Sakar murli for Sunday 29 December 1963

> >

29-12-1963 dilli praatah murli saakaar baba om shanti madhuban

helo, good morning! ham dilli se bol rahi hain, aaj shukravaar hai disambar 29 taareekh ki murli sunte hain ।

record :-

dukhiyon pay kuchh raham karo. maa-baap hamaare…

omshaati । abhi bachche pukaarte hain ki baap ko aana hai । kab aana hai? jabki raham chaahte hain । to baap baithkar bachchon ko samjhaate hain । abhi baap baithkar ke samjhaate hain hoobhu kalpa pahle muaaphik। baap aa gae hain bachchon ko phir se pyaar dene aur jo bachche duhkhi hain unko sukhi karne । bachche kahenge na phir se; kyonki pukaarte hain ki aao, raham karo, phir se aao; kyonki bachche jaante hain ki sachmuch ham duhkhi hain । ham 5000 varsha pahle bahut sukhi the । baba ne tumko bataaya hai ki kitna varsha hua jab tum bahut sukhi the । ab tum duhkhi ho । kisne duhkh diya hai? kisne tumko ashaant kiya hai? jab koi aate hain to kehte hain- shanti kaise mile? aise kehte hain na bachche , to ashaant hain na! ashaant ka arth hi hai ki ghar-ghar mein duhkh hai, jhagda hai, maaraamaari hai, usko kaha jaata hai 'ashaant, aur phir shant kisko kaha jaata hai? jahaan phir yeh maaraamaari, jhagda aur hangaama nahin hai । aise nahin hai ki shanti chaahiye, to ham jad ban jaaven । kyon? jab ham vahaan nange hain, shareer nahin hai, to ham jaise jad hain, kuchh karte nahin hain, bas vahaan pade rehte hain । kuchh karte hain vahaan ? mool vatan mein ham kuchh karte nahin hain, shareer ho to kuchh karen na! shareer nahin hai to vahaan karte kya hain? vahaan ham pade rehte hai- jad । usko jad kaha jaata hai । shant pade hue hain । shanti to vahaan hai; kyonki vo hai hi nirvaandhaam, vaanaprastha । nirvaandhaam maana vaani se pare dhaam । vaanaprastha ka bhi yahi arth hai-vaani se pare sthaan, jahaan ham bachche, ham aatmaaai rehte hain । kiske paas? baap ke paas । usko sweet home bhi nahin kaha jaata hai, usko kaha jaata hai-shantidham । jab 'sweet' arthaat meetha akshar aata hai to phir kaduva bhi zaroor hoga । to yeh hai kaliyug ka kaduvaadhaam woh hai meetha dhaam-sukhdhaam । woh hai shantidham । bachche pukaarte hain na! to baap bhi aakar kehte hain aur baap samjhaate hain tum abhi bahut duhkhi ho, aise nahin hai ki jaise bahut bachche samajhte hain ki baap hi sukh dete hain, baap hi duhkh dete hain arthaat god father hi sukh dete hain, god father hi duhkh dete hain ya paramatma sukh dete hain, paramatma duhkh dete hain, aise to kabhi ho nahin sakta hai । parampita paramatma usko most beloved kaha jaata hai va kaha jaata hai beloved most parmapriy, parampita । maa-baap to priy hote hain na; kyonki vo paalna karte hain, varsa dete hain । to priy unko kaha jaata hai । bachchon ko most priy hote hi hain-maa-baap । to ek maa-baap hain had ke, doosre phir maa-baap hain behad ke, jinko dekho aise pukaarte hain । laukik maat-pita ko aise thode hi kahenge- ''tum maat-pita, ham baalak tere, tumhari kripa te sukh ghanere ।' ' ghanere kahaan? aaj hain, kal duhkhi hote hain, beemaar hote hain, ye hote hain । nahin, koi hai doosra, jiski mahima bhaktimaarga mein chali aati hai; kyonki avinaashi sukh dete hain aur avinaashi hain । to baap baithkar ke samjhaate hain, bachchon ko vo avinaashi yaad rehti hai; kyonki main kalpa-kalpa aay kar bachchon ko sada sukhi banaata hoon । iska naam shiv hai na, usko kaha hi jaata hai-sadaashiv । shivjayanti hoti hai na, to kehte hain-sadaashiv । 'sada ka arth ek nikalta hai-sada sukh dene vaala va sada hi vahaan paramdham mein ekras rahne vaala, sirf ek dapha aane vaala । jab gaati ho na- maa baap hamaare', to abhi tumko practical mein mila hai । tum jaante ho ki barobar hamko abhi, jiski mahima hai, god father jisko kaha jaata hai, vo practical mein mila hai । sirf eeshvar aur prabhu kahne se varse ka maja nahin aata hai, father kahne se varse ka maja hai । father maana hi hai father se varsa milta hai । aise nahin kahenge ki ye mother se varsa milta hai । donon chaahiye । maata bhi chaahiye to pita bhi chaahiye । to zaroor maata-pita chaahiye । bhaarat mein to mashhoor hai-jagad amba । jagat ki maata ho gai । jagat ki amba hai, to pita bhi hai । ye buddhi se kaam bahut lena hai । ye dant kathaaen jo padhi hain na, vo sab bhoolo । jab baba baithkar kuchh samjhaate hain, jab shivbaaba bhi samjhaate hain, to aise to nahin kahenge ki parampita paramatma aakar shaastra samjhaate hain । vo sabhi vedon, granthon, shaastron ka saar samjhaate hai । tum bachchon ko maaloom hai ki brahma ka chitra dikhlaate hain, unke haath mein pustak dete hain aur phir chitra banaay diya hai ki vishnu ki naabhi se nikalte hain । abhi vishnu ki naabhi se to koi nikalne ki baat hai nahin । vishnu sookshm vatan mein raha, brahma bhi phir vahaan hi raha, to vahaan sookshm vatan mein thode hi vishnu ki naabhi se brahma nikal pada । aise to hai bhi nahin । nahin, yeh hai prajaapita brahma । to zaroor do brahma ho gae । law mujeeb do brahma । ek ko kaha jaata hai prajaapita brahma yaani praja rachne vaala brahma । praja to yahaan rachi jaaegi na, sookshm vatan mein to nahin hai । bahut bachche moonjhate hai-yeh kya, yeh saakaar mein manushya apne ko brahma, jo sookshm vatan mein rehte hain vo kaise kahlaay sakte hain? tumhaare paas bahuton ko aise bahut sanshay hote hain । to baap baithkar samjhaate hain ki prajaapita brahma, unke brahma mukhakmal se braahman paida hue । tum braahamnon se jaakar poochho ki tum kiski santaan ho? bolenge- ham brahma ki mukhvanshaavli hain । to ye samajhte hain ki mukhvanshaavli hongi, to brahma bhi zaroor yahaan hoga na । to iska naam hi hai prajaapita brahma । unko aadidev bhi kyon kehte hain? kyonki vo jo trimoorti racha hai, unka naam rakh hi diya trimoorti brahma । to tumne usko 'brahma bada lakab de diya । isliye unko kah dete hain aadidev । abhi baap samjhaate hain prajaapita to zaroor yahaan chaahiye । baap aate hi hain jabki duniya patit hai । to vo brahma kaun hoga, jinse baap baithkar brahma dvaara mukhvanshaavli rachte hain? duniya to saari patit hai barobar । phir baithkar samjhaate hain ki yeh hai brahma ki raat, so bhi ekdam aadhi raat । shivjayanti kab aati hai? bolte hai- jab duniya ki aadhi raat hoti hai aur din hona hota hai tab aate hain । vo jo krishna ke liye likhte hain ki vo aadhi raat mein janma leta hai, janma-ashtami vrat rakhte hain aur raat ko jaagte hain, to baba baith bolte hain ki yeh parampita paramatma khud kehte hai ki main aata hi hoon kalpa ke ant mein aur aadi mein yaani jab brahma ki aadhi raat hai, bilkul hi ghor andhiyaara hai । to din karne ke liye ghor andhiyaare mein aaega na । to meri jayanti hoti hi hai kalpa ke raat mein । aise nahin ki koi main garbha se janma leta hoon jo koi baithkar vo time rakhte hain kab-kis class mein janma liya, nahin । mera vo janma nahin hai, jiski tum time rakhte ho । rakhte ho na । kis vela mein janma, liya, to baithkar samjhaate hai । kaun samjhaate hain? abhi tum jaante ho phir vahi parampita paramatma, jisko geeta ka bhagwan kaha jaata hai, vo bhagwan aaya hua hai aur vo padhaate hain । in sabko pahle ye nishchay hona chaahiye । nahin to bichaare kya karenge? moonjhenge । baba abhi sabha se kaise poochhe ki tum jaante ho ki yahaan bhagwan padhaate hain? krishna bhagwan nahin । geeta ka bhagwan krishna nahin hai । jo sabka bhagwan hai, jisko shiv kaha jaata hai । shiv ka kartavya drama mein alag hua, krishna ka alag hua । bilkul hi raat-din ka pharka hai । unki mahima alag, unki mahima alag । baba ne bahut samjhaaya hai । to baap baithkar bachchon ko samjhaate hain- tum bachche jaante ho ki abhi parampita paramatma kalpa pahle muaaphik is dvaara saare brahmaanda aur srishti ke aadi-madhya-ant ka gyaan sunaay rahe hain, jo koi bhi sunaay na sakenge । kyon? isko kaha hi jaata hai knowledgeful । jaaneejaananhaar ka arth koi yeh nahin hai ki sabke dilon ko jaante hain । saari saadhe teen sau karodon dilon ko baithkar jaanenge, yeh thode hi baat hai । unko kaha jaata hai knowledgeful । angreji akshar bahut achha hai । vo jaaneejaananhaar ka akshar kuchh munjhaay deta hai । bhai, knowledgeful hai । to baap aakar kehte hai main chaitanya hoon na । ,mujhe kehte bhi hain- sat hai, chaitanya hai, phir kaha jaata hai- aananda swaroop hai, sukh ka saagar hai । sukh to svarga mein hota hai na, jo dete hain । to baap sukh ka inhereetensa denge na । jo sukh ka saagar hai, tum kabhi unko kehte ho ki duhkh ka saagar bhi hai? abhi to duhkh ka saagar hai na । to tum kaise kahenge ki jo sukh ka saagar hai vo phir dukh bhi denge? nahin । baap ne aakar kalpa pahle bhi samjhaaya tha, ab phir se samjhaate hain- main sukh ka saagar hoon duhkh ka saagar hai raavan, jisko tum log kehte ho, jinhonne sabko duhkhi kiya hai) । tum seetaaai ho; kyonki bhakti karte ho yaani baap ko, bhagwan ko yaad karte ho । to tumko duhkhi kisne kiya hai? ye raavan ne । dekho, raavan tum varsha-varsha jalaate ho । tumko yeh to pata hai nahin ki raavan kahaan hai । raavan ka koi chitra thode hi hota hai । raavan ka arth hi hai ye 5 vikaar । tum sab, saari duniya raavan ke gulaami mein ho । ye bhooton ki janjeeron mein ho । tum sabko 5 bhoot lage hain । bada bhoot । bhoot do prakaar ke hote hain । ek ko ghost kehte hain aur yeh hai phir maaya । yeh bahut puraani hai । aadha kalpa se inka raajya hai । isko bhoot kaha jaata hai । kehte hai na- inko kaam ka bhoot laga hai, dar-dar mein dhakka khaate rehte hain । isko baajaari kutte kaha jaata hai, baajaari bail bhi kaha jaata hai, dar-dar jaate hain । to baap baithkar samjhaate hain ki ye bade bhoot hain । yeh kaam ka bhoot, krodh ka bhoot । koi gussa karte hain na, to kehte hain- dekho, inko krodh ka bhoot laga hai । inko bhoot kehte hain । ye hain do dushman; kyonki moh aur lobh ko itna bhoot nahin kaha jaata hai । nahin, ye bade shatru hain । usmein bhi kaam to bilkul mahaashatru hai aur kehte bhi hain- he mere laadle bachche, is kaam roopi shatru par jeet pahno । to is par jeet pahnenge na? do hain bade । tum bachchon ko donon ki maaloom hai-kaameshu krodheshu । kaam ki cheshta abhi ki baat hai na । abhi ki hi baat bataate hain- kaameshu krodheshu । kaam-vikh na milega to ablaaon ko ekdam thoonsa maarenge । kahenge- is bigar srishti kaise chalegi? are bhaai, vo viceless world thi, phir kya unko bachche nahin the? shri lakshmi naaraayan ko bachche the na! ek । yaad rakh lena vahaan ek । to zaroor takhta par to koi baithte aaenge na । yahaan bas, bigadte hain bichaari ablaaon ko । ye drama hai, baithkar ke samjhaate hai ki barobar aage bhi jab ablaaon ke oopar atyaachaar hue, paap ka ghada bhara, is kaaran tabhi vinaash shuru ho gaya tha । abhi bachchon ko yeh to nishchay hai na baap saamne baithkar ke saamne samjhaate hain, vo gaate hain na- 'murli teri mein hai jaadu…', dekho main sindhi mein kehta hoon- murleeteejiy mein jaadu aahe khel khudaai' । yeh jo murli bajti hai, are bada jaadu hai unmein! yeh khudaai murli hai aur khudaai jaadu hai । barobar bhagwan ko hi jaadoogar kaha jaata hai, krishna ko thode hi jaadoogar kaha jaata hai । manushya se devta banaave, ek second mein jeevanmukti dene, yeh jaadu nahin thahra! 'ek second mein', dekho janak ke liye kehte hain na aur bachche kehte bhi hain- baba, hamko janak ke misal gyaan do । yeh jo bhagaate ho, yeh nahin, ham ghar baar na chhoden, hamko janak ke misal ek second mein gyaan do । geetaaen to bahut hain, ashtaavrak geeta aadi । to baba kehte hain-main aaya bhi hoon tumko aise lakshmi naaraayan banaane । main tumko ghar-baar thode hi chhudaata hoon । tum pravrittimaarga vaale hain aur the । satayug mein tum pravrittimaarga hain । tumhaara lakshmi aur naaraayan jinko tum poojte ho, vo pravrittimaarga hai na । zaroor raaja aur raani, bachcha bhi to paida hua hoga na ।. pravrittimaarga hai na । main bhi tumko pravrittimaarga mein gyaan deta hoon । vo jo shuruaat mein tum logon ne jo suna hai na, gaali khaane ka, hangaama hua, vo hangaama to geeta mein bhi tha na । krishna ko bahut gaali diya, bahut bhagaate the, phalaana karte the । gaali khaaya tha na । baba kehte hain ki nahin, unka bhi raaz hai; kyonki baap ko pahle chaahiye bhatthi, jismen kuchh bahut niklen । gyaan ki bhatthi mein daalen, yog ki bhatthi mein daalen, vo bhatthi banaani thi । tumhaare bhaagvat mein likha hua hai ki bhatthi; parantu unmein billi ke poongare daal die the । padha hai kahin? ek bhatthi thi, unmein billi ke poongare baith gae the । eet to pak gai, par billi ke poongare vahaan jeete-jeete baithe hue the । to billiyon ke poongare hain ya maaya ke? maaya billi hai na, unke poongare ban gae । aajkal maaya billi kehte hain na । ye ek khel hai । gulabkaavli ka ek khel bhi hota hai, jismen chaupad khelte hain । vo nagaada bajaakar aata hai, main maaya ko jeet karne ke liye aata hoon । phir vo jab maaya se jeet pahante hai, to vo billi bitha deti hai । vo kya kehte hain- billi paasa pher deti hai । abhi ki baat hai । tum aae ho maaya par jeet pahanne ke liye । maaya billi ko kehte hain । vo ghadi-ghadi tumhaara jo dhaara hai na, ulta de deti hai; kyonki tumhaara baap aaya hai abhi pau baarah banaane । maaya ne tumhaara chhattees daal diya hai । samjha chhattees haar kaha jaata hai, pau baarah jeet kahi jaati hai । abhi chaupar ki to khel nahin hai । yeh baat hai samjhaane ki । to baba baithkar samjhaate hain ki abhi tum purushaartha karte ho maaya par jeet pahanne ke liye । koi vakta mein tum ekdam haraay dete ho । maaya billi ghadi-ghadi tumhaara deeva bujhaay deti hai । to baap baithkar samjhaate hai, ye hoga zaroor । yeh yuddha ka maidaan hai । main aaj khilauna nahin le aaya hoon nahin to mere paas khilauna bhi hai ki boxing kaise karte hain? kyonki bahut maataaon ne boksing nahin dekhi hai । bachchon ne to dekhi hai ki kushti kaise ladte hai । kaise ek- do ko aise jor se maar dete hain, jo bichaara aa…aa… karte hue aise pad jaata hai । abhi tumhaare paas bahut gop aur gopiyaan hai । maidaan mein yuddha karte ho, yuddha ka maidaan hai na । yudhishthir yaani yuddha ke maidaan mein maaya par jeet paane vaala । isko hi kaha jaata hai non-vaailens । abhi non-vaailens sikhlaane vaala aa gaya hai । tum bahut bade warriors ho । tum unknown warriors ho, but very well known yaani tum log warriors ho maaya par jeet pahanne vaale । tum bahut naameegraami ho । kaun ho tum? vo shivshakti paandav sena, jinki pooja ho rahi hai, tum vo ho, parantu koi manushya jaante hi nahin hain । tumko koi jaante hain? tum bhaarat ko svarga banaane vaali ho, maaya par jeet pahan karke jagatjeet bani ho । vo jo sanyaasi log ya koi kehte hain-man jeete jagatjeet । nahin, man to kabhi jeeta nahin jaata hai । yeh to impossible baat hai । man jeete to tum kha nahin sako, karma kaise karenge? man to sankalp-vikalpa karte hain na । phir tum karma na kar sako, ekdam jaise jad ban jaao । nahin, man nahin । abhi yuddha ka maidaan hai । maaya par jeet pahanni hai, 5 vikaaron ke oopar jeet pahanni hai । usmein mukhya hai kaam । yeh vikaar bahut kada hai । to baap baithkar bachchon ko samjhaate hai ki bachche hai na barobar, yeh jaadu kiska hai ye khudaai jaaphdu ismen pade hain, to zaroor khuda-baap aakar inmen se tumko samjhaate hai । jaadoogar unko kaha jaata hai na । krishna thode hi jaadoogar hai । baba ne bachchon ko samjhaay diya hai ki yeh trikaaldarsheepne ki jo knowledge hai, koi bhi puraane rishi-muni ek bhi trikaaldarshi hokar nahin gaya hai । kaise ho, jabki satayug ke aadi mein shri lakshmi aur naaraayan manushya srishti mein number one hue na, vo bhi trikaaldarshi nahin hain, unko bhi srishti ke aadi-madhya-ant ka gyaan nahin hai । yeh to kehte hain, shri krishna bhagvaanuvaach, phir krishna ka baap aakar bataate hain ki nahin, us bachche mein teenon lokon ka gyaan hai nahin । bilkul nahin hai ekdam । agar unmein hota, to unko maaloom hota ki achha, abhi ham sooryavanshi hain । are! peechhe to mujhe chandravanshi banna padega । peechhe mujhe vaishyavanshi banna padega, phir mujhe shoodravanshi banna padega । neend fit jaavegi । baap baithkar samjhaate hain-jiske liye kehte hai ki shri krishna bhagvaanuvaach aur baithkar yeh trikaaldarshi banaate hain, unmein yeh gyaan nahin hai । dekho, kitni bhool ho gai hai! badi te badi bhaari bhool । phir bhi to baap kehte hain buddhi ko ye baba bhojan dete hain na । buddhi se poochho ki vo trikaaldarshi ho sakta hai? vo to bechaara ghutke mein mar jaave ki ham peechhe phalaana ja karke ekdam shoodra banenge, duhkhi banenge । to vahaan hi unko vairaag aa jaave ki baba, phir kyon yeh drama racha hai, jo phir mujhe duhkh milega? bichaaron ko ghutka aa jaave, vaikuntha ka sukh hi ud jaave । nahin । to baap baithkar bachchon ko samjhaate hain ki meethe bachche, abhi god aaya hai padhaane ke liye । vo father kya banaane aaya hua hai? bolta hai-jaise doosre hain na, manushya manushya ko banaate hain na, barrister hai to barrister banaate hain; engineer hain to engineer banaate hain; surgeon hai to surgeon banaate hain yaani maanush te surgeon bhay । unko kitna samay laga? 25 varsha laga । aise-aise karke 25 varsha bade imtahaan ko va aai०si०S० ko lag jaate hain । phir yahaan kya hota hai? maanush ko devta kiye karat na laagi vaar। to yeh hai manushya srishti, satayug hai devi-devta srishti । usko kaha jaata hai aadi sanaatan yaani pahle-pahle satayug ke aadi mein aadi sanaatan devi devta dharma tha । aise nahin ki aadi sanaatan hindu dharma tha । nahin, aadi sanaatan devi devta dharma tha । to baap baithkar samjhaate hai ki aadi sanaatan devi devta dharma tha to bada raaj-bhaag tha । unko to kaha hi jaata hai god aur goddess । goddess lakshmi । bhagavti aur bhagwan । bhagavti aur bhagwan kisne banaaya? hain to nai srishti mein, to zaroor bhagwan rachta hoga na, jisne nai srishti rachi aur bhagavti-bhagwan banaaya । kaise? phir baap baithkar abhi samjhaate hain ki he mere laadle bachche, bhagwan, jo knowledgeful hai yaani beejroop hai, chaitanya hai, to beej hoga, chaitanya hoga, to unko apne jhaad ka sabhi maaloom hoga; kyonki chaitanya hai; isliye unko knowledgeful kaha jaata hai । phir unko sab kuchh kah sakte ho, trikaaldarshi bhi kah sakte ho; kyonki teenon kaalon ko jaanne vaala koi sanyaasi-vanyaasi to bilkul hote hi nahin hain । phir jab na jaante hain to yeh geeta unhonne kaise baithkar banaai? ye kya jaakar baithkar banaaya jab unko maaloom nahin hai to? to thoda-bahut, jo aatmaaen pahle aati hain, vo achhi hain, thoda powerful hain; kyonki rajogun mein jo aatmaaen aati hain to rajoguni hongi । jo tamogun mein aate hain vo tamoguni honge, jo satogun mein hain vo satoguni hongi । unmein power hogi zaroor । vo power kaun deta hai? baap unko power dete hain । to baap baithkar samjhaate hain-tum sab bachche baithe ho .jaante ho ki ham ab bhavishya mein manushya se shri lakshmi aur naaraayan yaani goddess and god bante hain । zaroor god hoga, jo hamko baith karke god and goddess banaate hain । kaise banaate hain, so to tum ban rahi ho । baat bahut thodi hai । bilkul thodi, bilkul simple । baba samjha dete hain ki raat ko knowledge to suni hai । manamnaabhav ka arth dekho kitna sahaj hai । baap kehte hai- mere meethe bachche, ab tum sabko vaapas aana hai । abhi tum sabki chhote aur bade ki vaanaprastha avastha hai । so bhi misaal dete hai-ye aitmik bombsa lagenge na, to ghode-gaadi, ghode, bachche-bachchiyaan, sabhi khatma ho jaate hai, to sabhi ki vaanaprastha avastha ho gai na । yaani marne ke samay ko, vaani se pare jaane vaale ko kaha jaata hai vaanaprastha avastha । to vaanaprastha mein vaani se pare to koi jaate nahin hai, parantu samajhte hain ki hamko jaana hai । yaad karte hain na । jaise vaikuntha yaad karte hain, vaise vaanaprastha bhi yaad karte hain । isliye vaanaprastha ki avastha lete hain ki vaani se pare jaane ke liye abhi ham dhandha-dhori chhod karke satsang karte hain । vo samay hai satsang karne ka aur guru karne ka, vaani se pare । vaani se pare jaakar phir jaaoonga । phir jab marte hain to unko kehte hain kahaan gaya, jo svarga padhaara? to zaroor vaanaprastha ko to svarga nahin kaha jaata hai na । vaanaprastha ko to vaanaprastha kaha jaata hai । vaani se pare sthaan to mool vatan hua । phir jhat se jab marta hai, to kehte hain-svargavaasi hua; kyonki via jaana hai, vaani se pare hokar, muktidhaam jaakar, peechhe aana hai yahaan bhaarat mein jeevanmuktidhaam । aise to nahin hai, manushyon ko koi maaloom hai ki jeevanmuktidhaam kisko kaha jaata hai? nahin, koi bhi kuchh bhi nahin jaante hai । bhaarat mein yeh vaanaprastha lena bahut hai । phir wonder ki baat hai ki jab marte hai to bolte hain vaikunthavaasi hua । zaroor baba kehte hai-abhi main aaya hoon tumko lene ke liye, tumko pahle vaanaprastha mein le jaaooga, vaani se pare lekar phir ham tumko vaikuntha mein, svarga mein bhej doonga । yeh kaun kehte hain?… .barobar vo jo baba hai, vo in dvaara kehte hain । inko bhi to jaana hai na । pahle-pahle inko jaana hai । inko pahle aana hai, to zaroor pichhaadi mein tum sabhi bhi aaenge na । tum sabhi jeevanmukta devi-devta raajya ke liye purushaartha kar rahe ho । to baap baithkar samjhaate hain; kyonki baba merciful hai na । baba kabhi kisko duhkh nahin dete । vo hai hi sukh ka daata, daata hai dene vaala । sukh kya dete hain? aayu bhi dete hain aur dhan bhi dete hai । dhan kuchh kam thode hi dete hain; isliye unko daata kaha jaata hai । vo koi daan to nahin lenge na? nahin । bhale bachche kehte hai, ''he eeshvar! main aapke arth ye daan karta hoon ।'' to eeshvar ke arth gareebon ko daan kiya jaata hai na । daan ka bhi to arth samajhna chaahiye na । ye koi daan to nahin aise to nahin hai agar koi kahe ki kisko maarne ke liye hamko goli khareed karna hai, to vo daan hua । are, ye to badi baat ho gai । daan ki baat to isko nahin kaha jaaega । daan karte aae ho barobar eeshvar arth । jo bahut-bahut daan karte hain, unko barobar achhe saahukaar ghar mein janma milta hai । vo baba ne bahut samjhaaya hai-baba gareeb-nivaaj hai । koi saahukaar laakh rupaya ka daan karte hain, unke paas 50 laakh hai, to unko utna hi milta hai, jitna koi gareeb ho aur unke paas hajaar hai aur unmein se 10 rupaya daan karte hain । donon eekval । isliye unka naam rakha hua hai gareeb-nivaaj । gareeb ko bhi daan vahi dete hain । aise nahin ki vo bade daani hoga, gareeb kaha jaaega kya? kya gareeb hamesha ke liye koi bade ghar mein aaenge hi nahin? nahin, aise koi nahin hai । yahaan phir kaha jaata hai na ki sudaama ne do mutthi di, svarga mein mahal de die- dekho gaaya hua hai na । abhi to tum jaante ho ki baap hai daata, dene vaala । to abhi vo baap direct kya dene vaala hai - indaairaikta alpa kaal kshanbhangur sukh ek janma ke liye । in mahal aur maadiyon se mamatva chhootta hi nahin hai । saahukaaron ke liye kehte hai na । gareeb ka to mahal-maadiyaan hain hi nahin । to gareeb jhat aate hain bilkul hi । un logon ke paas mahal, maadiyaan-vaadiyon ka bahut dhan hai na, to unki dil videerna hoti hai । aage bhi baba ne kaha hai na, bolte hain- pahle buddhi mein tumko yaad rehna chaahiye ki vo inke tan mein aaya hua hai । aaya hai paraaye raajdhaani mein, paraaye shareer mein aur patit mein । raajdhaani bhi patit to yeh shareer bhi patit aur paraaya shareer । unko apna shareer nahin hai । vo bolte hain mujhe apna shareer nahin hai । mujhe zaroor loan lena pade, prakriti ka aadhaar lena pade । aatma prakriti ke aadhaar bigar part kaise bajaaegi! to baap baithkar bachchon ko samjhaate hain- mere laadle bachche, jaadoogar vo hai, ratnaagar vo hai । ye gyaan ke ratna hain । is ek-ek ratna ki jo value gaai jaati hai na, bolte hain laakh-laakh ki hai । aise nahin ki shaastron ki । nahin, iski, kyonki baap ne) baithkar brahma dvaara aage bhi sabhi vedon, granthon, shaastron ka saar sunaaya hai- ye kahaavat hai । to brahma aaya hua hai na । ye bhi to bahut shaastra vagairah padhe hue hai । ye number one bhagat, pujaari, number one poojya, phir tum sabhi unke followers bachche । to hisaab kitna bataate hain । bhakti ke peechhe bhagwan milta hai na । are, bhala bhakti to sab hai, kuchh pata hi nahin padta hai, kab se bhakti shuru ki hai inhonne? koi se pata thode hi padega । to phir uske liye baap samjhaate hai ki shiv bhakti dvaapar se shuru hoti hai na, to jisne pahle se bhakti shuru ki hogi, vo hi phir mere paas yahaan aaenge । bhagat to sabhi hain na, to sabhi bhaaratvaasi thode hi aaenge । 33 karod devtaaai gaae jaate hain । buddhi se yeh vichaar karna chaahiye । is samay mein bhaarat ki jo sanstha hai, sensas hai, vo bahut thodi dikhlaate hain, nahin to bhaarat ki sabse jaasti honi chaahiye, kyonki satayug se lekar ham bhaaratvaasi hain, vo to sabse hi jaasti hona chaahiye, parantu vo to convert ho gae hain na, Christian mein convert, musalmaanon mein convert, bauddhiyon mein convert । ek adendakar aaya tha, usne ek hi lecture se 75 thaaujenda bauddhi banaay die । tum logon ne akhbaar mein padha hoga । abhi kahaan ham devtaaai oonch te oonch kul! oonch kul aur neech kul ka rivaaj bhaarat mein hota hai na- bhai, ham oonch kul mein hi shaadi karaaenge । to kahaan bhaarat ka oochcha kul aur kahaan vo dharma bhrashta ho gae, karmabhrashta ho gae, ho karke koi musalmaan ban gae, are dekho to sahi! oonche te oonchi biraadri vaala koi bauddhi ban gae, koi Christian ban gae, koi kismen ban gae । ye drama kyonki baba bolte hain na-jab-jab bhaarat ki dharmaglaani hoti hai, bhaarat ka dharma praayah lop ho jaata hai, tab main phir aa karke sthaapan karoonga । yeh to barobar hai ki satayug mein jab devi-devta dharma tha to aur koi dharma nahin tha । abhi jab bahut sabhi dharma hain to devi-devta dharma nahin hai । baba kehte hain- na ho tab to main aaoon na phir devi-devta dharma sthaapan karne ke liye । koi bhi apan ko nahin kehte hain, koi bhi government ki jo sensas ya aadamshumaari hoti hai, usmein koi bhi nahin likhega ham koi devi-devta dharma ke hain । baaki sab likh sakte hain । Christian Christian likhega, musalmaan musalmaan likhega, parantu aisa koi nahin hai jo devi-devta dharma ka likhe । abhi ham kya likhen? agar ham un sensas mein likhte hain ham braahman hain, to braahman to yahaan dher hai । agar ham devta likhen, to devta to ham hain nahin । braahman hain; parantu braahman bhi do prakaar ke hain- ek jismaani kukhvanshaanvali, yeh mukhvanshaavli । baba ne aage bhi gaaya hai na ki vo braahman hain kukhavshaanvali, tum ho mukhvanshaavli। ab braahman barobar mukhvanshaavli ko yaad karte hain- braahman devi-devtaay namah । are, tum braahman ho! braahman devi-devtaay namah kaun the? pahle braahman, peechhe devta । choti pahle, peechhe devta, aise kehte hain na । pahle choti ko yaad karte hain sangamayug vaale braahmanon ko kyonki sangamayug vaale hain roohaani social workers aur baaki sab hain jismaani social worker । worker to sabhi hain । isko kaha jaata hai roohaani । iske liye unko kaha jaata hai pande । pande maana jo yaatra par le jaate hain । vo hain jismaani pande, tum bachchiyaan ho phir roohaani pande । tum sabko raah bataate ho apne paramdham jaane ke liye, nirvaandhaam jaane ke liye aur phir tum unko maaya par jeet pahnaate ho jagatjeet banne ke liye । yeh school hai, paathshaala hai । inmen koi kharcha hai! dekho, mandap bana hai, inmen kya kharcha hai! aajkal hospitle kholte hain, to laakhon rupaya kharcha hota hai । ek kamra le karke hospital khol deven to manushya vahaan 21 janma ke liye tandurusta ho sakte hain । hai koi kharcha teen pair prithvi ka? abhi vaaman avtaar hai na । teen pair prithvi ke nahin milte the aur saari srishti ki baadshaahi de di । hai na barobar । itne bade-bade hain na, bas unko bolo- koi kharcha thode hi hai । ghar mein ek kothri de do, vahaan likh do-roohaani surgeon for health । surgeon bhi likh do aur professor bhi likh do, sprichual teacher bhi likh do, unke oopar-health and wealth for tventi one generation likh do । dekho, us kothri mein kharcha kuchh bhi nahin । bas, koi aave aur unko thoda saamne bitha karke bol do manamnaabhav arthaat abhi tum aatma ho, baap ko yaad karo to behad ka varsa mil jaaega । phir yeh srishti ka chakra । nutshell to sabke paas die hi jaate hain bahut । bachchon ke liye pahle school mein nutshell chaahiye na । kisko bhi samjhaao, ye hai andhon ke aage aaina, andhon ki laathi । baba ne banaai hai na! he bhagwan, tum sab andho ki laathi ho । un andhon ki to baat nahin hai, jo dekh nahin sakte hai । ye hain buddhi ki aankh, jisko divine insight kaha jaata hai, vo sabki banda hain । ab baba kehte hain-main aakar bachchon ko teesra netra deta hoon-buddhi । usko kaha jaata hai insight । to barobar abhi ham aatmaaen jaan gae ki vo baba aaya hua hai । buddhi se jaana jaata hai na । are, ghar baithe sab jaanti hain ki haan, baba aap aa gae ho । main aapki bahut puraani sikeeldhi hoon aap hamko nahin pahchaante ho, par main aapko pahchaanti hoon aise likh dete hain । main aapki hoon aapki hokar rahoongi । na dekha, na jaana chitthi likh deti hain । dekho, buddhi ki jaanch! okhen jo dekha nahin! bigar pahchaan aise koi kisko chitthi likhta hai? kabhi bhi nahin । to dekho, bachchiyaan chitthiyaan likh deti hain । wonderful hai na! baba most wonderful hai aur tumko wonder hai- vaikuntha is the wonder only wonder oph the world । vo jo kehte hain na 7 wonders oph the world । suna hai tumne? deevaar hai, phalaana hai, taajamhal hai । nahin, vaikuntha to ekdam wonder hai । gaayan hi bhaaratvaasiyon ka hota hai । baahar mein bhale kehte hain bahishta aur haivin par unko itna maaloom nahin hai, jitna tum bhaaratvaasiyon ko maaloom hai ki barobar sooryavanshi shri lakshmi aur naaraayan satayug mein raajya karte the । phir treta mein raamchandra । phir krishna dvaapar mein kahaan se aa gaya? vo dekho, bichaare ko geeta sunaane ke liye kahaan se nikaal karke dvaapar mein thonk diya? wonder hai na! hai maaya ne buddhi ko barobar taala lagaaya hua! sabko ekdam godrej ka bada taala lagaaya hua hai, so bhi number one taala । bade-bade sanyaasi, bade-bade vidvaan, bade-bade pade hue, banaaras mein sabko title milta hai । ek university hai, vahaan unko shri-shri na 108 jagatguru ka title, phir sarasvati ka title milta hai । are, sarasvati mama itna-gyaan gyaaneshvari aur unko title de diya hai bahut shaastra padhne ka, dubban mein daalne ke liye । agar aisa na hota, to kyon hota ki barobar brahma ke haath mein ye shaastra dete hain । koi kaaran to hoga na? gaaya jaata hai na brahma bhi utar aae to bhi tum nahin samjhenge । koi kisko gussa karte hain to bolte hain- tumko itna samjhaati hoon parantu tum aisa nidhanka hai, nindak hai, jo brahma bhi agar utar aae, to bhi tum nahin samjhenge, aise kah dete hain । brahma ki mat mashhoor hai na, parantu brahma ki bhi mat to unko milti hai na । to shreemat hai hi oonche te ooncha bhagvat ki । shri krishna ki mat to koi hai nahin, unka koi shaastra hi nahin hai । vo to satayug mein hai, vo thode hi koi dharma sthaapan kiya hua hai । dharmashaastra hain hi chaar । aur koi shaastra hai nahin । dharmashaastra maane jis-jisne jo dharma sthaapan kiya hua hai, unka shaastra । mukhya dharma to hain hi chaar । Deityism Islamism, bauddheejma aur Christianism, ye hain mukhya । diteeijma mein donon aa gae । gaaya bhi jaata hai parampita-paramatma brahma ke mukh kamal se braahman, devi-devta aur kshatriy dharma ki sthaapna karte hain । baba kehte hain-main aakar teen dharma sthaapan karta hoon । pahle in shoodron ko braahman mein le aata hoon । phir ye braahman devta bante hain, jo tharti three marks se kam arthaat naapaas hote hai, unko kaha jaata hai kshatriy । unko baan kyon diya hain? kshatriyapna hai na isliye vo baan die hain, nahin to nishaani kahaan se aave! to ye log samajhte hain ki hinsa ka vo baan maarte hain । hinsa ki to baat hi nahin hai । to yuddha ke maidaan mein maaya par jeet na pahanne kaaran unko kshatriy kaha jaata hai aur geeta ke liye gaaya bhi jaata hai- jo yuddha ke maidaan mein marenge vo svarga mein jaaenge । vo jo sipaahi log sena ya military vaale hote hain na, unko bhi aise kehte hain; parantu nahin, vo to ant mein, ant mate so gat vo hisa karte hain, phir bhi janma le karke us hinsa vaali ladaai mein chale jaate hain । unka ant mate so gat hota hai? na, tabhi to itne sipaahi milte hain ladaai karne ke liye, phir us phan mein chale jaate hai; parantu ye vo thode hi hai । ye to apne yuddha ke maidaan mein jo maaya par jeet pahnenge so svarga ka maalik banenge, na ki kiska khoon karenge to svarga ka maalik banenge । parantu abhi bachchon ko kya bataaven? bachche to bilkul achhi tarah se samajh gae hai । abhi shaayad time ho gaya hai, mainne bol diya tha ghanti baja dena kyonki inko deri hoti hai । parantu pahle ye nishchay rakho ki barobar ham bhi padhte hain, ham koi krishna thode hi hai, krishna to banna hai zaroor, baaki abhi hai thode hi । krishna ko to taaj zaroor hota hai na । are, aajkal bahut svaang thagi karte hain । gavment koi nahin hai, nahin to koi taaj pahan karke, pitaambari pahan karke, murli le karke kehte hain- main krishna hoon । ye koi baat hai! ye kyon hua hai? kyonki government irreligious hai । agar koi rileejiyas government hoti aur aise koi apne ko krishna kahalvaate, to ekdam jel mein daal de । yeh to bada thagna hai manushyon ko ki main krishna hoon । are, aise bahut thagte hain । samjha na । baap baithkar samjhaate hain-achha, tumhaara bhaav to krishna mein bahut hai । bhaavna ka bhaada milta hai na । tumhaara jo krishna mein prem hai na, to tum-aah krishna! vaah-vaah! tum krishna ko yaad karte rehte ho । bhaavna poori karne ke liye tumko saakshaatkaar ho jaata hai । bas, tum unke peechhe pad jaati ho । unke oopar moti jaise laddu ban jaate hain । aise bahut ichchha bhi hoti hai; kyonki hai tumhaari bhaavna ka bhaada । vo to bhala chaitanya hua, jad chitra ke peechhe bhi tumhaari bhaavna ka bhaada mil jaata hai । tumko saakshaatkaar ho jaata hai । baap kehte hain ki yeh bhi saakshaatkaar main karaata hoon । main yeh divya drishti ki buddhi ka daan, jo hamaare paas hai, kisko nahin deta hoon kyonki bhaktimaarga mein mujhe kaam aata hai । yeh sarvavyaapi ka gyaan kyon hua hai? suno, baba bataate hain- dekho, koi ja karke hanumaan ki pooja karte hain । unko bhaavna ka bhaada milna hai । abhi aise vo samajhte hain, katha suni hai । raamchandra ka bada shishya tha, mahaarthi tha । to mahaaveer banne ke liye unki ja karke tapasya karte hain । naudha bhakti karte hain । naudha bhakti maana ekdam khoob bhakti karte hain to unki bhaavna ka bhaada dene ke liye baba unko drama anusaar hanumaan ka bhi saakshaatkaar karaay dete hain । unko karaana hi hai, raaji karna hi hai । samjha na! aur unmein bhala unko kya mila! bas, unki dil poori ho gai । to bhaktimaarga mein kaam mein aata hai na । vo aakar bataate hain- bhaktimaarga mein, jis-jiski jo-jo bhaavna se pooja karti ho, krishna mein bhi koi bachchi ki bhaavna hai to unko saakshaatkaar ho jaate hai । baba kehte hain-main bhaavna poori kiya, to ye samajhte hain, haan barobar hanumaan bhi hai । ganesh ki koi pooja karne vaala aur usko saakshaatkaar ho, to bolega-bhagwan ganesh bhi hai । peechhe to sab machchha-kachchha-pachchha, ye sabhi ho jaate hain; parantu baba kehte hain- unko raaji karne ke liye, bhaavna ka bhaada dene ke liye main karta hoon । baaki yahaan to knowledge hai । ye to achhi tarah se padhna hai । baap ko yaad karna hai aur baba kehte hain- kaise yaad karo? bas, subah ko apne baba ko bolo, oh baba! aap kaisa achha hai! baba, aapki yaad to abhi hamko raat-din rahe । baba, shukra hai aapka, aap aae hue ho । bas, baithkar mehnat karte raho) । baap bahut achha hai, hamko svarga ka maalik bana raha hai । to yeh hua manamnaabhav madyaajeebhav । bas, jitna tum subah ko baith karke yaad karenge, tumhaara vikarma bhi vinaash hota jaaega aur yeh knowledge hai na, inka tumko phir pad mil jaae । koi takleeph thode hi hai । soye pade raho । ye koi tapasya thode hi hai ya baithkar aasan lagaana hai ya naak banda karna hai ya kaan banda karna hai । yeh baba bahut seekha hua hai । baba ko bahuton ne sikhlaaya hai, ye sabhi mattha maarna । abhi mama ko bolo, aise baithkar karo, kabhi nahin kar sakegi । ye taange hai moti, bechaari chadha bhi nahin saki, baba ne inko thoda sikhlaaya tha । to jagdamba braahamni, brahma mukhvanshaavli sarasvati । unko kaha jaata hai jagdamba, unko kaha jaata hai pita । achha, baba ne aaj to bachchon ko thoda-bahut samjhaaya । phir yeh padhaai to roj samjhaaenge na, nai-nai points bachchon ko roj samjhaate hain aur ham log kachahri karte hain । kya poochhte hain? koi ne bhi kisko kisi bhi prakaar ka duhkh to nahin diya hai? mansa ki to baat hi nahin । duhkh koi ko nahin deta hai, tumhaara baap sabko sukh hi dete hain । duhkhi ko bilkul sukhi banaana pharja hai । agar tum kisko duhkhi karege, to phir duhkhi hokar marenge । ye shraap nahin deta hoon । baba kehte hain- kinko tum duhkh denge; baap to sukh dene vaala hai, to kya kahen! yeh paap ho gaya na krodh ka, to zaroor duhkh denge na । dharmaraaj baba bolte hain- phir main tumko dukh doonga । to duhkhi hokar marna hua na! yeh bhi hisaab se । koi shraap ki to baat nahin hai na । nahi, baba to kabhi shraap nahin dete hain । shraap deti hai maaya aur var dete hain baap । usko kaha jaata hai raavan, usko kaha jaata raam । achha, abhi ham poora karte hain; kyonki bachchon ko jaana-karna hota hai na । abhi dekho baap bhi kehte hain na 'vandemaatram' । maata hai na । gaaya jaata hai na ki kunti ne, ek kumaari ne gyaan soorya ka aavaahan kiya to maata ban gai thi । tumne suna hai? akhaaniya padhi hai? vaise hi anusooiyaaen bhi । vo to khud kehte hain- main inko baalak ban karke, to baalak banenge to zaroor vandemaatram kahenge na kyonki ; abhi tumko guru ka pad milta hai na, to jaise main karma karoonga mujhe dekh aur karenge । bachche maatram koi dharti ko thode hi karna hai । vandemaatram koi vaailens vaali ko thode hi karna hai । vandemaatram in maataaon ko, jo gyaan gangaaen hain inko karna hai । achha bachchi toli do, aath – das lagaao, kyonki deri hoti hai bachchon ko । ye bahut shaastra padha hua hai, parantu nahin, jo ab baba sunaate hain, ham ab vo sunaate hain । abhi shaastra-vaastra ki baat hi nahi hai । baba koi shaastra padha hua hai kya? vo to gyaan ka saagar hai na । unka koi baap hai? unka koi teacher hoga? unka koi guru hoga? kabhi nahin । manushya ka, sabka baap aur teacher, guru zaroor hoga । to baap kehte hain-mera phir kaun hoga? mera naam hi hai gyaan ka saagar, to phir kya hai, main sabka baap hoon । mera abhi baap kahaan se aaega! haan, mera baap aur maa, yahaan yukti se bana dete hain । vandemaatram kehte hain, to maa ho gai na । vo yukti hai । dekho, bachche bhi hote hain na, aa karke uthaate hain । to dekho, yeh bhi jaadoogar hai । baap ko bachcha bana deta hoon godi mein uthaate hain, jaadoogar ho gaya na । achha, parantu yeh yukti hai । record - tumheen ho maata, pita tumheen ho) iska arth samajhte ho na ki tum hi maata-pita ho, sakha bhi ho । baba jab ismen aate hain, to tumko yaad to shivbaaba ko zaroor karna hai ki inka yeh rath hai । yeh baithkar khelte bhi hain, nahin to baba thode hi khelte-karte the । nahin । bolte hain- yeh bhi to brother hai na । ham sab aapas mein padhte hain na । yeh kehte hain, baba nahin kahenge, ham kahenge- ham sab class phrendsa hain aur ek baba ke bachche hain, isliye aapas mein behen hain aur bhaai hain, doosra koi bhi sabandh nahi hai; kyoki pavitra rahne ki yukti bhi to chaahiye na । to jab brahma ke bachche hue, yoon to sabhi bhaai-behen hain, bhaai-behen hain to ekdam shaadi kaise karte, yeh to criminal assault ho jaave । kehte hain na-ham sabhi aapas mein, cheeni-hindu-buddhu, sab bhaai-behen hain । are, bhaai-behen hain aur ek baap ke bachche hain, to shaadi kyon karte ho? bhaai-behen ki thode hi shaadi hoti hai! nahin, abhi ke samay mein tum sach-sach sab brahma aur sarasvati yaani brahma mukhvanshaavli ho । vo bhi kehte hain baba, vo bhi kehte hain baba । to yeh hai yukti ki jab behen aur bhaai ho, to phir vikaar mein kaise ja sakte ho? agar tum vikaar mein jaaenge, to phir dharmaraaj ke roop mein baba bolte hain- main bilkul hi achhi tarah se saja doonga; kyonki yeh hai bilkul highest criminal assault । behen-bhaai, so bhi duniya ko pavitra banaane ki shiksha dene vaale aur tum agar apvitra ban gae to aise samjho ki badi kadi saja ke paatra hote ho । matlab bata dete hain । ye aisa hi jaise chaar maar hoti hai na । to kaam se agar koi ne saja kha li, jaise oopar se gira । gira to had-gud toot jaate hain । kitna samay unki buddhi mein gyaan nahin thahrega । bahut bachche hain, jo gyaan yeh se utha-uthaakar aashcharyavat sunanti kathanti bhaaganti hue na, unse bhi mil poochho ki kya gyaan tumhaare ko hai? kisko samjha sakenge? nil । ekdam bilkul godrej ka taala lag jaata hai । jo bhi apvitra banega, to baba kehte hain- main yeh saja deta hoon ki unke buddhi ko thoda taala lagaay deta hoon । phir kya kaam ka? phir thahrenge nahin, kisko bol na saken ki kaam roopi shatru ko jeeto । khud hi nahin jeetne vaala hoga, to kahenge kaise! to unko jaise taala lag jaata hai । baba yeh saja dete hain ki bas, koi bhi badi bhool karte hain, usmein bhi kaam ki, to taala laga dete hain । phir kisko kah bhi na saken aur jaise bilkul murde ban jaate hain । to baba samjha bhi dete hain । phir to kul-kalankit bhi ban jaate hain । are! shiv baba ki brahma mukhvanshaavli aur braahman vaalon ke kulaklankit ban jaate hain, ekdam badi saja hai, kyoki dharmaraaj bhi to hai na । record :- koi na apna siva tumhaare । tumheen ho saathi, tumheen sahaare) sahaayak bhi hai, saathi bhi hai, machchharon ke misal saath mein le jaane vaale hain । machchharon ke misal, shareer chhod karke, baba guide karke le jaate hain । roohaani panda hai । isko guide bhi kaha jaata hai, liberator bhi kaha jaata hai । beemaari mein ho na । to baba beemaaron ko saat roj asylum dete hain । bolte hain- aao, bhatthi mein pado to achhi tarah se rang lage । isliye bhatthi ka hai, geeta ka bhi, to bhaagvat ka bhi, to sabka saat roj । aajkal to koi saat roj de na sake । phir baap kehte hain ki saat roj sirf subah ko ek ghanta ya dedh ghanta ho sake to, snaan do dapha bhi hota hai । jo bachche bahut achhe hote hain na, do dapha snaani karte hain, subah ko bhi, phir shaam ko bhi । refresh hote hain । ye bhi aise hi hai । refresh hone ke liye subah aur phir shaam, par subah ko achha; kyonki fresh hote hain, jo dhandhe-dhori ki thakaavat hai vo door ho jaati hai, teer lag sakte hain । shaam ko itna nahi । to na se vo ek ghanta achha । saat roj ek ghanta agar koi regular aave na, itni kamaai hai, ye lakhapti-karodapti to kangaal hone vaale hain । sab mitti mein mil jaane hain । laakhon vaale aur karodon vaale ek kaudi ka nahi rahega । dekhte ho na-kinki dabi rahi dhool mein, kinki raaja khaay, kinki chor khaae saphli ho unki jo kharche naam dhani ke । ye dhani aa karke kehte hain ki ham thode hi tumko kehte hain koi badi-badi aspataal banaao । ghar-ghar mein aspataal banaao, svarga banaao । aape hi karo । baba thode hi kehte hain ki mujhe do ya government ko do, banaave । nahin । tum sab hospital kholo । are, baat mat poonchho । aise baba ke paas bachche hain, khud gyaan na uthaay karke hospital kholte hain aur unmein se bahut aa karke ever healthy bante hain । to jo banenge unka unke oopar dalaali milti hai । jaise koi daan karte hain, college sthaapan karte hain to doosre janma mein unko jaasti vidya ka daan milta hai । harek baat mein aise hi । koi aspataal khole, college khole to doosre janma mein vo jaasti nirogi rehta hai । unko rog jaasti nahin hota, kyonki vo eeshvar arth gareebon ke liye daan kiya । ye bhi aise hi hai । kharcha kuchh nahin hai । paai paise ki kiraaya par, baba kya karega tum logo ki! ye to sab toot jaane vaale hain । baba raay dete hain ki har ek kahaan na kahaan centre kholo । bachche aave, vahaan baith karke vo ever healthy bane, ever wealthy bane । are, kitna punya hai baat mat poochho । punya ke liye karte hain na । vo to unko ek janma mein milega । are, ye to 21 janma ke liye ever healthy, ever wealthy aise hospital kyon nahin kholni chaahiye! achha, vandemaatram । vandemaatram kyon? tum bhi seetaaen ho na va koi bhakti ho? maata ka bahut bhaari martaba hai । maa kahne se koi bhi vikaar ki cheshta nahin aati hai । maa, bhale application daalo shivbaaba ke paas ।