Sakar murli for Tuesday 28 April 1964

> >

28-04-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj budhvaar April ki athaaees taareekh hai, praatah class mein baapdaada ki murli sunte hain।

record :-

nainheenn ko raah dikhaao prabhu…

bachchon ne geet suna । kisko yaad pharmaate hain? prabhu ko । kya kehte hain? he prabhu! ham andhe hain । dar-dar, pag-pag thokren khaate hi rehte hain । pag maana paanv padte-padte । dar-dar arthaat guruon ke dar par va mandiron ke dar par kahaan-kahaan nadiyon ke dar par dhakka khaate hi rehte hain । 'ham andhe ke aulaad andhe- dekho, apan ko aape hi kehte hain na । aape hi aa karke kehte hain- he prabhu! he prabhu ka arth to samajhte nahin hain । tumko to baap hai na । to aise nahin kehte he baba! va shivbaaba। to prabhu kah karke samajhte nahin hain ki prabhu kya hai? bas, us prabhu ko bhi bahut hi naam de die hain- niraakaar hai, naam-roop se nyaara hai । abhi naam aur roop se nyaari koi cheej hoti bhi nahin hai । baap aa karke samjhaate hain ki jo kuchh kehte ho, kuchh samajhte bhi ho ya ekdam patthar buddhi ho ki parampita paramatma naam-roop se nyaari to koi cheej ho hi nahin sakti hai? to tum kaise kehte ho ki parampita paramatma naam-roop se nyaara hai? pita naam-roop se nyaara ho kaise sakta hai? pita ko bachche hote hain, phir naam-roop se nyaara kaise ho gaya। to baap aakar samjhaate hain ki inki soorat to manushya ki hai । in lakshmi naaraayan ki bhi soorat manushya ki hai na । inki mahima dekho kaisi hai । vo aape hi apni ninda karte hain, ham andhe hain । to gaaya hua hai barobar, ek hai andhe ki aulaad andhe, doosre hain baap aakar jo raasta bataate hain us raaste par chalte hain, vo phir sajje ho jaate hain, kyonki tum bachchon ko abhi baap ki bhi pahchaan mil gai, jisko vo log kehte hain naam-roop se nyaara hai .phalaana hai । gyaan saagar baap abhi svayan tum bachchon ko padhaate rehte hain । tum bachchon ko saara raasta achhi tarah se bataay diya hai ki mukti aur jeevanmukti kisko kaha jaata hai । saadhu-sant-mahaatma koi mukti ya jeevanmukti ka arth nahin jaante hain । jaise unko naam-roop se nyaara kah dete hain na, taise ye phir mukti aur jeevanmukti kya vastu hai, yeh vidvaan-aachaarya-panditon ko bilkul jara bhi pata nahin hai । to bataao, vo guru kaise ho saken jo mukti aur jeevanmukti ki raah ko jaante tak nahin hain? mukti kis cheej ka naam hai? vahaan kya hota hai? vo unhein pata bhi nahin hai aur jeevanmukti ka bhi pata nahin hai । mukti aur jeevanmukti ke liye dekho ye itne sabhi sanyaasi sanyaas karte hain, ghar-baar chhodte hain । kitne sanyaasi honge? the to nahin na । yeh sanyaasi shankaraachaarya jab aaya unke peechhe inka dharma sthaapan hua । abhi unmein bhi to anek mat hain na । … jab bhi kumbha ka mela hota hai na chhote-chhote. itne-itne in logon ke paas aate hain । jaise government ke paas abhi davaaiyaan ho gai hain na । bachcha na paida karna, bigar stri-purush ke bachcha paida karna, ye sabhi davaaiyaan nikal gai hain na । to unke paas ye davaaiyaan hoti hain, jo vo bachchon ko khilaay-khilaay karke unko nikhatte kar dete hain । phir un logon ko kaam-vaam ka pata bhi nahin; kyonki karmeindriyaan hi bilkul mar jaati hain । to dher ke dher aate hain… । abhi ye drama mein bhi inka yeh part hai; kyonki bhaarat ko kuchh na kuchh pavitrata ke oopar kaise bhi thamaana hai zaroor ki sabhi patit na ho jaaven ekdam aahiste-aahiste, dheere-dheere । to ye sanyaasi log jo pavitra rehte hain, vo koi gyaan se nahin, yog se nahin mehnat se nahin pavitra bante hain, yeh to davaai kha li hai aur murde ban gae hain । abhi inse to koi bhaarat ko taakat nahin mil sakti hai । taakat mile tab jabki gahastha-vyavhaar mein rah karke pavitra rah dikhaaen । ismen himmat chaahiye । vo to ho gae kaayar sanyaasi jo ghar-baar chhodkar jaate hain aur hi creation ko vidhva banaakar jaate hain, narka mein daalkar chale jaate hain । abhi grihastha mein rehte hue stri aur purush ya baalak aur baalki donon svayanvar rachen, shaadi karen aur pavitra rahen, usko kaha jaata hai baalabrahmachaari yugal । yahaan hain na baalabrahmachaari yugal ki baba ham shaadi bhi karke dikhlaate hain । sanyaasi kehte hain ki ye aag aur kapoos hain ; kyonki inko gyaan to mil jaata hai na । to ham shaadi bhi karke dikhlaate hain । barobar ham brahamchaari bhi rah sakte hain । yeh ek hota hai paan ka beeda uthaana । ham kya na kar sakte hain, jabki shreemat hai aur bal hai । ham svayanvar bhi karte hain aur pavitra bhi rahkar dikhlaate hain । to sanyaasiyon ko dikhlaaven, yeh koi sarpa aur vo nahin hain, yeh yog ka bal hai, gyaan ka bal hai । baap se bal milta hai ki grihastha-vyavhaar mein rah karke bhi pavitra rahkar dikhlaao, tabhi tumko yeh oonch te oonch pad mil sakta hai । …kam nahin hai । yeh ek to nahin hain na, sooryavanshi-chandravanshi jo itna bante hain, grihastha-vyavhaar mein rehte hue pavitra rehna badi baat hai na । dharak jaate hain । ye sab koi kehte hain । sanyaasi kehte hain ki bilkul ho nahin sakta hai । sanyaasiyon ko to kuchh pata nahin hai na ki ye to taakat hai । parampita paramatma hi aa karke ye pavitra pravrittimaarga sthaapan karte hain, kyonki satayug mein pavitra pravrittimaarga tha । ye devi-devtaaon ko ham pavitra kehte the । bhal pavitra rehte hue bhi bachche to honge na । duniya ko to kuchh maaloom nahin hai …ki parampita paramatma baith karke inko taakat dete hain, jo vahaan gahastha-vyavhaar mein rehte hue me nangan nahin hote hain । to dekho hai na barobar । barobar ye jo samay hai na mahaabhaarat ya bhaagvat ka jo draupdi ne pukaara ki yeh duhshaasan mujhe nangan karte hain । to dekho, yahaan bahut hai abhi jinke oopar dushaasan unko jori nangan karte hain, pukaarti rehti hai । to zaroor koi to baat hogi na । aasuri duniya isko kaha jaata hai । patit duniya maana aasuri duniya paavan duniya maana eeshvareey duniya । yaani eeshvar ki sthaapna, vo asur ki sthaapna । raavan ki sthaapna, ye raam ki sthaapna । ab dekho, raam aakar raamraajya ki sthaapna karte hain । vahaan to pavitra chaahiye । pavitrata first aur tum dekhti ho ki kaam kitna balvaan hai । achhe-achhe bade-bade ekdam kehte hai ki kaam bigar ye vikaar bigar, jahar bigar to ham log rah bhi nahin sakte hain । bahut achhe-achhe milte hain, bolte hain- yeh to impossible hai ki koi nirvikaari rah sake abhi । are bhai, satayug mein tumhaare devi-devtaaen nirvikaari the na । tum khud devtaaon ke aage jaakar ye kehte ho- aap sarvagun sampanna, solah kala sampoorn, ham paapi-neech-vikaari । to zaroor the na । to unko koi banaane vaala hoga na । tha bhi satayug mein na । satayug sthaapna karne vaala bhi to baap hai na । baap hi aakar sangamayug par satayug sthaapna karte hain । kalhayug aur satayug ke beech mein baap aate hain na । baap tumko shiksha de rahe hain । kya kehte hain? tumko aasuri sampradaay manushya se daivi sampradaay banaate hain । tum abhi baap ke bachche bane ho, jisko baba kaha jaata hai । he parampita! O god father! abhi ye buddhi mein to baithta hai na ki niraakaar hai aur paramdham mein rehte hain । god father… to samajhte hai na । unko pukaarte hain bulaate hain- he baba! kyon he baba pukaarte hain? kyonki bahut duhkh mein hain । anek prakaar ke duhkh hain । 'he baba kehte hain, parantu bilkul hi jaante nahin । to jaise janaavar hua । janaavar bhi apne baap ko to jaante hain na । kutte-bille phalaane bhi maa-baap ko to jaante hain na । achha, yeh bhi to maa-baap ko jaante hain । abhi manushya mein aur janaavron mein pharka kya raha? kyonki manushya hi to kehte hain na- O god father! O mother! tum maat-pita, ham baalak tere । to maat-pita kehna aur jaanna kuchh bhi nahin, to vo jaise janaavar nahin jaante hain, vaise ye manushya bhi nahin jaante hain । to dekho, is samay mein hain bhi poore janaavar । sab ladte-jhagadte, bahut duhkhi । dekho, abhi paakistaan ki ho rahi hai । tumko shikal dikhaaven? kal ki akhbaar dekhi thi? usmein shaastri khada hai aur javaan khada hai aur vo prejident khada hai, phalaana khada hai- dar ke maare, kabhi pata nahin kya hoga । paakistaan ne chadhaai kiya na । tum shikal dekhenge to bilkul murda ki shikal hain ekdam । dara hua hai jaise ki koi saamne maut aaya, kaal aaya hua hai । darte hain ekdam bilkul । vo to baap aa karke inko samjhaate hain ki bachche, abhi tumko ksheer saagar mein । ksheer saagar mein kisko bithaate hain? vishnu ko । vishnu maana shri lakshmi naaraayan । ksheer saagar to yahaan satayug । yahaan noondh bhi nahin milta hai । dekho, bhains se noondh aata hai । vahaan noondh ki koi kami hogi? nahin, svarga mein koi cheej ki kami nahin hai । to barobar bhaarat, jo svarga tha so abhi narka bana hua hai । abhi narka mein to dikhlaate hain na bichchhu-tindan। tum logon ne padha nahin hai? kabhi garud puraan nahin suna hai? aajkal to shaayad nahin sunaate hain; parantu unmein dikhlaate hain ki sab ek- do ko daste rehte hain । to tum kya paida karte ho abhi? baap kehte hain, tum bichchhu-tindan, naag-balaaen paida karte ho । shikal manushyon ki hai; par chalan to sabki aisi hai na- ek-do ko maarte, khaate, peete rehte, kitne gande-dirty kitne daanke maarte hain । kitne most darteeesta! isko kaha jaata ajaamilon ki duniya । ye ajaamilon ki duniya hai । paapaatma maana? kehte hain na, ham patit hain । he paavan! aao । ham bhrashtaachaari hain, dekho government kehti rehti hai na । to bhrashtaachaariyon mein sadaachaari kahaan se aaen? abhi bhrashtaachaari, phir sadaachaari satayug mein । yahaan koi sadaachaari kahaan se aaya? kya daan-punya kiya to sadaachaari ho gaya? nahin, vo to daan-punya jo bhi karte hain unse paap hi bante hain; to jisko daan karte hain vo paap hi karte hain । achha, tum log guruon ko daan dete ho, bada paap karte hain । kya karte hain? tumko paramatma se bemukh karte hain; kyonki paramatma ko sarvavyaapi kar diya, kutte mein, bille mein, phir yog kisse rakhenge? to dekho, unko paisa diya to unhonne tumko paapaatma banaaya na । to har ek… ek-do ko, maat-pita, guru-gosaaeen ek-do ko paapaatma banaate aate hain । kyon? kiske mat par hain? raavan ke mat par hain । abhi baap aae hue hain । yeh raam ki mat par hua na, tum chalte ho, abhi tum dekho aise bante ho । yeh tum jaante ho ki barobar jab ham ye the to bade pavitra khush the । peechhe phir vaammaarga mein raavan raajya shuru ho jaata hai tab se phir dukh shuru ho jaata hai । in bichaare bhaaratvaasiyon ko pata hi nahin hai raamraajya kisko kaha jaata hai, raavan raajya kisko kaha jaata hai । gaandhi ji bhi kehte the- hamko raamraajya chaahiye । are par, raamraajya kaun sthaapan karte hain, kya hote hain, bichaare koi jaante thode hi the । to abhi guruon ko daan karna chaahiye? kisko daan karna chaahiye? koi ko bhi do, jisko paisa do vo paap hi karte rehte hain; kyonki sabhi paapaatmaaai hain । ek-do ko paap aatma banaate-banaate, sab paapaatmaaai । yatha raaja-raani tatha guru । isko kaha hi jaata hai paap-aatmaon ki duniya । phir yahi bhaarat punya aatmaon ki duniya, pavitra pravrittimaarga phir dekho yeh is samay manai apvitra pravrittimaarga । to bas jo kuchh bhi karte rahenge, ye apvitron ki mat par yaani asuron ki mat par yaani raavan ki mat par aur tumko chalna hai raam ki mat par । yahaan tum logon ko badi takleeph hai । dekho, abhi ghar mein baap hai, stri hai । ye chaahte hain ki ham baap se varsa zaroor lenge । samajh gaya, teer lag gaya । vaah! abhi maut to hai hi hai saamne । marna to zaroor hai । yeh antim janma hai । to baap bhi kehte hain bachche, is antim janma mein abhi agar tum pavitra raho, tumko to samjhaaya hai ki 21 janma tum nirvikaari rahe, 63 janma tum vikaar mein gae, abhi ek janma ke liye, pichhaadi janma ke liye jab main kehta hoon- pavitra raho aur mujhe madad karo, to main pavitra duniya sthaapan karoon । pavitra rahne se tum pavitra duniya mein chale jaaenge । shreemat par chalne se phir se 2। janma ke liye tum devi-devta gharaane mein aaenge yaani svarga ke maalik banenge । abhi praapti ka, em-object ka pata pada na । to svayan bhagwan kehte hain ki ham tumko manushya se devta bana rahe hain । phir 21 janma tum devta banenge । abhi ek janma ke liye pavitra rehna padega । jab samajh gae ki 63 janma ham patit bane, moot piya, abhi baap kehte hain ki bachchi, mere khaatir, madadgaar mere banenge na, to sirf pavitra raho । bataaya na, krishna kitna gora tha । punarjanma lete-lete, jab phir kaamchita par chadha hai to kaala hota gaya hai । abhi unko shyaam kehte hain । pahle sundar kehte the. abhi shyaam kehte hain । samajhte kuchh nahin hain ki ham unko shyaam-sundar kyon kehte hain? parantu kehte to hain na, shreekrishna saanvara aur gora । arth nahin samajhte hain, kyonki bandar hain । buddhi bandaron ki hai । samajhte kuchh nahin, kehte hain । to tumko iska arth bataate hain ki jab gyaanchita par baithte ho to gora ban jaaenge, svarga ka maalik ban jaaenge, phir jab raavan aata hai to vikaar va kaamchita par chadh jaaenge । kaamchita par chadhne se tum kaale ho gae ho । patthar buddhi, worth not A paini, ye tumhi to the na । abhi bataate hain- tumheen to devtaaen the na । to ab tum dekho asur ban gae ho । yeh hai chakkar । ham so devtaaen poojya, ham so asur pujaari । ham so ka arth bhi bataaya hai aur uske badli mein ye sanyaasi bhi samjhaate hain- ham aatma so paramatma, so paramatma ham aatma । raat-din ka pharka ho gaya na । to dekho, yeh ulta-ulta gyaan dete hain na । sab ek-do ko ulta gyaan dete hain । guru, maata, pita, sab ek do ko giraate hi rehte hain । yeh inko pata nahin padta hai, kyonki drama hai, inko aisa girna hi hai, inko aasuri mat par chalna hi hai । to dekho, guru to tum sabne kiya hi hua hai bahut । tumne guru nahin kiya hoga? vaah! sab zaroor koi na koi ko guru karte hain । abhi dekho, jab guruon ka guru, baap ka baap, patiyon ka pati mila to uski shreemat par chalne se barobar bhaarat shreshtha banta hai। nahin to bhala baap yahaan aaya, jisko yaad karte hain shivbaaba parampita paramatma ko, manaate to hain na shivjayanti । to shivjayanti maante aate hain, bas jaise bandar log maante aate hain । unko koi samajh mein thode hi aata hai ki shivjayanti kyon manaate hain? niraakaar shivbaaba agar yahaan aaya bhi to aakar kya kiya? kyon manaate hain? kuchh bhi pata nahin । to bandar thahre na । yaani manushya hokar kuchh bhi na jaane aur kah deven ki shivraatri ya shiv jayanti । to kyon shivraatri ya krishna ka janma, to bhi kahen raatri। abhi krishna janma raatri aur shiv ki bhi raatri bataate hain । abhi niraakaar raatri ko kaise aaya? kya kiya? kuchh bhi bilkul nahin jaante hain ekdam । to jo kuchh bhi bataate hain, jo bhi saadhu-sant hain apna-apna kitaab banaate jaate hain, apne-apne dharma ka pustak banaate jaate hain aur bas, usi ke oopar chalte hain । isko kaha jaata hai bhaktimaarga । samajhte kuchh nahin । achha, chalo Christ aaya । phir kab aaenge? phir kya hoga? aaenge to zaroor na । kahaan gaya? koi ko bilkul hi pata nahin । tum bachche sab jaante ho । sabhi yahaan jo-jo bhi guru hain, jinhon-jinhon ne jo kuchh bhi math-panth sthaapan kiya hai na, vo guru log is samay mein sabhi patit hain । yahaan bhinna naam-roop mein hain zaroor; par sab patit hain, oopar se lekar, kyonki lakshmi naaraayan bhi 84 janma bhog karke patit hain, jisko phir aakar paavan banaate hain । to jo lakshmi naaraayan patit the, vo hi phir paavan banenge na । Christ bhi jo hoga ya buddha hoga, vo bhi sabhi patit hain । phir to zaroor paavan honge na । phir bhi to jaaenge na । phir aakar apna dharma sthaapan karenge na । to ye sabhi knowledge to tum bachchon ko milti hai na, koi samajhte hain, koi dhaarna karte hain, koi kam dhaarna karte hain, koi ki buddhi kaisi hai । yeh to school hota hai na । yeh achhi tarah se samajhna to hai na । abhi tum samajhte ho । jo is dharma vaala nahin hoga koi bhi baahar ka dharma vaala hoga unko ek maheena bhi baith karke sunaate raho to aisa baitha rahega jaise unko kaan hain nahin । pattharbuddhi hain, kuchh samajhte hi nahin hain । jaise tum abhi pradarshani mein samjhaate ho, kitne ko samjhaate ho । dekho, baba kehte hain na- koton mein kou kou mein kou kou mein kou । pradarshani mein to hajaaron aate hain, tum unko samjhaate ho । baap ka parichay dete ho । are bhai, baap tumhaara, unse to zaroor behad ka sukh milega na । bhaarat ko behad ka sukh tha na । abhi nahin hai । abhi dukhi hai । shikal dikhlaaya maalikon ki! ye maalik hai na । abhi apan ko maalik kehte hain na. । badi chinta mein hote hain, kabhi koi badi aaphat padti hai । kabhi kiske oopar pulis ka aata hai na yeh saahookaar logon ke oopar jab pulis aa karke pakadti hai, unki shikal to dekho । unke stri ki shikal to dekho, are unke bachchon ki shikal to dekho । us samay mein unko lahu jaata hai । jab kisko dar bahut hota hai na, dhak aa jaate hain to usko lahu aa jaata hai । dar ke maare ekdam tatti mein lahu aa jaata hai । aisi haalat ho jaati hai । to inki bhi haalat tum dekhenge na, bilkul jaise murde khade hain ekdam… parantu bichaare samajhte kuchh nahin । yeh samajhte hain ki manushya samjhenge. … … … kitne in logon ko vichaar hain ki iski shikal to dekho । dekho, inko hamaare liye kitna aphsos hai, abhi kya karen- vo log aise samjhenge । aur ham to kahenge, murdon ki shikal to dekho । saans nikalta hai inka jaise । aur tum jaante ho ki barobar… …aage dekho । aage chakkar lagaao, aage dikhlaate jaao । abhi yeh ham log jaante hain, duniya in sab baaton ko nahin jaanti hai । tumhaare mein bhi koi nambarvaar । dekho, baba akhbaar bhi dekhte hain na, to vo bolte hain aur barobar ham log likhte bhi hain ki yeh jo moraarji desaai tha, yeh government ka khajaanchi, vo bichaare kaanton ke takhta par baithe hain aur vo saahab log ki shakla dikhlaai hai । haath mein phakeeron ka dhol hai aur bheekh maangate hain । abhi sharma hai koi? naak bhi nahin hai gavarmet ko ki chitra mein dikhla dete hain ki ham bheekh maangate hain, khush hote hain, nahin to jo chhapaate hain, unko kehna chaahiye are, kya nikaalte ho ! nahin, khush hote hain barobar । bilkul hi beggar government hui na । abhi yeh beggar government bhaarat kaun-sa laave । abhi tum jaante ho ki barobar baap aaya hua hai aur is duniya ko badal raha hai । abhi duniya badal rahi hai aur tum jaante ho ki duniya badal rahi hai । nai duniya ke liye baba inko kyonki nai duniya ki sthaapna karne ke liye to baap aaega na । hoobhu har kalpa ham baba se aise hi shiksha lete hain, jaise kalpa-kalpa seekhte hain । isliye tum logon ko koi parvaah nahin rehti hai । pavitra rahne mein bhi koi parvaah nahin । are vaah! baap se varsa lena hai to kyon nahin dikhlaaenge । sanyaasiyon ko bhi dikhlaaenge parantu vo kahen yeh impossible hai । sanyaasi kahenge ye ho nahin sakta hai । kyo? vo khud hi nahin kar sakte hain, to tumhaare liye kaise kahenge । to aage chalkar ye log bhi maan jaaenge ki barobar inko shiksha dene vaala ya gyaan ke baan maarne vaala parampita bigar koi ho nahin sakte hain, parantu peechhe; kyonki ye to peechhe khatma ho jaate hain na । agar in logon ko tum siddha karke dikhlaao, baap to baap hai, sarvavyaapi nahin hai । tum gaaliyaan dete ho, glaani karte ho । geeta shreekrishna ne nahin gaai hai । manushya ne nahin gaai hai । baap ne gaai hai । to bataao unki kya baaki rahegi? aabru saari chat ho jaaegi na । to aabru chat bhi to pichhdi me hokar jaaegi na, nahin to ekdam tharthalla mach jaave । inhon ke oopar bada rola mach jaave । ye pichhaadi mein hote hain । ye sanyaasi bhi pichhaadi mein aate hain, jo phir unko maaloom ho jaate hain; parantu vo kya karenge, vo hamaare dharma ke to hote hi nahin hain । tum bachchon ko maaloom hai ki ye jhaad hai । ye to jaante ho na, pahle-pahle satayug mein barobar devi-devtaaon ka dharma hai । peechhe kshatriy, vo hi jo sooryavanshi so chandravanshi । to tum jaan gae na । parampita paramatma ko jaan gae, baba hai hamaara । barobar rachna rachte hain, sookshm vatan mein brahma, vishnu, shankar । phir barobar brahma prajaapita hai । barobar brahma dvaara yeh braahman paida karte hain । pahle yeh choti । baba ne samjhaaya na- varna bhi hote hain । pahle pahle braahman varna । abhi dekho, tum braahman varna ho । braahman varna oonche te ooncha । kaun-se braahman varna? shivbaaba ke mukhvanshaavli । abhi jo braahman hain vo to kukhvanshaavli hain na । tum ho mukhvanshaavli । kisne banaaya tumko? shivbaaba ne । abhi shivbaaba ko tum jaan gae ki barobar nai rachna kaise rachte hain । to barobar abhi tumko aa karke adopt kiya । tum brahma ki aulaad bankar braahman ban gae । the shoodra । abhi braahman ban gae । aise nahin ki tum shoodra, patit se braahman banne se paavan ban gae । nahin । bilkul hi patit the । aibsasliyootli 100% patit । achha, phir tum braahman bane ho । to braahman banne se koi paavan nahin ban gae । yogbal se baba ke shreemat par chalte-chalte tum paavan ban jaane vaale ho । haan, sirf baap ko yaad karna hai । baaki jo bhi duniya hai, dehdhaari hain, sabko bhoolna hai । to dekho kitni mehnat hai- ye sabko bhool jaana, samajhna ki ab ye naatak poora hota hai । ye naatak ke jo bhi sabhi actors hain, inmen thode rahenge, baaki sabhi khatam ho jaaenge । chola chhod karke ye baba ke saath chale jaaenge; kyonki pralay nahin hoti hai । baaki kaun rahenge? raam gayo raavan gayo jinke bahuprivaar । phir bhala yahaan bachenge kaun? sirf raam ke bachche banenge ya raavan ke bhi? nahin, raam ke bhi bachche banenge, to raavan ke bhi bachche banenge । yahaan donon hi bachenge, donon hi rahenge । jab talak ki ye raavan ke sabhi vaapas chale jaaen, tab talak ye srishti yoon theek hoti rahegi, kyonki srishti jab vinaash hogi to phir unko banaane vaala bhi to kuchh chaahiye na । aise to nahin chhod jaate hain । nahin, peechhe yahaan banaane vaale bhi rehte hain, saaph karne vaale bhi rehte hain । to yeh saaph rahne mein bhi inko samay chaahiye na । ham bhi chale jaaenge; par kuchh zaroor rahenge । tumko to raajaai janma milega । vo phir yahaan baith karke saphaaiyon karte hain । tum logon ko raajya kaise milta hai? baba kehte hain na- jahaan jeet hogi । bhaarat me hi jeet hogi, bhaarat mein hi rahenge । vo to sab khatma hi ho jaaenge । vahaan jo bade te bade raajaaen honge, vo bachenge । inka bhi koi na koi bachenge । jo abhi dhanvaan honge vo bachenge, jiske paas tumko janma lena hai । jinke paas bahut dhan bach jaaega, uske paas tum janma lenge । to goya sab jo bhi srishti hai to inka peechhe maalik banna hai । phir aise bhi tum nahin samjho ki ye jo dhan-daulat yahaan padi hui hai, matti mein milegi,. .vo koi tumhaare kaam mein aaegi nahin । tumhaare paas yahaan kahaan hai- mani, taaj, heere aur bade-bade. koi ye thode hi hain । ye to tumhaare liye kuchh bhi nahin hai । yahaan jo milkiyat hai vo worth not A paini hai । tumhaare liye evri thing new । nae taaj, nae javaahar, sab kuchh nae, sab everything new ban jaaega । dekho, yahaan heeron ki khaan hai । nikaalte-nikaalte khaali ho gai । phir vo bharti jaaegi । nahin to phir heera kahaan se aaega? mahal kahaan se banenge? repeat kaise hoga? narka so svarga, svarga so narka, yeh hota jaata hai na । to dekho, samajhne ki kitni buddhi chaahiye । nae aadmi ko to bilkul samajh mein nahin aaega । vo bolte hain- pata nahin, yeh kya baaten hain! baaki tumhaare puraane mein bhi jo achhe puraane samajhdaar hain vo samajhte hain aur baaki kam samajhte hain, koi unse kam, kyonki bhavishya mein darje nambarvaar milne hain na । yeh kaun dete hai? baap dete hain । vo gyaan hai na- ham baap se sun karke ham shaastra bahut jaante hain, padhe hue bahut hain; parantu yahaan vo sabhi worth not A paini । vo padhte-padhte, mattha tekte, dhakka khaate-khaate andhe ke aulaad andhe hain na geeta mein । andhe ke aulaad aur vo sajje ke aulaad । inki koi ladaai to nahin lagi na । kaurav aur paandav jisko andhe ke aulaad aur paandav sajje ki aulaad kehte hain, unki to ladaai nahin lagi na । vo bhi to jhooth hai na । vo to yavnon se lade । kaurvon ki ya kaangres ki ye musalmaanon se ladaai lagti hai । ham to non-vaayolens hain na । ham log kabhi hinsa thode hi kar sakte hain । to double hinsa hoti hain । ek hinsa, ek - do ke oopar kaam-kataari lagaana । doosra hai, goli chalaana ya khoon karna । isko kaha jaata hai double hinsa । yahaan hai double hinsa, vahaan no hinsa। satayug mein hissa hoti hi nahin । na kaam-kataari ki, na ek do ko maarne ki । usi ko svarga kaha jaata hai । yeh bhaarat tha । ab nahin hai so phir repeat ho raha hai । baap sthaapan kar rahe hain । yeh samajhne ki baat hai na । baba ne samjhaaya hai na । baap baithkar samjhaate hain ki tum samajhte to ho, guru bhi patit, chele bhi patit, abhi uddhaar kaun karega kiska? patit kaha hi jaata hai jo vikaar mein jaate hain । tum sanyaasi ko patit kahenge? bilkul nahin, kyonki vo vikaar mein nahin jaate hain । vikaari .jo nirvikaar hain unko mattha tekte hain । abhi vo bhi vikaari, guru bhi vikaari, chele bhi vikaari, to abhi mattha tek karke kya karenge । kya milega? aasheervaad kya milegi? drishti kya milegi? jaise khud vikaari, vaise vo vikaari । baba kehte hain-isko kaha jaata hai tamopradhaan buddhi, jo itna bhi akal mein nahin aata hai ki vikaari ko guru bana karke hamko kya milega । to bas, phir vikaari hi ban jaate hain, aur to kuchh bhi nahin । achha, chalo toli laao । baap samjhaate hain tum bachche sab jaan chuke ho । jo baap jaante hain agar bachche nahin jaane to bachcha hua hi kaahe ka? tum bhi aise hi । tum agar achhi tarah se nahin jaante ho to phir pad bahut kam milta hai, jo achha jaante hain unko pad ooncha milta hai । kaha tha na, baba to pavitra hai, phir ho gae brahma aur sarasvati, jagdamba aur jagatpita । vo bhi pavitra to unke bachche bhi pavitra । baap to samjhaay dete hain- bachche, samajh lena, vikaar mein nahin jaana । bhale grihastha mein ho, to bhi vikaar mein nahin jaana । apna kaala munh na karna । saaph kah dete hain । kaala munh na karna, phir poora gora nahin banenge, poora-poora pad nahin milega । yahaan hai hi saari baat pavitrata ke oopar । pavitrata ke oopar itni kadi baat koi doosra samjhaate nahin hain । sanyaasi followers ko aise nahin kahenge ki pavitra raho । vo to kahenge- kuchh to chhodo bhala । achha, kaam chhod do, bhala vikaar chhod do । bhala hamaare se agreement karo ki maheene mein ek dapha jaana । peechhe aise-aise. maangate rehte hain aur phir teerthon par jaate hain । chalo, kuchh to chhodo । achha, pyaaj khaana to chhodo bhala, aippil khaana to chhodo, aam khaana to chhodo । bhala aam bhi khaana chhod dete hain । vo bhi hamaare paas bahut aate hain । poochhte hain are, aam kyon nahin khaate? to kehte hain ham teerthon par chhodkar aae । achhe mein achhi cheej chhodkar aae । are, vo to kehte hain pyaaj chhodo, tumne yeh kyon chhodkar aaya? yeh to phal hai । phal to devtaaen bahut khaate hain । aise-aise jaisi guruon ki mat mili chal padte hain । yeh khel wonderful hai na । itna bada naatak hai । yahaan sabhi actors hain aur actors bhi avinaashi hain । yeh baaten badi samajhni hoti hain । aatma mein kaisa part bhara hua hai aur avinaashi part for ever । na kabhi aatma puraani ho sakti hai na unka part puraana ho sakta hai । ever new । meethe-meethemeethe phir se aay mile hue tum bachche । phir se-phir se har 5000 varsha baad tum milte hi rehte ho । abhi yeh tumko maaloom hua ki har 5000 varsha baad yeh bhaarat svarga banta hai । svarga ban karke 5000 varsha poore hone se narka banta hai । 5000 varsha ke liye aadha svarga nai duniya, aadha puraani । yeh bhaarat nai duniya svarga tha । puraani to zaroor honi hai । accurate half peechhe puraani । peechhe usko kaha jaata hai raavan raajya । pahle number mein raamraajya । sukh aur phir duhkh । aise nahin ki yahaan svarga hai, yahaan narka hai । jo paise vaale log hote hain, vo bolte hain- hamaare liye to yahin svarga hai । jinko paisa nahin hai, beemaar hain, unke liye yeh narka hai । bahut dher ke dher milte hain, vo aise hi kehte hai- vaah! hamko to svarga hai, vimaan hai, phalaana hai । are bhai! nahin, svarga aur hota nahin hai । hamaare liye to svarga hai । hamko aur koi svarga mein jaana hi nahin hai । baap kehte hain- main hoon gareeb nivaaj । main saahukaar-nivaaj to hoon hi nahin । ajaamil jaise paapaatma ho, ahilyaaen-kubjaaen ho, ham to unko hi saahukaar banaaenge । baaki jinke paas airauplen hain, birla jaise hain, unke liye impossible hai ki vo vahaan koi oonch pad paay saken; kyonki bahut milkiyat hai । unki kamaai hai putra-pautron ke liye ya sabhi shiv baalak ko de denge? shivbaaba ko jo baalak na banaaven, unko apna na deven to baap 21 janma ke liye na deven । are, baap le karke bhi tum bachchon ko hi dete hain । shivbaaba to daata hai na । vo kya karega? unko koi mahal banaane hain? nahin, sab kuchh tumhaare liye । everything for yu । baba ne samjhaaya na yeh sab kiske liye bane hain! yeh for yu । baap ko kaha jaata hai- baba, achha nae makaan mein to chalkar raho । baap kehte hain- nahin bachche, main jab vishwa ka maalik hi tumko banaata hoon main nahin banta hoon to phir main nae ghar mein bhi kyon baithu? main bola- achha, main to baithoon । baap kehte hain main to nahin baithoonga na, tum kaise baith sakte ho? wonder to dekho- hamaari bhi kitni aapas mein git-git chalti hai । baba ko sab bachche kehte hain ki mahal banaana oopar kitna achha hai । bhai, main to nahin baithoonga । ab main nahin baithoonga, yeh kaise baith jaaega! yeh to takleeph ho gai, khitpit ho gai । abhi samjhe tum? baba bahut hi arth samjhaate hain; kyonki baap ko kaha jaata hai- abhokta asochta । asochta abhokta ka kuchh arth tumhaare mein se koi likh karke aana, main dekhoonga ki abhokta ka arth kya hai? asochta ka arth kya hai? main aaj tumko sabak deta hoon । kabhi-kabhi de deta hoon । ham dekhen tumhaari buddhi । samjha na । braahamni kahaan hai? are, mutthi tum bhi likh karke aana । baba tumko nahin bataaenge agar jaaengi bhi to; parantu baba prashn poochhte hain aur dekho sabke paas prashn jaata hai । sab bachche sunenge aur sab hamko likh karke bhejenge ki baap ko abhokta aur phir asochta kyon kaha jaata hai? ek bakas banaay do, unmein tukdi mein likh dena । do akshar hai । har ek baat mein second lagta hai । jab jeevanmukti second, baap se varsa second । second ka arth samjhaaya na- bachcha baap ko paida hua aur varsa mila । kya time laga? nikla, dekha ki bachcha hai ya bachchi hai, bachcha hai to vaaris hua । ek second ka time laga na । yahaan bhi to kaha jaata hai na second mein jeevanmukti । janak ko second mein jeevanmukti mili । unka arth koi rishi-muni aadi samajh sakte hain kya? kuchh bhi nahin । bas, second maana hi baap ko jaana । kis dvaara? bachchon dvaara । janak ko kis dvaara? ashtaavakra dvaara । tum logon ne ashtaavakra geeta padhi nahin hai । tumhaare mein se to shaayad koi ne nahin padhi hogi । main tumko manga kar doonga ।…to ashtaavakra yaani bachche ne aur so bhi ashtaavakra boodha-boodha, gukda-sukda ne second mein jeevanmukti paane ki vidhi bataai । kya sunaaya hoga? baba ko pahchaante ho? vo tumhaara baap lagta hai? haan, baap lagte hain । bas, baap lagte hain, unki okhe band ho gai aur saakshaatkaar kar liya । samjha na । yeh badi akhaani hai ghode ke oopar । vo kehte the ki ghode ke oopar ham aise pair dhare aur mujhe saakshaatkaar ho jaave ।…jaise kiska hath poora karna ho । to yeh badi achhi akhaani hai । ashtaavakra geeta me likhi hui hai । second mein hai na । bachcha paida hua yeh vaaris bana । nishchay hua pakad lena chaahiye । abhi nishchay ho karke avastha jamaana, uske oopar hai varse ka hak । yaani kitna oonch pad paaenge । bas, koi der to hai nahin । aise koi se poochhte raho, parampita paramatma se aapka kya sambandh hai? world god father se aapka kya connection hai? kya rileshanship hai? to zaroor kahega- father । to heavenly god father to heaven sthaapan karne vaala hai na, phir tumko to heaven ki baadshaahi milni chaahiye । agar vo nahin bataaega ki vo father hai; par father to hai na । mukh se kehte ho na parampita । tumko father se to varsa milna chaahiye na । to ham jaante hain na kaise varsa milta hai, jo samjhaay saken । to ham teacher ho gae na । teacher ho koi bhi… …prashn poochhe aur khud hi na jaane to prashn kaise poochhenge? samajhte ho meethe-meethe bachchon? achha, bachchon ko…