Avyakt murli du lundi 1 février 1971

>

01-02-71 om shanti avyakt baapdaada madhuban

taaj, tilak aur takhta nasheen banne ki vidhi

ba padaada sabhi bachchon ko dekhharshitho rahe hain, kyonki harek ko nambarvaar taaj va takhta-nasheen dekh rahe hain। aap apne ko taaj va takhta nasheen dekh rahe ho? kitne prakaar ke taaj hain aur kitne prakaar ke takhta hain? aapko kitne taaj hain? (21 janmon ke 21 taaj) abhi koi taaj hai ki sirf 21 taaj hi dikhaai dete hain? abhi ka taaj hi anek taaj dhaaran karaata hai। to ab apne ko taajdhaari dekhte ho। kitne taaj dhaaran kiye hain? ( anginat) paandav sena ko kitne taaj hain? (do) shaktiyon ko anek aur paandavon ko do? agar abhi taaj dhaaran nahin karenge to bhavishya ke taaj bhi kaise milenge! is samay sabhi bachchon ko taaj va takhta nasheen banaate hain। takhtansheen agar hain to taajdhaari bhi honge। takhta kitne prakaar ke hain? abhi dil ke takhta nasheen aur akaal takhtansheen to ho hi। jaise akaaltakhta nasheen ho to purity ki light ka taaj bhi abhi hi dhaaran karte ho aur dil ke takhta nasheen hone se, sevaadhaari banne se zimmevaari ka taaz dhaaran karte ho। to ab harek apne ko dekhe ki donon hi takhta nasheen aur donon hi taajdhaari kitna samay rehte hain? taaj aur takhta mila to sabko hai lekin koi kitna samay taaj va takhta nasheen bante hain -- yeh harek ka apna purooshaartha hai। kaiyon ko sthool taaj bhi dhaaran karne ka anubhav kam hota hai to baar-baar utaar dete hain। lekin yeh taaj aur takhta to aisa saral-sahaj hai jo har samay taaj va takhtadhaari ban sakte ho। jab koi takhtansheen hota hai to takhta par upasthit hone se raajkaarobaari uske order se chalte hain। agar takhta chhodte hain to vahi kaarobaari uske order mein nahin chalenge। to aise aap jab taaj va takhta chhod dete ho to yeh karmendriyaan aapka hi order nahin sunti hain। jab takhtansheen hote ho to yahi karmendriyaan ji-hajoor karti hain। isliye sadaiv yahi dhyaan rakho ki yeh taaj va takhta kabhi chhoote nahin। apna taaj va takhta nasheen ka sampoorn chitra sadaiv yaad rakho। unko yaad rakhne se anek chitra jo ban jaate hain woh nahin banenge। ek din ke andar hi harek ke bhinna-bhinna roop badalne ke chitra dikhaai dete hain। to apna ek sampoorn chitra saamne rakho। taaj va takhta-nasheen banne se nishaana aur nasha svatah hi rahega। kyonki taaj va takhta hai hi nasha aur nishaane ki yaad dilaane vaala। to apna taaj va takhta kabhi bhi nahin chhodna। jitna-jitna ab taaj va takhta dhaaran karne ke anubhvi va abhyaasi banenge utna hi vahaan bhi itna samay taaj va takhta dhaaran karenge। agar abhi alpa samay taaj va takhta nasheen bante ho to vahaan bhi bahut thoda samay taaj va takhta praapta kar sakenge। abhi ka abhyaas harek ko apna bhavishya saakshaatkaar kara raha hai। abhi bhi sirf doosron ko taaj va takhtansheen dekhte hue khush hote rahenge to vahaan bhi dekhte rehna padega। isliye sadaakaal ke liye taaj va takhta nasheen bano। aisa taaj va takhta phir kab milega? abhi hi milega। kalpa ke baad bhi abhi hi milega। abhi nahin to kabhi nahin।

ghar baithe koi taaj va takhta dene aaye to kya karenge? baap bhi abhi aatmaon ke ghar mein mehmaan ban aaye hain na। ghar baithe taaj va takhta ki saugaat dene aaye hain। taaj va takhta ko chhod kahaan chale jaate ho, maaloom hai? maaya ka koi nivaas-sthaan hai? aap bhi sarvavyaapi kehte ho va aap logon ke sivaay aur sabhi jagah hai? aapne 63 janmon mein kitni baar maaya ko thikaana diya hoga! uska parinaam bhi kitni baar dekha hoga। jo bahut baar ke anubhvi phir bhi woh baat karen to kya kahenge? jaise dikhaate hain na taaj va takhta chhod jangal mein chale jaate hain to yahaan bhi kaanton ke jangal mein chale jaate ho। kahaan takhta, kahaan kaaton ka jangal। kya pasanda hai? jaise koi bhakta va shrringaar karne vaale niyam pramaan naha- dhokar apne mastak par tilkazrooralgaate hain। shrringaar ke kaaran, bhakti ke kaaran aur suhaag ke kaaran bhi tilak lagaate hain। to aise hi amritvele tum apne ko gyaan-snaan karaate ho, apne ko gyaan se sajaate ho। to amritvele vaise yeh smriti ka tilak dena chaahiye। lekin amritvele yeh smriti ka tilak dena bhool jaate ho। agar koi tilak dete bhi hain to phir mita bhi lete hain। jaise kaiyon ki aadat hoti hai -- baar-baar mastak ko haath lagaakar tilak mita dete hain। abhi-abhi tilak denge, abhi-abhi mita denge। aise hi yeh bhi baat hai। koi ko tilak dena bhool jaata hai, koi dete hain phir mita dete hain। to lagaana aur mitaana -- donon hi kaam chalte hain। to amritvele ka yeh smriti ka diya hua tilak sadaiv kaayam rakhte raho to suhaag, shrringaar aur yogeepan ki nishaani sadaiv aapke mastak se dikhaai degi। jaise bhakton ka tilak dekhkar ke samajhte hain - yeh bhakta hai। is prakaar aapki smriti ka tilak itna spashta sabhi ko dikhaai dega jo jhat mahsoos karenge ki yeh ‘yogi tu aatma’ hai। to tilak, taaj aur takhta sabhi kaayam rakho। tilak ko mitaao nahin। apne ko master sarvashaktivaan kahlaate ho, to master sarvashaktivaan ko taaj va takhta dhaaran karna bhi nahin aata hai kya! sadaiv sirf do baaten karma karte hue yaad rakho। phir aisi practice ho jaayegi jo kiske man mein aaye hue sankalp ko aise catch karenge jaise mukh se ki hui baat saral reeti se catch kar sakte ho। vaise man ke sankalp ko sahaj hi catch karenge। lekin yeh tab hoga jab samaanta ke nazdeek aayenge। ek-do ke svabhaav mein bhi agar koi ki samaanta hoti hai to unke bhaav ko sahaj samajh sakte hain। to yeh bhi baap ki samaanta ke sameep jaane se man ke sankalp aise catch kar sakenge jaise mukh dvaara vaani। iske liye sirf apne sankalpon ki miksacharta nahin honi chaahiye। sankalpon ke oopar controlling power honi zaroori hai। jaise baahar ki kaarobaar control karne ki controlling power kismen kitni hoti hai, kismen kitni hoti hai। aise hi yeh man ke sankalpon ki kaarobaar ko control karne ki controlling power nambarvaar hai। to woh do baaten kaunsi hain?

ek to sadaiv yeh smriti mein rakho ki main har samay, har second, har karma karte hue stage par hoon। har karma par attention rahne se sampoorn stage ke nazdeek aate jaayenge। doosri baat -- sadaiv apne vartamaan aur bhavishya ke status ko smriti mein rakho। to ek stage, doosra status - yeh donon baaten sadaiv smriti mein rakhne se koi bhi aisa kaarya nahin hoga jo status ke virooddha ho। aur, saath-saath stage par apne ko samajhne se sadaiv oonch karttavyon ko karne ki prerna milegi। yeh do baaten sadaiv smriti mein rakhte chalo। achha। aap log door se aaye ho va baapdaada door se aaye hain? raphtaar bhale tej hai lekin doori kiski hai? aap log saphar kar aaye ho, baapdaada bhi saphar kar aaye hain। isliye donon hi saphar vaale hain। sirf aapke saphar mein thakaavat hai aur is saphar mein athak hain। madhuban nivaasi banna - yeh bhi drama ke andar bahut-bahut saubhaagya ki nishaani hai। kyonki madhuban hai vardaan bhoomi। to vardaan bhoomi par aaye ho। woh hai mehnat ki bhoomi, yeh hai vardaan bhoomi। to vardaan bhoomi par aakar vardaata se va vardaata dvaara nimitta bani hui aatmaon se izatna jo vardaan lene chaahen woh le sakte hain। nimitta bani hui shreshtha aatmaon se vardaan kaise lenge? yeh hisaab jaante ho? madhuban mein vardaan milta hai। vaayumandal mein, pavitra charitra-bhoomi mein vardaan to bhara hua hai lekin nimitta bani hui shreshtha aatmaon se vardaan kaise lenge? vardaan mein mehnat kam hoti hai। jaise mandir mein pande yaatriyon ko vardaan dilaane deviyon ke saamne le jaate hain। to aap bhi pande ho। yaatriyon ko vardaan kaise dilaayenge? vardaan lene ka saadhan kaunsa hai? shreshtha aatmaon dvaara vardaan isliye milta hai - jo nimitta bane hue hone ke kaaran unhon ke har karma ko dekhkar sahaj prerna milti hai। koi bhi cheez jab saakaar mein dekhi jaati hai to jaldi grahan kar sakte hain। buddhi mein sochne ki baat deri se grahan hoti hai। yahaan bhi saakaar roop mein jinhonne saakaar ko dekha, unhon ko yaad karna sahaj hai aur bindi roop ko yaad karnaazra…। isi reeti jo nimitta bani hui shreshtha aatmaayen hain unhon keesarvis, tyaag, sneh, sarva ke sahayogeepan ka practical karma dekhte hue jo prerna milti hai woh vardaan roop mein sahaj praapta hoti hai। to madhuban vardaata ki bhoomi mein aakar har ek shreshtha aatmaon dvaara sahaj karmayogi banne ka vardaan praapta karke hi jaana। kyonki aap log bhi sirf mushkil baat yahi bataate ho ki karma karte hue smriti mein rehna mushkil hai। to nimitta bani hui aatmaon ko karma karte hue in gunon ki dhaarna mein dekhte sahaj karmayogi banne ki prerna milti hai। to un ek bhi vardaan ko chhodkar nahin jaana। sarva vardaan praapta karte-karte svayan bhi master vardaata ban jaayenge। achha।