Avyakt murli du vendredi 19 juin 1970

>

19-06-70 om shanti avyakt baapdaada madhuban

“trimoorti lights ka saakshaatkaar”

braahmanon ko trimoorti shiv vanshi kehte ho na। trimoorti baap ke bachche svayan bhi trimoorti hain। baap bhi trimoorti hai। jaise baap trimoorti hai vaise aap bhi trimoorti ho? teen prakaar ki lights saakshaatkaar ki aati hai? woh maaloom hai kaun si hai, jo braahmanon ke teen prakaar ki lights saakshaatkaar hote rehte hain?aap logon se light ka saakshaatkaar hota maaloom padta hai? trimoortivanshi trimoorti bachchon ki teen prakaar ki lights ka saakshaatkaar hota hai। woh kaun si lights hain?ek to light ka saakshaatkaar hota hai naynon se। kehte hain na ki naynon ki jyoti। nayan aise dikhaai padenge jaise naynon mein do bade bulb jal rahe hain। doosri hoti hai mastak ki light। teesri hoti hain maathe par light ka crown। abhi yeh koshish karna hai jo teenon hi lights ka saakshaatkaar ho। koi bhi saamne aaye to unko yeh nayan bulb dikhaai pade। jyoti hi jyoti dikhaai den। jaise andhiyaare mein sachche heere chamakte hain na। jaise search light hoti hai, bahut forsa se aur achhi reeti phailaate hain– is reeti se mastak ke lights ka saakshaatkaar hoga। aur maathe par jo light ka crown hai woh to samajhte ho। aise trimoorti lights ka saakshaatkaar ek-ek se hona hai। tab kahenge yeh to jaise farishta hai। saakaar mein nayan, mastak aur maathe ke crown ke saakshaatkaar spashta honge।

naynon taraph dekhte-dekhte light dekhenge। tumhaari light ko dekh doosre bhi jaise light ho jaayenge। kitni bhi man se va sthiti mein bhaareepan ho lekin aane se hi halka ho jaae। aisi stage ab pakadni hai। kyonki aap logon ko dekhkar aur sabhi bhi apni sthiti aisi karenge। abhi se hi apna gaayan sunenge। dvaapar ka gaayan koi badi baat nahin hai। lekin aise saakshaatkaarmoorta aur saakshaat moorta banne se abhi ka gaayan apna sunenge। aap ke aage aane se light hi light dekhne mein aaye। aise hona hai। madhuban hi light ka ghar ho jaayega। yeh deeve aadi dekhte bhi jaise ki nahin dekhenge। jaise vatan mein light hi light dekhne mein aati hai vaise yeh sthool vatan light ka house ho jaayega। jab aap chaitanya light house ho jaayenge to phir ya madhuban bhi light house ho jaayega। abhi yeh hai last padhaai ki last subject– practical mein। theory ka course samaapta hua। practical,course ki last subject hain। is last subject mein bahut faasta purushaartha karna padega। isi stage ke liye hi gaayan hai।

baapdaada se kab vidaai nahin hoti hai। maaya se vidaai hoti hai। baapdaada se to milan hota hai। yeh thode samay ka milan sada ka milan karne ke nimitta ban jaata hai। baap ke saath gun aur kartavya milna yahi milan hai। yahi prayatna sadaiv karte rehna hai। achha।

sankalpon ko brake lagaane ka mukhya saadhan kaun sa hai? maaloom hai? jo bhi kaarya karte ho to karne ke pahle sochkar phir kaarya shuru karo। jo kaarya karne ja raha hoon woh baapdaada ka kaarya hai, main nimitta hoon। jab kaarya samaapta karte ho to jaise yagya racha jaata hai to samaapti samay aahuti di jaati hai। is reeti jo kartavya kiya aur jo parinaam nikla। woh baap ko samarpan, svaaha kar diya phir koi sankalp nahin। nimitta ban kaarya kiya aur jab kaarya samaapta hua to svaaha kiya। phir sankalp kya chalega?jaise aag mein cheez daali jaati hai to phir naam nishaan nahin rehta vaise har cheez ki samaapti mein sampoorn svaaha karna hai। phir aapki jimmevaari nahin। jiske arpan hue phir jimmevaar woh ho jaate hain। phir sankalp kaahe ka। jaise ghar mein koi bada hota hai to jo bhi kaam kiya jaata hai to bade ko sunaakar khaali ho jaayenge। vaise hi jo kaarya kiya,samaachaar diya,bas। avyakt roop ko saamne rakh yeh karke dekho। jitna jo sahayogi banta hai unko extra sahayog dena padta hai। jaise apni aatma ki unnati ke liye sochte hain is reeti shuddh bhaavna, shubh chintak aur shubh chintan ke roop mein extra madad,donon roop se kisi bhi aatma ko vishesh sahayog de sakte ho। dena chaahiye। isse bahut madad milti hai। jaise koi gareeb ko achaanak bigar mehnat praapti ho jaati hai,us reeti jis bhi aatma ke prati extra sahayog diya jaata hai woh aatma bhi mahsoos karti hai hamko vishesh madad mili hai। saakaar roop mein bhi extra koi aatma ko sahayog dane ka saabut karke dikhaaya na। us aatma ko svayan bhi anubhav hua। yes service karke dikhaani hai। jitna-jitna aap sookshm hote jaayenge utna yeh sookshm service bhi badhti jaaegi। sthool ke saath sookshm ka prabhaav jaldi padta hai aur sada kaal ke liye। baapdaada bhi vishesh sahayog dete hain। extra madad ka anubhav hoga। mehnat kam praapti adhik। achha।

baapdaada bachchon se jitna avinaashi sneh karte hain utna bachche avinaashi sneh rakhte hain? yeh avinaashi sneh yahi ek dhaaga hai jo 21 janmon ke bandhan ko jodta hai। so bhi atoot sneh। jitna pakka dhaaga hota hai utna hi jyaada samay chalta hai। yeh sangam ka samay 21 janmon ko jodta hai। is sangam ke yug ka ek –ek sankalp ek-ek karma21 janma ke bank mein jama hota hai। itna attention rakhkar phir sankalp bhi karna। jo karoonga woh jama hoga। to kitna jama hoga। ek sankalp bhi vyartha na ho। ek sankalp bhi vyartha hua to jama kat ho jaata hai। to jama jab karna hota hai to ek bhi vyartha na ho। kitna purushaartha karna hai! sankalp bhi vyartha na jaae। samay to chhodo। ab purushaartha is seema par pahunch raha hai। jaise padhaai din pratidin oonchi hoti jaati hai to yeh bhi aise hai। bade class mein padh rahe ho na।

achha !!!