Avyakt murli du jeudi 25 décembre 1969

> 25-12-69om shanti avyakt baapdaada madhuban

“anaasakta banne ke liye tan aur man ko amaanat samjho”

baapdaada ko kahaan bulaaya hai aur kisliye?abhi kahaan baithe ho? madhuban mein to ho lekin madhuban mein bhi kahaan baap aaye hain?phulvaari mein baithe ho ya mahphil mein?baapdaada roohaani roohon ko dekh rahe hai aur saath-saath harek phool se nikle hue rooh ki khushbuen bhi le rahe hain । jaise woh log phoolon se essence nikaalte hai,unko rooh kehte hain । unki khushbu bahut achhi aur meethi hoti hai । to yahaan madhuban mein rehte bhi aaj roohaani duniya ka sair kar rahe hain । aap sabhi ko bhi roohaani roop mein rahkar ke har karma karna hai tab service mein va karma mein raunak aayegi । abhi naveenta chaahte ho na । va jaise chal rahe hain usmein santushta ho?nai raunak tab aayegi jab har karma mein,har sankalp mein, vaani mein roohaaniyat hogi । roohaaniyat kaise aayegi?iske liye kya karna hai jo roohaaniyat sada kaayam rahe? kya badalna hai? (harek ne bhinna-bhinna baaten sunaai) yeh to hai mukhya baaten jo sabhi ko pakki hi hain । parantu roohaaniyat na rahne ka kaaran kya hai?vaphaadaar, pharmaanvardaar kyon nahin ban paate hain? iski baat hai (sambandh ki kami) sambandh mein kami bhi kyon padti hai?nishchaybuddhi ka tilak to sabhi ko laga hua hai । yeh prashra hai ki roohaaniyat sada kaayam kyon nahin rehti hai?roohaaniyat kaayam na rahne ka kaaran yeh hai ki apne ko aur doosron ko jinke service ke liye ham nimitta hoon,unhon ko baapdaada ki amaanat samajh kar chalna । jitna apne ko aur doosron ko amaanat samjhenge to roohaaniyat aayegi । amaanat na samajhne se kuchh kami pad jaati hai । man ke sankalp jo karte hain woh bhi aise samajh karke karen ki yeh man bhi ek amaanat hai । is amaanat mein khyaanat nahin daalni hai । doosre shabdon mein aap auron ko trustee kahkar samjhaate ho na । unhon ko trustee kehte ho lekin apne man aur tan ko aur jo kuchh bhi nimitta roop mein mila hai,chaahe jigyaasu hain, centre hai, va school koi bhi vastu hai lekin amaanat maatra hai । amaanat samajhne se itna hi anaasakta honge । buddhi nahin jaayegi । anaasakta hone se hi roohaaniyat aavegi । itne tak apne ko shama par mitaana hai । mitaana to hai lekin kahaan tak। yeh mere sanskaar hain, yeh mere sanskaar shabd bhi mit jaaye । mere sanskaar phir kahaan se aaye,mere sanskaaron ke kaaran hi yeh baaten hoti hain । itne tak mitna hai jo ki nature bhi badal jaaye । jab harek ki nature badle tab aap logon ke avyakti pikcharsa banenge । sangamgug ki sampoorn stage ki pikcharsa kya hai? pharishte mein kya visheshta hoti hai? ek to bilkul halkaapan hota hai । halkaapan hone ke kaaran jaisi bhi paristhiti ho vaisi apni sthiti bana sakenge । jo bhaari hote hain,woh kaisi bhi paristhiti mein apne ko sait nahin kar sakenge । to pharishtepan ki mukhya visheshta hui ki woh sabhi baaton mein halke honge । sankalpon mein bhi halke,vaani mein bhi halke aur karma karne mein bhi halke aur sambandh mein bhi halke rahenge । in chaar baaton mein halkaapan hai to pharishte ki avastha hai । ab dekhna hai kahaan tak in 4 baaton mein halkaapan hai । jo halke honge ve ek second mein koi bhi aatma ke sanskaaron ko parakh sakenge । aur jo bhi paristhiti saamne aayegi unko ek second mein nirnay kar sakenge । yeh hai pharishtepan ki parakh । jab yeh sabhi gun har karma mein pratyaksha dikhaai de to samajhna ab sampoorn stage najdeek hai । saakaar roop ki sampoorn stage kin baaton mein najar aati thi? mukhya baat to apne sampoorn stage ki aapehi parakh karni hai - in baaton se । is group ka mukhya gun kaunsa hai? woh group tha yagya snehi । aur yeh group hai yagya sahayogi ।

yeh sahayogi mein to sabhi paas hain । baaki kya karna hai?aisi bhi sthiti hogi jo kiske man mein jo sankalp uthega woh aapke paas pahle hi pahunch jaayega । bolne sunne ki aavashyakta nahin । lekin yeh tab hoga jab auron ke sankalpon ko read karne ke liye apne sankalpon ke oopar kul brake hogi । brake powerful ho । agar apne sankalpon ko samet na sakenge to doosron ke sankalpon ko samajh nahin sakenge । isliye sunaaya tha ki sankalpon ka bistar banda karte chalo । jitni-jitni sankalpon ko sametne ki shakti hogi utna-utna auron ke sankalpon ko samajhne ki bhi shakti hogi । apne sankalpon ke vistaar mein jaane ke kaaran apne ko hi nahin samajh sakte ho to doosron ko kya samjhenge । isliye yeh bhi stage nambarvaar purushaartha anusaar aati rahegi,yeh bhi sampoorn stage ki parakh hai । kahaan tak sampoorn stage ke najdeek aaye hain । unki parakh in baaton se apne aap hi karni hai ।

yeh allrounder group hai । allrounder ka lakshya kya hota hai?lakshan hai lekin jo lakshya rakha hai woh kuchh aur aage ka rakhna chaahiye । ab tak jo practical mein hai us hisaab se kaun se raaje gine jaayenge? abhi ke service ke saakshaatkaar pramaan kaun se raaje banenge?purushaartha se pad to spashta ho hi jaata hai । bhal sooryavanshi to hain lekin ek hote hai vishwa ke raaje,to vishwa mahaaraajan ke saath apne raajya ke raaje bhi hote hai । ab bataao aap kaunse raaje ho?shuru mein kaun aayenge? vishwa ke mahaaraajan banna aur vishwa mahaaraajan ke najdeek sambandhi banna iske liye kaunsa saadhan hota hai? vishwa ka kalyaan to ho hi jaayega । lekin vishwa ke mahaaraajan jo banne vaale hai, unheen ki abhi nishaani kya hogi? yeh bhi braahmanon ka vishwa hai arthaat chhota sa sansaar hai to jo vishwa mahaaraajan banne hai unhon kaha is vishwa arthaat baahmankul ki har aatma ke saath sambandh hoga । jo yahaan is chhote se parivaar,sarva ke sambandh mein aayenge woh vahaan vishwa ke mahaaraajan banenge । ab bataao kaun se raaje banenge?ek hote hain jo svayan takhta par baithenge aur ek phir aise bhi hai jo takhta nasheen banne vaalon ke najdeek sahayogi honge । najdeek sahayogi bhi hona hai, to uske liye bhi ab kya karna padega? jo poora daivi parivaar hai, un sarva aatmaon ke kisi na kisi prakaar se sahayogi banna padega । ek hota hai saare kul ke service ke nimitta banna । aur doosra hota hai sirf nimitta banna । lekin kisi na kisi prakaar se sarva ke sahayogi banna । aise hi phir vahaan unke najdeek ke sahayogi honge । to ab apne aap ko dekho । vishwa mahaaraajan banenge na?nambarvaar vishwa mahaaraajan kaunse bante hain,woh bhi din-pratidin pratyaksha dekhte jaayenge । aise nahin ki abhi nahin ban sakte hain । abhi bhi jump de sakte hai । make up karne ka abhi samay hai, lekin thoda samay hai । samay thoda hai mehnat vishesh karni padegi । lekin make up kar sakte ho । vishwa ke mahaaraajan ke sanskaar kya honge?aaj baapdaada vishwa ke mahaaraajan banaane ki padhaai padhaate hain । uske sanskaar kya honge? jaise baap sarva ke snehi aur sarva unke snehi । yeh to practical mein dekha na । aise ek-ek ke andar se unke prati sneh ke phool barsenge । jab sneh ke phool yahaan barsenge tab itne jad chitron par bhi phool barsenge । to yahaan bhi apne ko dekho ki mujh aatma ke oopar kitne sneh ke pushpon ki varsha ho rahi hai । woh chhip nahin sakenge । jitne sneh ke pushpa utne dvaapar mein pooja ke pushpa chadhege । kahaan-kahaan koi pushpa chadhaane liye kabhi-kabhi jaate hain aur kahaan to har roj aur bahut pushpon ki varsha hoti hai । maaloom hai? iska kaaran kya?to yahi lakshya rakho ki sarva ke sneh ke pushpa paatra bane । sneh kaise milta hai? ek-ek ko apna sahayog denge to sahayog milega । aur jitne ke yahaan sahayogi banenge utne ke sneh ke paatra banenge । aur aisa hi phir vishwa ke mahaaraajan banenge । isliye lakshya bada rakho ।

aaj ek bhaktimaarga ka chitra yaad aa raha hai । aaj dekh bhi rahe the to muskara bhi rahe the । dekh rahe the anguli dene vaale to hain na । anguli di bhi hai va deni hai?kahaan tak anguli pahunchi hai?agar anguli deni hai to iska matlab hai jahaan tak anguli pahunchi hai vahaan tak nahin di hai । pahaad utha nahin hai । kyon, itna bhaari hai kya?itnon ki anguli bhi mil gai hai phir bhi pahaad kyon nahin uthta? kalpa pahle ka jo yaadgaar hai woh saphal tab hua hai jab sabhi ka sangathit roop mein bal mila hai, isliye thoda uthta hai phir baith jaata hai । harek apni-apni anguli laga rahe hain parantu ab aavashyakta hai sangathit rup mein । svayan ki anguli di hai lekin ab sangathan mein shakti tab bharegi jab woh bal aayega । ab shakti dal ki pratyakshata honi hai । sabhi phool to bane hain lekin ab guldaste mein sangathit roop mein aana hai । abhi koi pushpa kahaan-kahaan apni laat dikha rahe hain, koi apni khushbu de raha hai koi apna roop dikha raha hai । lekin roop, rang,khushbu jab sab prakaar ke guldaste ke roop mein aa jaayenge tab duniya ke aage pratyaksha honge । ab aisa plan banaao jo sangathit roop mein koi naveenta duniya ke aage dikhaao । ek-ek alag hone ke kaaran mehnat bhi jyaada karni padti hai । lekin sangathan mein mehnat kam saphalta jaasti hogi । jab sangamayug ke sangathan ko saphal banaayenge tab service ki saphalta hogi । yogyataaen sabhi hain lekin yojna tak rah jaati hai । ab apni yogyataaon se auron ko bhi baap ke sameep laane yogya banaao ।

yeh jo group hai yeh hai aatmaon ke sambandh judvaane ki neenv daalne vaala । jaisi neenv daalenge vaise hi unhon ki aage jeevan banegi । sabhi baaton mein jitna khud majboot honge utna anekon ki neenv majboot daal sakenge । jitni apne mein sarva qualification hogi aisi hi quality aayegi । agar apne mein qualification kam hai to quality bhi kam aayegi,isliye aise samjho ki ham sabhi neenv daalne vaale hai । apni qualification se hi quality aayegi । aapasmaan tab bana sakenge, jab baapdaada ke gunon ki samaanta apne mein laayenge ।

achha !!!