Avyakt murli du samedi 5 décembre 1970

05-12-70om shanti avyakt baapdaada madhuban

“pratigya karne vaalon ko maaya ki challenge”

aavaaz se pare jaana aur le jaana aata hai? jab chaahe aavaaz mein aaye jab chaahe aavaaz se pare ho jaaen,aise sahaj abhyaasi bane ho? yeh paath pakka kiya hai?vijayi ratna bane ho? kis par vijayi bane ho? sarva ke dilon par vijay praapta kar sakte ho? jaise baapdaada ke is kartavya ke gun ka yaadgaar yahaan hai vaise baap ke samaan vijayi bane ho? sarva ke oopar vijayi bane ho। aapke oopar aur koi vijayi ban sakta hai? aisi sthiti bhatthi mein banaayi hai। bhatthi se jaane ke baad practical paper hoga। paas with honour arthaat sankalp mein bhi fail na ho aise bane ho? kal samaachaar suna tha ki ji haan ka naara bahut achha lagaaya। aisi pratigya karne vaale paas with honour hone chaahiye। maaya ko challenge hai ki pratigya karne vaalon ka khoob practical paper le। saamna karne ki shakti sadaiv apne mein kaayam rakhna hai। jo ashta shaktiyaan sunaai thi woh apne mein dhaaran ki hain। gyaanmoorta,gunmoorta donon hi bane ho? maaya ko achhi tarah se sadaakaal ke liye vidaai de chale ho?apni sthool vidaai ke pahle maaya ko vidaai deni hai। maaya bhi badi chatur hai। jaise koi-koi jab shareer chhodte hain to kabhi-kabhi saans chhip jaata hai। aur samajhte hain ki phalaana mar gaya, lekin chhipa hua saans kabhi-kabhi phir se chalne bhi lagta hai। vaise maaya apna ati sookshm roop bhi dhaaran karti hai। isliye achhi tarah se jaise doctor log check karte hain ki kahaan shvaas chhipa hua to nahin hai। aise teesre netra se achhi tarah se apni checking karni hai। phir kabhi aisa bol nahin nikle ki is baat ka to hamko aaj hi maaloom pada hai। isliye baapdaada pahle se hi khabardaar hoshiyaar bana rahe hain। kyonki pratigya ki hai,kis sthaan par pratigya ki hai?kiske aage ki hai? yeh sabhi baaten yaad rakhna hai। praapti to ki lekin praapti ke saath kya karna hota hai? praapti ki lekin aisi praapti ki jo sarva tripta ho jaayen। jitna tripta banenge itna hi ichchha maatram avidya honge। kaamna ke bajaay saamna karne ki shakti aayegi। puraani vrittiyon se nivritta hue – ye sabhi paper ke questions hain, jo paper practical hona hai। apne ko poornataya clear aur donta care karne ki shakti apne mein dhaaran ki hai? svayan aur samay donon ki pahchaan achhi tarah se spashta maaloom hui? yeh sabhi kuchh kiya va kuchh raha hai? jo samajhte hain sabhi baaton ki praapti kar tripta aatma ban paper hall mein jaane ke liye himmatvaan,shaktivaan bana hoon, woh haath uthaayen। sabhi baaton ka paper dene aur paas with honour hone ke himmatvaan,shaktivaan jo bane hain woh haath uthaao। achha ab practical paper ki result dekhenge jo is maas paas with honour ki result dikhaayenge unhon ko baapdaada vishesh yaad saugaat denge। lekin paas with honour। sirf paas nahin। apni-apni result likh bhejna। phir dekhenge kitne bade group se kitne paas with honour nikle। lekin yeh bhi dkehna ki aur jo aap ke saathi hain unhon se bhi certificate lenge, tab yaad saugaat denge। sahaj hai na। jab ho hi himmatvaan to yeh kya mushkil hai। sadaiv yeh smriti rakhna ki main vijayi maala ki vijayi ratna hoon। is smriti mein rahne se phir haar nahin hogi। achha। sabhi ne kaha tha ki samaapti mein poorn roop se bali chadh hi jaayenge to sampoorn bali chadhe? mahaabli ban ke ja rahe ho ki abhi bhi kuchh marna hai? mahaabli ke aage koi maaya ka bal chal nahin sakta। aisa nishchay apne mein dhaaran karke ja rahe ho na। result dekhenge phir baapdaada aise vijayi ratnon ko ek alaukik maala pahnaayege।

achha !!!