Avyakt murli du vendredi 5 mars 1971

>

05-03-71 om shanti avyakt baapdaada madhuban

bhatthi ki alaukik chhaap

aaj baapdaada harek ke mastak se do baaten dekh rahe hain। kaunsi? ek bhaagya aur doosra suhaag। donon hi baaten dekh rahe hain। bhatthi mein aakar apne bhaagya aur suhaag ko achhi tarah se dekh aur jaan sakte ho। apne mastak par chamakte hue bhaagya ke sitaare ko dekh sakte ho।bhattheemen yeh darpan mila hai jis darpan se apne bhaagya aur suhaag ko dekh sako?bhattheemen aana arthaat do baaten praapta karna। woh do baaten kaunsi? aaj bhattheevaalon se milne aaye hain na। to unhon ka paper lete hain। bataao, mukhya do baaten kaunsi milti hain? (harek ne bhinna-bhinna baaten sunaai) harek ne jo sunaaya bahut achha sunaaya। kyonki maataayen itna bhi sunaane yogya ban jaayen to bahut sarviskar sakti hain। to bhattheese do baaten mukhya yeh mili hain aur unhein saath lekar hi jaana hai। ek to apne aapko dekhne ka darpan aur doosri baat yog arthaat yaad ka gola। light ke gole ko sadaiv saath rakhne vaale ke haath mein phir kaunsa gola aayega? jo aap logon ka yaadgaar chitra hai। krishna ke chitra mein srishti ka gola hai na। to light ka gola arthaat light ke chitra ke andar sadaiv rehna hai। light ka gola banne se hi vishwa ke raajya ka gola le sakte ho। to abhi hai light ka gola bhavishya mein hoga yeh raajya ka gola। to bhattheese ek to darpan mila aur doosra yaad ki yaatra ko nirantar shreshtha banaane ke liye light ke gole ki saugaat mili hai। lekin donon le jaane hain। yahaan hi chhod kar nahin jaana hai। donon saugaat saath le jaayenge aur sadaiv saath rakhenge to phir kya ban jaayenge? jaise baap ki mahima ka ek geet banaaya hai na - satyam shivam sundaram…। aise aap sabhi bhi master satyam shivam sundaram ho jaayenge, jis darpan se satya aur asli sundarta ka saakshaatkaar hoga। to aisi apni soorat banaai hai? bhattheemen isliye hi aaye ho na। laukikpan abheebhattheemen svaaha kiya? koi bhi laukik vritti, drishti, sambandh ki smriti, laukik maryaada, laukik reeti-rasma ke vash hokar alaukik reeti aur preeti ko bhoolenge to nahin? alaukik preeti aur alaukik reeti-rasma ka poora thappa va pakki chhaap lagaai hai? poori chhaap lagaai hai, jo bhale koi kitna bhi mitaane ki koshish kare lekin mit na sake। aisi chhaap apne aapko jinhonne lagaai hai woh haath uthaayen। dekhna, laukik reeti- rasma ka paper bahut kada aayega (koi-koi ne haath nahin uthaaya), yeh samajhte hain ki ham apni safety rakhen। lekin safety ismen hai - jo jitni himmat rakhenge utni madad milegi। pahle hi apne mein sanshay-buddhi hone se haar ho jaati hai। yeh bhi apne mein sanshay kyon rakhte hain ki na maaloom ham fail ho jaayen। yeh kyon nahin sochte ki ham vijay praapta karke hi dikhaayenge। vijayi ratna ho na। to kab bhi purooshaartha mein apne aap mein sanshay buddhi nahin banna chaahiye। sanshay-buddhi hone se hi haar hoti hai। apna hi sanshay ka sankalp maayaajeet nahin banne deta hai। achha।

majority vijayi ratna hain। vijay ka tilak bhi lagaakar hi ja rahe ho na। sadaiv yeh smriti mein rakhkar kadam uthaana ki vijay to hamaara janma-siddha adhikaar hai। adhikaari bankar karma karne se vijay arthaat saphalta ka adhikaar avashya hi praapta hota hai। ismen sankalp uthaane ki aavashyakta hi nahin hai। svapna mein bhi kabhi yeh sankalp nahin aana chaahiye ki ‘na maaloom vijay hogi ya nahin?’ maastarnolejphul ke mukh se ‘na maaloom shabd’ nahin nikalna chaahiye। jab srishti ke aadi-madhya-ant ko, teenon kaalon ko jaan gaye ho, maastarnolejphul ban gaye ho; to aise maastarnolejphul ke mukh se yeh shabd nahin nikal sakta ki ‘na maaloom’। unko to sabhi maaloom hai। yeh agyaaniyon ki bhaasha hai, gyaani ki bhaasha nahin। agar koi galti bhi karte ho to bhi maaloom hota hai nolejke aadhaar par ki yeh wrong kaarya kar rahi hoon। maaloom padta hai na! na maaloom yeh hoga ya nahin hoga - yeh kehna braahmanon ki bhaasha nahin hai। to bhatthi se yeh chhaap pakki lagaakar jaana, jo 21 janma yeh chhaap pakki rahe, avinaashi rahe। to bhattheeki donon hi saugaaten sabhi ne apne paas rakhi hain? ab bhattheese jaakar ke kya karenge?bhattheemen aai ho apne ko parivartan karne ke liye। to jitna jo svayan ko parivartan mein la sakta hai, woh utna hi auron ko bhi parivartan mein la sakta hai। agar service mein dekhti ho ki parivartan mein kam aate hain, to darpan jo le ja rahi ho usmein dekhna ki mujhe apne aapko parivartan mein laane ki itni shakti aai hai? agar apne ko parivartan karne ki shakti kam hai to doosron ko bhi itna hi parivartan mein la sakenge। to do baaten yaad rakhna। ek to harek baat mein parivartan karna hai, laukik se alaukik mein aana hai। aur, doosra paripakvata mein aana hai। agar paripakvata nahin hai to bhi safaltaanheen hoti। to parivartan mein bhi laana hai aur apne mein paripakvata arthaat mazbooti bhi laani hai। yeh mukhya donon hi baaten pravritti mein rahkar kaarya karte samay yaad rakhna। agar donon hi baaten yaad rakhenge to nishchay hi vijay hai। sahaj baat sunaai na। maataaon ko sahaj baaten chaahiena। vaise bhi maataayen shrringaar ke kaaran darpan mein dekhti rehti hain। to baapdaada bhi vahi kaam dete hain। achha।

yeh bhatthi jo madhuban ki behad ki bhattheehai, to apni pravritti mein bhi is behad ki bhatthi ka model roop samajhkar chalna। koi cheej ka model chhota hi banaaya jaata hai। jaise yahaan bhatthi karke ja rahi ho, aisa hi model roop apni pravritti ko bhi banaana। phir kya hoga? vahi bhattheeki baaten, bhatthi ki dhaarna,bhattheeki dincharya apni chala sakengi। isliye pravritti mein aakar apni vrittibhattheejaisi hi rakhna। vritti ko nahin badalna। jaise yahaan bhattheemen oonchi vritti rehti hai, vaise hi oonchi vritti pravritti mein bhi rakhna। vritti change ki to phir pravritti ki paristhitiyaan sthiti ko dagmag kar dengi। lekin agar vritti aisi hi oonchi rakhenge to pravritti mein aane vaali anek paristhitiyaan aapki sthiti ko dagmag nahin kar sakengi। samjha? vritti ko saath le jaana। phir dekhna vijayi bane ho na। maataaon ke saath sabhi se jyaada sneh hai। kyonki maataaon ne duhkh bahut sahan kiye hain। isliye pukaara bhi jyaada maataaon ne hai। to bahut duhkh sahan karne ke kaaran, maaren sahan karne ke kaaran, thaki hui hone ke kaaran baap sneh se paanv dabaate hain। gaayan hai na - maataaon ke paanv dabaaye। paanv koi sthool nahin, lekin maataaon ke vishesh sneh ke paanv dabaate hain। inhon ko sneh aur saahas dena hai। sirf sneh nahin yaad rakhna, lekin saahas bhi jo diya hai woh bhi yaad rakhna। achha।

bhatthi ki jo saari padhaai va shiksha li uska saar teen shabdon mein yaad rakhna hai। kaunse teen shabd? todna, modna aur jodna। karma-bandhan todna seekhi ho na। aur phir modna bhi seekhi ho। apne sanskaaron ko, svabhaavon ko modna bhi seekhi aur jodna bhi seekhi। to yeh teen shabd yaad rakhna aur sadaiv apne ko dekhte rehna ki ‘‘tod bhi rahi hoon, mod bhi rahi hoon aur jod bhi rahi hoon? teenon mein koi bhi kami to nahin hai?’’ phir jaldi sampoorn ban jaayenge। is group ko khaas yeh smriti ka tilak de rahe hain। tilak smriti ki nishaani hai na। to sadaiv yeh smriti mein rakhna ki yeh sabhi jo bhi in naynon se vinaashi cheeje dekhte hain woh dekhte hue bhi apne naye sambandh, nai srishti ko hi dekhte rahen। in aankhon se jo vinaashi cheejen dikhaai deti hain unmein vinaash ki smriti rahe। yeh smriti ka tilak is group ko de rahe hain। phir koi bhi baaton mein haar nahin khaayenge, kyonki dekhenge hi vinaashi cheez ko। isliye apne ko vijayi banaane ke liye amritvele roz yeh smriti ka tilak apne ko lagaana। bholi maataayen hain। yahi maataayen agar maidaan par aa jaayen to yeh apne ko aaj jo sher samajhte hain woh bakri ban aapke charnon mein aa jaayen। kyonki jis baat mein woh kamzor va kaayar hain us baat ki aap pratyaksha pramaan ho। aapke pratyaksha pramaan ko dekhkar sharmashaar honge। to goya bakri ban jaayenge na। maataayen itni shreshthasarviskar sakti hain, jo ek second mein sher ko bakri bana sakti hain। aisi jaadoogarni ho। jaadu se sher ko bakri, bakri ko sher banaate hain na। tum maataayen bhi aisi jaadoogri dikha sakti ho। sirf sherni ban jaao, phir woh sher bakri banenge। to yeh ant ka jo dharmayuddha dikhaaya hua hai, aavaaz bulanda hona hai। tumhaari is service se jab sher bakri ban jaayenge phir unke followers to peechhe-peechhe hain hi। sirf ek sher ko bhi bakri banaaya to anek sher jaal mein aa jaayenge। isliye maataaon ko itni oonchi sarviske liye taiyaar rehna chaahiye। agar itna jhunda shaktidal saamna kare to bataao woh thahar sakenge? challenge karne ki himmat chaahiye। abhi practical mein pareekshaaon se paar hona hai। ek hota hai theory ka paper, doosra hota hai practical paper। theory mein to paas ho, ab practical paper mein paas hona hai। himmate shaktiyaan madad de sarvashaktimaan। yeh to sadaiv yaad hai na। ab sirf return karna hai। itni jo mehnat li hai uska return। yeh sabhi sherniyaan hain! sherniyaan kabhi kisse darti nahin hain, nirbhay hoti hain। yeh bhi bhay nahin ki na maaloom kya hai। isse bhi nirbhay hona hai। aisi sherniyaan bani ho? (ban jaayenge) kab? yeh to pahle hi din jab bhatthi mein aati ho to bhatthi mein aana arthaat badalna। samjha? parivartan samaaroh mana rahi ho na। baapdaada bhi parivartan- samaaroh mein aaye hain। aaj final chhaap lagaana hai। phir is parivartan ko bhulaana nahin। harek ko apne mein koi na koi visheshta bharni hai। koi bhi ek subject mein number one zaroorbanna chaahiye। banna to sabhi mein chaahiye। agar nahin ban sakti ho to koi na koi subject mein vishesh number one apne kozroorabnaana hai। yahaan se nikal kar aur service mein madadgaar banne ke liye jo kaha tha woh plan banaaya hai? jo plan banaaya hai us pramaan phir taiyaar bhi zaroor rehna hai। vighnato aayenge lekin jab aavashyak baat samjhi jaati hai to uska prabandha bhi kiya jaata hai। jaise aapki pravritti mein kai aavashyak baaten saamne aati hain to prabandha karte ho na। is reeti apne ko svatantra banaane ke liye bhi koi na koi prabandha rakho। koi saathi banaao। aapas mein bhi ek-do daivi parivaar vaale sahayogi ban sakte hain। lekin tab banenge jab itna ek- do ko sneh dekar sahayogi banaayenge। plan rachna chaahiye kaise apne bandhan ko halka kar sakti hain। kai chatur hote hain to apne bandhanon ko mukta karne ke liye yukti rachte hain। aise nahin ki prabandha mile to nikal sakti hoon। prabandha apne aap karna hai। apne aap ko svatantra karna hai। doosra nahin karega।

yogayukta hokar aisa plan sochne se ichchha poorti ke liye prabandha bhi mil jaayenge। sirf nishchay-buddhi hokar apne umang ko teevra banaao। umang dheela hota hai to prabandha bhi nahin milta, madadgaar koi nahin milta। isliye himmatvaan bano to madadgaar bhi koi na koi ban jaayenge। ab dekhenge ki apne ko svatantra banaane ki kitni shakti harek ne apne mein bhari hai। maayaajeet to ho। lekin apne ko svatantra banaane ki shakti bhi bahut zaroori hai। yeh paper hoga ki shakti kahaan tak bhari hai। jo pravritti mein rehte svatantra ban madadgaar banengi unko inaam bhi bhejenge। achha।

chhote baap samaan hote hain। hain to sabhi ek, kintu pahchaan ke liye gujraati, panjaabi aadi kehte hain। guzraat number one bankar dikhaayenge na। dekhenge inaam laayak kaun banta hai। ek-ek ratna ki apni visheshta hai। kismen sneh ki, kismen sahayog ki, kismen shakti ki, kismen divyagunon ki moorta banne ki, kismen gyaan ki visheshta hai। abhi sarva shaktiyaan apne mein bharni hain। sarva gun sampanna, 16 kala sampoorn banna hai। sarva gun sampanna nahin banenge to 16 kala se 14 kala ho jaayenge। chandrama mein jara bhi kala kam hoti hai to achha nahin lagta hai। sampoornata se sundarta hoti hai। teevra purushaartheeka teer sada nishaane par lagta hai। kabhi bhi maaya se haar nahin khaana। light ka gola bankar jaana। light knowledge ko bhi kehte hain aur ‘light might’ bhi hai।

‘koshish’ shabdakamzoreeka hai। jahaan kamzori hoti hai vahaan pahle maaya taiyaar hoti hai। jaise kamzor shareer par beemaari jaldi aa jaati hai, vaise ‘koshish’ shabd kehna bhi aatma ki kamzoreehai। maaya samajhti hai ki yeh hamaara graahak hai to aa jaati hai। nishchay ki vijay hai। jaise saare din ki jo smriti rehti hai vaise hi svapna aate hain। yadi saare din mein shaktiroop ki smriti rahegi to kamzori svapna mein bhi nahin aayegi। achha।