Sakar murli for Thursday 27 August 1964 - 2

> >

27-08-1964 madhuban aabooraatri murli saakaar baba om shanti madhuban

helo, good evening, ye sattaaees agasta ka raatri class hai

raavan ki janjeeron se chhoot gae ho ya chhootne ka purushaartha kar rahe ho? kya samajhte ho? buddhi ka yog to ja raha hai is duniya se । is duniya se to dil hat gai hai, kyonki bachche jaante hain ki ab to jaana hi hai baap ke ghar । balki ja rahe hain, aisa kahenge । tum bachche samajh sakte ho ki barobar ham raavan ki janjeeron mein jakde hue the । duniya mein aisa koi jaanta nahin hai, bhale duhkhi hain । usmein bhi koi apan ko duhkhi samajhte hain, koi sukhi samajhte hain । baaki ye buddhi mein hai ki ye raavan ke raajya se abhi apna svatantra raajya ham sthaapan kar rahe hain । jaise ye kaangresi log pahle ye partantra the; kyonki foreign ka rule tha । abhi ye apan ko samajhte hain ki ham unse svatantra ho gae । paandav bachche kehte hain ki ham to behad foreign ke rule mein the yaani raavan ke rule mein; kyonki ye to peechhe aate hain na । pahle to yahaan raam ka raajya rehta hai । pahle bhaarat svatantra rehta hai, peechhe raam ke raajya mein । jaise vo kehte hain phirangiyon ke raajya mein partantra ho pade the । phir bachche samajhte hain, jaante hain ki ham maaya ke partantrata mein the, kyonki maaya ka raajya to bhaarat mein in particular kahenge khaas aur duniya mein in general kahenge ki raavan raajya hai, parantu duniya nahin jaanti hai ki ham koi raavan raajya mein hain; kyonki bhaarat mein hi raam raajya aur raavan raajya hone ke kaaran bhaaratvaasiyon ko samajhna hai; parantu bhaaratvaasi to koi samajhte nahin sivaay tum braahamnon ke । abhi ham jo aadhaakalpa partantra the, so abhi svatantra ban rahe hain । vo had ki baaten, ye behad ki baaten । had ki baaton se bhi baapu jisko gaandhi kehte hain unhonne madad le karke kaangresi bhi chalaaya । yahaan baap aate hain aur bachchon ki madad le karke raam raajya sthaapan karte hain । vo bhi unko baapu kehte hain, tum bhi unko behad ka baapu kehte ho । vo had ka hai । sirf bhaarat ka so bhi baapu hai nahin vaastav mein । kehte hain unko; kyonki yahaan baapu kahne ka bahuton mein rivaaj hota hai । mayor ko bhi baapu phalaane ko bhi baapu kah dete hain । saaeen baba kehte hain na । abhi saaeen baba to koi hai nahin । na vo saaeembaaba hai, na vo baapu hai । ye to sab gapode hain । ye to bachche jaante hain ki barobar hamaara baba hamko abhi svatantra banaate hain । dekho, abhi aatma kitni khush hoti hai । khushi honi chaahiye na । jaise vo sabhi kaangresi jaante hain gaandhi baapu ne humein phirangiyon se svatantra karaaya hai, vaise tum sab brahman jaante ho ki abhi behad ka baapu ji hamko maaya se svatantra banaate hain । raavan ke raajya se svatantra banaay phir se apna raajya dilaate hain । sva ko raajya dilaate hain, svatantra banaate hain । to ye hui vichaar-saagar-manthan karne ki baaten, jo har ek ko apne aap se karna chaahiye । har ek apne dil se kahenge ki barobar ham maaya ke raajya se svatantra ban rahe hain । abhi maaya ke raajya se svatantra sirf tum samajh sakte ho, parantu bhool jaate ho; kyonki yahaan ki jo jo bhi baaten hoti hain vo bhool hi jaati hain bahut । baap ko hi bhoola jaata hain, teacher ko hi bhoola jaata hai, guru ko hi bhoola jaata hai to ye bhi baat ghadi-ghadeebhool jaati hai ki hamko baba abhi is maaya ke raajya se svatantra bana rahe hain । abhi to ham ghar jaaenge, phir svatantra ho raajya karenge । koi bhi hamko duhkh dene vaala na rahega । koi haalat me duhkhi na rahenge । ye to nahin hai ki koi ke raajya mein duhkhi na rahenge । tum abhi apna raajya sthaapan karte ho aur kisko bhi kah sakte ho ki raavan par jeet pahankar ham jo svaraajya sthaapan kar rahe hain, phir ham bilkul hi akele aur advait yaani daivi raajya mein honge ।…isko hi kaha jaata hai almighty authority raajya aur so bhi pavitra double sirtaaj । peechhe jab aate ho to apvitra single taaj । usko kehte hain double taaj । barobar double taajdhaari the, kyonki bhaarat mein single taaj vaale raajaaai double taaj vaalon ko poojte aae hain । to sab bhaarat mein hain । to abhi behad ka baap aa karke bhaarat ko itne sabhi janjeero se chhudaate hain । janjeeren to hain na । dekho, jab ye karz bhi lete hain, to bhi aise kehte hain ki ham karz lete hain, par hamko koi stringsa na ho । agar samjho ki hamko paisa dena hai, jaise yahaan saahookaar log...to hundi likhte hain aur unko bharna padta hai । nahin to ijjat chali jaae । to aise hi aajkal jo loan lete hain to koshish karke aise lete hain ki aisa na ho ki hamko phasaave strigsa rahe jo hamko dena hi pade । isliye kehte hain yadi loan leve to usmein agar thoda bhi yaho-vahaan ho to peechhe hamko tang na kiya jaae । usko strigsa kehte hain । pharka to tum bachche abhi jaante ho । ab bachche jaan gae hain ki ham kitne svatantra, kitne dhanvaan the । abhi tum brahman hi kahenge aur koi thode hi kahege । ye braahmanon ko hi gyaan milta hai । usmein bhi dekho kitne nambarvaar hain । nahin to vaastav mein abhi kitna khushi ka paara chadhna chaahiye, kyonki abhi lottery mil rahi hai । set reelijiyas sveep hoti hai vahaan vilaayat mein । bahut milte hain, 10-10 laakh roopaye milte the sveep mein, first ticket । to ye bhi ghuddaud thi । ye bhi ashvon ki race hai । isme agar jo achhi tarah se win karke dikhlaae to sooryavanshi maalik ban jaate hain । ye race bhi kitni badi hai । isko kaha hi jaata hai ashva race, kyonki naam hai na raajasva ashvamedh yagya । ye ashva ke oopar phir ek doosra bhi yagya, jisko daksha prajaapti ka yagya kaha jaata hai, jisme ghode ko svaaha karte hain । abhi ye ghode ko svaaha nahin karna hota hai, ismen manushya apne ko svaaha karte hain । kathaaen to bahut hain na । abhi tumko koi bhi kathaaen sunne ki koi darkaar nahin hai । dekho, kitna akichaar dhakka khaana, sunna mandiro me jaana, kuchh bhi nahin karna hai । baba kehte hain- bas, chup । maala pherna ya jaap bhi nahin karna hota hai । ajpa yaad karna hai, jaap bhi nahin, kyonki ajpaajaap hota hi nahin । doosra koi raam-raam jaap kare, bhale aavaaj nahin karte hain । to bhi andar mein jaap chalega । to bhi chup ho jaaega । yahaan vo rasma tak bhi nahin chaahiye । bilkul chup । to dekho, yaad ho jaaegi na । andar me kuchh bhi bhun-bhun nahin karenge । bhun-bhun to sukshmavtan mein hoti hai । yahaan talkie vahaan bhun-bhun । bhun-bhun bhi nahin, bilkul chup । dekho, bhaktimaarga mein kitna dhakka khaate hain aur yahaan bilkul chup se baap ko aur varse ko yaad karte raho । abhi koi kitna achhi tarah se dhaaran kare, samjhe aur auron ko samjhaave । yahaan itni thandi-vandi to nahin padti hai? itni door se yahaan aate hain to unki khaatiri bhi achhi honi chaahiye । theek se khaatiri karti ho? poochhti ho koi takleeph to nahin hai kyon? kyonki tum unki achhi sambhaal karenge, to vo bhi tumhaari vahaan achhi sambhaal karenge । nahin to ghaaslet bhi khilaaenge । ghaaslet ki nadiyaan bahti hain । ghi ki nadiyaan to bahni hain na । jab kaha jaata hai ki vahaan ghi ki nadi bahegi to ghaaslet yahaan hoga। gaaya jaata hai ki gareeb log bahut shaantikaarak hote hain । usmein bhi jo baahar gaanvade vaale log hote hain na, vo bade sukhi, achhe rehte hain aur saahookaar to tamaasha, naatak vagairah dekhte hain to gande ho jaate hain । gareeb itne gande nahin hote hain jitne saahookaar bahut gande hote hain । yahaan to bahut hi glaani ki hai । ye shaastra se bahut gand seekhe hain, kyonki pahle number mein krishna jo itna first class bachcha hai unke liye thak kah diya hai ekdam number one । naaraayan ke liye nahin kehte ho । naaraayan ko ek stri aur krishna ko bahut stri dikhaai hain, dekho kitni glaani ki hai । samajhte ho? samjha sakte ho koi ko bhi kitni moorkha aur naansensa baaten likh di hain । shri lakshmi ko ek naaraayan aur naaraayan ko ek lakshmi । phir vahaan krishna ko itni striyaan dikhaai hain । ye kahaan ki baaten hain । abhi dekho, baat sahaj hai aur ekdam pata hi nahin padta tha .......ye jo baate bhaktimaarga ke shaastron me hain unko baap aakar bataate hain । kitne tum besmajh ban gae ho । bachche poochhte hain baba, kaise ham besmajh ban gae baba kehte hain bachche, drama anusaar ye ved shaastra grantha upnishad yagya tap daan-punya karke dekho tum kitne moorkha ban gae ho । geeta bhi padhi hai na । to geeta padhte-padhte bhi kitne moorkha ban gae ho । geeta mein to bhagvaanuvaach hi kehte hain na । ........ .aur vo geeta padhte-padhte tum kangaal ban gae ho । mukhya to geeta uthaaenge na । geeta ke saath to hai dant-kathaaen unke baal bachche । unmein kuchh bhi hai nahin । agar hota to ye samjha dete na । drama anusaar tum bachche bahut glaani karne lag pade ho । tum bachche kehte hain hamaara dosh kya? baba kehte hain haan barobar ye to theek hai ki tum drama ke anusaar bilkul hi patit ban gae ho । baba kahaan kehte hain ki tumhaara dosh hai, parantu ab to aao na ham tumko paavan banaate hain । ye to theek hai, phir bhi aise hi banenge drama anusaar । haan, barobar tumhaara dosh nahin hai । chalo, baba kehte to kuchh nahin hain na । ye to hona hi hai । tumko tamopradhaan banna hi hai drama anusaar, par abhi aao na, ham tumko satopradhaan banaata hoon । isliye to bhakti ki glaani ki jaati hai na । durgati aur sadgati kaha jaata hai । achha, sadgati mile tab jab koi durgati mein jaave na । to khel hua na । durgati me jaana zaroor hai aur phir baba aakar sadgati ko le jaate hain aur ye phir kehte hai barobar drama mein aise hai । so to likha hua hai- golden ej, silver ej, copper ej, iron ej । satopradhaan sato rajo tamo so to banna hi hai na । to draamaanusaar bane ho na । ye to theek hai । ab phir drama anusaar chalo, raajayog seekho । phir chalo golden ej mein । to purushaartha karna pade na । vo to theek hai । to aise nahin kehte hain ki tumne koi bhool ki hai । nahin । drama anusaar tumko neeche aana hi hai । phir bhi aise aaenge, parantu aave jabki tumko drama ka raaj bataaya hai, aage thode hi aise jaante the । jab drama ka raaj bataaya hai to abhi chalo, baap se varsa le lo । (myujik baja) meethe-meetheh, sikeeldhe lucky gyaan sitaaron prati maat-pita baap-daada ka dil va jaan, sik va prem se yaadapyaar aur good night ।