Avyakt murli du dimanche 7 juin 1970

>

07-06-70 om shanti avyakt baapdaada madhuban

“divya moorta banne ki vidhi”

naynon dvaara kya dekh rahe hain? aap sabhi bhi naynon dvaara dekh rahe ho। baapdaada bhi naynon ka aadhaar le dekh rahe hain। baapdaada kya dekhte hain? aap sabhi kya dekh rahe hain?dekh rahe ho va dekhte hue bhi nahin dekhte ho? kya sthiti hai? baapdaada kya dekh rahe yahi aap dekh rahe ho?sankalpon ko catch karne ki practice hogi to sankalp rahit bhi sahaj ban sakenge। jyaada sankalp tab chalaana padta hai jab kiske sankalp ko parakh nahin sakte hain। lekin harek ke sankalpon ko read karne ki practice hogi to vyartha sankalp jyaada nahin chalenge। aur sahaj hi ek sankalp mein ekras sthiti mein ek sekand mein sthit ho jaayenge। to sankalpon ko read karna – yeh bhi ek sampoornata ki nishaani hai। jitna-jitna avyakt bhaav mein sthit honge utna harek ke bhaav ko sahaj samajh jaayenge। ek do ke bhaav ko na samajhne ka kaaran avyakt bhaav ki kami hai। avyakt sthiti ek darpan hai। jab aap avyakt sthiti mein sthit hote ho to koi bhi vyakti ke bhaav avyakt sthiti roop darpan mein bilkul spashta dekhne mein aaega। phir mehnat nahin karni padegi। darpan ko mehnat nahin karni padti hai koi ke bhaav ko samajhne mein। jitni-jitni avyakt sthiti hoti hai,woh darpan saaf aur shaktishaali hoa hai। itna hi bahut sahaj ek do ke bhaav ko spashta samajhte hain। avyakt sthiti roop darpan ko saaf aur spashta karne ke liye teen baaten aavashyak hai। un teen baaton se koi ek baat bhi sunaao(harek ne bataaya)aaj harek ki saralta,shreshthata aur sahansheelta yeh teen cheezen ek-ek ki dekh rahe hain। in teenon baaton mein se koi ek bhi theek reeti dhaaran hai to darpan spashta hai। agar ek bhi baat ki kami hai to darpan par bhi kami ka daag dikhaai padega। isliye jo bhi kaarya karte ho, har kaarya mein teen baaten check karo। sabhi prakaar se saralta bhi ho,sahansheelta bhi ho aur shreshthata bhi ho। saadhaaranpan bhi na ho। abhi kahaan shreshthata ke bajaay saadhaaran dikhaai padti hai। saadhaaranpan ko shreshthata mein badli karo aur har kaarya mein sahansheelta ko saamne rakho। aur apne chehre par, vaani par saralta ko dhaaran karo। phir dekho service va kartavya ki saphalta kitni shreshtha hoti hai। abhi tak kartavya ki result kya dekhne mein aati hai? plan aur practical mein antar kitna hai?

antar ka kaaran kya hai? teenon hi roop mein abhi poorn plen nahin hue ho। smriti mein bhi plen,vaani mein bhi plen hona chaahiye। koi bhi puraane sanskaar ka kahaan daag na ho aur karma mein bhi plen arthaat shreshthata। agar plen ho jaayenge to phir plan aur practical ek ho jaayenge। phir saphalta plen(aeroplane)maaphik udegi। isliye har baat mein mansa, vaacha karmana aur chhoti baat mein bhi saavdhaani chaahiye। man, vaani karma mein to hona hi hai lekin uske saath-saath yeh jo alaukik sambandh hain usmein bhi plen honge to service ki saphalta aap sabhi ke mastak par sitaare ke roop mein chamak padegi। phir harek aap ek-ek ko saphalta ka sitaara dekhenge। sunaaya tha na ki slogan kaun sa yaad rakho?saphalta hamaara janma siddha adhikaar hai। phir tumko koi bhi dekhenge to unko door se divyamoorta dekhne mein aaenge। saadhaaranmoorta nahin, lekin divyamoorta। aajkal bahut service mein busy ho। jo kuchh kiya bahut achha kiya। aage ke liye saphalta ko sameep laao। jitna-jitna ek do ke sameep aayenge utna saphalta sameep aayegi। ek do ke sameep arthaat sanskaaron ke sameep। tab koi bhi sammelan ki saphalta hogi। jaise samay sameep aa raha hai vaise sabhi sameep aa rahe hain। lekin ab aisi sameepta mein kya bharna hai? jitni sameepta utna ek do ko sammaan dena। jitna ek do ko sammaan denge utna hi saari vishwa aap sabhi ka sammaan karengi sammaan dene se sammaan milega। dene se milta hai na ki lene se। koi cheez lene se milti hai aur koi cheez dene se milti hai। to koi ko bhi sammaan dena goya sarva ka sammaan lena hai। aur bhaasha mein bhi parivartan chaahiye। aaj sabhi serviceable baithe hain na to isliye bhavishya ke ishaare de rahe hain। kabhi bhi koi ka vichaar spashta na ho to bhi na kabhi nahin karni chaahiye। shabd sadaiv haan nikalna chaahiye। jab yahaan haan ji karenge tab vahaan satayug mein bhi aapki praja itna haan ji,haan ji karegi। agar yahaan hi na ji na ji karenge to vahaan bhi praja door se hi pranaam karegi। to na shabd ko nikaal dena hai।

koi bhi baat ho pahle haan ji। haan ji kehna hi doosre ke sanskaar ko saral banaane ka saadhan hai। samjha। sunaaya tha vartamaan samay jo karma kar rahe ho। woh bhavishya ke law ban rahe hain। aap sabhi ka karma bhavishya ka law hai। jo law-makers hote hain woh soch-samajhkar shabd nikaalte hain। kyonki unka ek-ek shabd bhavishya ke liye law ban jaata hai। sabhi ke har sankalp bhavishya ke law ban rahe hain। to kitna dhyaan dena chaahiye!abhi tak ek baat ko pakadte hain to vidhaan ko chhod dete hain। kab vidhaan ko pakadte hain to vidhi ko chhod dete hain। lekin vidhi aur vidhaan donon ke saath hi vidhaata ki yaad aati hain। agar vidhaata hi yaad rahe to vidhi aur vidhaan donon hi saath smriti mein rahega। lekin vidhaata bhool jaata hai to ek cheez chhoot jaati hai। vidhaata ki yaad mein rahne se vidhi aur vidhaan donon saath rehte hain। vidhaata ko bhoolne se kabhi vidhaan chhoot jaata hai to kabhi vidhi chhoot jaati hai। jab donon saath rahenge tab saphalta gale ka haar ban jaaegi। achha। aaj bahut shiksha di। yeh sneh hai। kyonki baapdaada samaan banaana chaahte hain। samaan banaane ka saadhan sneh hua na।

kumaariyon ka paper to ab lena hai। saahas ko pratyaksha roop mein laane ke liye saahas mein bahut-bahut shakti bharni hai। ab kitni shakti bhari hai, woh paper lenge। achha।

party ke saath –

1 – jitna-jitna apne ko service ke bandhan mein baandhate jaayenge to doosre bandhan chhootte jaayenge। aap aise nahin socho ki yeh bandhan chhoote to service mein lag jaaen। aise nahin hoga। service karte raho। bandhan hote hue bhi apne ko service ke bandhan mein jodte jaao। yeh jodna hi todna hai। todne ke baad jodna nahin hota hai। jitna jodenge utna hi tootega। jitna apne ko service mein sahayogi banaayenge utna hi praja aapki sahayogi banegi। koi bhi kaaran hai to unko halka chhodkar pahle service ke mauke ko aage rakho। kartavya ko pahle rakhna hota hai। kaaran hote rahenge। lekin kartavya ke bal se dheele pad jaayenge।

2 – maataaon ke jo sangathan bane hue hain unmein ghus jaao। member banne se phir kaeeyon ko aap samaan banaane ka chance milega। samparka mein aane se hi chance milega। abhi maataaon ki sansthaaon mein aap logon ka naam baala nahin hua hai। pahle gupta vesh mein paanv rakho phir woh tumhaare ban jaayenge। bhatki hui maataaon ko raah bataani hai। to phir maataayen jo bichaari sitam sahan karti hain,unhon ko bhi aap bacha sakenge। kai maataayen sahaara chaahti hain, unhon ko sahaara mil jaayega। to yeh service kar kamaal kar dikhaao phir dekho kitne haindsa milte hain। bahut samay ki yeh baat practical mein laani hai। jaise ek asylum (sharan)dete hain na। woh hai anaath aashram। yeh to sanaath aashram hai। achha।

3 – avyakt sthiti ka anubhav hota hai? ek sekand hi avyakt sthiti ka anubhav hota hai to uska asar kaaphi samay tak rehta hai। avyakt sthiti ka anubhav powerful hota hai। jitna ho sake utna apna samay vyaktabhaav se hataakar avyakt sthiti mein rehna hai। avyakt sthiti se sarva sankalp siddha ho jaate hain। ismen mehnat kam aur praapti adhik hoti hai। aur vyakta sthiti mein sthit hokar purushaartha karne mein mehnat adhik aur praapti kam hoti hai। phir chalte-chalte uljhan aur niraasha aati hai। isliye avyakt sthiti sarva praapti ka anubhav badhaao।

avyaktamoorta ko saamne dekh samaan banne ka prayatna karna hai। jaisa baap vaise bachche। yeh slogan yaad rakho। antar na ho। antar ko antarmukh hokar mitaana hai। baap kab niraash hote hain? paristhitiyon se ghabraate hain?to bachche phir kyon ghabraate hain?jyaada paristhitiyon ko saamne karne ka saakaar saboot bhi dekha। kabhi unka ghabraahat ka roop dekha? sunaaya tha na ki sadaiv yeh yaad rakho ki sneh mein sampoorn hona hai। koi mushkil nahin hain। snehi ko sudh-budh rehti hai? jab apne aap ko mita hi diya phir yeh mushkil kyon?mita diya na। jo mit jaate hain woh jal jaate hain। jitna apne ko mitaana utna hi avyakt roop se milna। mitna kam to milna bhi kam। agar mele mein bhi koi milan na manaaye to mela samaapta ho jaayega phir kab milan hoga?sneh ko samaanta mein badli karna hai। sneh ko gupta aur samaanta ko pratyaksha karo। sabhi samaaya hua hai sirf pratyaksha karna hai। apne kalpa pahle ke samaaye hue sanskaaron ko pratyaksha karna hai। cup pahle ki apni saphalta ka svarup yaad aata hai na। abhi sirf samaaye hue ko practical pratyaksha roop mein laao। sadaiv apni sampoornata ka svarup aur bhavishya21 janmon ka roop saamne rakhna hai। kai log apne ghar ko sajaane ke liye apne bachpan se lekar,apne bhinna-bhinna roopon ka yaadgaar rakhte hain। to aap apne man mandir mein apne sampoorn svarup ki moorti,bhavishya ke anek janmon ki moortiyaan spashta roop mein saamne rakho। phir aur koi taraph sankalp nahin jaayega।

sameep ratna ke lakshan kya hain? jo jitna jiske sameep hote hain utna sanskaaron mein bhi samaanta hoti hai। to baapdaada ke sameep arthaat lakshan ke najdeek aao। jitna check karenge utna jaldi change honge। aadi svarup ko smriti mein rakho। satayug aadi ka aur marjeeva jeevan ke aadi roop ko smriti mein rakhne se madhya sama jaayega।

snehi ho va sahayogi bhi ho? jisse sneh hota hai unko return mein kya diya jaata hai? sneh ka return hai sahayog। woh kab denge?jaise baap sarva samartha hai to bachchon ko bhi master sarva samartha banna hai। vinaash ke pahle agar sneh ke saath sahayogi banenge to varse ke adhikaari banenge। vinaash ke samay bhal sabhi aatmaaen pahchaan lengi lekin varsa nahin pa sakengi kyonki sahayogi nahin ban sakengi।

4 - karma bandhan shaktishaali hai ya yeh eeshvareey bandhan?eeshvareey bandhanon ko agar tez karo to karma bandhan aape hi dheele ho jaayenge। bandhan se hi bandhan katta hai। jitna eeshvareey bandhan mein bandhenge utna karma bandhan se chhootenge। jitna woh karmabandhan pakka hai to utna hi yeh eeshvareey bandhan ko bhi pakka karo to woh bandhan jaldi katega।

5 – bindu roop mein agar jyaada nahin tik sakte to iske peechhe samay na ganvaao। bindi roop mein tab tik sakenge jab pahle shuddh sankalp ka abhyaas hoga। ashuddha sankalpon sankalpon se hataao। jaise koi accident hone vaala hota hai। brake nahin lagti to modna hota hai। bindi roop hai brake। agar woh nahin lagta to vyartha sankalpon se buddhi ko modkar shuddh sankalpon mein lagaao। kabhi-kabhi aisa mauka hota hai jab bachaav ke liye brake nahin lagaayi jaati hai,modna hota hai। koshish karo ki saara din shuddh sankalpon ke sivaae koi vyartha sankalp na chale। jab yeh subject paas karenge to phir bindi roop ki sthiti sahaj rahegi।