Avyakt murli du jeudi 15 avril 1971

>

15-04-71 om shanti avyakt baapdaada madhuban

trimoorti baap ke bachchon ka trimoorti karttavya

trimoorti baap ke bachche aap sabhi bhi trimoorti ho? trimoorti ban teenon kaarya karte ho? is samay do karttavya karte ho va teen? kaunsa karttavya karte ho? va teenon hi karttavya saath-saath karte ho? trimoorti to bane ho na। jaise trimoorti bane ho vaise hi trikaaldarsheebhi bane ho? har karma va har sankalp ki jo utpatti hoti hai woh trikaaldarsheebankar phir sankalp ko karma mein laate ho? sadaiv teenon hi kaarya saath-saathazroorchalte hain। kyonki agar puraane sanskaar va svabhaav va vyartha sankalpon ka vinaash hi nahin karenge to nai rachna kaise hogi। aur agar nai rachna karte ho, unki paalna na karenge to practical kaise dikhaai denge। to trimoorti baap ke trimoorti bachche teenon hi karttavya saath-saath kar rahe ho। vinaash karte ho vikarmon athva vyartha sankalpon ka। yeh to aur bhi ab teji se karna pade। sirf apne vyartha sankalp va vikarma bhasma nahin karne hain lekin tum to vishwa-kalyaankaari ho। isliye saare vishwa ke vikarmon ka bojh halka karna va anek aatmaon ke vyartha sankalpon ko mitaana-yeh shaktiyon ka karttavya hai। to vartamaan samay yahi vinaash ka karttavya aur saath- saath naye shuddh sankalpon ki sthaapna ka karttavya-donon hi full force mein chalna hai। jaise koi bahut tez machinery hoti hai to ek second mein us vastu ka roop, rang, gun, karttavya aadi sab badal jaata hai। machinery mein pada aur badli hua! aise abhi yeh vinaash aur sthaapna ki machinery bhi bahut tej honi hai। jaise machinery mein padte hi cheej ka roop-rang badal jaata hai, aise is roohaani machinery mein aap logon ke saamne jo bhi aatmaayen aayengi, aate hi unke sankalp, swaroop, gun aur karttavya badal jaayenge। na sirf aatmaon ke lekin 5 tatvon ke bhi gun aur karttavya badalne vaale hain। aisi machinery ab practical mein chalne vaali hai। isliye bataaya ki vinaash aur sthaapna-donon karttavya saath-saath chal raha hai। abhi aur hi teji se chalne vaala hai। jaise mahaadaaniyon ke paas sadaiv bhikhaariyon ki bheed lagi hui hoti hai, vaise aap sabhi ke paas bhi bhikhaariyon ki bheed lagne vaali hai। aapke paas pradarshani mein jab bheed hoti hai to phir kya karte ho? queue-system mein short mein sirf sandesh dete ho। rachna ki nolejanheen de sakte ho, sirf rachayita baap ka parichay aur sandesh de sakte ho। vaise hi jab bhikhaariyon ki bheed hogi to sirf yahi sandesh denge। lekin woh ek second ka sandesh powerful hota hai, jo woh sandesh un aatmaon mein sanskaar ke roop mein sama jaata hai। sarva dharma ki aatmaayen bhi yeh bheekh maangane ke liye aayengi। kehte hain na ki Christ bhi beggar roop mein hai। to dharma-pitaayen bhi aap logon ke saamne beggar roop mein aayenge। unko kya bhiksha denge? yahi sandesh। aisa powerful sandesh hoga jo isi sandesh ke powerful sanskaaron se dharma sthaapan karne ke nimitta banenge। woh sanskaar avinaashi ban jaayenge। kyonki aap logon ke bhi antim sampoorn stage ke samay avinaashi sanskaar hote hain। abhi sanskaar avinaashi bana rahe ho। isliye ab jinhon ko sandesh dete ho aur mehnat karte ho, to abhi woh sadaakaal ke liye nahin rehta hai। kuchh samay rehta hai phir dheele ho jaate hain। lekin ant ke samay aap logon ke sanskaar hi avinaashi ho jaate hain। to avinaashi sanskaaron ki shakti hone ke kaaran unhon ko bhi aisi shiksha va sandesh dete ho jo unke sanskaar avinaashi ban jaate hain। to abhi purooshaartha kya karna pade? sanskaaron ko palatna to hai lekin avinaashi ki chhaap lagaao। jaise government ki muhar lagti hai na, seel karte hain jo koi khol nahin sakta। aisi seel lagaao jo maaya aadha kalpa ke liye phir khol hi na sake। to avinaashi sanskaar banaane ka teevra purooshaartha karna hai। yeh tab hoga jab master trikaaldarsheeban sankalp ko karma mein laayenge। jo bhi sankalp utpanna hota hai, sankalp ko hi check karo। master trikaaldarsheeki stage par hoon? agar us stage par sthit hokar karma karenge to koi bhi karma vyartha nahin hoga। vikarma ki to baat hi nahin hai। abhi vikarma ke khaate se oopar aa gaye ho। vikalpa bhi khatma to vikarma bhi khatma। abhi hai vyartha karma aur vyartha sankalp ki baat। in vyartha ko badalkar samartha sankalp aur samartha kaarya karna hai। isko kehte hain sampoorn stage। to ab mahaadaani bane ho?

kitne prakaar ke daan karti ho? double daani ho va triple ya triple se bhi jyaada ho? (harek ne apna vichaar bataaya) mukhya teen daan bataaye। gyaan ka daan bhi karte ho, yog dvaara shaktiyon ka daan bhi kar rahe ho aur teesra daan hai karma dvaara gunon ka daan। to ek hai mansa ka daan, doosra hai vaacha ka aur teesra hai karma dvaara daan। mansa dvaara sarva shaktiyon ka daan। vaani dvaara gyaan ka daan, karma dvaara sarva gunon ka daan। to sadaiv jo din aarambha hota hai usmein pahle yeh plan banaao ki aaj ke din yeh teenon daan kis-kis roop se karna hai aur phir din samaapta hone ke baad check karo ki - ‘‘ham mahaadaani bane? teenon hi prakaar ka daan kiya?’’ kyonki teenon prakaar ke daan ki apni-apni praarabdha va praapti hai। jaise bhakti maarga mein jo-jo jis prakaar ka daan karta hai usko us prakaar ki praapti hoti hai। aise hi jo is mahaan jeevan mein jitna aur jaisa daan karta hai utna aur vaisa hi bhavishya banta hai। na sirf bhavishya lekin pratyaksha phal bhi milta hai। agar koi vaani ka va karma ka daan nahin karte hain sirf mansa ka daan karte hain, to unko pratyakshaphal aur milta hai। abhi aap log karma philosophy ko achhi reeti jaan gaye ho na। teenon daan ki praapti apni-apni hai। jo teenon hi daan karte hain unko teenon hi phal pratyaksha roop mein milte hain। aap karmon ki gati ko jaante ho na। bataao, mansa-daan ka pratyakshaphal kya hai? mansa mahaadaani banne vaale ko pratyakshaphal yahin praapta hota hai - ek to woh apni mansa arthaat sankalpon ke oopar ek second mein vijayi banta hai arthaat sankalpon ke oopar vijayi banne ki shakti praapta hoti hai। aur, kitna bhi koi chanchal sankalp vaala ho yaani ek second bhi unka man ek sankalp mein na tik sake - aise chanchal sankalp vaale ko bhi apni vijay ki shakti mein tempreri time ke liye shant va chanchal se achal bana denge। jaise koi bhi duhkh mein tadapte hue ko injection dvaara behosh kar dete hain, unke duhkh ki chanchalta khatma ho jaati hai। aise hi mansa dvaara mahaadaani banne vaala apni drishti, vritti aur smriti ki shakti se aise hi unko shanti ka anubhvi bana sakte hain lekin tempreri time ke liye। kyonki unka apna purooshaartha nahin hota hai। lekin mahaadaani ki shakti ke prabhaav se thode samay ke liye woh anubhav kar sakta hai। to jo mansa ke mahaadaani honge unke sankalp mein itni shakti hoti hai jo sankalp kiya uski siddhi mili। to mansa-mahaadaani sankalpon ki siddhi ko praapta karne vaala ban jaata hai। jahaan sankalp ko chaahe vahaan sankalpon ko tika sakte hain। sankalp ke vash nahin honge lekin sankalp unke vash hota hai। jo sankalpon ki rachna rache, woh rach sakta hai। jab sankalp ko vinaash karna chaahe to vinaash kar sakte hain। to aise mahaadaani mein sankalpon ke rachne, sankalpon ko vinaash karne aur sankalpon ki paalna karne ki teenon hi shakti hoti hai। to yeh hai mansa ka mahaadaan। aise hi samjho master sarvashaktivaan ka pratyaksha swaroop dikhaai deta hai। samjha?

woh ho gaya master sarvashaktimaan aur jo vaacha ke mahaadaani hain unko kya milta hai? woh hain master naalezphul। unke ek-ek shabd ki bahut value hoti hai। ek ratna ki value anek ratnon se adhik hoti hai। vaacha dvaara tum ratnon ka daan karte ho na। to jo gyaan-ratnon ka daan karte hain unka ek-ek ratna itna vailyuebal ho jaata hai jo unke ek-ek vachan sunne ke liye anek aatmaaen pyaasi hoti hain। anek pyaasi aatmaon ki pyaas bujhaane vaala ek vachan ban jaata hai। maastarnolejphul, vailyuebal aur teesra phir sensible ban jaata hai। unke ek-ek shabd mein sense bhara hua hota hai। sense arthaat saar ke bina koi shabd nahin hota। jab koi aise sense se shabd bolta hai to kehte hain na - yeh to bahut sensible hai। vaani dvaara sense ka maaloom padta hai। to donon sensible bhi ban jaate hain। yeh to hua lakshan। praapti kya hoti hai? vaacha ke daani banne vaale ko vishesh praapti ek to khushi rehti hai, kyonki dhan ko dekh harshit hota hai na। aur doosra woh kabhi bhi asantushta nahin honge। kyonki khajaana bharpoor hone ke kaaran, koi apraapta vastu na hone ke kaaran sadaiv santushta aur harshit rahenge। unka ek-ek bol teer samaan lagega। jisko jo bolenge unko woh lag jaayega। unke bol prabhaavshaali hote hain। vaani ka daan karne se vaani mein bahut gun aa jaate hain। avastha mein sahaj hi khushi ki praapti hogi। praapti karne ka purooshaartha nahin karenge lekin svatah hi praapta hogi। jaise koi khaan se cheej nikalti hai to akhut hoti hai na। aise hi andar se khushi svatah hi nikalti rahegi। yeh vardaan ke roop mein praapta hota hai। khushi ke liye purooshaartha nahin kiya। purooshaartha to vaani dvaara daan karne ka kiya। praapti khushi ki hui।

karmana dvaara gunon ka daan karne ke kaaran kaunsi moorta ban jaayenge? pharishta। karma arthaat gunon ka daan karne se unki chalan aur chehra - donon hi pharishte ki tarah dikhaai denge। donon prakaar ki light hogi arthaat prakaashmay bhi aur halkaapan bhi। jo bhi kadam uthega woh halka। bojh mahsoos nahin karenge। jaise koi shakti chala rahi hai। har karma mein madad ki mahsoosta karenge। har karma mein sarva dvaara praapta hua vardaan anubhav karenge। doosre, har karma dvaara mahaadaani banne vaala sarva ki aasheervaad ke paatra banne ke kaaran sarva vardaan ki praapti apne jeevan mein anubhav karenge। mehnat se nahin, lekin vardaan ke roop mein। to karma mein daan karne vaala ek to pharishta roop nazraaayega, doosra sarva vardaanmoorta apne ko anubhav karega। to apne ko check karo - koi bhi daan karne mein kami to nahin karte hain? teenon daan karte hain? teenon ka hisaab kis-na-kis roop se poora karna chaahiye। iske liye tareeke, chance dhoondho। aise nahin - chance mile to karenge। chance lena hai, na ki chance milega। aise mahaadaani banne se phir light aur might ka gola nazraaayega। aapke mastashka se light ka gola nazraaayega aur chalan se, vaani se knowledge roopi might ka gola nazraaayega arthaat beej najar aayega। master beejroop ho na। aise light aur might ka gola nazraaane vaale saakshaat aur saakshaatkaarmoorta ban jaayenge। samjha?

yahaan is haal mein aisa koi chitra hai jismen light aur might ke donon gole hon? (koi ne kaha shri lakshmi-naaraayan ka, koi ne kaha brahma ka) dekho, chitra ko dekhne se chehra hi jaise badal jaata hai। to aap log bhi aise chaitanya chitra bano jo dekhte hi sabhi ke charitra aur nain-chain badal jaayen। aisa banna hai aur ban bhi rahe ho। vardaan bhoomi mein aana arthaat vardaan ke adhikaari banna। jaise yaatra par jaate hain, kyon jaate hain? (paap mitaane) us bhoomi mein yeh visheshta hai tab to jaate hain। is bhoomi mein phir kya visheshta hai? jo hai hi vardaan bhoomi, vahaan vardaan to praapta hai hi। apne aap hi vardaan to milega na। maangane ki darkaar nahin hai। isliye aaj se maangana band। apne ko adhikaari samjho। achha!