Avyakt murli du jeudi 25 mars 1971

>

25-03-71 om shanti avyakt baapdaada madhuban

nyaare aur vishwa ke pyaare banne ki vidhi

sabhi apne alaukik aur paarlaukik nashe aur nishaane mein sadaiv rehte ho? alaukik nasha aur nishaana aur paarlaukik nasha aur nishaana, donon ko jaante ho? donon mein pharka hai va ek hai? alaukik nasha aur nishaana hua is eeshvareey janma ka aur paarlaukik nasha aur nishaana hua bhavishya janma ka। to eeshvareey janma ka nasha aur nishaana yaad rehta hai? saath-saath paarlaukik arthaat bhavishya ka nasha aur nishaana yaad rehta hai? agar donon hi har samay rahen to kya ban jaayenge? alaukik nashe aur nishaane se banenge nyaare aur paarlaukik nashe aur nishaane se banenge vishwa ke pyaare। to donon hi nashe aur nishaane se nyaare aur pyaare ban jaayenge। samjha?

abhi sabhi se nyaara banna hai। apni deh se hi jab nyaare banna hai, to sabhi baaton mein bhi nyaare ho jaayenge। ab purooshaartha kar rahe ho nyaare banne ka। nyaare banne se phir svatah hi sabhi ke pyaare ban jaate ho। pyaare banne ka purooshaartha nahin hota hai, purooshaartha nyaare banne ka hota hai। agar sabka pyaara banna hai to purooshaartha kya karna hai? sarva se nyaare banne ka। apni deh se nyaare to bante hi ho lekin aatma mein jo puraane sanskaar hain unhon se bhi nyaare bano। pyaare banne ke purooshaartha se pyaare banenge to result kya hogi? aur hi pyaare banne ki bajaay baapdaada ke dil roopi takhta se door ho jaayenge। isliye yeh purooshaartha nahin karna hai। koi bhi nyaari cheez pyaari zaroorhoti hai। is sangathan mein agar koi nyaari cheez dikhaai de to sabhi ka lagaav aur sabhi ka pyaar us taraph chala jaayega। to aap bhi nyaare bano। sahaj purooshaartha hai na। nyaare nahin ban paate hain, iska kaaran kya hai? aajkal ka lagaav saari duniya mein kis kaaran se hota hai? (attraction par) attraction bhi svaartha se hai। is samay ka lagaav sneh se nahin lekin svaartha se hai। to svaartha ke kaaran lagaav aur lagaav ke kaaran nyaare nahin ban sakte। to uske liye kya karna pade? svaartha ka arth kya hai? svaartha arthaat sva ke rath ko svaaha karo। yeh jo rath arthaat deh-abhimaan, deh ki smriti, deh ka lagaav laga hua hai। is svaartha ko kaise khatma karenge? uska sahaj purooshaartha, ‘svaartha’ shabd ke arth ko samjho। svaartha gaya to nyaare ban hi jaayenge। sirf ek arth ko jaanna hai, jaankar arth-swaroop banna hai। to ek hi shabd ka arth jaanne se sada ek ke aur ekras ban jaayenge। achha।

aaj teachers ke udghaatan ka din hai। sampoorn aahuti daalne ki saamarthya hai? yeh group incharge teachers ka hai na। abhi hain va banne vaali hain? mukhya dhaarna yahi hai vi sadaiv apni sampoorn sthiti ka va apne sampoorn swaroop ka aahvaan karte raho। jaise koi ka aahvaan kiya jaata hai to buddhi mein vahi smriti mein rehta hai na। is reeti se sadaiv apne sampoorn swaroop ka aahvaankarte rahenge to sadaiv vahi smriti mein rahega। aur isi smriti mein rahne ke kaaran result kya hogi? yeh jo aavaagman ka chakra chalta rehta hai; aavaagman ka chakra kaunsa? kabhi oonch sthiti mein thaharte ho, kabhi neeche aa jaate ho। yeh jo oopar-neeche aane- jaane ka aavaagman ka chakra hai is chakra se mukta ho jaayenge। woh log janma- maran ke chakra se chhootne chaahte hain aur aap log yeh jo smriti aur vismriti ka aavaagman ka chakra hai, isse mukta hone ka purooshaartha karte ho। to sadaiv apne sampoorn swaroop ka aahvaankarne se aavaagman se chhoot jaayenge arthaat in vyartha baaton se kinaara karne se sadaiv chamakta hua lucky sitaara ban jaayenge। incharge teacher banne ke liye pahle apni aatma ki battery charge karo। jitni jiski battery charge hai utna hi achha incharge teacher ban sakti hai। samjha? jab yeh yaad aaye ki main incharge hoon, to pahle yeh apne se poochho ki meri battery charge hui hai? agar battery charge kam hogi to incharge teacher mein bhi utni kami dikhaai degi। to ab kya karna hai? achhi tarah se battery charge karke phir incharge bankar jaana। aise hi sirf incharge nahin ban karjaana। agar battery charge ke bina incharge banengi to kya hoga? charge akshar ke do-teen matlab hote hain। ek hota hai battery charge, doosra charge arthaat duty bhi hota hai aur teesra charge arthaat dosh ko kehte hain। koi par charge lagaate hain na। to incharge hone se agar battery charge hai to phir incharge yathaartha reeti bante hain। agar battery charge nahin, yathaartha roop nahin to phir bhinna-bhinna chaarjez lag jaate hain। to ab samjha, kaise incharge banenge? dharmaraajpuri mein pahle charge lagaakar phir sazaadenge। to agar battery charge nahin hogi to charges lagengi। abhi aise bankar jaana jo sabhi ki nigaahon mein yeh group aa jaaye। sabhi anubhav karen ki bade to bade lekin chhote subhaan allaah। aisa lakshya rakh, bhattheese aise hi lakshan dhaaran karke jaana। aisa komal hona hai jo apne ko jahaan modne chaaho vahaan mod sakte ho। komal cheez ko jahaan modne chaahte hain vahaan mod sakte hain। lekin sakhta ko koi mod nahin sakenge। komal banna hai lekin kis mein? sanskaar modne mein komal bano। lekin komal dil se bachkar rehna। yeh lakshya aur lakshan dhaaran karke jaana hai। is snehi aur sahayogi banne vaale group ke liye salogan hai - ‘adhikaari banenge aur adheenta ko mitaayenge’। kabhi adheen nahin banna - chaahe sankalpon ke, chaahe maaya ke। aur bhi koi roopon ke adheen nahin banna। is shareer ke bhi adhikaari bankar chalna aur maaya se bhi adhikaari ban usko apne adheen karna hai। sambandh ki adheenta mein bhi nahin aana hai। chaahe laukik, chaahe eeshvareey sambandh ki bhi adheenta mein na aana। sada adhikaari banna hai। yeh salogan sadaiv yaad rakhna। aisa bankar ke hi nikalna। jaise kahaavat hai na ki maan sarovar mein nahaane se pariyaan ban jaate the। is group ko bhi bhattheeroopi gyaanmaanasrovar mein nahaakar pharishta bankar nikalna hai।

jab pharishta ban gaya to pharishte arthaat prakaashmay kaaya। is deh ki smriti se bhi pare। unke paanv arthaatbuddhiis paanch tatva ke aakarshan se oonchi arthaat pare hoti hai। aise pharishton ko maaya va koi bhi maayaavi touch nahin kar sakenge। to aise bankar jaana jo na koi maayaavi manushya, na maaya touch kar sake। kumaariyon ki mahima bahut gaai hui hai। lekin kaunsi kumaari? brahmaakumaariyon ki mahima gaai hui hai। brahmaakumaari arthaat brahma baap ko pratyaksha karne vaali kumaari। jo teachers banti hain unhon ko sirf pvaaintabuddhimen nahin rakhni hai va varnan karni hai lekin point roop bankar point varnan karni hai। agar svayan point sthiti mein sthit nahin honge to point ka koi prabhaav nahin padega। isliye pvaaint ikattheekarne ke saath apna point roop bhi yaad karte jaana। jab kaapiyaan bharti ho to kaapi ko dekh yeh sab check karna ki saakaar brahma baap ke charitron ki kaapi bani hoon? kaapi jo ki jaati hai woh to hoobhu hogi na। aise baap samaan dikhaai pado। sunaaya tha na ki jitni samaanta hogi utni saamna karne ki shakti hogi। samaanta laane se saamna karne ki shakti svatah aa jaayegi। achha।

yeh group kam nahin hai। itna bada shaktidal jab kone-kone mensarvispar phail jaayega to kya hoga? aavaaz bulanda ho jaayega - brahmaakumaariyon ki jay। abhi to gaaliyaan dete hain na। yahaan hi aap logon ke saamne mahima ke pushpa chadhaayenge। isliye kaha ki aise bankar ke jaana jo dekhte hi sabhi ke mukh se yeh aavaazbulanda ho nikle। is group ko yeh practical paper dena hai। chaaron or baapdaada aur madadgaar bachchon ki jay-jaykaar ho jaaye। aisi shakti hai? ek ke sang mein rahne se sangadosh se chhoot jaayenge। sadaiv cheving karo ki buddhi ka sang kiske saath hai? ek ke saath hai? agar ek ka sang hai to anek sangadosh se chhoot jaayenge। sangadosh kai prakaar ke dosh paida kar dete hain। isliye iska bahut dhyaan rakhna। ek baap doosre ham, teesra na koi। jab aisi sthiti hogi to phir sadaiv aap logon ke mastak se teesre netra ka saakshaatkaar hoga। yahaan ka jo yaadgaar hai usmein yog ki nishaani kya dikhaai hai? teesra netra। agarbuddhimen teesra koi aa gaya to phir teesra netra bandi jaayega। isliye sadaiv teesra netra khula rahe, iske liye yeh yaad rakhna ki teesra na koi। achha।