen kaun bahaadur hai । achha, kal likh karke aana aur jo kal na likh karke aae hain samjha jaata hai ki chhooti-looli-khatron ko । unko bolte hain-phir vo bhi mehnat karke kal ki aur aaj ki likh karke aana । daada thode hi kehte hai । nahin, yeh baba kehte hain । baap ne daada ka rath loan liya hua hai । shaabaas bachche kaan mein kapoos padti hai । jaise raam aur krishna ke bhakta dhoop jalaate hain na । krishna ka bhakta dhoop jalaaega to jo raam ke bhakta hote hai, unke naak mein vo kapoos daal denge । yeh gyaan bhi aisa hai । jo na hoga yeh svarga ke maalik hone vaale ke, unki buddhi mein taala laga hua hota hai । vo kabhi kuchh samajh na sake । vahaan ke laayak nahin hai na । to vo samajh bhi nahin sake । jitna jaasti samjhenge to samajhna chaahiye vo achha pahle number ka bhakta tha । phir pahle number mein vo number bhi le lenge । yahaan ek pareeksha padti hai । bhala sabse achhi bhakti teevra veg se kisne ki? kisne to ki hogi, jo poojya aur pujaari bana । phir nambarvaar kisne ki hai-vo sab pata pad jaaega service ke oopar ki teekhi bhakti karne mein hamko follow kisne kiya hai । bhakti ka to phal dete hain na । bachchi samajhti ho? tumhaara naam kya hai? nirmala । vo hote hain na insapektar । dekho, jab imtihaan hote hain to tumhaara paper jaanch karne liye insapektarsa mukarrar hote hain । tum logon ko maaloom hai? to tumhaara jo achhe teen-chaar hove so padh karke phir mujhe nambarvaar thoda samjhaay dena । to main samajh jaaoon, phir ham vo note karke jaaoonga ki ye klaason mein yahaan kaun-kaun hain, jinko mama bhi mehnat karke gai hai, baba bhi karke gae hain । teekhe kaun jaate hain । samjha na! unse maangane se aise pad jaaenge koi kahenge ham likhna nahin jaante hain । sunna jaanti ho? sunti ho, dhaaran karti ho, to koi se likhva do । koi harja thode hi hai । achha mama-baba aur ye bhi bahuroopiya aa jaate hain । isko bahuroopi kaha jaata hai, aise nahin ki sabke vyaapak । bahuroopi ka arth samjhaaya tha na- jo-jo jis-jis bhaavna se jis-jis ki pooja kare । abhi hanumaan to koi hai nahin, ganesh to koi hai nahin, kachchha-avtaar, machchha-avtaar phalaana hain nahin kuchh । to baba kehte hain-abhi baith karke narsinh ki koi pooja karenge, to unki bhaavna kaise poori karoon? to main phir bhaktimaarga mein unko unka saakshaatkaar karaakar khush kar deta hoon parantu koi mere ko aa karke milta nahin hai । unko unki bhaavna ka alpakaal ka bhaada mil jaata hai, koi praapti nahin hai । unmein bhaavna hai to poori karte hain । jaata kya hai? khalli ke ghar se gai chhu । achha, unki dil poori ho gai । chalo bandar kaho bandar ka hi saakshaatkaar । vo samajhte hain tabhi to bandar mein bhi hai na, kachchha mein bhi hai, machchha mein bhi hai । vahaan se inhonne yeh uthaaya hai aur manushyon ne likh diya shaastra mein । baaki kachchha mein hai, machchha mein hai, phalaane mein hai । sab nambarvaar purushaartha anusaar, yoon to vo bhi jaante hain achhi tarah se, parantu yaadapyaar de dena । koi direction ho to bhale le aana । (record baja :- shiv piya ke saath) yeh to geet hai in logon ka gaaya hua । jab baba kehte hai main inki buddhi mein baith karke banvaata hoon to jaise hamaari koi sandeshi hoti hai na, sandeshi jaati hai to unmein bhi maaya ka asar pad jaata hai, sandesh bhi kabhi ulta-sulta le aati hai । baba bata dete hain । vaise mainne baith karke unke ghat mein bada baithaaya hai ye; parantu unhonne bhi kahin na kahi bhool kar di hai aur geet aise bana diya hai jinmen kuchh defect hai । koi theek hai, koi mein defect hai । abhi saajan kyon bhoolenge! bhoole kaun hain? bhakta । bhakta bhoole hai bhagwan ko, jinhonne bhakton ko poojya banaaya tha । yahaan bas pad milne se hi phir bhool jaate hain; kyonki agar devi-devta baap ko jaante hon to phir baap ki rachna ko bhi jaanen, srishti ke aadi-madhya-ant ko bhi jaanen । tabhi baba kehte hain-agar unke srishti ke aadi-madhya-ant ko jaane trikaaldarshi banen to duhkhi ho karke bichaara raajya bhi na kar sake; kyonki unko yeh chinta lag jaave, hamko phir utarna hoga । solah kala se chaudah kala mein jaana hoga, phir baarah mein, phir ekdam kaudi misal banega । bichaaron ka raajya usi samay mein khatma ho jaave । khushi khatam ho jaave । baap samjhaate hain na । is det right? baba poochhte hain-main sach kehta hoon? tumhaari buddhi mein lagta hai ki yeh baat theek hai? yeh gyaan unme nahin ho sakta hai । ye gyaan praayahlop ho gaya tha phir kahaan se aaya? aise thode hi hai, bas ikshyaaku ke manu ko, manu ne phalaane ko, phalaane ke phalaane ko, yahaan raaja kahaan hai, jo diya kisko? vahaan raaja raajaaon ko dete hi nahin hain, gyaan hi nahin hai । yeh sabhi baba ne samjhaaya na-paai-paise ka sach hai । raamaayan banaaya na, unmein bhi yeh theek hai । bandaron ki sena hai theek । sabhi seetaaen ek raavan ke chambe mein hain । so inko le karke saari duniya ko chhudaate hain । lanka ki koi baat nahin hai । to thoda yeh jaise sach hai । achha, baaki bhaagvat mein charitra to jhoothe hi jhoothe hain । vaah! shivbaaba kahaan vo krishna kahaan! vo shivbaaba ka charitra kaahe ka? vo to hai gyaan ka saagar sunaane vaale । roj baith karke, matki phodi makkhan churaaya phalaana kiya, raaniyaan bhagaai । yeh krishna bachcha hai satayug mein, yeh vahaan kaise kaam karega? kitna dosh? isko gaate hai na-yada yada hi dharmasya glaanirbhavti bhaarat yaani apne dharma ki aur dharma sthaapan karne vaalon ki glaani । phir baithkar samjhaate hain meri glaani-kan-kan mein, machchha-kachchha dhool-chhaai mein, sabmen aur phir krishna ki glaani, raamchandra ki glaani, bas jo mukhya hai unki glaani aur phir sabki, shankar paarvati ke oopar phida hua । are moorkhon yeh bhi koi baat hoti hai! brahma sarasvati ke oopar phida hua-aise-aise yahaan bahut chariyaai dekhi hui hai । pata thode hi hai kisko, bichaari ko, yeh jagdamba kaun hai? sarasvati kaun hai? kisko kuchh pata thode hi hai । ye sab mukhvanshaavli । achha, chalo । jaao, go soon, kam soon । abhi yeh dashahre ki service bachchon ko mili hui hai । dekho, kitne dher bachche hain । bhale koi kaam vaale hote hain, nahin nikal sakte hai । to ye jo raavan vaale chitra aae hain, ve aur bhi mangaay sakte hain aur sadaiv dete raho aur doosre jo abhi deevaali ke liye lakshmi ke nikle hain, mahaalakshmi ke, vo bhi bahut achhe hain । hindi aur angreji aae hue hain । usme bahut achhi samjhaani likhi hui hai । kaisa bhi ho, unko thoda samjhaane se samajh sakenge । usmein bhi ye chitra to do humein saath ye aur ye bhaarat ke । ye bhaarat ke hain na । ye tum baap kahege na । bombe me baboolnaath bhi to mashhoor hai । ye forest ko vo svarga banaane vaala ya garden banaane vaala, isliye naam pad gaya baboolnaath । shaayad yahaan bombe mein hi hai ek baboolnaath naam । nahin to naam to bahut rakha hua hai yeh baba in sahit achhe-achhe chitra bana rahe hain । ye inmen ham dete hai aur doosre chhapa rahe hain, usmein bhi hain, jo aae hai deepmaala ke liye । mandiron mein yahaan-vahaan baba dekhte hai ki legvejij se bahut, agar saskrit mein shlok sunaate, to main to samajhta hoon yahaan koi bhi nahin samajh sakte । sanskrit koi satayug ki bhaasha nahin hai । satayug mein sanskrit nahin chalti hai । ye hamaari bachchiyaan jaanti hain, vahaan ki legvij aur hai । baba ne vahaan bataaya tha-gaagre ko kya kehte hain, kitaab ko kya kehte hain, school ko kya kehte hai, phalaane ko kya kehte hain । vo naam hi alag the । inke paas kuchh note hai ki vahaan bhaasha kaisi hoti hai । sanskrit nahin hoti hai । sanskrit ye sanyaasiyon ke peechhe nikli hui hai । harek raaja apni legvij chalaate hain । vahaan satayug mein legvij alag hain । phir jab raamchandra ka raajya hota hai, ek law hai, unki phir apni lengvij hoti hai । harek raaja apni lengvij chalaate hai) । dekho, abhi yahaan kya the? maansa the aur gaj the । abhi kilo, meter aadi pata nahin yeh vilaayat se kya-kya nikla hai । are, 14 carat naam kahaan se nikla? 14 carat hindustaan mein akshar hai nahin । akshar hi nahin hai । kahaan se aaya? sab vilaayat se kachda yahaan aata hai ekdam । ye sabhi jo bhi akla hai sab vahaan se lete hain । yahaan ka bilkul kuchh bhi akla nahin hai । yahaan bhaarat ka akla to chat hai, khatma kar denge ekdam, pattharbuddhi । to aata hai so sab vahaan se । dekho, dam bante hain, ye bante hai, karja lete rehte hain । abhi baba ne samjhaaya-ye tumhaare bhaarat se bahut paisa le gae hain na yeh naatak mein raaz kitna achha hai । tumhaare se bahut paisa le gae aur tum kangaal ho gae ho । unse ugraai kaise ho? abhi un sabse ugraai ho rahi hai, jo bhi Christian vaale hain, sab jo bhi hai । sab sauda lete raho, dena paai bhi nahin hai । pichhaadi mein vinaash ho jaaega, yeh rah jaaega । dena paai ka bhi nahin hai vo pahle hi khatma ho jaaegi । to agar shreemat leve to bhale 8-10-12 percent mein bhi jo den so lete jaao-lete jaao, dena kuchh bhi nahin hai । khatma ho jaaenge na । baba kehte hai-ye hai ugraai । agar ye ugraai na hoti, tum log mar jaate dukad me । na vahaan se anna aata, na vahi se paise aate, na kuchh hote, to tumhaare mein sab akaal pad jaata, bhookh badhti, parantu yeh drama mein, naatak mein raaz rakha hai । bahut paisa le gae hain । abhi unse sabse udhaar, bas udhaar । ek badi part le li hai । baba samjha dete hai । bachchon ko kehte hain-tum phikra mat karna । unko dena thode hi hai, bahut loota hai, so tumko dete hain । are! itna to main kehta hoon unko ladaay karke raaj tumko deta hoon । tumko koi takleeph thode hi hai । aur kya chaahiye tumko! akhaani bhi hai barobar ki do lade aur ek ko makkhan mil gaya । to yeh hai srishti roopi baadshaahi ka, vishwa ke baadshaahi ka makkhan, so milta hi hai bhaarat ko । tum bachche bhaarat ki kitni achhi seva kar rahe ho । tan, man, dhan se tum bhaarat ki roohaani seva kar rahe ho aur vo karte hai jismaani । abhi kaurvon ne baapu ki madad ki । dekho, ministers hai, ashoka hotel mein khaana khaate hain’ । jinhonne madad di vo bade maje mein hai । vo to hai alpakaal kshanbhangur ki rupay ka paani ka raaj । vo to baba ne samjhaaya hai । tumko bada baapu ji-behad ka baapu ji kitna sukh dete hain! tum bhi to dhan-tan-man se seva karti ho to bhaarat ki hi hui na! parantu vo chhote baapu ki-had ke baapu ki, yeh behad ke baapu ki । jo madad karega vo paaega । madad ki na । baba ne bataaya na follow father । baba, yeh sab kuchh aapka hai, svarga ki baadshaahi phir meri hai-sauda karte hain । sauda hai na । baba ne bola-sauda karenge? bola-vaah! kya denge? bola- tumko baadshaahi denge । hamne bola-yeh gadhe ki baadshaahi chhodo । hamko vahaan ki baadshaahi de do, ham phenk karke dhandha baith gaya । achha, toli baanto । maaloom hai tum logon ko? raavan ka jo chitra banaate hain, uske oopar gadhe ki seesi dete hain । lethedte rehte hain gorakh roopi dhool-dhool mein । to vo gadhe ki seesi de dete hain । gadhe lithadte hain na dhool- dhool mein । to yeh bhi paanch vikaaron ke dhool-dhool mein lithadte rehte hain । gadhe ki sheesh li hui hai raavan ke oopar mein । tumne raavan dekha hai? yeh chitra jitna chaahiye, mangaakar denge । abhi gujraat mein to nahin chhap sakenge, legvijeej bahut hain । kahaan tak chhapaave? vahaan phir sindhi nahin chhap sakti hai । pata nahin, maraathi bhi chhap sakti hogi ya nahin । itni koi chhapa bhi nahin sakte hain, isliye government hindi karti jaati hai ki)hindi pramukh rakho । hindi aur inglish-inke sivaay bhaarat ka kaam kabhi chal nahin sakega । to ye do laingvejij achhi hain । usmein english to school mein sabhi padhte hain । to sabko achhi tarah se boto । jahaan-jahaan bhi satsang ho, phalaana ho, khoob dete jaao । mehnat karni padegi na । rakaarda baja:- sone ka hindustaan mera… abhi ban raha hai, pahle tha । abhi to 14 carat, 9 carat । unko sona thode hi kaha jaata hai । nahin, yeh mahima hai, jo thi । bhaarat sone ka, hindustaan bhittar ka, thikkar ka । bhaarat ki mahima hai zaroor, kyonki baap bhi kehte hain-main bhaarat mein aata hoon to bhaarat ko sone ka banaata hoon । maaya aati hai mittar ki bana deti hai । punah record baja- sone ka parivaar…, parivaar samajhti ho? golden and parivaar, abhi iron aged parivaar । abhi aasuri parivaar । vo rehte bhi sone ke mahal mein hain । sone jaise hi hain । usko kaha hi jaata hai-paarasnaath aur paarasnaathini । nepaal ke taraph mein paarasnaath ka mandir hai । paarasnaath unko kaha jaata hai । shivbaaba ko to nahin kahenge na, vo to banaate hain । paarasnaath abhi pattharnaath । pattharnaath se paarasnaath banaate hain । yeh aabu mein mandir bahut achha hai । usmein sab likha hua dikhlaate hain । neeche ye jhaad bhi hai । neeche jagdamba aur jagatpita bhi baithe hue hain । oopar mein svarga bhi hai । svarga bhi aise maarbal ka banaaya hua hai, koi bhi world mein aisa nahin hoga । aisa bilkul accurate । neeche mein pattharnaath kaala । phir oopar mein jo mandir hai achalgadh usme phir paarasnaath vo sone ka chitra rakha hua hai aur phir gurushikhar । guru unse bhi ooncha hai pahaad ke oopar । us guru ne .che te oonche vaale ne pattharnaath ko paarasnaath kaise banaaya-sab chitra hai । adhar kanyaayen hai, kunvaari kanyaaen hain । ye hain na tum phir kunvaari kanyaaen ye adhar kanya kyonki phir vo grihasthi bankar, to unko adhar kaha jaata hai । poora mandir hai yaadgaar aur ham tapasya bhi vahaan hi jaakar karte hai । hamaara yaadgaar bhi vahaan । abhi tum bachche kahaan bhi jaaenge lakshmi naaraayan ke mandir mein to kahenge are । yeh to abhi ham ban rahe hain, yeh to ham the, yeh to hamaara hi yaadgaar hai । jagdamba ke mandir mein jaaenge to kahenge are । yeh mama ke saath ham to yeh bhaarat ko svarga banaate the । yeh hamaari yaadgaar ka mandir hai mama ka । aise kahenge na! jo cheej dekhenge- are, lakshmi naaraayan ka mandir! yeh to ham bhaarat ko bana rahe hain, ham khud ban rahe hain । aise kahenge na abhi jo dekhenge vo tumko knowledge hai record baja- sone ka parivaar…, sone ke raajamhal bante hain na theek । aage svarna daan karne se, sona daan dene se tumko bahut phal milta hai । sona daan sabse ooncha daan gaaya jaata hai । abhi kya 14 carat daan karenge? 9 carat daan karenge? kya karenge? achha bachche, kisi ne kaha- baba geet…) kya hai? record- sone ka hindustaan mera…) achha, baapdaada meethi mama ka meethe – meethe sikeeldhe bachchon ko, baap kehte hai sarvisebul bachchon ko- jo serviceable banega, vo hi achha-achha ijaapha lenge । service bigar government ijaapha deti hai? tum apni service karte raho । baap bolte hain-main ijaapha achha doon, kyonki braahman ho yagya ke aur tumko svarga ki raajdhaani inaam me milti hai, to service bhi aisi eemaandaari se karni chaahiye । achha, baapdaada, meethi mama ka meethe- meethe bachchon prati yaadapyaar good morning ।

helo, ye jo geet aapne suna - sone ka hindustaan, vo his masters phaiz ka record hai, jyotika raay ka gaaya hua hai iska number hai m16017