Avyakt murli du vendredi 18 juin 1971

>

18-06-71 om shanti avyakt baapdaada madhuban

buddhi ki alaukik drill

aavaaz se pare rehna achha lagta hai va aavaaz mein rehna achha lagta hai? asli desh va asli swaroop mein aavaazhai? jab apni asli sthiti mein sthit ho jaate ho to aavaaz se pare sthiti achhi lagti hai na। aisi practice harek kar rahe ho? jab chaahen, jaise chaahen vaise hi swaroop mein sthit ho jaayen। jaise yoddhe jo yuddha ke maidaan mein rehte hain unhon ko jab bhi aur jaisa order milta hai, vaise karte hi jaate hain। aise hi roohaani warriors ko bhi jab aur jaisa direction mile vaise hi apni sthiti ko sthit kar sakte hain। kyonki master knowledgeful bhi ho aur master sarvashaktimaan bhi ho। to donon hi hone kaaran ek second se bhi kam samay mein jaisi sthiti mein sthit hona chaahen us sthiti mein tik jaayen, aise roohaani warriors ho? abhi-abhi kaha jaaye pardhaam nivaasi ban jaao, to aisi practice hai jo kehte hi is deh aur deh ke desh ko bhool ashareeri paramdham nivaasi ban jaao? abhi- abhi paramdham nivaasi se avyakt sthiti mein sthit ho jaao, abhi-abhi seva ke prati aavaaz mein aaye, seva karte hue bhi apne swaroop ki smriti rahe - aise abhyaasi bane ho? aisa abhyaas hua hai? va jab paramdham nivaasi banne chaahen to paramdham nivaasi ke bajaay baar-baaraaavaazmen aa jaayen - aisa abhyaas to nahin karte ho? apni buddhi ko jahaan chaaho vahaan ek second se bhi kam samay mein laga sakte ho? aisa abhyaas hua hai? master almighty athoriteeapne ko samajhte ho? jab almighty athoriteebhi ho, to kya apni buddhi ki lagan ko athoriteese jahaan chaahe vahaan nahin laga sakte? athoriteeke aage yeh abhyaas mushkil hai va sahaj hai? jaise sthool karmendriyon ko jab chaaho, jahaan chaaho vahaan laga sakte ho na। abhi haath ko oopar va neeche karna chaaho to kar sakte ho na। to jaise sthool karmendriyon ka maalik ban jab chaaho kaarya mein laga sakte ho, vaise hi sankalp ko va buddhi ko jahaan lagaane chaaho vahaan laga sakte ho isko hi eeshvareey athoriteekha jaata hai, jo buddhi ki lagan bhi aise hi sahaj jahaan chaaho vahaan laga sakte ho। jaise sthool haath-paanv ko bilkul sahaj reeti jahaan chaaho vahaan chalaate hain va karma mein lagaate hain। aise abhyaasi ko hi master sarvashaktimaan va master knowledgeful kaha jaata hai। agar yeh abhyaasi nahin hain to master sarvashaktimaan va knowledgeful nahin kah sakte। knowledgeful ka arth hi hai - jisko full knowledge ho ki is samay kya karna hai, kya nahin karna hai, isse kya laabh hai aur na karne se kya haani hai। yeh knowledge rakhne vaale hi knowledgeful hain aur saath-saath master sarvashaktimaan hone kaaran sarva shaktiyon ke aadhaar se yeh abhyaas sahaj aur nirantar ban hi jaata hai। last padhaai ka kaunsa paath hai aur first paath kaunsa hai? first paath aur last paath yahi abhyaas hai। jaise bachche ka laukik janma hota hai to pahle-pahle unko ek shabd yaad dilaaya jaata hai va sikhlaaya jaata hai na। yahaan bhi alaukik janma lete pahla shabd kya seekha? baap ko yaad karo। to janma ka pahla shabd laukik ka bhi, alaukik ka bhi vahi yaad rakhna hai। yeh mushkil ho sakta hai kya? apne aapko drill karne ka abhyaas nahin daalte ho। yeh hai buddhi ki drill। drill ke abhyaasi jo hote hain to pahle-pahle darda bhi bahut mahsoos hota hai aur mushkil lagta hai lekin jo abhyaasi ban jaate hain woh phir drill karne ke sivaay rah nahin sakte। to yeh bhi buddhi ki drill karaane ka abhyaas kam hone ke kaaran pahle mushkil lagta hai। phir maatha bhaari rahne ka va koi na koi vighna saamne ban aane ka anubhav hota rehta hai। to aise abhyaasi banna hi hai। iske sivaay raajya-bhaagya ki praapti hona mushkil hai। jinhon ko yeh abhyaas mushkil lagta hai, to praapti bhi mushkil hai। isliye is mukhya abhyaas ko sahaj aur nirantar banaao। aise abhyaasi anek aatmaon ko saakshaatkaar karaane vaale saakshaat baapdaada dikhaai de। jaise vaani mein aana kitna sahaj hai। vaise yeh vaani se pare jaana bhi itna sahaj hona hai। achha।