Avyakt murli du jeudi 21 mai 1970

Brahma KumarisBrahma Kumaris> 21-05-70om shanti avyakt baapdaada madhuban

“bhinnata ko mitaane ki yukti”

aaj harek bachche ki do baaten dekh rahe hain woh do baaten kaun si dekh rahe hain? baapdaada ke dekhne ko bhi dekh rahe ho? aisi avastha ab aane vaali hai। jo koi ke sankalp ko aise hi spashta jaan lenge jaise vaani dvaara sunne ke baad jaana jaata hai। master jaani-jaananhaar yeh degree bhi yathaayogya yatha shaktishaali ko praapta hoti hai zaroor। to aaj kya dekh rahe hain? harek purushaarthi ke purushaartha mein abhi tak margin kya rahi hui hai – ek to us margin ko dekh rahe hain doosra harek ki might ko dekh rahe hain। margin kitni hai aur might kitni hai। donon ka ek do se sambandh hain। jitni might hai utni margin hai। to might aur margin donon hi harek purushaarthi ki dekh rahe hain। koi bahut najdeek tak pahunch gae hain। koi bahut door tak manzil ko dekh rahe hain। to bhinna-bhinna purushaarthiyon ki bhinna-bhinna sthiti dekh kya sochte honge? bhinnata ko dekh kya sochte honge?

baapdaada sabhi ko master knowledgeful banaane ki padhaai padhaate hain। practical mein bhagwan ke jitna saakaar sambandh mein najdeek aaenge utna purushaartha mein bhi najdeek aayenge। apne purushaartha aur auron ke purushaartha ko dekh kya sochte ho? beej to avinaashi hai। avinaashi beej ko sang ka jal dena hai। to phir phal nikal aayega। to ab phal svarup dikhaana hai। vriksha se mehnat phal ke liye karte hain na। to jo gyaan ki paravrish li hai unki result phalasvarup banna hai। to yeh jo bhinnata vo kaise mitegi? bhinnata ko mitaane ka sahaj upaay kaun sa hai? jo abhi ki bhinnata hai woh ant tak rahegi va pharka aaega? sampoorn avastha ki praapti ke baad ab ke purushaarthi jeevan ki bhinnata rahegi? aajkal ki jo bhinnata hai woh ekta mein laani hai। ekta ke liye vartamaan ki bhinnata ko mitaana hi padega। baapdaada is bhinnata ko dekhte hue bhi ekta ko dekhte hain। ekta hone ka saadhan hai – do baaten laani paden। ek to eknaami ban sadaiv har baat mein ek ka hi naam lo, eknaami aur ikonmi vaale banna hai। ikonmi kaun si? sankalpon ki bhi ikonmi chaahiye aur samay ki bhi aur gyaan ke khajaane ki bhi ikonmi chaahiye। sabhi prakaar ki ikonmi jab sikh jaayenge। phir kya ho jaayega? phir main samaakar ek baap mein sabhi bhinnata sama jaaegi। ek mein samaane ki shakti chaahiye। samjha। yeh purushaartha agar kam hai to itna hi isko jyaada karna hai। koi bhi kaarya hota hai usmein koi bhi apnaapan na ho। ek hi naam ho। to phir kya hoga? baba-kahne se maaya bhaag jaati hai। main-main kahne se maaya maar deti hai। isliye pahle bhi sunaaya tha ki har baat mein bhaasha ko badli karo। baba-baba ki dhaal sada sadaiv apne saath rakho। is dhaal se phir jo bhi vighna hain woh khatma ho jaayenge। saath-saath ikonmi karne se vyartha sankalp nahin chalenge। aur na vyartha sankalpon ki takkar hoga। yeh hai spashteekran। achha। jo bhi jaanevaale hain woh kya karke jaayenge? jo koi jahaan se jaate hain to jahaan se jaana hota hai vahaan apna yaadgaar dekar jaana hota hai। to jo bhi jaate hain unhon ko apna koi na koi vishesh yaadgaar dekar jaana hai।

saral yaad kisko rehti hai? maaloom hai? jitna jo svayan saral honge utna yaad bhi saral rehti hai। apne mein saralta ki kami ke kaaran yaad bhi saral nahin rehti hai। saral chitta kaun rah sakega? jitna har baat mein jo spashta hoga arthaat saaf hoga utna saral hoga। jitna saral hoga utna saral yaad bhi hogi। aur doosron ko bhi saral purushaarthi bana sakenge। jo jaisa svayan hota hai vaise hi unki rachna mein bhi vahi sanskaar hote hain to harek ko apna vishesh yaadgaar dekar jaana hai।

achha !!!