Sakar murli for Tuesday 28 July 1964 - 2

> >

28-07-1964 madhuban aabooraatri murli saakaar baba om shanti madhuban

good evening yeh atthaaees julaai ka raatri class hai।

bachche taiyaari karte honge bade din par koi bhaashan karne ki ki kahaan koi nimantran aa jaae । abhi kya bada din aane vaala hai? (bachchi ne kaha- raksha bandhan) rakhdi bandhan । …raksha to svayan baap karte hain bachchon ki । sab bhakton ki bhagwan aa karke raksha karte hain । raksha ki jaati hai jabki koi bahut hi duhkh mein hota hai । bhaarat to is samay mein bahut hi duhkhi hai । duhkh se raksha karne vaala to hai sabka sukh dene vaala, duhkh harne vaala baap । tum bachchon ko to maaloom hai ki barobar duhkh harta aur sukh karta aay padhaara hai; parantu ye soochna kaise di jaae? kyonki bachchon ko yeh bhi ek chinta hai achhi tarah se । jaise koi duhkhi hote hain na, to jo duhkh se mitaane vaala hai unko chinta rehti hai ki inko duhkh se kaise chhudaaven? behad ke baap ko to zaroor chinta rehti hai । vo achhi tarah se jaante hain ki bachche abhi bahut hi duhkhi hain; kyonki duhkhadhaam bhi ati duhkhadhaam hai । abhi is duhkhadhaam se sukhdhaam banaane vaala vo aaya hua hai, ham kaise yeh dhindhora pitvaaven? dhindhora bhi pitvaaya jaata hai । agar koi dhindhora likhkar dhindhore vaale se dhindhora pitvaave ki hamko yeh soochna deni hai ki sabhi ka duhkhaharta aur sukhkarta so to hai hi ek, jisko hi phir patit-paavan bhi kaha jaata hai । dekho, ye baap essay dete hain yuktiyaan keen । unko theek se amal mein le aana, yeh to bachchon ka kaam hai । dhindhore par to bahut manushya aate hain । dhindhore jab peette hain to saare shahar mein peette hain । bada shahar hota hai to 5-7 dhindhori । dhindhori koi jaasti nahin leta hai, roj ka do-chaar rupaye lenge । to koi jaasti nahin lega । to abhi raksha bandhan par agar koi aise topic likhkar dhindhorchi ko bhi deven, jo..... jaakar dhol baja karke aur yeh samjhaave ki abhi duhkh ke to pahaad girne hi hain aur duhkhadhaam to hai hi । sabka duhkhaharta aur sukhkarta vo to aa gaya hai, jo baith karke gyaan de raha hai । jo na gaandhi ji aur nehru ji chaahte hain ki bhaarat ko phir se almighty vo to angreji akshar hai, yaani sarvashaktivaan, bhaarat ko phir se daivi raajya mile । ye baap aa gaya hai aur jisko bhi baap se milna ho, so address daal dena ki unse ja karke mile ya unke centre se ya aisi koi yukti karni hai, jo tum jaate ho to ek dhindhora sab ek hi baar mein, jitne bhi gaamre hain sabmen pitva do । baba phir achhi tarah se likhkar denge । ye to abhi- abhi baba ko khyaal aaya hai ki inka bada din kaun-sa aata hai, jo ye brahmaakumaariyo hashar machaati hain service ka । service ka hashar machaana hai na । to bade din mein kya karna chaahiye? bhaashan bhi to karte hain । yeh bhi to theek hai । to us din dhaam-dhoom macha deven ki sivaay pavitrata ke kangan bodhne kaam par jeet pahanne bhaarat par sada sukh ka daivi satayugi svaraajya sthaapan hona asambhav hai । to aise tum log hashar macha sakte ho । unke saath patra bhi baant sakte ho । jab koi bachche baith karke aapas mein committee karte hain ki kaise service karen; isliye bahut milte hain aapas mein । to ye bhi ek yukti hai; aur bhi deedi ne baba ko kaha ki baba, dilli se samaachaar aaya hai ki meeting karke kuchh yuktiyaan nikaali hain । to phir raat ko vichaar-saagar-manthan bhi karenge; aur sab bachche karen ki kya yukti rakhen jo service thoda vihang maarga mein aave; kyonki abhi to cheenti maarga mein chal raha hai । yoon hai cheenti maarga mein, hona bhi hai; kyonki jhaad hai, to apne kaayde anusaar, samay anusaar badhega । bachche jaante hain ki drama anusaar is samay tak jhaad ko jitna badhna tha ya sthaapna honi thi, vo to theek ho chuki hai aur dekhte hain ki barobar jhaad ki vriddhi badi dheemi-dheemi hoti hai । law bhi aisa kehta hai ki dheeme-dheemen hi hoti hai । to isliye bachchon ko har vakta yahi khyaal rakhna hai । jaise dekho, baba ne aaj akhbaar mein padha ki....saadhu log is kaam me kaise aa sakte hain, kyonki yeh to hai government ki kaarobaar । government ki politikal baaton ko saadhu jaante hi nahin hain । unko kyon is corruption(bhrashtaachaar) edaltareshan(vyabhichaar) mein daala gaya hai । to saadhuon ne phir risponsa diya hai । inko baba ne dikhlaaya tha ki jisne daala hai, kyonki naami-graami ho na । chief minister udeesa ke the, abhi nahin hain । to unse milna chaahiye । ye saadhu to khud hi karaptiv, edaltretiv hai, kyonki inki to parampara se corruption edaltareshan aa gai hai । vo likhe hain ki ham log to duniya ko tyaag karne vaale hain, ghar-ghaat ko tyaag karne vaale hain । to unko bataave, tyaag kahaan kiya! abhi to ye saadhu-sant, inhonne badi- jaageeren kar di hain । ye kehte hain na hamne duniya ko tyaag kiya hai । duniya ko kahaan tyaag kiya? abhi to badi-badi jagah li hai, makaan le liye hain, bade-bade phlaitas le liye hain । bahut dhanvaan ban gae hain । to ye kaise dhanvaan bane? zaroor kuchh corruption ya kuchh adulteration ki hai । baba baithkar inko samjhaate the । barobar hamaare shaastron ko bahut edalta kar diya hai । pahle-pahle geeta ko khandan kar diya hai, jis kaaran hi bhaarat ka naam badnaam hua hai aur bhaarat itna kangaal ban gaya hai inke kaaran aur phir inse corruption to bada bhaari hai । ye paisa kahaan se ikattha kiya? kyonki jo bhi minister hote hain to bolte hain- itna paisa kahaan se ikattha kiya? to inse poochha jaae jab tumne sab kuchh chhoda to tum itna paisa kaise ikattha kiya? inko to ikattha karna hi nahin chaahiye, kyonki ye tyaagi hain । ye to raaja log bhi raajya chhodkar jaate hain aur unko beggar hokar rehna hai । ye itne saahookaar hain, zaroor kuchh kamaai ki ya thagi ki । to inka pata lagaana chaahiye ki kaise thagi karte hain । unhonne inko samjha diya ki baap sarvavyaapi hai, vo gyaan de karke ye sab paisa kamaate rehte hain aur manushyon ka khaana kharaab karte hain । to aisi-aisi baaten inko baith karke baba samjhaate hain । inhonne phir likha hai angreji mein । to aise-aise kisko ikattha karke phir akhbaar me daalna chaahiye, kyonki tum bachchon ke dushman to ye sanyaasi bahut hain, kyonki vo kehte hain maataaen hain narka ka dvaar aur tum jaante ho ki barobar baba, jiski shreemat par abhi chalte ho, vo tumko banaate hain svarga ka dvaar । to unko ye bhi dosh daal dena chaahiye ki gai, ye kehte hain striyaan narka ka dvaar hain । abhi vo unke guru ban baithe hain । aise bahut point hain, jo bachchon ki buddhi mein hai, kyonki authority to tum bachchon ko milti hai sarvashaktivaan se ki jo kuchh bhi direction dete hain us prakaar tum yuddha ke maidaan me aao । in saadhu sant mahaatmaaon bheeshma pitaamah, dronaachaarya vagairah jaise, inko in sab baaton se koi samay mein to jeeta hai na! .......vo to guru hain nahin । unko likh dena- vo guru to dubaane vaale hain । yeh likhe bhi koi achhi female, kyonki tumhaara hi naam baala hona hai । madad karni hai bachchon ko, kyonki tum itne aarteekal vagairah likhna to jaante hi nahin ho, aksar karke anpadh ho । to phir inki madad milti hai । to aise-aise khayaalaat karne se, parantu inmen mehnat chaahiye, buddhi chaahiye, milaap chaahiye bachchon ka, jo service ko badhaay saken । mein to is samay yoon to is samay mein jo service chal rahi hai, vo kahege to zaroor drama anusaar chal rahi hai । phir bhi purushaartha bhi to drama anusaar kiya jaata hai । ..... shaktiyo achhi tarah se lekh likh sakti hain ki naari shiv shakti sena, naari sena । unhonne ye bhaarat ko world almighty authority raajya dilaaya hai, sthaapna kiya hai aur vo jo naari ko narka ka dvaar kehte hain, vo to aur hi bhaarat ko duba diya hai । saadhuon ne kya kiya hai? bhinna-bhinna prakaar se paise kamaae hain । ganga mein jaakar snaan karaay karke paise bahut lootte rehte hain । jhooth bolte rehte hain ki ganga patit-paavni hai । ek taraph to gaate hain patit-paavan seeta-raam aur phir ye kehte hain । dekho, kitne mele lagte hain, bhaarat ke kitne paise barbaad hote hain । aise-aise agar baaten samajh, buddhi mein lagaaven to bahut kuchh tum lekh likh sakti ho samay par aur vo chance dekh karke, jab koi kahaan aave । committee achhi chaahiye jinmen ye sabhi point buddhi mein aaven । ab bachcha bada buddhivaan chaahiye । ......de sakte hain chale jaana chaahiye unke paas । kisko? phir maataaon ko । baba bhi raay denge na । dekho, ramesh yahaan hai । to ramesh ke saath koi bhi ja sakte hain, unko mat deven । pata hai koi ek achha nikal jaave aur ahamdaabaad mein bhi koi centre khul jaave, to bahuton ka kalyaan ho sakta hai । aise bhi nahin ki bigar nimantran ham nahin khol sakte hain । aise bhi kahaan-kahaan khol sakte hain । koi badi baat nahin hai, parantu koi ek ko, do, paanch, das ko mahatva diya jaata hai । to aise-aise service ka khayaalaat kuchh akhbaar se, kuchh apni buddhi se karna chaahiye । service to bachche bahut kar sakte hain । rejgaari service bhi to bahut hoti hain । aise nahin ki koi government ka bada mara, governor mara to vahaan koi tumhaari service ho sakti hai, nahin । kahaan koi achha aadmi, koi daani marta hai, bada philenthrophista bante hain ya bada businessmen bante hain, to unke bhi bahut aadmi vahaan jaate hain । to vahaan ja karke chitra bhi dena .samjhaana bhi । service to bahut hai, koi bhi kare, jitni chaahe itni kare aur bahut karke maataaon ko hi himmat karni chaahiye । purushon ke oopar aadhaar nahin rakhna chaahiye । aadhaar hai maataaon ke oopar । jitna jo karega so paaega । agar pati kuchh nahin karta hai, to maataaon ko apna, jo kuchh ho unse............unme kuchh kharcha thode hi lagta hai । to shauk chaahiye maataaon ko bahut ।........to in baaton ko samajh karke aur mahaadaani ban karke mahaaraaja banna hai gareebon ko । dekho, kitna sahaj le aata hoon teeri par bahishta ekdam । chalo bachche, abhi chalo apne sukhdhaam । chhodo mamatva ab is duhkhadhaam se । yeh mera pati hai, yeh mera bachcha hai, yeh mera dhan hai- ye sab chhodo । nahin, mera to ek baba, phir doosra na koi । bano jhatpat vishwa ke maalik bano । kya ye kamaai karte ho paai-paise ki! laakh kamaaega, 2 laakh kamaaega, 10 karod kamaaega, 50 karod kamaaenge, chalo arab kamaaenge! yahaan to tumko baap aa karke chapti se ye saare vishwa ka maalik banaate hain । aur phir kya chaahiye । sada sukhi banaate hai । .....achha chalo bachchi, baaja bajaao । (myujik baja) lucky gyaan sitaaron prati maat-pita baap-daada ka yaadapyaar aur good night ।