Sakar murli for Saturday 19 September 1964 - 2

> >

19-09-1964 madhuban aabu raatri murli saakaar baba om shanti madhuban

good evening yeh 19 sitambar ka raatri class hai

isme buddhi ka kaam bahut chaahiye, bahut samajh chaahiye । jaante hain ki barobar maut saamne hai, uske pahle hi baap se apna poora varsa lene ka purushaartha karna hai, kyonki poora varsa koi peechhe nahin mil sakta hai । poora varsa milega hi unko jo karmaateet avastha mein mehnat karke tikega arthaat baap ko yaad bhi karenge aur service bhi karenge । service ke oopar bhi to madaar hai na । vo samjhaate bhi hain to tum kehte ho ki karmabandhan hai, parantu ek hi thappad se heartfail hua, mar gae । phir kahaan gaya tumhaara karmabandhan? yahaan to tum bachchon ko raay dete hain ki tum jeete ji baap ki god mein jaate ho । mar ke tumko koi kaal nahin khaata hai । tum to khushi se achhi tarah se dekhbhaal aur poochhtaachh kar tab tum in baap ko sveekaar karte ho, jab nishchay hota hai ki barobar ye vahi behad ka bada baba hai, jisse hamko srishti ka bada pad milta hai, raajdhaani pad milta hai । abhi aise to nahin hai ki baba kahne se kuchh baat meetha hota hai । baat meetha hota hai, mukh meetha hota hai jab nasha chadhta hai ki hamko baap se svarga ka varsa milna hai । ham bahut padmapti banne vaale hain । yahaan to koi aise saahookaar hain hi nahin । sirf baat ye hai ki doosre janma se lekar ke… so manushya phir kehte hain ki doosre janma mein kya hoga! jo kuchh is duniya mein kaala muh karna hai so kar lo pahle achhi tarah se । to vo samajhte hain ki pata nahin vahaan kaala munh karne ko milega ya nahin milega । vo itni moorkha buddhi hai । samajhte bhi hain ki gora banna hai । baba kaala munh ko gora munh banaate hain, parantu ye samajhte hue bhi dekho.. ...kyonki sanyaasiyon ke liye koi kaale aur gore ka question nahin uthta hai । ye to tumhaare liye hai । tum gaure the abhi saanvare ban gae ho । sirf tum bhaaratvaasiyon ke liye hai । vahaan jo kalpa pahle bane the vahi aakar phir brahman bane hain । braahmanapne se chalte-chalte phir agar shoodra kul me chala gaya to phir ye mara, kyonki brahman kul se ja karke hamko phir daivi kul mein jaana hai । brahman kul mein aakar koi peechhe nahin hatta hai, parantu maaya badi prabal hai । achhe-achhe buddhivaan ki bhi jhat talkie phiraay deti hai । maaya aisi hai । nahin to tum bachchon ko ek to khushi rahni chaahiye, jaise baap hai aananda ka saagar । kyon hai aananda ka saagar? kyonki aananda ka varsa hi vo dete hain । dete hain tab unke oopar naam pada hai ki hamko bahut aananda dete hain । dekho, koi bhi aate hain to kehte hain ki yahaan shanti aur aananda bahut milta hai । is samay mein jo shanti aur aananda milta hai vo phir avinaashi ho jaata hai, parantu hai sab.... । baap to aate hain purushaartha karaane । phir jo karte hain vo koi chhipe nahin rehte hain । jo service par upasthit rehte hain vo chhipe nahin rah sakte hain, unko service bigar baithne sukh nahin aata hai । agar baithenge to muphta apne ko ghaata daal denge । saudaagar agar chup kar baith jaaega to phir kya kamaai kar sakenge! jo baap ka title hai vo tumhaara bhi hai । aise nahin hai ki tumko baba jaadoogri nahin sikhlaate hon । barobar tumko bhi sikhlaate hain, tum khud bhi jaanti ho । kehte hain na ki ye baba hai, ye hamaara bachcha bhi hai to ye jaadoogri ho gai na । bhale baba ki madad milti hai har baat mein । baaki ye to bachche jaante hain ki sabse achhe te achha mandir hai hi somnaath ka । .........to ye kaareegri hai na, manushya se devta banna ye kaareegri hai । to dekho, kaareegri ka ye mandir bana hua hai । kitni kaareegri hai ismen! barobar neeche mandir mein manushya raajayog mein baithe hain, ooparmen raajaai khadi hai । itna simple hai samajhne ka, jo tum jaakar koi ko bhi samjha sakte ho । vahaan mandir mein tum service karo to bahut samjha sakte ho । tum bigar talab koi mandir ke pade ban jaao ekdam । vo brahman log to talab lete hain । tum ek paisa bhi na lo, kyonki yahaan mandir hai khaas । aur koi bhi mandir nahin hai । jagdamba ke mandir mein itna maja nahin hai । ye to ekdam jaise yahaan hai, jhaad ke neeche tum baithe ho । vo bhi baithe hain aur oopar mein dekho । un bachchon ko to kuchh bhi pata nahin hai । mandir bhale kai dekhe hain, ye nahin dekha hai, parantu tumhaare mein se shaayad koi dekhkar gae ho nem nahin ho । kuchh pata nahin tha । abhi to hoobhu tumhaari service ka vo yaadgaar bana hua hai । wonder hai ki tumhaara sthaan.......mandir bhi saamne hai । ye bhi to vichitra baat hui na । samjhaane ke liye bhi bahut sahaj hai । vo kitaab nikaala bhi hai ki vo jad hai, yahaan chaitanya mein baithe ho, parantu yahaan koi bhi vo kitaab baantane vaala nahin hai, kyonki yahaan bhi service karne vaala koi hai nahin । bahut service hai । achha, is samay me bhi koi jaakar unko kitaab deve to bhi unko kuchh samajh aave । vahaan ka jo... hai unko bhi baith karke koi achhi tarah se samjhaave aur buddhi me bithaave to bichaara vo bhi koi ko samjha ke kuchh de ki are bhai, ye to mandir hai jad aur chaitanya. jinka ye yaadgaar hai । to zaroor pujaari so poojya, to sangam hoga na । poojya banne vaale bhi honge aur jiski pooja karte hain vo bhi honge, kyonki pujaari so poojya banne vaala hai, to pujaari zaroor poojya ki seva karte honge, bandagi karte honge । dono sangam par ikatthe zaroor honge, kyonki satayug mein pujaari to koi nahin honge na । to poojya banne vaale hain, vo hain poojya, parantu vo poojya banne vaale to sangam mein honge na । to ye dekho, sangam par baithe ho । vo tumhaare poojya ke chitra hain aur tum ho pujaari । tum barobar in sabke pujaari the । deviyon ke bhi the । abhi tum so khud ban rahe ho । to ye bhi vichitra baat hai ki tum baithe hue ho, parantu yahaan samjhaane vaali, service karne vaala koi hai nahin । koi ko service karne ka dhang nahin aata hai...... kyonki andho ko dikhlaana to hai na buddhiheen andhe jaate hain andar aur tum unko jaakar buddhi dete ho to bichaare wonder khaaenge । kahenge ye to bilkul theek bolte hain । ghusna chaahiye andar, jaana chaahiye । bigar paise tum service kar sakte ho । unko sabki biography bata sakte ho, parantu itne koi sarvisebul bachche hain nahin । baap to direction denge na । abhi aisi jagah mein mama to nahin jaaegi, baapdaada bhi nahin jaaenge । jaaenge to bachche hi jaaenge, parantu itna bachchon me koi shauk hai nahin । itna vishaal buddhi vaala agar hota bhi hai, to pichhaadi me grahchaari bhi to hai na । kamaai mein grahchaari bahut hai । kabhi avastha ko achha dekho, kabhi madhyam dekho, kabhi kanishtha dekho, phir kabhi achhi dekho । vo grahchaari bhi bahut aati hai । yuktibaaj chaahiye, ramajbaaj chaahiye is service par । dekho, isliye baap ko bhi ramajbaaj kehte hain na । to aa karke shaktiyon ko ramajbaaj banaate hain । maan ooncha karte hain, parantu shaktiyaan bhi koi achhi tarah se jaagen । auron ko kehte hain na ki kumbhakran ki neend mein, to apan sab bhi to neend mein soe pade the na । jagaaya hai kislie? auron ko jagaane ke liye । nikal jaaega koi aur koi naya achha paida ho jaaega । (myoojik baja) maat-pita va baapdaada ka meethe-meethe sikeeldhe bachchon prati yaad-pyaar, good night ।