Avyakt murli du vendredi 24 juillet 1970

Brahma KumarisBrahma Kumaris> 24-07-70om shanti avyakt baapdaada madhuban

“bindu roop ki sthiti sahaj kaise banen ?”

sabhi jis sthiti mein abhi baithe hain, usko kaun si sthiti kahenge? vyakta mein avyakt sthiti hai? baapdaada se mulaaqaat karte samay bindu roop ki sthiti mein sthit rah sakte ho? (harek ne apna-apna vichaar sunaaya) bindu roop ki sthiti vishesh kis samay banti hai? jab ekaant mein baithe ho tab ya chalte phirte bhi ho sakti hai? antim purushaartha yaad ka hi hi । isliye yaad ki stage va anubhav ko bhi buddhi mein spashta samajhna aavashyak hai । bindu roop ki sthiti kya hai aur avyakt sthiti kya hai, donon ka anubhav kya-kya hai? kyonki naam do kehte hain to zaroor donon ke anubhav mein bhi antar hoga । chalte-phirte bindu roop ki sthiti is samay kam bhi nahin lekin na ke baraabar hi kahen । iska bhi abhyaas karna chaahiye । beech-beech mein ek do minute bhi nikaal kar is bindi roop ki practice karni chaahiye । jaise jab koi aisa din hota hai to saare chalte-phirte hue traffic ko bhi rok kar teen minute silence ki practice karaate hain । saare chalte hue kaarya ko stop kar lete hain । aap bhi koi kaarya karte ho va baat karte ho to beech-beech mein yeh sankalpon ki traffic ko stop karna chaahiye । ek minute ke liye bhi man ke sankalpon ko chaahe shareer dvaara chalte hue karma ko beech mein rok kar bhi yeh practice karna chaahiye । agar yeh practice nahin karenge to bindu roop ki powerful stage kaise aur kab la sakenge? isliye yeh abhyaas karna aavashyak hai । beech-beech mein yeh practice mein karte rahenge to jo aaj yeh bindu roop ki sthiti mushkil lagti hai woh saral ho jaaegi jaise abhi majority ko avyakt sthiti sahaj lagti hai । pahle jab abhyaas shuru kiya to vyakta mein avyakt sthiti mein rehna bhi mushkil lagta tha । abhi avyakt sthiti mein rah kaarya karna jaise saral hota ja raha hai vaise hi yeh binduroop ki sthiti bhi sahaj ho jaaegi । abhi mahaarthiyon ko yeh practice karni chaahiye । samjha ।

farishta roop ki sthiti arthaat avyakt sthiti jiski sadaakaal rehti woh binduroop mein bhi sahaj sthit ho sakega । agar avyakt sthiti nahin hai to binduroop mein sthit hona bhi mushkil lagta hai । isliye abhi iska bhi abhyaas karo । shuru shuru mein avyakt sthiti ka abhyaas karne ke liye kitna ekaant mein baith apna vyaktigat purushaartha karte the । vaise hi is final stage ka bhi purushaartha beech-beech mein samay nikaal karna chaahiye । yeh hai final siddhi ki sthiti । is sthiti ko pahunchne ke liye ek baat ka vishesh dhyaan rakhna padega । aajkal woh government kaun si scheme banaati hai? unhon ke plensa bhi saphal tab hote hain jab pahle-pahle yeh lakshya rakhte hain ki sabhi baaton mein jitna ho sake itni bachat ho । bachat ki yojna bhi karte hain na । samay bache, paise bachen, energy ki bachat karna chaahte hain । energy kam lage aur kaarya jyaada ho । sabhi prakaar ki bachat ki yojna karte hain । to ab paandav government ko kaun si scheme karni pade? yeh jo sunaaya ki binduroop ki sampoorn siddhi ki avastha ko praapta karne ke liye purushaartha karna pade । abhi jis reeti chal rahe hain us hisaab se to sabhi yahi kehte hain ki bahut busy rehte hain, ekaant ka samay kam milta hai, apne manan ka samay bhi kam milta hai । lekin samay kahaan se aaega । din pratidin service bhi badhti jaani hai aur samasyaaen bhi badhti jaani hain । aur yeh jo sankalpon ki speed hai woh bhi din pratidin badhegi । abhi ek sekand mein jo das sankalp karte ho uski double triple speed ho jaaegi । jaise aajkal jansankhya ka hisaab nikaalte hain na ki ek din mein kitni vriddhi hoti hai । yahaan phir yeh sankalpon ki speed tez hogi । ek taraph sankalpon ki, doosri taraph evil spiritsa (aatmaon) ki bhi vriddhi hogi । lekin iske liye ek vishesh attention rakhna pade, jisse sarva baaton ka saamna kar sakenge । woh yeh hai ki jo bhi baat hoti hai usko spashta samajhne ke liye do shabd yaad rakhna hai । ek antar aur doosra mantra । jo bhi baat hoti hai uska antar karo ki yeh yathaartha hai ya yathaartha hai । baapdaada ke samaan hai va nahin hai । baap samaan hai va nahin? ek to har samay antar (bhent) karke uska ek sekand mein not ya to dot । karna nahin hai to phir dot denge, agar karna hai to karne lag jaayenge । to not aur dot yeh bhi smriti mein rakhna hai । antar aur mantra yeh donon practical mein honge । donon ko bhoolenge nahin to koi bhi samasya va koi bhi evil spirit saamna nahin kar sakegi । ek sekand mein samasya bhasma ho jaaegi । evil spiritsa aap ke saamne thahar nahin sakti hain । to yeh purushaartha karna pade । samjha ।

(evil spiritsa ka roop kaun sa hai?) unka spashta roop hai kinheen aatmaon mein pravesh hona । lekin evil spiritsa ka kuchh gupta roop bhi hota hai । chalte-chalte koi mein vishesh koi na koi bura sanskaar bilkul prabhaavshaali roop mein dekhne mein aaega । jiska ifekta kya hoga ki unka dimaag abhi-abhi ek baat, abhi abhi doosri baat । woh bhi forsa se kahenge । unki sthiti bhi ek thikaane tiki hui nahin hogi । woh apne ko bhi pareshaan karte hain, doosron ko bhi pareshaan karenge । spashta roop mein jo evil spiritsa aati hain usko parakh kar aur usse kinaara karna sahaj hai । lekin aap logon ke saamne spashta roop mein kam aaegi । gupta roop mein bahut aaegi । jisko aap log saadhaaran shabdon mein kehte ho ki pata nahin unka dimaag kuchh paagal sa lagta hai । lekin us samay usmein yeh evil arthaat bure sanskaaron ka forsa itna ho jaata hai jo woh evil spiritsa ke samaan hi hoti hai । jaise woh bahut tang karte hain vaise yeh bhi bahut tang karte hain । yeh bahut hone vaala hai । isliye suna ki abhi samay ki bachat, sankalpon ki bachat, apni shakti ki bachat yeh yojna banaakar beech-beech mein us bindi roop ki sthiti ko badhaao । jitna bindi roop ki sthiti hogi utna koi bhi evil spiritsa va evil sanskaar ka forsa aap logon par vaar nahin karega । aur aap logon ka shaktiroop hi unhon ko mukta karega । yeh bhi service karni hai । evil spiritsa ko bhi mukta karna hai kyonki abhi ant ke samay ka bhi ant hai to evil spiritsa va evil sanskaaron ko bhi ati mein jaakar phir unhon ka ant hoga । kichda saara baahar nikal kar bhasma ho jaayega । isliye unhon ka saamna karne ke liye agar apni samasyaaon se hi mukta nahin hue honge to in samasyaaon se kaise saamna kar sakenge । isliye kehte hain bachat scheme banaao aur practical mein laao tab apna aur sarva aatmaon ka bachaav kar sakenge । sirf bhaashan karne va samjhaane ki service nahin, ab to service ka roop bhi bada sookshm hota jaaega । isliye apne sookshm svarup ki sthiti bhi badhaao । yeh sabhi pratyaksha hokar phir praayah lop hona hai । praayah lop hone pahle pratyaksha ho phir praayah lop honge । service itni badhni hai jo ek-ek ko das ka kaarya karna padega ।

shaktiyon ki bhujaaen kitni dikhaate hain? bhujaaon ka arth hai itni service mein madadgaar banna । paandav samajhte hain ki yeh to shaktiyon ki hi bhujaaen hain । paandavon ko phir kya dikhaaya hai, maaloom hai? lamba dikhaaya hai । to yeh bhi paandavon ki itna jyaada madadgaar banne ki nishaani hai । lamba shareer nahin lekin buddhi lambi hai । inhon ka aage daudna goya shaktiyon ka aage daudna hai । shaktiyon ko aage rakhna yahi inhon ki daud ki nishaani hai ।

achha !!!