Sakar murli for Thursday 30 April 1964

> >

30-04-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj shukravaar April ki 30 taareekh hai praatah class mein baapdaada ki murli sunte hain।

record :-

hamaare teertha nyaare hain, yahi dharti ke taare hain…

om shanti! om shanti ka arth bhi bachchon ko achhi tarah se dhaaran karna hai । bhaarat mein anek manushya hain jo ye uchchaaran karte hain- omshaanti, parantu arth ek bhi nahin jaante hain । tum bachche jaante ho ki om maana aham, main aatma aur mera dharma, svadharma hai shant । main aatma parampita paramatma ki santaan aur dharma shant, rahne vaale bhi shantidham ke hain । abhi apna okyupeshan to nahin bhool sakte ho na, ye to bilkul common baat hai jo koi bhi manushya maatra jaante nahin hain । vo to om ka arth bada lamba-chauda kar dete hain । nahin, bilkul simple । har ek baat bachchon ke liye simple hai, sahaj hai । om maana main । main kaun? aatma । mera shareer । main aatma parampita paramatma ki santaan, mera shareer baap ne racha । apan ko jaanna yeh koi difficult baat to nahin hai na । manushya apan ko jaante nahin hain । kehte hain soul realise । abhi soul realise bhi koi kar nahin sakte hain, koi karaay nahin sakte hain yathaartha reeti se । yoon to bahut kehte hain- jeevaatma aur ye shareer । aatma avinaashi hai aur ye shareer vinaashi hai । itna tak bahut jaante hain; parantu aatma ka roop kya hai, aatma jo itna part bajaati hai ismen kaisa part hai- ye to bilkul koi bhi nahin jaante hain । abhi tum bachchon ko baap ne pahchaan di hai । tum yaatri bhi ho, barrister ho, panda ho, surgeon ho, teacher ho, vakeel bhi ho, sab ho । tumhaare mein sab shiphten aa jaati hain । tum surgeon ho । dekho, baap ko kaha jaata hai avinaashi surgeon । abhi surgeon to padhaate hain । peechhe un logon ka bhi title hota hai- em bi bi S phalaana । London mein padha, yu S. mein padha, phalaane mein padha, vo title laga dete hain । abhi unko to manushya padhaate rehte hain aur tumko padhaata hai avinaashi surgeon । avinaashi ka arth hi hai- aatmaon ka baap, kyonki aatmaaen avinaashi hain, isliye baap bhi avinaashi hai । avinaashi baap hamko avinaashi surgeon banaata hai । master surgeon bante hain na! achha, kaise surgeon? dekho, surgery kaisi hai! usmein sab davaaiyaan, surgery vagairah sab aa jaati hain, kyonki tum unko ek second mein jo raasta bataate ho so hai bhavishya ke liye, is mrityulok ke liye nahin hai । for future generations । to tum for payoochar generations ever healthy bana sakte ho, ever tandurusta bana sakte ho; par guarantee yeh ki for future generations, kyonki yahaan to anek prakaar ka duhkh bhogna hai । jaasti bhogna hai । tumhaari davaai yahaan ke liye nahin hai । ye tumhaara sab kuchh for future generations । yahaan padhna hai । yahaan jo kuchh bhi paap karma vagairah hain un sabko yog se mitaana hai । aise nahin ki tum yahaan hi ever healthy, ever wealthy ever happy ban sakte ho । nahin । yeh knowledge hai hi for future 2। generation । tum kya ban sakte ho? ever healthy, ever wealthy, ever happy । health hai, wealth hai to happiness hai । samjha na! agar health mein kuchh gadbad hai aur wealth bahut hai, to bhi happiness nahin hai । agar wealth nahin hai aur health bahut achhi hai to bhi happiness nahin । to tum apan ko surgeon hi samjhenge na; kyonki avinaashi surgeon ke bachche ho । ye to zaroor hai ki pande bhi samajhte ho; par sab kuchh samajhte ho apan ko; kyonki baap aa karke ye sab jo bhi yahaan ki imtahaan vagairah hain, un sabka tanta bataate hain । vo tumko for future 21 generation har baat mein sukhi rakhte hain; kyonki health bhi hai, wealth bhi hai । yeh to zaroor hai health, wealth and happiness sabko ek jaisi nahin hoti hai । kisi ke paas dhan bahut hota hai । barobar unke paas paise bahut hain । abhi baaki khushi athva happiness jisko kaha jaata hai, so to sabko hi ho jaati hai । dhan ka pharka rehta hai zaroor । nirogi bhi sabhi rahenge । yeh bhi bataay dete hain ki tum sab nirogi bhi rahenge, healthy bhi rahenge । wealth mein pharka zaroor rehta hai । samjha na! wealth kisko kam, kisko jaasti yeh abhi tumhaare oopar hai । yaad to zaroor karenge । yaad bigar tum kisse varsa lete ho? yog to ek aardinri baat hai ki baap se yog lagaana hai । phir baaki hai dhan । to jitna-jitna tum avinaashi gyaan ratna dhaaran karenge, auron ko dhaaran karaaenge itna tum ooncha pad paaenge । tumko samjha diya hai ki vahaan tumhaara jo karma hai vo vikarma hota nahin hai; kyonki maaya ka raajya nahin hai । baaki saahookaar-gareeb to sabhi duniya mein hote hi hain । ek jaise to ho hi na saken । raaja-raani, vo to zaroor bada pad hua । to abhi tum apan ko aise hi samjho ki ham eeshvareey college mein hain । hai to badi university, ismen ham yeh imtahaan seekhte hain- ever healthy, ever wealthy ever happy banne ka । to tum ho gae na । tumhaare ko title kya deven? embeebeees. to nahin de sakte hain । tum yeh jaante ho ki sab title tumhaare mein samaae hue hain । to samjho ham surgeon hain baap ke । barobar yeh surgeon ka ek bada mantra hai । kaun sa? baap ko pahchaano aur unse yog lagaao to tumhaara vikarma vinaash ho jaaenga aur zaroor 21 generation tum healthy ban jaaenge । theek hai? tum master sarjansa abhi jaan gae? achha, phir tum unko yeh srishti ka chakra bataate ho ki srishti ka chakra aise phirta hai; kyonki yeh hai world ki history-jiyograaphi । ye history-jiyograaphi koi world ki nahin hoti hai । world ki maana pahle shuru se le karke puraani world tak । world koi sirf yeh nahin hai । phrom bigning, satayug se le karke kalhayug tak world hai । world yeh nahin hai ki bas musalmaan kaise aae, angrej kaise aae । world maana satayug se le karke, satayug mein kaun raajya karte the, unko raajya kaise mila, phir vo raajya kaha gum ho gaya । yeh to doosra koi nahin jaante hain । world ki history-jiyograaphi ye log jo samjhaate hain, to ye isko hi samajhte hai world history-jiyograaphi । university naam rakh diya । ye samajhte hain saari duniya ki knowledge ham de sakte hain; parantu ye sab hai jhooth । jo kuchh bhi kahenge sab jhooth । nahin to university koi hoti nahin hain । university sirf ek baap banaate hain, jismen svayan aa karke padhaate hain ।…koi se shanti nahin chaahte hain । manushya aate hain kehte hain- shanti chaahiye, sukh chaahiye । janaavar koi se maangate hain kya? har ek manushya to dhakka khaate rehte hain sanyaasiyon ke pichhaadi doctor ke pichhaadi, bairistaron ke pichhaadi, sab taraph mein har ek dhakka khaate rehte hain ki yeh cheej chaahiye, yeh chaahiye; parantu nahin, baba tumhaari sabhi kaamnaaon ko poorn kar dete hain । tum us surgeon ke master ho । to tumhaare paas board hona chaahiye na । abhi board lagaao tab jabki tumko passport mile । ghar ghar mein jaao । to apan mein himmat chaahiye ki ham yeh university teen pair prithvi mein khol sakte hain । yeh university bhi hui, college bhi hui aur hospital bhi । ismen sab ho jaate hain । agar hamaare mein himmat hai kholne ki to teen pair prithvi ke lagte hain । bhale apna ghar ho usmein ek kamra neeche mein rakh sakte hain । bahut aise hote hain, oopar mein ghar hota hai to neeche mein aspataal khol dete hain । to tum bhi neeche teen pair prithvi ka khol karke, tum jaakar koi-koi ka dekhenge na, is galeeche jitna unka aspataal hoga । to vo rakh karke usmein likh dena chaahiye । tumhaare paas andar koi davaai saamaan-vaamaan kuchh nahin hain, sivaay in chitron ke । bigar chitra bhi samjha sakte ho; parantu nahin, chhote bachche aate hain itna nahin buddhi mein baithega, isliye ye chitra hain । itne sabhi chitra devtaaon ke kyon hain? ye isliye hain ki vo ghar bhi baithe rahen aur yaad karen । ghar mein hi chitra rakh karke, phir doosri jagah door mein jaane ki darkaar hi kya padi hai । krishna ka chitra ghar mein hai । bas, wahin krishna ko yaad karna hai, mandir mein door-doordoor jaane ki darkaar kya hai । achha, koi jaate hain amarnaath । vahaan lig hai । paarvati-shiv hain । tum yahin ling aur shiv-paarvati ghar mein rakho, baat to ek hi hai ।. shiv ke paas kaashi mein kyon jaate ho? tum ling ghar mein rakh do । tum jaante ho ki shiv aaya hua tha, kuchh karke gaya; lekin uska pata nahin hai; par pooja karni hai । chalo, shiv ka chitra yahaan rakh do, pooja karo । are, dhakka kyon khaate ho? abhi buddhi ki baat hai na ।… jagdamba ke paas aate hain । chitra to sab milte hain । to chalo, jagdamba ka chitra tum ghar mein rakh do । baat to ek hi hai । …vahaan kya karegi? jaise vahaan pooja karte hain, vaise ghar mein hi kar do । to ghar mein mandir bana do । baap bhi samjhaate hain ki tum har ek ghar mein hi bana do aur vahaan likh do ki for future । future akshar zaroor lagaao । nahin to koi bolte hain ki yahaan hamko shanti nahin milti hai । are, shanti ke liye to tumko yukti bataate hain na । for future generation shanti bhi lo, pavitrata bhi lo, sukh bhi lo, sampatti bhi lo, sab lo, everything । tum thoda samajhne se sab le sakte ho । bas, phir wahin ghar mein apna chhota centre lagaay karke, kharcha to kuchh nahin hua na । bhale kisko kiraaye ki bhi jagah ho, to bhi unmein se thodi tukdi to nikaal sakte hain na । baba bhi to yeh samjhega na ki inmen kaun-kaun aise hain jo phat direction sun karke amal mein laate hai । baba sirf tumko to nahin bataate hain na । bataate to sabko hain । achha, gareeb bhi kar to sakte hain na । jo gareeb hoga to unke paas bhi jhopdi to hogi na । to unmein bhi teen pair prithvi ke to nikal sakenge na । board bhi to lagaay sakte hain na । baba english mein kah dete hain, chalo hindi mein likh do । to tumko bhavishya 21 janma ke liye tandurusti, shanti, sukh, sampatti, ye sab mil sakte hain aur ek second mein । itni badi baat ekdam for future generation ek sekend mein । ek second mein janak ko jeevan mukti mili, parantu vahaan to nahin mila na । vo janak phir ja karke seeta ka baap bana । to yeh ek drishtaanta thoda thonk diya hai aur theek hai । samjhaaya jaata hai ki barobar tum sabhi janak ho, ek ki to baat hai nahin । janak, janak raani, ye sabhi pravrittimaarga hai । abhi ismen kharcha to kuchh bhi nahin hai । baba bolta hai agar dhan tumko jaasti ho to tumko yahaan baba ko aakar nahin dene ka hai । tum service karo । baba tumko direction denge ki aise karo । dhanvaan ho to aisa ek centre banaao । ghar oopar mein bhale banaao । matlab koi bhi jagah de do । dekho, bade hall dhoondhate rehte hain । badi jagah denge to unmein pradarshani rakh sakte hain । chhote hain to bhale chhote kamre । apan ko surgeon zaroor samjho accurate achhi tarah se । himmat chaahiye । inmen koi se ladna-jhagadna to nahin hai na । bilkul achhe chitra mil jaate hain । koi bhi kahe- baba, mainne teen pair prithyi par itna ghar mein yeh khola hai । usmein main apni stri ko bhi laata hoon । charity begins at hom, pahle-pahle ghar mein kholo । phir behen, bhaai, chaacha, maama, unko wonder dikhlaao ki yeh to bilkul hi sahaj baat hai । yeh baba ne aage bhi kaha tha ki mere ko yaad karo, to mere se, yogaagni se tumhaare vikarma vinaash ho jaaenge । healthy to ban jaaenge । dekho, devtaaen kitne healthy hain । yeh trimoorti aur yeh krishna ka chitra bahut first class hai । moonjh hai na manushyon mein krishna ke liye । to yeh chitra sabse achha hai । achhe to ye sabhi hain, parantu yeh easy hai kuchh samjhaane mein । dekho, ye baba teen moorti brahma dvaara nai duniya ki sthaapna karte hain । nai duniya ki paalna karne ke liye yeh vishnu baitha hua hai । vahaan hi brahma usse yeh sthaapna hoti hai । phir jab svarga ki sthaapna hogi to ye jo shankar hai, yeh prerna karke sabka vinaash karta hai । kehte hain na- aankh kholte hain to srishti jal bhasma ho jaati hai । to tum dekhte ho na ki yeh sab khatma ho jaaega, uske pahle tumko ye banna hai । phir ye bano inki praja bano । samjha na! kyonki sabhi to nahin likhte hain, baba ko chitthi mein bhi likhte hain ki ham to sabhi thode hi lakshmi-naaraayan banenge । ham apni itni himmat nahin rakh sakte hain, bachche likhte hain । ham to phir praja mein hi achha rah sakte hain । uske liye hamko jo bolo । bolne ki to koi darkaar hai nahin, vo to samajh aani chaahiye ki vahaan chaahiye, to chalo jo kuchh bhi hai, apna beej bo jaao । kaha jaata hai na- yahaan to ek deven to laakh paave; kyonki gareeb bichaare kya denge? aath aana denge । gareeb log baba ke paas aath aana bhej dete hain ki baba, hamaari eent lagaay dena, peechhe hamko to milega । to unko ham likh dete hain ki tumhaari eent, jinhonne hajaar rupaya diya jo unko milne ka hai aur tumne jo eet ke liye aath aana diya, tumhaara aur unka baba ke paas hak ek hi hai । to dekho, unko kitni khushi hoti hai; kyonki gareeb nivaaj to hai na । vo sabhi raaj bata dete hain । abhi bali chadhna hai । baba ne samjhaaya hai, mama ne bali chadhi hai । yeh drishtaanta । kuchh paisa to nahin diya aath aana bhi nahin । tum mama se poochh lo ki kuchh diya? nahin, kuchh bhi nahin । kanyaaon ke paas to kuchh lena hi nahin hai na, maangana bhi nahin hai na vahaan ja karke ki hamko do, to kuchh deven । so bhi kuchh hove । na us samay mein koi yeh kaayda tha ki kuchh len । denra hai maaiton se ya phalaana । nahin, kuchh bhi nahin, kanyaaen bilkul ebsolyootli free; kyonki unki koi milkiyat nahin hai । milkiyat hai tum bachchon ki । haayraaperent(uttaraadhikaari) bachche bante hain । kanyaaen kuchh bhi nahin deti hain । padhti rehti hain aur agar achhi padhti rehti hain to government unko khilaata bhi rehta hai । khilaate-khilaate unko sarviseebul bana dete hain । dekho, kitna ooncha pad hai na barobar । dekho, jisne sab kuchh diya tan man dhan unse bhi unka naam baala ho jaata hai । phir aise koi na samjhe ki yahaan paise ki koi baat hai । bilkul nahin । naam bhi mashhoor kanyaaon ka hai । kanhaiya samajhne se lagega ki koi manushya hai । gopaal samajhne se lagega ki koi janaavar hai । to kanyaaon ne kitna naam baala kar diya hai achhi tarah se । kanyaaon ko hi baap pyaar karte hain, kyonki unko nasha nahin hai । unko hai ki baap hamko shaadi karaaega phalaana । kanyaaon ko bolte hain abhi shaadi barbaadi mat karo । tum chaahti rehti ho ki hamko krishna jaisa bachcha mile, krishna jaisa bhaai mile, krishna jaisa pati mile । abhi tumko vahaan le jaata hoon peechhe bhaai bano, kuchh bhi bano; parantu uske gharaane mein ham tumko bhej dete hain, jis krishna se tum bachchon ka itna pyaar hai । baap kehte hain na- tumhaara krishna se bhaarat mein bada pyaar hai ekdam । jaanti nahin ho kuchh bhi । shreekrishna pahle number ka prince hai aur svarga ka maalik hai । svarga ka maalik phir dvaapar mein to ho hi nahin sakte hain na । svarga ka maalik to abhi tum bachchon ko maaloom hai aur tum jaanti ho ki barobar abhi hamko svarga mein jaane ke liye, jisko ham yaad karti theen vo krishna khud bhi hamaare saath padh rahe hain । padhaane vaala hai shivbaaba । vo jo krishna tha jiske gharaane mein ham jo devta the so phir kshatriy vaishya shudra ban ham bhi padh rahe hain । abhi tum jaan gae na jaise ki ham jo sabhi devtaaen the lakshmi-naaraayan aur jo ham sabhi devtaaen raajya karte the, vahaan praja thi, is samay phir se baap aa karke vahi raajdhaani sthaapan kar rahe hain । abhi to buddhi mein achhi tarah se aa baitha hua hai na । yeh bhi tum achhi tarah se chitron mein samjha sakti ho aur chitron mein to bilkul samajh achhi hai । jabki baba kehte hain serviceable bano aur raay di na- gahastha-vyavhaar mein rehte hue bhi tum vahi ek (centre) khol do aur board laga do । board ke liye baba bahut hi kisma ke namoone bataate rehte hain । jo kuchh bhi chaahiye samajh karke apna likh do, jo tumko sahaj lage । peechhe yaatra ke liye bhi likho, svarga ke liye likho, jo chaahiye so likho, par likh karke, surgeon hai to phir surgeon bano । jabki tum bachche braahman ho, tumko sachchi geeta ka gyaan sunaana hai । to phir tum sabko sunaana hai na । pahle ghar mein kholo baith karke । vo samajh jaaega aape hi ki yeh geeta ka gyaan hai; kyonki geeta ka gyaan hi to naami-graami hai na । vilaayat mein sab mein bhaarat ka sahaj raajayog aur gyaan mashhoor hai । bhaarat ka praacheen yog mashhoor hai । praacheen ka arth to bilkul hi koi samajhte nahin hain । praacheen maana sangamayug, srishti ki aadi । dekho, hai na aadi sanaatan dharma । aadi sanaatan dharma hindu thode hi ho sakte hain । aadi sanaatan dharma to devtaaon ka hi tha । un devtaaon ko abhi aadi sanaatan hindu kar diya hai । abhi yeh drama mein hua na । tum bachche samajh gae ki yeh drama mein pahle se hi bani hui hai । ye sabhi aise hi hindu banenge । peechhe ye apan ko devi-devta nahin kahla sakenge, kyonki ye devtaaen dharma bhrashta aur karma bhrashta ho gae hain । yaani ham devtaaen jo pavitra the vo patit ban gae hain । devtaaen dharma shreshtha the to

paavan the na aur abhi ham patit hain । abhi ham apan ko devta to kahla nahin sakte hain । isliye automatically drama anusaar koi bhi apan ko devta nahin kahlaay saken । to dekho, dharma phiraay diya 'hindu' । tum bachche achhi tarah se jaante ho ki yeh hona zaroori hai, kyonki jab yeh devi-devta dharma praayahlop ho jaay aur hindu-hindu kahlaane lage tab phir baap aae aur devi-devta dharma ki sthaapnaae kare; kyonki sunte ho na ki is jhaad ka foundation sad jaata hai । to abhi tum jaante ho ki barobar yeh foundation to hai hi nahin । baaki saara jhaad khada hai । devi-devta dharma hai nahin । sab dharma math panth sab kuchh hai, baaki foundation hai nahin । na foundation hai, na foundation sthaapan karne vaale ko koi jaante hain । yeh aadi sanaatan devi-devta dharma kisne, kab aur kaise sthaapan kiya? tabhi baba tum bachchon ko kehte hain ki bachche, tum poonchho inke liye ki ye to bhaarat ka maalik tha na । svarga tha na barobar! ye mahal-vahal banaae the । tum bhool to nahin gae ho? bhaktimaarga shuru hone se hi somnaath ka mandir banaaya tha, usmein kitne maal the । vichaar karo ki kitne maal honge! kitne maniyon, heera moti, maanik ye sabhi pichhaadi mein bhi the । ye koi bahut samay ki baat to nahin hai । paanch-chhah sau baras hua hoga gajanvi ko । bhai, kitna baras hua hai? tum jaante ho । school mein history padhe ho na । thoda yahaan bhi to ye padhte rehte hain । ye phirangi saahab log to peechhe aae hain na । unhonne bhi yahaan se kitne maal lekar gae hain । unhonne to apni stri mari, uski masjid banaai, usmein bhi heere-moti laga die । buddhi to kahni chaahiye ki bhaarat kya tha aur ab kya hai । kitna baras hua? are, so bhi aajkal sab kehte hain three thaaujend before Christ । bilkul theek kehte hain । achhi tarah se samajhte hain inke aage pahle ekdam paradise tha । vo kehte bhi hain ki three thaaujenda before Christ paradise tha yaani haivin tha । shuruaat thi ekdam । to shuruaat mein bhi haivin chali to sahi na zaroor । to abhi ye baat yuktiyukta tum bachchon ki buddhi mein baithi । abhi ye baaten dil mein rakh karke aur phir tum bachche kehte ho ham surgeon hain to hospitlen kholo । agar hospital nahin kholte ho to baba kahenge ki abhi talak tum vahi puraane hajjaam ke hajjaam ho । baba kah denge, tum geeta nahin sunaate ho to phir hajjaam ho । nahin to baba sahaj bataate hain ghar mein hospital kholo । ismen lajja-vajja ki to koi baat nahin hai । aape hi aaenge । dheere-dheere aa jaaenge । samajh kar gharvaalon ko achhi tarah se baithkar samjhaao । baat bilkul sahaj hai । yeh to tum samjhe ho ki sabhi samajhkar raaja-raani nahin banenge । thoda bhi ham samjhaaenge to praja mein to aaenge na । aho saubhaagya! yaani vaikuntha mein aa jaaenge । yahaan dekho, sab prakaar ke manushya marte hain । sikkha marega to bhi kya kahenge? left four heavenly eborda angreji mein aise kah dete hain । svargavaasi hua । jyoti jyot samaaya- ye sannyaasi log kahenge । peechhe jo jo seekhte hain vo aise hi kehte rehte hain । pata to kuchh padta hi nahin hai- svarga kya, jyot kya, phalaana kya । aise to kuchh hai nahin na । dekho, kitne bade-bade aadmi, bhale presidenta bhi marega to bhi unke liye bolenge- baba, svargavaasi hua । to unse poochhna chaahiye ki kya yahaan narka tha? agar tum kehte ho svargavaasi hua to zaroor narka mein tha । phir jo manushya narka se svarga jaate hain, unke liye rona kya? tumko to taali bajaani chaahiye । hansana chaahiye na । to phir rote kyon ho? are, phir svarga mein to bas baat hi mat poochho, svarga mein jo vaibhav milte hain vo to naami-graami hain । tum phir baith karke narka ke ye pyaaj, machhli ye sabhi kyon khilaate ho? bangaal mein machhli zaroor khilaate hain unko । gae svarga mein aur unko maga karke machhli khilaate hain । anda bhi zaroor khilaate hain । vo jo vivekaananda tha na, are । aise bahut hain, jo bolte hain ye khaane mein koi paap thode hi hai । unmein koi jaan-vaan thode hi hai, phalaana thode hi hai । guru ne bola to bas, sat vachan kehte raho । jo kuchh kaho sat vachan । seeta churaai gai, sat vachan । bandaron ki sena li, sat vachan । hai sab jhooth, parantu usko sat-sat maante rehte hain । abhi tum jaante ho ki baba ka sat vachan aur duniya ka vachan unmein raat-din ka pharka hai । vo sab kuvchan aur yeh ek hota hai sat vachan । isko kaha jaata hai sat ka sang । to sang se kuchh gyaan ka rang bhi lagega na । to sat se tumko gyaan ka rang lag raha hai । to sat sang taare, kusang bore । abhi sat to ek hi hua । baaki to hain hi patit, bhrashtaachaari । abhi bataao unka sang ya unki mat kya karegi? humein boregi na! to drama mein yeh noondh hai na ki yahaan sat to koi hai nahin । baaki hai jhooth, kusang । to ye sab bhrashtaachaariyon ka sang hai । abhi dekho, sat aaya hua hai । to abhi tum hi sirf braahman sat ke saath baithe ho, balki satya ke poore aulaad ho pautra aur pautriyaan । ghar mein baithe ho na । tum jaante ho ye mama baba hain । ye mama hai gupta mama । kehte hain na- gupta ganga । triveni hoti hai na to unmein do gangaaen dikhlaate hain । ek ko gupta dikhlaay dete hain । to barobar yahaan gangaaen to bahut hain, parantu ye phir gupta । brahamputri hai na, sabse badi ganga phir ye gupta । to gupta aise kehte hain । to vo bhi aise hi kehte hain gupta teen hai, do hai, doosri, ek teesri gupta ganga । to ganga ko hi kehte hain । abhi un bachchon ko in sabhi baaton ka pata to hai nahin । to baap baith karke har ek baat samjhaate bhi hain । usmein bhi bahut takleeph kyon unko kehte ho । pahle pahle aave to unko bolo, ye baba kehte hain mujhe yaad karo । abhi maut aati hai, main aaya hua hoon, tumko mera varsa chaahiye na; kyonki kalhayug hai । satayug mein mainne yeh varsa diya tha । abhi kalhayug mein dekho, kya hai? dhool bhi nahin hai, chhaai bhi nahin hai । paise nahin hain, kaudi nahin hai, insolvensi hai । bhala jab is samay mein insolvensi hai, satayug mein itna solvent kisne banaaya? yeh to kitna sahaj hai । chitra to rakha hai na । ye bhaarat ka hai na । bhaarat mein barobar sooryavanshiyon ka raajya tha na । to sooryavanshi, chandravanshi, vaishyavanshi shoodravanshi । abhi sooryavanshiyon ka haal yahi hai । to tum logon ke paas chitra bhi hai aur buddhi se bhi kaam de sakti ho । tum bachchon ko baba direction dete hain, agar tumne centres na khola to main nahin samjhega ki tumne koi yahaan imtahaan paas kiya ya kuchh padhaai padha hai । haan, vesta oph time kiya hai apna । vo to baba yahaan kehte hain na, yahaan baba bilkul achhi tarah se pump karte hain ekdam । koi ko to pump theek chalta hai, koi ka kuchh thoda-thoda kamti hota hai, koi ka pump to jaise phus ho karke saari hava nikal jaati hai । kuchh bhi dhaarna nahin hoti hai । phir vo thode hi surgeon banega aur nikaalega ghar mein । to tum jaante to ho na ki barobar ham roohaani sarjansa hain aur barobar ham koi ko bhi for ever healthy, ever wealthy ki thodi si davaai, davaai aadi mein to kuchh hai nahin, so mukh ki baat hai ki unko ye mahaamantra de denge । kehte hain na- tulseedaas chandan ghise tilak kare raghuveer । raghuveer bhi to raamchandra ko hi kehte hain । hai to baba na । so barobar jab shiv jayanti hoti hai to tum bachche aate ho god mein to baba tumko tilak dete hain । kaahe ka tilak dete hain? svaraajya ka । yeh jo braahman tilak dete hain na, tilak ka koi arth bhi to hoga na? is samay mein braahman, jo bhi shoodra aate hain unko svaraajya ka tilak dete hain । to tum jaante ho ki barobar ham inko raajaai-tilak dete hain । to raaja bhav । unko samjhaana hai ki baap se to raajaai ka title milega na । baap ko yaad karo to automatically tumko raajaai ka tilak lag jaaega । koi lagaane ki to darkaar nahin hai na । bhaktimaarga mein phir yeh dikhlaate hain tilak lagaana, phalaana karna, yeh karna । abhi tilak to hai nahin na । ye samjhaate hain rakhdi bandhan । rakhdi bandhan ka arth thode hi koi samajhte hain । baba ne samjhaaya hai ki sab tyohaar yahaan ke hain । agar ye samajh mein na aae to phir lakshmi naaraayan ka raajya kahaan, jayanti kahaan, janma kahaan? kehte bhi hain past mein । inke paas kal ek raaste mein mila adhar kumaari ka mandir । hamko dikhlaao to usne kaha ki adhar kumaari ka jad chitra chaahte ho ya chaitanya chaahte ho? kyonki yahaan ka yahaan, vahaan jad baithe hain, yahaan chaitanya baithe hain ।… kunvaari kanya ka kya jad chitra dekhna chaahte ho ya chaitanya chitra? ham donon dikha sakte hain । tumko kya dekhna chaahiye, jad ya chaitanya? kitne samajh ki baat hai na । achha, dilvaada mandir mein kya dekhenge? vahaan aadidev baitha hua hai । jad dekhna chaahte ho ya chaitanya? kitna sahaj hai । dekho, baithe bhi kahaan ho! jaho tum bahut service kar sakte ho, parantu abhi samay nahin hai, na yahaan koi aise service vaale baithe hain; kyonki achhe-achhe service vaale to chale jaate hain baahar mein aur yahaan koi rehte hi nahin hai jaise । baaki pachchhad maal yahin rah jaate hain । samjha na । khaana pakaana, yeh karna, vo karna । baaki to kisko bhi shauk hota hai vo to bolta hai- baba, hamko bhejo ham to ja karke service karenge । baaki jo service na jaanenge vo doosra jiske liye baba bataate hai- mahaarthi, ghodesvaar pyaade । teen darje to hote hain na । ladaai mein bhi to hote hain na । ghode ke savaariyon ki bhi paltan hoti hai, pyaadon ki bhi paltan hoti hai aur un pyaadon mein phir vo hote hain jo bojha uthaate hain । koi bandook uthaate hain, koi bojha uthaate hain । to ye bhi aise hi hain । tum bhi paltan ho । sab kuchh ho । tum sipaahi bhi ho, jo chaahe so tum sab kuchh ho । peechhe ye sab kuchh samajhne hone ke baad tumhaari satayug mein sabhi kaamnaaen poorn ho jaati hain । vahaan kisko bhi koi prakaar ki takleeph nahin hoti hai । haan, purushaartha jo karega is samay mein, to raaja banega, bada saahookaar banega । samajh bhi jaate ho barobar flower ki, devtaaon ki kingdom sthaapan ho rahi hai । manushya se devta yahaan banenge na । satayug mein to devta hi honge । vahaan koi doosre patit manushya honge hi nahin । to zaroor yeh knowledge yahaan bhavishya payoochar for 21 generation ke liye hi hai । yahaan ke liye kuchh kahenge to bolenge ki yahaan ka to tumhaara hisaab-kitaab chuktu hona hai aur tumhaari ye beemaari khul padegi, jaise vaidya log kehte hain aur hota bhi aise hi hai barobar । koi dar jaate hain, ghaata pad jaata hai to unko koi kah diya ki are, yahaan kya rakha hai, tum jaakar phaaltu phanse hue ho । to jhat chhod dete hain । second mein bachche bante hain aur second mein chhodte hain । second mein barobar jeevanmukti, second mein jeevanbandh wahin pada raha । phir bhi us jeevanmukta ke liye jo bane to bhi aho saubhaagya । phir bhi praja mein aaenge to sahi na । aise nahin hai ki is gyaan ka vinaash ho jaaega, chaahe bhale phaarakti de deve chaahe kitna bhi koi traitor ban jaae । to unko pad bilkul kamti milta hai; kyonki gyaan ka chatka laga na । baba ko kaha to sahi na । avinaashi baba ko baba-mama kaha to vo muphta mein nahin jaate hain । phir vo pad kam lete hain; kyonki vo samajh to gae na । kitni badi baadshaahi banni hai । ye bhi samajhte ho ki barobar devi-devtaaon ki kingdom yahaan banni hai zaroor । baadshaahi saari poori ban rahi hai । baap aakar yahaan braahman dharma aur devi-devtaaon mein bhi sooryavanshi-chandravanshi, teenon dharma sthaapan karte hain; kyonki phir doosra koi bhi is 2500 varsha mein sthaapak aata nahin hai । peechhe to bahut aate hain- islaami, bauddhi krishchayan । peechhe to abhi kalhayug mein to dher ke dher aate hain, kyonki jhaad ke chhote patte-patte, daali-taari sabhi to janma lena hai na । mukhya foundation hai nahin । to zaroor jo nae-nae aaenge unka kuchh na kuchh naamaachaar to zaroor hoga । unka prabhaav to niklega na । to kuchh na kuchh reeti unko sukh mil jaata hai । bahut daar-taal-taaliya hain- raadhaasvaami,…aaryasmaaji । ye chhote-chhote bahut hain, hajaaron naam hain । ye sirf apne jo yahaan baithe hain unko maaloom hai । nahin to yahaan kerla aadi dekho, bhaarat koi kam thode hi hai । tum samajhte ho kitne saadhu, sant honge, guru honge, kitni prakaar ki bhakti hogi । athaah ki athaah hai । tum ek mat samjho ki koi yahaan saaeen baba ya phalaana baba । nahin, ek saai baba nikla to uske peechhe sau saai baba nikalte hain । to athaah hai, bhaarat koi kam thode hi hai । jo bhi khanda hain un sabmen bhaarat khanda sabse bada hai । first hai aur avinaashi khanda hai aur baba ki janmabhoomi hai । shivbaaba kehte hain- dekho, abhi main kahaan baitha hoon! nahin to bhala shivbaaba ki jayanti par ling baith karke kya karega । shareer hoga tab to kuchh bataaenge । to dekho, gyaan ka saagar tum bachchon ko saara gyaan samjhaate hai, saari srishti ka chakra… sab kuchh samjha dete hain aur tum jaise ki nambarvaar purushaartha anusaar master knowledgeful ho jaate ho । to kuchh to banna chaahiye na! kuchh na kuchh karo । baaki aise hi khaaenge, pienge aur soenge to bhala ye thode hi banenge । kuchh na kuchh kisi na kisi ko gyaan dete raho jisse ki kiska bhi kalyaan ho; kyonki kalyaan bahut hai । va to shantidham, mukti maangate hain । mukti to sab mogte hain na । to bas, sabko achhi tarah se muktidhaam ka raasta hi bataao । jeevanmukti mein aane vaala hoga to tumko chatak padega । koi bhi dharma vaala hoga to chatak padega । baaki ye to jaante ho barobar jaise baap liberator hai, unka kaam hai duhkh se sabko liberate karna । to tum unke bachche, abhi tumhaara bhi to ye dhandha hua na- sabko duhkh se liberate karna aur phir sukh ka raasta bataana aur phir unko apne saath yaatri banaakar le bhi jaana । to ye dhandha karen, ab jo karenge unko samaachaar dena hai ki baba, hamne aapka dhandha khol diya hai । kothri le liya hai, hall le liya hai । bahut hote hain jo makaan banaana chaahte hain, baba se poochhte hain to baba kehte hain- bachche, bhale banaao । agar koi nahin likhte hain ki baba, ismen main neeche mein hospital bhi, university bhi kholoongi to phir unko likh dete hain, jo chaahiye so ja karke banaao । kuchh bolte nahin hain । dekhte hain, kuchh hai , sirf aise nahin ki aa karke… bahut likhte hain- baba, ham makaan bana rahe hain, aa karke foundation lagaao । ham ismen laga dete hain । to abhi ek-ek ka baith karke… baba ko foundation thode hi lagaana hai । foundation lagaane ke liye apna riprejentetiv to hai hi । jo ananya hote hain unko likhte hain ki jaao main phalaani ko likhta hoon jo mukhya hai tumhaara opening ceremony karne ka । shivbaaba kahaan se karega, aise to baba ko galiyon- mein dhakka khilaay deven । foundation lagaane ke liye bahut kehte hain । to unko samjhaate hain bachche, unko koi jhopdi de do, jismen tum surgery zaroor nikaalo va geeta class nikaalo । matlab hai baat sabhi ek । service karo । phir bhi agar tumko madad chaahiye to main madad bhi de sakta hoon kyonki baap hai na । gaayan bhi hai- himmate marda madde khuda । to zaroor baap bhi to madad denge na । to bolte hain- tum hall banaate ho? kitna kharcha karte ho? 10000 rupaya । achha, kitna paisa hai? 5000 rupaya । achha, ham tumko 5000 ki madad karte hain । kholo । baba to madadgaar hai na । bachche, pradarshani kholo । jitna tumko madad mile baahar se aur baaki madad chaahiye to yahaan se magaao । ye baap hai na phir bhi । koi sanyaas to nahin hai na ki sabhi palaitsa le karke apne sanyaasiyon ko hi paalna karte raho । nahin, ye to bachchon ki paalna hoti hai na; kyonki baap hai na । most beloved baap isko kaha jaata hai । to baap madad bhi to karenge na । yahaan kuchh rakhne ka to hai nahin । yahaan to bilkul clear ho jaana hai । samjho koi marta hai aur unke paas kuchh rah gaya hai- hajaar ya do hajaar ya 50000 ya kitna bhi rah gaya hai aur usmein se apni vritti nikaali nahin hai, trustee na samjha hai to yaad zaroor padega । janma zaroor lena padega । isliye tumhaare paas aakhaani bhi hai । aajkal to striyaan hi pati ka guru ban jaati hain । kaayda hai । to jab unko le jaati hain to likha hua hai sab chhoda । ye bhi chhoda, ye bhi chhoda । laathi uthaai to bola- yeh bhi chhodo । varna laathi mein bhi tumhaara mamatva baith jaaega । yeh drishtaanta hai rigved se ki kuchh bhi na rakho, apna kuchh na samjho । apan ko clear aatma samjho । hamko baba ke paas jaana hai । barobar ye jo kuchh bhi hai sab baba ka hai, hamaara nahin । bhaktimaarga mein sadaiv yeh kehte rehte ho । abhi bolta hain- yeh mamatva chhod do, main khud aaya hoon । aise samjho ki ye sab kuchh baba ka hai । ye dhan-daulat sab baba ka hai । agar tumhaare paas yeh khayaal aaya ki hamaara bachcha hai unko varsa milega, to mare । khalaas ho jaaenge । baba ko vaaris banaate ho । tumhaara bachcha to tumko return mein itna sukh nahin dega, jitna ye return dega । abhi vichaar karo, koi aate hain to baba poochhte hain na- kitne bachche hain? kahenge teen bachche hain । achha, thoda vichaar karo, bas teen hi bachche hain, luka-chhipa koi aur to nahin hai? to nahin? karte hain aur jab unko kah dete hain kya nahin hai? are, tum pahle jab talak shiv baalak ko varsa na denge to shiv baalak tumko 2'। janma ka return kaise denge! vo to tumko dhool bhi return nahin denge । vo to tumhaara sabhi paisa paap mein lagaay denge; kyonki baba ne samjhaaya na ki jo kuchh ye daan-punya karte hain unse paap banta hai, kyonki daan karte hain, jo unko us parampita paramatma se bemukh karte hain । abhi unko dena ya bachche ko dena, vo vikaar mein jaaega । to vo bhi paap tumhaare oopar raha । is samay ki baat baba kehte hain । to jo kuchh bhi shreemat ke bigar kiya to paap karte hain । dekho, kitni maheenta hai, parantu koi ko kuchh samjhaao to koi ulta samajh lenge । inko koshish karni chaahiye । koi to sunenge, achhi tarah maanenge, koi to bilkul hi nahin sunenge । baaki sunna bahuton ko hai । bahut praja banni hai । koi kam nahin banni hai; kyonki unko devi-devta dharma mein aana hai, kshatriy dharma mein aana hai, to dher banne vaale hain । yeh bhi baba ne samjhaaya hai ki raaja-raani, praja kitni hoti hai । ek raaja-raani ke gov hote hain । kitne gov hote hain? chalo, Indore ka mahaaraaja । kitni praja hogi? praja to bahut hoti hai । vo kaise bane? aise । bhaai ko bhi praja mein le aana chaahiye । phir praja mein aave, kaun sa pad paave, ab sunaana zaroor chaahiye । buddhi mein baithaana zaroor । darna nahin chaahiye । lo, meethi bachchi । sabhi hain, sirf tum nahin sunte ho । ye rediya hai to vo bhi jaate hain । abhi aape hi pata padega । peechhe se abhi bahut niklenge । baba ne baat chhedi na ki yeh banaao । tum sarjansa ho । surgeon ho to naam ka ho gaya ghar mein । board to zaroor chaahiye na । board nahin to no surgeon । dekhen abhi kitna inko likhte hain ki hamne aise kisma ka surgeon lagaaya, aise lagaaya । kuchh bhi lagaaven, koi bhi aave, knowledge to ek hi prakaar ki hai na । achha । meethe-meethe meethe lucky gyaan sitaaron prati, roohaani pandon prati, tum bhi to roohaani pande bante ho na, paandav sena ka arth tumhaare sivaay koi doosra samajh sakta hai? nambarvaar arth bhi samajh sakte hain । to meethe-meethe meethe-meethe sikeeldhe gyaan sitaaron prati maat-pita ka yaadapyaar aur good morning ।