Avyakt murli du jeudi 24 juin 1971
Enregistrement en cours..
Vous pouvez maintenant lire ce murli sans internet.
Vous pouvez lire ce murli sans internet.
pour pouvoir le lire sans internet.
Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.
Comment est produit le Hinglish ?
Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.
Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
24-06-71 om shanti avyakt baapdaada madhuban
antarmukhi banne se phaayde
koi bhi nai invention jab nikaalte hain, to jitni powerful invention hoti hai utna hi underground invention karte hain। aap logon ki bhi din pratidin yeh invention powerful hogi। jaise woh underground invention karte hain vaise hi aap bhi jitna underground arthaat antarmukhi rahenge utna hi nai-nai invention va yojnaayen nikaal sakenge। underground rahne se ek to vaayumandal se bachaav ho jaayega; doosra - ekaanta praapta hone ke kaaran manan shakti bhi badhti hai; teesra - koi bhi maaya ke vighnon se safety ka saadhan ban jaata hai। apne ko sadaiv underground arthaat antarmukhi banaane ki koshish karni chaahiye। underground bhi saari kaarobaar chalti hai। vaise antarmukhi hokar bhi kaarya kar sakte hain। aise nahin ki koi kaarya nahin kar sakte hain। kaarya bhi sabhi chal sakte hain। lekin antarmukhi hokar ke kaarya karne se ek to vighnon se bachaav; doosra samay ka bachaav; teesra - sankalpon ka bachaav va bachat ho jaayegi। practice to hai na। kabhi-kabhi anubhav bhi karte ho। antarmukhi ho bolte bhi ho। lekin baaharmukhta mein aate bhi antarmukh,harshitmukh, aakarshanmoorta bhi rahenge - karma karte hue yeh practice karni hai। jaise sthool kaarobaar ka programme banaate ho, vaise apni buddhi ki kya-kya kaarobaar va kya kaarya buddhi dvaara karna hai। jo programme banaane ke abhyaasi hote hain unka har kaarya samay par saphal hota hai। is reeti apni bhi sookshm kaarobaar hai। buddhi ek second mein kahaan se kahaan jaakar aa bhi sakti hai। kaarya bhi bahut vistaar ke hain। to jab programme set karenge tab hi samay ki bachat aur saphalta adhik ho sakegi। yeh programme beech-beech mein banaate raho lekin sadaakaal ke liye। jaise sthool kaarobaar set karte-karte abhyaasi ho gaye hain, vaise hi yeh bhi abhyaas karte-karte abhyaasi ho jaayenge। iske liye khaas samay nikaalne ki bhi aavashyakta nahin। koi bhi sthool kaarya jo bhale adhik buddhi vaala ho, usko karte hue bhi yeh apna programme set kar sakte ho। programme set karne mein kitna samay lagta hai? ek-do minute bhi jyaada hai। yeh bhi abhyaas daalna hai। amritvele apni buddhi ke kaarobaar ka programme bhi pahle se hi set kar dena hai। jaise programme banaaya jaata hai, phir usko check kiya jaata hai ki yeh yeh kaarya kiya aur kahaan tak hua aur kahaan tak na hua। isi reeti se yeh bhi programme banaakar phir beech-beech mein check karo। jitne bade aadmi hote hain woh bina programme ke nahin jaate hain। jaise aaya vaise kar liya, aise nahin chalte। unhon ka ek-ek second programme se book hota hai। aap bhi shreshtha aatmaayen ho, to programme set hona chaahiye। koi-koi ko programme banaane ka dhang aata hai, koi ko nahin aata hai। sthool kaarobaar mein bhi aise hota hai। jitna-jisko apna programme set karna aata hai utna hi samjho apni sthiti par bhi set hona aata hai। nahin to bina programme banaane se jaise baaten neeche-oopar hoti hain vaise sthiti bhi neeche oopar hoti hai। set nahin hoti hai। achha।