Avyakt murli du mercredi 23 juillet 1969

> 23-07-69om shanti avyakt baapdaada madhuban

“saphalta ka aadhaar parakhne ki shakti”

baapdaada ekaek ko dekhte hue kya dekhte hain?baapdaada har ek mein chaar baaten dekh rahe hain । vo kaun si chaar baaten hain? (harek ne apna-apna vichaar sunaaya) ek to taaj dekh rahe the । doosra takhta teesra tadbeer aur chautha takdeer । yahi chaar cheezen har ek mein dekh rahe hain । kaam ka taaj kaunsa hota hai? maaloom hai? to aaj baapdaada takhtansheen va taajdhaari vatson ki sabha mein aaye hain । taajdhaariyon ko hi is sangathan mein bulaaya hai । lekin har ek ka taaj apna-apna tatha yathaashakti hi hai । yeh to dekh rahe the ki is kaam mein kaun-kaun kis-kis taaj takhtadhaari ban baithe hain । kis-kis ne kitna bada taaj dhaaran kiya hai va chhota dhaaran kiya hai । aur taaj ko sada hi sir par rakhkar chalte hain va kabhi-kabhi taaj ko kinaare rakh dete hain । aap sabhi bhi apne aapko jaante ho na । kyonki sabhi chune hue ratna hain to itni pahchaan to zaroor hogi hi । apni tadbeer aur takdeer ki parakh hai?aap apne ko poora parakh sakte ho?samjho misaal ke taur par aap advance party mein jaate ho to abhi-abhi aapke purushaartha pramaan aapki takdeer kya hogi? unko samajhte ho?apne vartaman purushaartha aur takdeer ko jaante ho?jab apne ko parakh sakoge tabhi to doosron ko parakh sakoge । yeh jaanne ki bhi jaroorat hai । kyonki ab samay hi aisa aa raha hai jo ki parakhne ki shakti ki aapko ati aavashyakta hai! service mein saphalta paane ka mukhya saadhan hi yeh hai । jaise-jaise parakhne ki shakti teevra ho jaayegi, vaise-vaise hi saphalta bhi milti jaayegi । parakh poori na hone kaaran jo usko chaahiye,jis roop se unki takdeer jag sakti hai vo roop unko nahin milta hai । isliye hi service ki saphalta kam milti hai । kam service karne vaale ki result kya dekhne mein aati hai ki praja to bahut ban jaati hai, vaaris bahut kam । vaaris kam nikalne ka matlab hi hai ki unki rag ko poora parakh nahin sakte ho । mareej ki poori parakh hoti hai tabhi to theek aushdhi milti hai na । phir rog bhi khatma ho jaata hain । rog khatma hua phir kya hoga?

khaas jo nimitta bane huye paandav hain unko bhavishya mein aane vaali baaton ko parakhne ki shakti chaahiye aur nirnay karne ki shakti bhi chaahiye । nirnay ke baad phir nivaaran ki shakti chaahiye । tabhi saamna kar sakenge aur saamna karne ke baad yagya ki pratyakshata ki saphalta paaoge । aapko baba ne kisliye bulaaya hai?hisaab kiya jaata hai na । seedhi utarne aur chadhne ka gyaan sikhaane liye bulaaya hai? ab kis baat mein utarna hai aur kis baat mein chadhna hai । badappan to pakad liya hai, magar badappan hote huye bhi jahaan par chhotepan ki seedhi utarna hota hai vahaan par phat utar nahin sakte ho । ek second mein maalik aur ek second mein baalkapne ki aav- shyakta hai । jahaan par baalak banna chaahiye vahaan par phir maalikpan bhi kuchh dekhne mein aata hai । jaisa samay vaisa hi swaroop kaise banaana chaahiye । vo hi sikhaane ke liye bulaaya hai । misaal ke taur par aap kahin bhi sangathan ke beech mein rehte ho । sangathan mein koi bhi baat hoti hai । to usmein vichaar dene ke samay maalik ban kar vichaar dena to bahut achha hai । lekin jahaan par sangathan ka savaal aata hai vahaan par nimitta bane hue bhaai bahine jo final karte hain,us samay phir apni buddhi ko bilkul hi baalakpan mein le aana chaahiye । baalkapne ki qualification kya hoti hai?vahi par force mein bolenge phir vahi par hi bilkul nirsankalpa ban jaayenge to isi reeti sangathan ke beech mein nimitta bane hue ke saamne apni maalikapne ki buddhi banaakar raay dekar phat se baalkapne ki buddhi bana leni hai । isi mein hi phaayda bhi hai । lekin jahaan bhi maalikpan hota hai uski result kya hoti hai । ek to samay kharaab hota hai aur shakti bhi vesta jaati hai । aur jo ek do mein sneh badhna chaahiye woh kam hona sambhav ho jaata hai । isliye aap log jaise ki jimmevaariyon lete jaayenge vaise-vaise aapko is seedhi ko utarne aur chadhne ki aavashyakta hogi । to in advance bhavishya service ki saphalta liye yeh shiksha de rahe hain । aap sab anubhvi bhi hain । samay prati samay har ek chhota,bada apni shakti aur svamaan ko rakhne ki koshish karta hai । aur aage chal kar yeh kuchh samasya jyaada saamne aane vaali hain isliye hi jo nimitta bane hue hain unko bahut nirmaanchitta banna padega। nirmaan arthaat apne maan ka bhi tyaag । tyaag se phir aur hi jyaada bhaagya milta hai । jitna aap tyaag karenge utna aur hi aapko svamaan milega । jitna apna svamaan khud rakhvaane ki koshish karenge utna hi svamaan ganvaane ka kaaran ban jaayenge । isliye baalak aur maalikapne ki seedhi ko jaldi-jaldi utro aur chadho is abhyaas ko badhaana hai । isliye hi aapko bulaaya hai । ab ismen saphalta to sabhi hogi jabki paristhiti ko parakhne ki shakti hogi । paristhiti ko parakhne se phir pari- naam theek nikalta hai । parakhte nahin hain to parinaam ulta ho jaata hai ।

parakhne ki shakti badhaane ka kya purushaartha hai?dil ki saphaai se bhi is baat mein buddhi ki saphaai jaasti chaahiye । sankalp ki jo shakti hai unko brake lagaane ki power ho । man ka sankalp va buddhi ki judgement jo bhi hoti hai । to man aur buddhi donon ko ek to paanvarphul brake chaahiye aur modne ki bhi shakti chaahiye । yeh donon hi shaktiyon ki bahut jaroorat hain । isi ko hi yaad ki shakti va avyakt shakti kaha jaata hain । agar brake na de sakenge to bhi theek nahin । agar tarna nahin kar sakenge to bhi theek nahin । to brake dene aur modne ki shakti hogi to buddhi ki shakti vyartha nahin ganvaayenge । energy vesta na hokar jama hoti jaayegi । jitni jama hogi utna hi parakhne ki,nirnay karne ki shakti badhegi । yeh bhi abhyaas bhatti mein karna chaahiye । to apne man aur buddhi ko kahaan tak brake laga sakte ho aur mod sakte ho? apne ko check karna hai । koi baat mein accident hone ke bhi yahi do kaaran hote hain khaas paandavon prati, baapdaada ka yahi vishesh ishaara hain ।

achha, bhatti mein to bahut kuchh suna hoga aise to nahin ki bahut sunte ho to bindu swaroop mein rehna mushkil ho jaata hain? parantu bindu roop mein sthit rahne ki kami ka kaaran yahi hain ki pahla paath hi kachcha hain । karma karte hue apne ko ashareeri aatma mahsoos karen । yeh saare din mein bahut practice chaahiye । practical mein nyaara hokar kartavya mein aana । yeh jitna-jitna anubhav karenge utna hi bindu roop mein sthit hote jaavenge । parantu yeh attention kam rehta hai | aap kahenge samay nahin milta hai lekin samay to nikaal sakte ho । agar lakshya hai to jaise koi vishesh kaam par jaata hai to uske liye aap khaas khyaal rakhkar bhi samay nikaalte ho na । yahi kaam ka thoda samay jo raha hua hai usmein yeh vishesh kaam hai । vishesh kaam samajhkar beech-beech mein samay nikaalo to nikal sakta hai । parantu abhyaas nahin hai isliye sochte hi sochte samay haathon se chala ja raha hai । aap dhyaan rakho to jaisi-jaisi paristhiti usi pramaan apni practice badha sakte ho । is abhyaas mein to sabhi bachche hain । vaastav mein bindu roop mein sthit hona koi mushkil baat nahin hai । jitna-jitna nyaara banenge to bindu roop to hai hi nyaara । niraakaar bhi hai । to nyaara bhi hai aap bhi niraakaari aur nyaari sthiti honge to bindu roop ka anubhav karenge । chalte-phirte avyakt sthiti ka anubhav kar sakte ho । practice aisi sahaj ho jaayegi ki jo jab bhi chaaho tabhi avyakti sthiti mein thahar jaaoge । ek second ke anubhav se kitni shakti apne mein bhar sakte ho । woh bhi anubhav karenge aur brake dene modne ki shakti bhi anubhav mein aa jaayegi । to bindu roop ka anubhav koi mushkil nahin hai । sankalp hi neeche laata hai, sankalp ko brake dene ki power hogi to jyaada samay avyakt sthiti mein sthit rah sakenge । apne ko aatma samajh us swaroop mein sthit hona hai । jab sva-sthiti mein sthit honge to bhi apne jo gun hain woh to anubhav honge hi । jis sthaan par pahuncha jaata hai uske gun na chaahte hue bhi anubhav hote hain । aap kisi sheetal sthaan par jaayenge to na chaahte hue bhi sheetalta ka anubhav hoga । yeh bhi aisa hi hai ।

aatma abhimaani arthaat baap ki yaad । aatmik swaroop mein baba ki yaad nahin rahe yeh to ho nahin sakta hai । jaise baapdaada donon alag-alag nahin hain vaise aatmik nishchay buddhi se baap ki yaad bhi alag nahin ho sakti hai । kya ek second mein apne ko bindu roop mein sthit nahin kar sakte ho?agar abhi sabko kahen ki yeh drill karo to kar sakte ho? bindu roop mein sthit hone se ek to nyaarepan ka anubhav hoga । aur jo aatma ka vaastavik gun hai uska bhi anubhav hoga । yeh bhi practice karo kyonki ab samay kam hai । kaarya jyaada karna hai । abhi samay jaasti aur kaam kam karte ho । aage chal karke to samay aisa aane vaala hai । jo ki aap sabhi ki jeevan to bahut busy ho jaayegi । aur samay kam dekhne mein aayega । yeh din aur raat do ghante ke samaan mahsoos karoge । ab se hi yeh practice karo ki kam samay mein kaam bahut karo । samay ko saphal karna bhi bahut badi shakti hai । jaise apni energy vesta karna theek nahin hai । vaise hi samay ko bhi vesta karna theek nahin hai । ek-ek ki praja prakhyaat hogi । jab praja prakhyaat hogi tab pad bhi prakhyaat hoga,har ek ki praja aur bhakta prakhyaat honge । bhavishya pad ke pahle sangam ki service mein saphalta swaroop ka yaadgaar prakhyaat hoga । bhavishya pad prakhyaat hoga । aisa samay aane vaala hai jo ki aap apni kamaai nahin kar sakoge parantu doosron ke liye bahut busy ho jaaoge । abhi apni kamaai ka bahut thoda samay hai । phir doosron ki service karne mein apni kamaai hogi । abhi yeh jo thoda samay mila hai uska poora-poora laabh uthaao । nahin to phir yeh samay hi yaad aayega isliye hi jaise bhi ho jahaan par bhi ho,paristhitiyaan nahin badlengi । yeh nahin sochna ki museebten halki hongi phir kamaai karenge, yeh to din prati din aur vishaal roop dhaaran karengi parantu inmen rehte hue bhi apni sthiti ki paripakvata chaahiye । isliye hi samay ka dhyaan aur apne swaroop ki smriti aur iske baad phir sthiti । iska dhyaan rakhna hai achha jimmevaari ka taaj bataaya to takhta kaun sa tha? namrachitta ka takhta । jis par hi viraajmaan hone se saare kaam theek kar sakenge । shakti sena ko to ek ras ka takhta diya tha । aur paandav sena ko nirmaanchitta ka diya tha । us par baith aur jimmevaari ka taaj dhaaran kar bhavishya ki padvi banaao । takhta se utarna nahin isi par baithkar kaam karoge to kaarya saphal hoga । dekho saare din mein jo aap kaam karte ho usmein chaar baaten kaunsi hai jo ki aapke saath rehti hain । common aur sthool baat poochhta hoon । ek to kursi saath rehti hai aur doosra kalam,teesri file chauthi bhaagdaud । in chaaron ko laukik se alaukik mein laao । kursi par jab baitho to takhta yaad karo,kalam uthaao to kamal ke phool ko yaad karo । kamal ka phool bankar kalam chalaani hai । aur file ko dekhkar apna potaamel yaad karo ki meri file mein baapdaada abhi kya sahi karte honge । aur bhaagdaud to hai hi seedi se utarna aur chadhna-yeh practice karo to jahaan par bhi buddhi ko lagaana chaahta hoon, lagti bhi hai ki nahin, vaise hi jaise ki paanv jahaan bhi chalaane chaaho, chalte hain na । isi prakaar se aapki buddhi bhi paanv misal ho jaayegi । ab buddhi ko laukik se alaukik baaton mein parivartan karna hai । to avastha mein bhi parivartan aa jaayega ।

is sangathan ke ratnon mein kya vishesh khoobi hai?ek to sabhi snehi hain । aur doosra majority surrender buddhi hain । teesra service ke liye har vakta taiyaar rehte hain । isliye hi ever ready hai । ab jimmevaari ka taaj milta hai unmein in sab visheshtaaon ko ratnon ki tarah jadna hai । tabhi jimmevaari ko poori reeti sambhaal sakoge । yeh gun taaj ki maniyaan hain arthaat shobha hain । isko kaayam rakhna hai । jaisa karma aap karenge aapko hi dekh kar sabhi follow karenge । ek slogan aur yaad karna zaroori hai । chhoton ko karo pyaar aur badon ko do regard । pyaar dena hai phir regard lena hai । yeh kabhi nahin bhoolna । yeh sangathan sona to hai parantu sone par suhaaga lagaaya jaata hai । uske liye beech-beech mein madhuban ke sangathan ka sthaan ho । nimitta bani hui bahnon ki raay se hi samay prati samay sangathan hoga । pradarshani mein bhi kuchh naveenta aani chaahiye । abhi to itna hi samajhte hain ki yahaan ki knowledge achhi hai । jo baat bataani hai, bina poochhe dekhne se hi samjhen ki hamko abhi yeh sahaj raasta mila hai । is lakshya ko rakhkar banaane ki koshish karen । aur topic mein bhi aakarshan ho । paramatma ke parichay par rakh sakte ho । aur log jo door bhaagte hain unko najdeek laana hai । phir usmein dharma ke vichaar vaale hon va koi prakaar ho uski phir peeth bhi karni hai । bina peeth kiye saphalta nahin hogi । jaise mayooziyam ki service ki hai,uski bhi peeth karni hai । unse samparka rakhna hai । samay prati samay bulaana hai । bhale sambandh rakhna chaahiye jo unko parivaar ki mahsoosta ho । tabhi hi service ki saphalta hogi ।

achha !!!