Sakar murli for Tuesday 22 September 1964 - 1

> >

22-09-1964 madhuban aabu praatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj mangalvaar septembar ki baaees taareekh hai, praatah class mein baapdaada ki murli sunte hain।

record :-

dheeraj dhar manva dheeraj dhar, tere sukh ke bhare din aaenge. …

omshaanti । kisne kaha aur kisko kaha? kyonki jo bhi abhi baap baithkar samjhaate hain so bhaktimaarga mein ye gaaya jaata hai । to ye bhi aise hi hai ki jab baap aate hain, jisko parampita paramatma kehte hain, vo hi aakar dheer dete hain, aur to koi dheer de nahin sakte hain, kyonki sukh ke din to aaenge hi jabki baap aaega aur sukhdhaam le jaaega । ye to hai hi duhkhadhaam । duhkhadhaam se sukhdhaam le jaane vaala to hai hi baap । vo to gaayan bhakti ka hai, kyonki ye sabhi bhakti ke geet hain । yahaan baap baitha hua hai, vo bolte hain ki bachche, tum jaante ho, bachchon ko kahne ki darkaar nahin padti hai । ye to bachche achhi tarah se jaante hain ki hamaare sukh aa rahe hain । ham sukh ki raajdhaani svayan sthaapan kar rahe hain shreemat par । isko kaha jaata hai divine mat । do mat hoti hai na । ek hoti hai divine mat, ek hoti hai undivine mat । divine mat sirf ek ki hoti hai, jisko kaha jaata hai shreemat । undivine mat maana aasuri mat । to aasuri mat aur shreemat । in aasuri mat aur shreemat ko bhi to tum samajhte ho । undivine mat aur divine mat । angreji mein divine samajhte ho? patit mat aur paavan mat । divine kaha jaata hai paavan ko, undivine kaha jaata hai patit ko । ye to hai hi patit duniya । ismen paavan mat vaala to koi hai nahin, kyonki paavan mat vaala to sirf ek hi hota hai, jisko patit-paavan kaha jaata hai । patit-paavan ko to is samay tak bhi bahut hi yaad karte hain; kyonki patit duniya hai to yaad karte rehte hain । agar paavan duniya hoti to phir yaad kisko karte? koi bhi yaad nahin karte ki patit-paavan aao । yaad karte hain to zaroor ye srishti patit hai, koi bhi paavan ho nahin sakta hai । paavan srishti satayug ko kaha jaata hai, patit srishti kalhayug ko kaha jaata hai । jab talak divine father na aae tab tak patit srishti paavan nahin ho sakti hai । yahaan to sabhi hain undivine । kalhayug hai hi patit yug । to vo kyon aaenge? patit kalhayug ko paavan satayug banaane । divine to yahaan bahuton ko kehte hain । yoon to divine agar kahen to kanyaaen bhi divine hain । paavan hai na । kumaar bhi divine hain yaani paavan hain; parantu nahin, phir patit zaroor banne ka hai yaani vikaar se janma zaroor lene vaale hain yahaan । isliye is vikaari duniya mein koi bhi divine nahin hota hai । divine hamesha kaha jaata hai nirvikaari ko । barobar nirvikaari to hote hi hain nirvikaari duniya mein । usko kaha hi jaata hai viceless duniya yaani sampoorn nirvikaari duniya । to jabki sampoorn niryikaari duniya hai, to zaroor sampoorn vikaari duniya bhi hogi । usko kahenge samyoorna undivine duniya, phir usko kahenge sampoorn divine duniya । to bachche jaante hain ki sampoorn divine duniya to kaha hi jaata hai satayug ko । sampoorn nirvikaari to hote hi hain satayug mein । kaliyug mein to ho hi nahin sakte hain । tum bachche abhi jaante hain tumko dheeraj aaya hua hai । tumko dhairyavat kisne banaaya hai? divine father ne, kyonki bahut manushya sabko mahaatma kah dete hain । mahaatma ka arth hi nikaalte hain divine jeevaatma । jeev to zaroor kahenge na, sirf divine aatma nahin kah sakenge । divaainaaatmaaen to sirf ya to apni niraakaar duniya mein rehti hain va to phir satayug mein rehti hain । divine manushya jinko kaha jaata hai pavitra manushya, vo to pavitra duniya mein hi honge । ye to hai hi apvitra duniya । isse siddha hota hai ki apvitra duniya ko pavitra banaana vo to us niraakaar divine father ka kaam hai, jo kabhi bhi vikaari hota hi nahin hai । ye to tum bachchon ko maaloom hai aur tum bachchon ko dheer to milta hai ki bachche, abhi to satayug aa gaya hai, vo to tum bachche jaante ho; parantu jinko duhkh hota hai vo samajhte hain ki baba hamko duhkh se chhudaay, jaldi sukhdhaam mein le chale; parantu nahin, dheer dharna padega । drama anusaar samay lagta hai kisko bhi sukhdhaam le jaane ke liye ya sukhdhaam sthaapan karne ke liye । phat se to nahin duhkhadhaam vinaash ho aur sukhdhaam sthaapan ho jaaega । time lagta hai na । dekho, tumko kitna time laga hai । time to lagega na । ye saari patit srishti kitni badi hai, unmein bhi jabki tum log laayak bano na । tum log jaante ho, apne andar se poochho to tum khud hi kah denge ham abhi poore laayak nahin bane hain svarga mein jaane ke । kuchh na kuchh naalaayki zaroor honi chaahiye aur hogi । agar naalaayak se laayak ban jaave to karmaateet avastha ho jaave; parantu dehaabhimaan hone kaaran koi-koi samajh baithe hain ki ham to laayak hain । ham to sampoorn ban gae hain । hamko to phir shreemat ki bhi darkaar nahin hai । apan ko shreshtha samajh lete hain । isliye phir unko yaad bhi nahin karte hain; kyonki yaad karne se hi to manushya shreshtha banenge na । koi bhi aisa bachcha nahin hai, jo kah denge ki ham abhi nirantar baap ko yaad karte hain । aisa koi bhi nahin hai । koi bhi andar mein bhi apne ko na samjhe ki ham yaad mein nitya rehte hain । yaad mein nitya rahe to aur kya chaahiye । samjho ki koi ek din yaad mein rah liya saara din phir to karmaateet avastha ho jaave । nahin, bada mushkil hai baba ki yaad mein rehna । to baap baithkar samjhaate hain ki bachche, ye to tum jaante ho ki barobar ham purushaartha hi kar rahe hain sukhdhaam mein jaakar apna raajbhaag lene ke liye । koi to raajbhaag lene ke liye purushaartha karte hain, koi to vahaan sukhdhaam mein jaane ke liye purushaartha karte hain । koi em-object nahin rehti hai, kyonki shreemat nahin samajhte hai । ham apne dil ke andar dekhta hoon ki hamaare mein to vikaar hai । hamaare mein to abhi bahut kamiyaan hain । ham to abhi kah hi nahin sakenge । ham to itna pad pa bhi nahin sakenge । ham to itni daudi bhi nahin pa sakte hain । kaun si daudi? nirantar yaad ki daudi । tumhaari yaatra bhi to yahaan hai na । yahaan aise nahin hai ki koi apne ko miyo mitthu samajhkar baithe ki main sampoorn ho gaya । nahin । sampoorn rehte hi hain shivaalay mein । jab sampoorn ban jaaenge to phir ham shivaalay mein jaaenge । shivaalay kaha hi jaata hai satayugi duniya ko । mandir ya tikaane mein sirf ek nahin rehte hain- shiv ka mandir ya lakshmi-naaraayan ka mandir । nahin, yahaan to saara shivaalay banta hai jismen lakshmi-naaraayan ka raajya hota hai । ek shivaalay mein lakshmi-naaraayan ka raajya । mandir mein raajya to nahin karte hain । jab satayug ko shivaalay kaha jaata hai, unmein sabhi devi-devtaaen raajya karte hain । peechhe pooja ke kaaran vo jo mukhya hain lakshmi-naaraayan ya phalaana ek; kyonki sabka toek hi baat ho jaaegi na । lakshmi-naaraayan ka chitra banaao to ek hi baat ho jaati hai । to zaroor pooja hoti hai, so to zaroor pooja pahle ki hi hogi । to barobar lakshmi-naaraayan ki pooja hoti hai । to abhi vo mandir baandh hai kyonki jad hai na (to) baandh hai । jaise chaitanya raajdhaani sthaapan karte hain to ise saara vishwa kahenge, bhale hai bhaarat mein, parantu jab bhaarat mein hain, tab hain to vishwa ke maalik na, kyonki doosra koi raajaai hai nahin, akela hai । tum jaante ho ki abhi ham apne liye akele phir se apna raajya sthaapan kar rahe the । kaun sa raajya? divine raajya । ye sabhi hain undivine । vo hua paavan raajya । to paavan raajya mein jaane ke liye pahle to paavan banna chaahiye na । usmein bahut mehnat karni padti hai, achhi mehnat rehti hai; kyonki jahaan jeena hai tah ye yaad bhi rakhni hai aur ye gyaan ki varsha bhi hoti rahni hai । bhinna-bhinna; prakaar se ye samjhaaya jaata hai । baaki yahaan divine to bahuton ko kah dete hain । shri lakshmi-naaraayan ke sivaay yahaan jo bhi hokar gae hain unko kah sakte hain । baaki yahaan ke logon ko to koi divine kah nahin sakte hain; kyonki jab treta mein maaya aa jaati hai to phir diveeniti kahaan se aaya? tum bachche jaante ho ki sanyaasi rehte hain, parantu kis duniya mein hain? patit duniya mein hain । barobar sanyaasi to vikaar se paida hote hain । vo jaante bhi hain ki ye naagin hai, phir chhodkar jaate hain । phir bhi usi naagin dvaara hi to unko janma milta hai । kahaan jaaenge! ye thode hi unko kuchh magaj mein baithta hai ki naagin kahkar chale jaate hain ye sanyaasi shankaraachaarya ke । to vo samajhte hain ki vo bahut achha karke gaya । kaun kehte hain nahin achha karke gaya? unhonne aa karke to ye sanyaas dharma sthaapan kiya to barobar bhaarat mein achha kaam kiya; isliye unki mahima hai; parantu aise to nahin hai ki achha kaam kiya to achha kaam unka thahra raha । achha kaam unka kiya hua phir bura ho jaata hai । dekho, baap ka achha kartavya kiya hua tumko svargavaasi banaane ke baad phir bhi to vo narkavaasi ban hi jaate hain । vaise vo bhi aise hi hai; parantu unko ye knowledge ka to pata nahin hai na ki shankaraachaarya kahaan hain । unki jo sanstha hai, jo taari hai vo bhi puraani to banegi na । gaaya to jaaega na ki barobar shankaraachaarya aae the aur bhaarat ko patit se paavan. ....dharma sthaapan kiya tha, abhi bhi hai । barobar unki mahima hoti hai । to jo bhi sanyaasi hain unki mahima hai । vivekaananda, raamteertha ye kyon gaae jaate hain? kyonki ye shankaraachaarya ke hi pichhaadi vaale hain, jo phir aate rehte hain; kyonki jo nae-nae achhe powerful beech-beech mein aate hain vo apna show karte hain । to unka show hota hai barobar, parantu vo rahe kahaan pade hain? ye to vaishyaalay hai, usmein rahe pade hain । isko shivaalay to nahin kahenge na । shivaalay naam hi pada hai shiv ka sthaapan kiya hua svarga ya satayug । abhi is baat ko aur koi bhi manushya to bilkul hi jaante nahin hain, kyonki yahaan to samajhne ki baaten hoti hain na । pahle koi samjhe । yahaan aa karke koi baith jaaega to bichaara kuchh bhi nahin samjhega । isliye saat roj em-object samjho, peechhe baith sako । aise koi bhi padhaai ke liye aisa nahin kaha jaata hai ki saat roj baitho, peechhe injeeniyring college mein baithna । saatroj samjho aur peechhe koi medical college mein baithna hai, bairistari mein baithna hai ।.... yahaan lakshya diya jaata hai ki pahle pahleto father ko samjho । father ko samajhne bigar, tum father ke aage baithkar samjho, kyonki tum bachche ho na । baap bhi kehte hain main to bachchon ki seva karne aaya hua hoon na । kaun se bachche? jo kalpa pahle vaale the । abhi mujhe kaise maaloom pade ki ye kalpa pahle vaale hain? jab talak ki vo samjhe, buddhi mein baithe tab unko kaha jaae ki haan, aao, aa karke bhale aaj samjho; kyonki samajh gaya । baba poochhte hain - kahaan tak nishchay hua hai? poochhna to hota hi hai na । ye koi aise gaamtu satsang to nahin hai na । doosre satsang mein jo baithte hain vo jaante hain ki ye mahaatma hamko geeta sunaate hain, ye mahaatma hamko ved sunaate hain, ye mahaatma hamko phalaani cheej sunaate hain । yahaan tum jaante ho ki yahaan koi mahaatma hai nahin । yahaan to hamaara baap hai, vo baithkar bachchon ko samjhaate hain । to pahle jab nishchay ho jaae ki padhaane vaala kaun hai tab talak kya pata padega । vahaan maaloom hota hai na ki ye hamko geeta sunaate hain, ye hamko ved sunaate hain, ye hamko raajvidya padhaate hain । yahaan kya hota hai? yahaan to unmein se koi bhi cheej nahin hai । na koi shaastra ki, na vedon ki, na koi padhaai ki । ye to tum jaante ho ki baba padha rahe hain in dvaara । abhi aisa to koi satsang ho nahin sakta hai na । to jab talak ye na samjhe ki padhaane vaala kaun hai, kya padhaate hain to yahaan aakar kya karenge? phir ghutka khaate rahenge ya andar mein unke vibrations gande nikalte rahenge, to vaayumandal kharaab kar denge; kyonki baba samjha rahe hain ki yahaan bhi jo baithe hue hain so sabhi aise nahin hain baba ki yaad mein baith karke sunte hain ya yahaan baithe hue koi samajhte hain ki barobar shivbaaba brahma dvaara hamko padha rahe hain । ye nahin samajhte hain । yahaan bahut baithne vaale hain; parantu vo puraane to aa gae hain na । to vo samajhte hi nahin hain । vo kab samajhne vaale hi nahin hain । hamko shivbaaba padhaate hain, kya padhaate hain, kyon padhaate hain, vo nahin samajhte hain । yahaan bahut hain । baba abhi bhi kehte hain, bhale hi 20 varsha bhi ho gae hon, to bhi nahin samajhte hain ki hamko shivbaaba padhaate hain । ye bada mushkil hai jo yahaan bhi aise samajhte hain yathaartha reeti se; kyonki yadi padhaane vaala yathaartha reeti buddhi mein ho to unko to saara din student life mein buddhi mein pada rehna chaahiye ki barobar ham student hain aur phalaane ke hain aur hamko ye ye directions dene vaala hai । vo to bhool jaate hain bahut hi । nambarvaar purushaartha anusaar hai zaroor, kyonki ye to khud baap hi kehte hain ki mujh apne padhaane vaale ko. ... । stradent hoon baap bhi hoon guru bheehoon । to teenon ko ikattha yaad karne ki mehnat padi hai । vo to har ek manushya ki buddhi mein hai ki hamko pahle baba milta hai, phir teacher milta hai, phir guru milta hai; par alag-alag milte hain । to alag-alag yaad karte hain ।.. .ek hi ko yaad karna pade alag roop mein aur phir hai bahut sahaj, parantu maaya yaad nahin rakhne deti hai । ghadi-ghadi buddhi ka yog tod deti hai । tum bachche barobar baithte honge aur try karte honge । baba thode hi kehte hain ki nahin try karte honge । dekho, hamaara darji baitha hai vo sardaar । vo bhi koshish karte honge ki main bhala masheen bhi chalaaoon, jo hamaara sachcha baba hai unko yaad bhi karta rahoon to purushaarthakrenge । chalo baithkar ye makkhan nikaalte hain । vahaan to koi takleeph ki baat nahin hai, koi bhi hangaamen ki baat nahin hai । vahaan bhi baithkar shivbaaba ki yaad mein ki baba, main yagya ke liye makkhan nikaal raha hoon । are, baat mat poochho । kitni khushi ki baat hoti hai । baba main yagya ke liye bhandaara bana raha hoon। jo bhojan banaati hai vo sirf yahaan khyaal mein rahe ki baba, ham aapki seva mein yagya ke bachchon ke liye bhojan banaati hoon । yaad to karke dikhlaaye, kitni mehnat lagti hai । ghadi-ghadi bichaari bhool jaaegi । bhool jaaegi to phir purushaartha karna pade । to ek-do ko purushaartha karne vaala chaahiye, jabki ek- do jaisa hove, jo kahe ki shivbaaba ko yaad karke banaati hoon kyonki shivbaaba ko bhojan lagne vaala hai va braahmanon ko bhojan lagne vaala hai । isliye shivbaaba ki yaad mein banaaengi, peechhe to unmein badi taakat aa jaaegi । chalo, ham aur tum, donon baithte hain shivbaaba ki yaad mein । ghadi-ghadi ek -do se poochho । tumko agar vo yaad ka mile na, to tumhaari avastha bahut hi achhi ho jaave; parantu drama mein hai nahin ।.....brahma bhojan ki bahut mahima hai । kehte hain ki devtaaon ko bhi brahma bhojan ki dil hoti hai, jisse ye bane hain । vo to aise hi likh diya hai । ki devtaaon ko bhi brahma bhojan ki dil hoti hai । so abhi tum jaante ho ki devtaaen brahman so hi phir devta bante hain । kisse? ye pavitra bhojan khaane se । pavitra bhojan koi ko milta thode hi hai । sanyaasiyon ko pavitra bhojan milta hai kya? vo to ghar mein aakar ke banaate hain । to is bhojan ki kitni mahima hai, parantu jabki aise mile । jabki ye shaktiyon ka aisa bhandaara ho; parantu shaktiyon ko bhi ye pata to nahin hai na । agar shaktiyon yog mein rahkar banaave to bahut shakti mile । vo bhi jab shaktiyon ki buddhi mein aae । vo bhi shaktiyon ke buddhi mein nahin hai । nahin to uske oopar purushaartha kare bahut achhi tarah se । baba baar-baar samjhaate rehte hain । dil to hoti hai ki apne haath se banaaven । hamko kahaan milega? barobar baba kehte hain ki agar main bhi baithkar banaaoon shivbaaba ki yaad mein, main purushaartha karta hoon । isliye main kabhi-kabhi kehta hoon ki apne haath se banaao, parantu banaate-banaate bhool jaate hain, parantu banaate practice karte-karte yaad bhi aa sakti hai । to dekho, practice kitni badi hai । koi mushkilaat ki to baat nahin hai na । baba challenge dete hain ki jo bhi bhandaare mein hain, tum sab koshish karo; parantu nahin, bhandaare mein yaad to kya ek din bhi kabhi yaad nahin, ek ghanta bhi kabhi yaad nahin padta hai । vo kya itna samay yaad karengi? agar yaad vaali ho, gyaan vaali ho to badi service mein lag jaae । unko yahaan sukh nahin aae । yahaan bhi bahut hain, kinko bhandaare ke liye bolo to kahengi - mujhe ye bhi to service karni hai, main sirf bhandaare mein thode hi rahoongi, sthool kaam thode hi karoongi । main to apna bhi kalyaan karoongi na, kyonki jab talak koi ko aap samaan na banaave, kaante ko phool na banaaye tab talak vo kya kar sakti hai । kuchh bhi kaam ke nahin hain । vo to koi raajaai ke laayak hi nahin ban sakte hain । raajaai ke laayak to vo hi bante hain jo aap samaan banaaven, nar ko naaraayan banaave, naari ko lakshmi banaane ka purushaartha kare । khaana dene se thode hi vo nar se naaraayan bana sakte hain । ye to sabka part hai alag-alag । jojitna jiski takdeer mein hai vo apna takdeer paate rehte hain purushaartha se । baaki purushaartha ke liye to baap sabko kehte hain । bhandaari ko kehte hain, phalaane ko kehte hain, jitna karenge, jo karenge, apne most beloved baap ko jitna yaad karenge... .. sabka hai na । ye apni yaad samjhaate rehte hain, main kitna yaad karne ka upaay karta hoon, parantu dekha jaata hai ki ho nahin sakega aur na ho sakta hai, isliye purushaartha chhodna nahin hota hai, parantu buddhi kehti hai ki mehnat bahut karni padti hai । karte-karte pichhaadi mein aakar koi ki poori oonchi avastha ho tab karmaateet avastha praapta kare । peechhe vo avastha aaegi to phir bahut shubh saakshaatkaar bhi karte rahenge, phir maaya nahin aaegi । pichhaadi mein jab tum is avastha me pahunch jaaenge to ye jo teleevijan hai na..........tum yahaan baithe-baithedivya drishti mein ja karke sab kuchh dekhenge । teleevijan koi divya drishti nahin hai । vinaash ke saakshaatkaar teleevijan mein dikhaae jaate hai? teleevijan me vaikuntha dekhne mein aaega? tum to unarne bahut teekhe ho, jinko koi bhi jaante nahin hain । so jitna-jitna jo yogi rahega, gyaani rahega aur jo achhi tarah se mehnat karega unko apni divya drishti se ghadi-ghadi; ye vaikuntha dekhne mein aaega, kyaakya dekhne me aaega, raajdhaaniyo dekhne me aaegi । tum yahaan baitho to bigar koi teleevijan rakhe tum jarmani-lakkhan, kaise vo jalte hain, kaise bombsa phenkate hain, vo dekhte rahenge । unmein teleevijan ki koi darkaar rehti hai kya! nahin । teleevijan se bhi jyaada tumhaari divya buddhi, divya chakshu ye saakshaatkaar karegi । ye wonderful hai । so to zaroor baba ne samjha diya hai ki jojo mehnat vaali hongi, achhi tarah se baap ki seva me upasthit hogi sachchi dil se, sirf gapode nahin, sirf panditaai bhi nahin । panditaai ka to baba ne sunaaya tha na । panditaai nahin, poori haddi । to phir unko ant mein maja hai aur buddhi bhi kehti hai barobar ham jitna-jitna achhi tarah se rahenge to itna ham saakshaatkaar achha karte jaaenge । baba hamaari khaatiri bhi bahut karte jaaenge । ye to baba ki khaatiri hai na - ghumaana-phiraana ye sab kuchh baahar ke drishya dikhlaana jo divya chakshu dete hain ki bhale ye dekho । to aisa banne ke liye bhi to laayak banna chaahiye na । ye to samajhte hain ki kitne naalaayak se kitna laayak bante hain । baat mat poochho । jo banaane vaale hain unko yaad karne se hi laayak bante jaate hain । abhi baap kehte hain mujhe yaad karne se tum bahut laayak banenge । in jaise laayak banenge । yaad se tumko varsa zaroor yaad aana chaahiye pakka-pakka । to bas, jitna tum yaad karenge to svadarshan chakra aape hi phirega । beej ko yaad karenge to jhaad bhi to zaroor yaad padega aur drama ko yaad karenge to saara chakra tumko yaad padega । jitna jo karega utna vo apne liye apne pair par khada rahega । dekho, sukh ki kitni lambi rassi hai । koi bhi nahin samajh sake sivaay tumhaare । barobar yahaan ham apni itni milkeeyat ikatthi karte hain is yaad aur gyaan se । isko yog aur gyaan kaha jaata hai । jo vahaan bhi hamko maaloom nahin padega ki ye sukh hamko kaise mila । bhale vo kahenge ki inko phalaane se baadshaahi milti hai, parantu unko vahaan maaloom thode hi hai ki hamaari sangamayug par ki hui koi kamaai hai jo ham abhi bhogte hain । bas vahaan raajaai jaise mil jaati hai aur tum sada sukhi rehte ho । badi manzil hai । tum abhi divine bante ho । duniya to saari undivine hai । divine se diviniti devta banteho । manushya se devta banaane vaala koi manushya thode hi ho sakta hai । manushya ko devta banaane vaala ek god father hai । father kehna to bahut hi sahaj hai । anekon ko father kah dete hain । buddha dekhenge to pitaashri aap kahaan jaate ho, aise bhi kah denge । shri-shri to sabke mukh me hai hi aajkal । buddha dekhega to unko pita kahega । vo bachcha samjhega aur vo bhaai samjhega । buddha buddhe ko dekhega to vo bhaai samjhega । chhota, bade ko dekhega to baap samjhega । ye to common baat hai, parantu inkeerporiyal father ka to kisko bhi pata nahin hai । sirf kahne maatra kah dete hain O god father, O parampita bas, itna kah dete hain । ye bhi buddhi me rehta hai ki vo niraakaar hai, parantu vo nahin samajhte hain ki ham aatmaaen hain aur hamaara vo baap hai । baap kehte hain to zaroor koi vakta mein vo varsa deta hoga । kaun sa varsa deta hoga kuchh pata nahin padta hai । abhi to tum jaante ho na buddhi mein aata hai ki hamaara baap, jisko ham pukaarte the, vo abhi yahaan hamko varsa de rahe hain । aage jo ham inko baar-baar pukaarte the isi varse ke liye, praarthana karte the । ab praarthana ki to darkaar nahin hai । abhi dekho padha rahe hain । abhi praarthana karne se tum chhoote yaani bhakti se । to ye bade maje ki knowledge hai । dekho, kehte bhi hain ki aap hamaare vo hi behad ke baap ho । achha, phir hamko chhodte kyon ho? phir tum us laukik baap ke paas kyon jaate ho? agar bandhanmukta ho to । bandhanmukta bhi to bahut hain na । kanyaaen to bandhanmukta hain na । abhi dekho, naanki baithi hai, bandhanmukta hai na । bhale yahaan thi, phir ye chali gai kaarne akaaran । abhi poochhta hoon ki bhagwan tumhaara kya lagta hai? kahegi behad ka baap hai । kya milta hai inse? svarga ki baadshaahi milegi । haan, abhi ye samajhti hai ki ham svarga mein jaaengi zaroor, parantu baadshaahi nahin milegi । baadshaahi tab milegi phir jab ye baba ke paas aakar baithegi । to dekho, buddhi kya kehti hai? ye thode hi kehti hai ki....baba ke paas koi duhkh to hai nahin । hai koi duhkh kisko? kuchh bhi duhkh nahin hai । phir bhala kyon nahin pakadta hoon । phir vo bolta hai ki kya karoon, takdeer mein nahin hai । haan ye baat to theek hai । ab kya karen? khud hi koi kahe ki meri takdeer mein ye raajayog ki raajaai nahin hai, abhi baba kya kare? kyon nahin apni takdeer banaati ho? tumko koi mana to nahin karte hain । takdeer banaane koi lag jaave to unko koi mana karne vaala hai nahin । to dekho takdeer me na hai to aise baap ko phir chhod dete hain । hai na wonderful! ye kaun chhudaate hai inse? ye mutthi maaya billi । mutthi maaya billi buddhi mein itna ghotaala daalti hai, jo mukh se kehte hain, phir kaaran poochho to kuchh kaaran nahin । main misaal deta hoon । ye ek bachchi to nahin hai, yahaan to bahut hi hain । bhala kyon nahin achhi tarah se baap ko yaad karte ho, to tumko bahut achha varsa milega । kehte hain- baba kya karen? maaya billi hai । maaya billi hai to maaya billi karte hi rah jaaenge na । nahin, maaya billi par jeet pahanni hai । purushaartha karo । ek-do ko ghadi-ghadi yaad dilaate raho । jaise ek do baithe hain, masheen chalaate hain to yaad dilaao - shivbaaba ko yaad karte ho? to yaad aa jaave, kuchh na kuchh phaayda ho jaave । vikarma vinaash ho jaaega । 5 minute bhi yaad kiya, 2 minute bhi yaad kiya, 1 minute bhi yaad kiya uph! bada phaayda mil gaya, jama ho gaya । to ek- do ko bhi agar baithkar saavdhaani den to bhi bahut hi phaayda haiprantu nahin dete hain, bhool jaate hain । nahin to pati aur stri ke liye kyon kaha hai ki grihastha-vyavhaar mein rahkar... ek-do ko saavdhaan karo । .saavdhaan karo, phir koi maane ya na maane............ kehte raho । baba yuktiyaan bahut bataate hain ki ham dhyaan mein jaate hain, divya drishti mein raat ko jaate hain । mujhe svapna aate hain, usko hi dhyaan kahenge । krishna ke liye hi kah deve ki kehte hain kaam shatru hai, ise jeeto to meri krishnaapuri mein chali aaengi । phir ham krishnapuri mein jaaengi ya kansapuri mein rehti rahengi । bas, aisi-aisi baaten karo । tum bhi unko yaad karo to tum bhi krishnaapuri mein chalenge । peechhe bhale krishna ka naam do, phir aahiste-aahiste batla dena । jaise abhi baap batlaate hain na । aage shiv ka ling bolta tha । abhi bolta hai ki nahin, vo star hai । vaise hi unko bhi yuktiyaan bataao ।yuktiyaan chaahiye । bachchon ko yuktiyaan to bahut hi samjhaate hain ki ye yuktiyaan । yuktiyaan rachne se koi na koi prakaar se madad mil jaaegi । yukti par chalo to sahi । dil saaph hona chaahiye to muraad haasil । achha, bachchon ko time hua । ............padhaai bhi kuchh jaasti nahin hai, bilkul hi sahaj padhaai hai । drama ko yaad karna, jhaad ko yaad karna, ant mein bhi to yahaan... । baba koi ko na samjhaaye; parantu unki buddhi mein to hai na । baba kehte hain meri bhi buddhi mein beej aur jhaad ka gyaan hai to sahi na । hai to zaroor na, samjha sakta hoon । to tumhaari buddhi mein bhi saara gyaan hona chaahiye jisse samjha sako । agar saara gyaan hai to barobar tum achhi tarah se pad paaengi; parantu service karengi to oonch banengi; kyonki sirf buddhi mein hai aur kisko daan nahin dete ho to phir kaanton ko kaliyaan kaise banaaegi । vo bhi to service karenge । service first । kahaan bhi rahen, beemaari mein rahen to bhi । jo beemaar hospital vaali maaiyaan aati hain na, baba ke paas baithkar bahut beemaar padti hai to unko apne oopar mohit kar lete hain ।..... .koi to aise hain, jo uthte baithte chalte phirte sote beemaar padte service kar sakti ho, itni sahaj hai । koi bhi aate hain to unse ham ye bhi poochh sakte hain ki jara ye to bataana ki patit ho ya paavan ho? kyonki sab koi kehte to hain na ki patit-paavan aao । bolo- dekho, gaandhi ji bhi kehte the ki ham patit hain, he paavan banaane vaale aao। paavan duniya to satayug ko hi kahenge । ye to kalhayug hai, patit hai । to ye hai hi patit ko paavan banaane ki inkreetayooshan । tum patit ho na to call in time mein saat roj tumko baithna padega । ye beemaari hai aadha kalpa ki to tumko saat roj to yahaan baithna padega । baith sakte ho yahaan? yahaan ka kaayda hi aisa hai । doosri baat hi kyon poochhna । koi bhi aane se yahaan yuktiyaan hain । darne ka nahin hai ki ye bada aadmi hai, miliyner hai, phalaana hai । likhe, to unko likhne se hi tumko ekdam patit siddha kar dena hai । tum poochh bhi sakte ho, patit ho ya paavan ho? agar paavan ho to yahaan kyon aae ho? paavan ko to yahaan aana hi nahin hai । paavan ko to paavan duniya mein rehna hai । tum yahaan kahaan dekhne mein aate ho? ye to patit duniya hai na । godhi saadhu sant vagairah kehte hain ki ye patit duniya hai । tum paavan ho to yahaan kyon aae ho? tumko kya chaahiye, jaao yahaan se, bhaago paavan duniyaamen । paavan duniya do hai- ek jeevanmuktidhaam aur nirvaandhaam । taakat hai to vahaan chale jaao । bahut yuktiyaan hain jo ekdam koi ka maatha kharaab kar deven । ....form bharaane vaala khud bada yuktibaaj chaahiye । form bharaateunko chakit kar deve ki ye sirf servant hai jo bharaate hain, agar ye aisa samjhaane vaala hai to inke bade kaun honge! to aise nahin hai ki koi lallu-panju ja karke form bhara sakte hain । tum bahut lucky ho, ye kisne kaha? shivbaaba kehte hain - tum bahut lucky ho । sachpach main kehta hoon tum mere se bhi lucky ho; kyonki tum svarga ka maalik bante ho, to lucky ho na । main to svarga ka maalik bhi nahin banta hoon । tabhi kehte hain beloved most lucky children kyonki vo jo baap hote hain vo to sukh-duhkh dekhkar, phir bachchon ko bhi dete hain । ye to bolte hain main na sukh dekhta hoon, na duhkh dekhta hoon । dekho, kitna wonderful hai! isliye kehte hain, mere sikeeldhe beloved most most lucky sitaare । abhi barobar ye bhi samjhaate hain ki most lucky sitaare samajhte ho? dekho, sitaare hain na, unmein lucky kaun hai? jo jaasti chamakta hai । unki mahima hai, ye dhruv taara hai, ye phalaana taara hai । ye bolta hai ki ham star ke oopar jaaenge । ye bhi likhte hain । tum akhbaar nahin likhte ho । kai scientist likhte hain na । kabhi bhi koi pahunch nahin sake । ye to bolte hain ki abhi kyaartar raste par bhi nahin aae hai । ye jo jaate hain vo quarter raste par bhi nahin pahunche hain । are, vahaan kaun ja sakte hain । ye to bada door hai, bilkul door hai, asambhav hai koi pahunch sake, aise bhi likhte hain, jo phir teekhe-teekhe science vaale hain; kyonki koi bhi pahunch nahin sakte । itna ooncha ja nahin sakte; parantu isko science ka ghamanda hai na । ye ashuddha cheej ka ati ghamanda vinaashakraata hai । ghamanda hai na jo ye airoplensa nikaale hain । is ghamanda se nikle hue unheen airoplensa se musaaphiri karte hain aur unheen airoplensa se ye vinaash karne vaale hain । musaaphiri ke liye bhi alag airoplensa bante hain, to badi-badi topen aur bombsa lene ke liye bhi bade-bade airoplensa bante hain । vo kaise teekhe hain, unmein musaaphiri nahin ki ja sakti hai, jinmen ye bombsa le jaate hain ya jinke pichhaadi padte hain । phir dekho, ek taraph mein sukh, ek taraph mein ati duhkh । sabko bhi kitne dar dete hain । tumko to ek chatki mein khalaas kar deve । jaise baba kehte hain na, chatki mein jeevanmukti, vo kehte hain chatki mein vinaash; parantu tum bachche akhbaaren nahin padhte ho, koi mein bhi shauk nahin hai । koi-koi hain jo padhte hain, unmein se samjhaane ke liye kuchh matlab bhi nikaalte hain aur akhbaar padh karke risponda bhi bahut kar sakte hain; parantu in bachchon ko itni vishaal buddhi, doorandeshi buddhi, itni mehnat maaya billi karne nahin deti hai । achha! meethe-meethe sikeeldhe lucky gyaan sitaaron prati maat-pita, baapdaada ka nambarvaar purushaartha anusaar yaadapyaar aur good morning ।