Sakar murli for Saturday 11 January 1969

20-01-2026 (11-01-1969) praatahmurli om shanti "baapdaada"' madhuban

om shanti। baap baith bachchon ko samjhaate hain kyonki yeh to bachche samajhte hain besmajh ko hi padhaaya jaata hai। ab behad ka baap oonch te oonch bhagwan aate hain to kisko padhaate honge? zaroor jo oonch te oonch bilkul besmajh honge isliye kaha hi jaata hai vinaash kaale vipreet buddhi। vipreet buddhi kaise ho gaye hain? 84 laakh yoniyaan likha hua hai na! to baap ko bhi 84 laakh janmon mein le aaye hain। kah dete hain paramatma kutte, billi, jeev-jantu sabmen hai। bachchon ko samjhaaya jaata hai, yeh to second number point deni hoti hai। baap ne samjhaaya hai jab koi naya aata hai to pahle-pahle unko had ke aur behad ke baap ka parichay dena chaahiye। woh behad ka bada baba aur woh had ka chhota baba। behad ka baap maana hi behad aatmaon ka baap। woh had ka baap jeev aatma ka baap ho gaya। woh hai sab aatmaon ka baap। yeh knowledge bhi sab ekras nahin dhaaran kar sakte hain। koi 1 percent dhaaran karte hain to koi 95 percent dhaaran karte hain। yeh to samajh ki baat hai। sooryavanshi gharaana hoga na! raaja-raani tatha praja। yeh buddhi mein aata hai na। praja mein sab prakaar ke manushya hote hain। praja maana praja। baap samjhaate hain yeh padhaai hai। apni buddhi anusaar harek padhte hain। harek ko apna-apna part mila hua hai। jisne kalpa pahle jitni padhaai dhaaran ki hai utni ab bhi dhaaran karte hain। padhaai kab chhipi nahin rah sakti। padhaai anusaar hi pad milta hai। baap ne samjhaaya hai - aage chal imtahaan to hota hi hai। bigar imtahaan transfer to ho na sake। pichhaadi mein sab maaloom padega। balki abhi bhi samajh sakte hain ki kis pad ke ham laayak hain। bhal lajja ke maare sabke saath-saath haath utha dete hain। dil mein samajhte bhi hain ham yeh kaise ban sakenge! to bhi haath utha dete hain। samajhte hue bhi phir haath utha lena yeh bhi agyaan kahenge। kitna agyaan hai, baap to jhat samajh jaate hain। isse to un students mein akla hota hai। woh samajhte hain ham scholarship lene ke laayak nahin hain, paas nahin hooonga। isse to woh agyaani achhe jo samajhte hain - teacher jo padhaate hain usmein ham kitne marks lenge! aise thode hi kahenge ham paas with honour honge। to siddha hota hai yahaan itni bhi buddhi nahin hai। deh-abhimaan bahut hai। jab tum aaye ho yeh (lakshmi-naaraayan) banne to chalan badi achhi chaahiye। baap kehte hain koi to vinaash kaale vipreet buddhi hain kyonki kaaydesir baap se preet nahin hai, to kya haal hoga। oonch pad pa nahin sakenge।

baap baith tum bachchon ko samjhaate hain - vinaash kaale vipreet buddhi ka arth kya hai - bachche hi poora nahin samajh sakte to phir aur kya samjhenge! jo bachche samajhte hain ham shivbaaba ke bachche hain vahi poora arth ko nahin samajhte। baap ko yaad karna - yeh to hai gupta baat। padhaai to gupta nahin hai na। padhaai mein nambarvaar hain। sab ek jaisa thode hi padhenge। baap to samajhte hain yeh abhi babies hain। aise behad ke baap ko teen-teen, chaar-chaar maas yaad bhi nahin karte hain। maaloom kaise pade ki yaad karte hain? jabki unki chitthi aaye। phir us chitthi mein service samaachaar bhi ho ki yeh-yeh roohaani service karta hoon। saboot chaahiye na। aise to deh-abhimaani hote hain jo na to kabhi yaad karte hain, na service ka saboot dikhaate hain। koi to samaachaar likhte hain baba phalaane-phalaane aaye unko yeh samjhaaya, to baap bhi samajhte hain bachcha jinda hai। service samaachaar theek dete hain। koi to 3-4 maas patra nahin likhte। koi samaachaar nahin to samjhenge mar gaya ya beemaar hai! beemaar manushya likh nahin sakte hain। yeh bhi koi likhte hain hamaari tabiyat theek nahin thi isliye patra nahin likha। koi to samaachaar hi nahin dete, na beemaar hain। deh-abhimaan hai। phir baap bhi yaad kisko kare। yaad se yaad milti hai, parantu deh-abhimaan hai। baap aakar samjhaate hain mujhe sarvavyaapi kah 84 laakh se bhi jaasti yoniyon mein le jaate hain। manushyon ko kaha jaata hai pattharbuddhi hain। bhagwan ke liye to phir kah dete patthar bhittar ke andar viraajmaan hai। to yeh behad ki gaaliyaan hui na! isliye baap kehte hain meri kitni glaani karte hain। abhi tum to nambarvaar samajh gaye ho। bhaktimaarga mein gaate bhi hain - aap aayenge to ham vaari jaayenge। aapko vaaris banaayenge। yeh vaaris banaate hain jo kehte hain patthar-thikkar mein ho! kitni glaani karte hain, tab baap kehte hain yada yadaahi… abhi tum bachche baap ko jaante ho to baap ki kitni mahima karte ho। koi mahima to kya, kabhi yaad kar do akshar likhte bhi nahin। deh-abhimaani ban padte hain। tum bachche samajhte ho hamko baap mila hai, hamaara baap hamko padhaate hain। bhagvaanuvaach hai na! main tumko raajayog sikhaata hoon। vishwa ki raajaai kaise praapta ho uske liye raajayog sikhaata hoon। ham vishwa ki baadshaahi lene liye behad ke baap se padhte hain - yeh nasha ho to apaar khushi aa jaae। bhal geeta bhi padhte hain parantu jaise aardinri kitaab padhte hain। lekin geeta padhne va sunaane vaalon mein itni khushi nahin rehti, geeta padhkar poori ki aur gaya dhandhe mein। tumko to abhi buddhi mein hai - behad ka baap hamko padhaate hain। aur koi ki buddhi mein yeh nahin aayega ki hamko bhagwan padhaate hain। to pahle-pahle koi bhi aave to unko do baap ki theory samjhaani hai। bolo bhaarat svarga tha na, abhi narka hai। aise to koi kah na sake ki ham satayug mein bhi hain, kaliyug mein bhi hain। kisko duhkh mila to woh narka mein hai, kisko sukh mila to svarga mein hai। aise bahut kehte hain - duhkhi manushya narka mein hain, ham to bahut sukh mein baithe hain, mahal maadiyaan aadi sab kuchh hain। baahar ka bahut sukh dekhte hain na। yeh bhi tum abhi samajhte ho satayugi sukh to yahaan ho nahin sakta। aise bhi nahin, golden ej ko iron ej kaho athva iron ej ko golden ej kaho ek hi baat hai। aise samajhne vaale ko bhi agyaani kahenge। to pahle-pahle baap ki theory bataani hai। baap hi apni pahchaan dete hain। aur to koi jaante nahin। kah dete paramatma sarvavyaapi hai। abhi tum chitra mein dikhaate ho - aatma aur paramatma ka roop to ek hi hai। woh bhi aatma hai parantu unko param aatma kaha jaata hai। baap baith samjhaate hain - main kaise aata hoon! sabhi aatmaaen vahaan paramdham mein rehti hain। yeh baaten baahar vaala to koi samajh nahin sakta। bhaasha bhi bahut sahaj hai। geeta mein shreekrishna ka naam daal diya hai। ab shreekrishna to geeta sunaate nahin hain। woh to sabko kah na sake ki maamekam yaad karo। dehdhaari ki yaad se to paap katte nahin hain। shreekrishna bhagvaanuvaach - deh ke sab sambandh tyaag maamekam yaad karo parantu deh ke sambandh to shreekrishna ko bhi hain aur phir woh to chhota-sa bachcha hai na। yeh bhi kitni badi bhool hai। kitna farka pad jaata hai ek bhool ke kaaran। paramatma to sarvavyaapi ho nahin sakta। jiske liye kehte hain sarva ka sadgati daata hai to kya woh bhi durgati ko paate hain! paramatma kab durgati ko paata hai kya? yeh sab vichaar saagar manthan karne ki baaten hain। time vesta karne ki baat nahin hai। manushya to kah dete ki hamko phursat nahin hai। tum samjhaate ho ki aakar course lo to kehte phursat nahin। do din aayenge phir chaar din nahin aayenge…। padhenge nahin to yeh lakshmi-naaraayan kaise ban sakenge? maaya ka kitna force hai। baap samjhaate hain jo second, jo minute paas hota hai woh hoobhu repeat hota hai। anginat baar repeat hote rahenge। abhi to baap dvaara sun rahe ho। baba to janma-maran mein aate nahin। bhent ki jaati hai poora janma-maran mein kaun aata hai aur na aane vaala kaun? sirf ek hi baap hai jo janma-maran mein nahin aata hai। baaki to sab aate hain isliye chitra bhi dikhaaya hai। brahma aur vishnu donon janma maran mein aate hain। brahma so vishnu, vishnu so brahma part mein aate-jaate hain। end ho na sake। yeh chitra phir bhi aakar sab dekhenge aur samjhenge। bahut sahaj samajh ki baat hai। buddhi mein aana chaahiye ham so brahman hain phir ham so kshatriy, vaishya, shoodra banenge। phir baap aayenge to ham so brahman ban jaayenge। yeh yaad karo to bhi svadarshan chakradhaari thahre। bahut hain jinko yaad thaharti nahin। tum brahman hi svadarshan chakradhaari bante ho। devtaayen nahin bante hain। yeh knowledge, ki chakra kaise phirta hai, is knowledge ko paane se woh yeh devta bane hain। vaastav mein koi bhi manushya svadarshan chakradhaari kahlaane ke laayak nahin hai। manushyon ki srishti mrityulok hi alag hai। jaise bhaaratvaasiyon ki rasma-rivaaj alag hai, sabka alag-alag hota hai। devtaaon ki rasma-rivaaj alag hai। mrityulok ke manushyon ki rasma-rivaaj alag। raat-din ka pharka hai isliye sab kehte hain - ham patit hain। he bhagwan, ham sab patit duniya ke rahne vaalon ko paavan banaao। tumhaari buddhi mein hai paavan duniya aaj se 5 hazaar varsha pahle thi, jisko satayug kaha jaata hai। treta ko nahin kahenge। baap ne samjhaaya hai - woh hai first class, yeh hai second class। to ek-ek baat achhi reeti dhaaran karni chaahiye। jo koi bhi aaye to sunkar wonder khaave। koi to wonder khaate hain। parantu phir unko phursat nahin rehti, jo purushaartha kare। phir sunte hain pavitra zaroor rehna hai। yeh kaam vikaar hi hai jo manushya ko patit banaata hai, inko jeetne se hi tum jagatjeet banenge। baap ne kaha bhi hai - kaam vikaar jeet jagatjeet bano। manushya phir kah dete man jeete jagatjeet bano। man ko vash mein karo। ab man aman to tab ho jab shareer na ho। baaki man aman to kabhi hota hi nahin। deh milti hi hai karma karne ke liye to phir karmaateet avastha mein kaise rahenge? karmaateet avastha kaha jaata hai murde ko। jeete ji murda, shareer se nyaara। tumko bhi shareer se nyaara banne ki padhaai padhaate hain। shareer se aatma alag hai। aatma paramdham ki rahne vaali hai। aatma shareer mein aati hai to unko manushya kaha jaata hai। shareer milta hi hai karma karne liye। ek shareer chhoot jaayega phir doosra shareer aatma ko lena hai karma karne liye। shant to tab rahenge jab karma nahin karna hoga। mool vatan mein karma hota nahin। srishti ka chakra yahaan phirta hai। baap ko aur srishti chakra ko jaanna hai, isko hi knowledge kaha jaata hai। yeh aankhen jab tak patit criminal hain, to in aankhon se pavitra cheez dekhne mein aa nahin sakti isliye gyaan ka teesra netra chaahiye। jab tum karmaateet avastha ko paayenge arthaat devta banenge phir to in aankhon se devtaaon ko dekhte rahenge। baaki is shareer mein in aankhon se shreekrishna ko dekh nahin sakte। baaki saakshaatkaar kiya to usse kuchh milta thode hi hai। alpakaal ke liye khushi rehti hai, kaamna poori ho jaati hai। drama mein saakshaatkaar ki bhi noondh hai, isse praapti kuchh nahin hoti। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।