Avyakt murli du mardi 9 mai 1972

>

09-05-72om shanti avyakt baapdaadaamdhuban

apne feature se future dikhaao

sabhi sada snehi hain? jaise baap daada sada bachchon ke snehi aur sahayogi hain, sabhi roopon se, sabhi reeti se sada snehi aur sahayogi hain, vaise hi bachche bhi sabhi roopon se, har reeti se baap samaan sada snehi aur sahayogi hai? sada sahayogi va sada snehi usko kehte hain jiska ek second bhi baap ke saath sneh na toote va ek second, ek sankalp bhi sivaae baap ke sahayogi banne ke na jaaye। to aise apne ko sada snehi aur sahayogi samajhte ho va anubhav karte ho? baapdaada ke sneh ka saboot va pratyaksha pramaan dikhaai deta hai। to bachche bhi jo baap samaan hain unhon ka bhi sneh aur sahayog ka saboot va pratyaksha pramaan dikhaai de raha hai। snehi aatma ka sneh kab chhip nahin sakta। kitna bhi koi apne sneh ko chhipaane chaahe lekin sneh kab gupta nahin rehta। sneh kis-na-kis roop mein, kis-na-kis karttavya se va soorat se dikhaai avashya deta hai। to apni soorat ko darpan mein dekhna hai ki meri soorat se snehi baap ki seerat dikhaai deti hai? jaise apni soorat ko sthool aaeena mein dekhte ho, vaise hi roj amritvele apne aapko is sookshm darpan mein dekhte ho? jaise lakshanon se har aatma ke lakshya ka maaloom pad jaata hai va jaisa lakshya hota hai vaise lakshan svatah hi hote hain। to aise apne lakshanon se lakshya pratyaksha roop mein kahaan tak dikhaate ho, apne aapko check karte ho? kisi bhi aatma ko apne features se us aatma ka va apna future dikha sakte ho? lecture se features dikhaana to aam baat hai lekin features se future dikhaana - yahi alaukik aatmaon ki alaukikta hai। aise mere features bane hain, yeh darpan mein dekhte ho? jaise sthool soorat hai, shrringaar se agar soorat mein koi dekhe to pahle vishesh attention bindi ke oopar jaayega। vaise jo bindi- swaroop mein sthit rehte hain arthaat apne ko in dhaarnaaon ke shrringaar se sajaate hain, aise shrringaari hui moorat ke taraph dekhte hue sabhi ka dhyaan kis taraph jaayega? mastak mein aatma bindi taraph। aise hi koi bhi aatma aap logon ke sammukh jab aati hai to unhon ka dhyaan aapke avinaashi tilak ki taraph aakarshit ho। woh bhi tab hoga jab svayan sada tilakdhaari hain। agar svayan hi tilakdhaari nahin to doosron ko aapka avinaashi tilak dikhaai nahin de sakta। jaise baap ka bachchon prati itna sneh hai jo saari srishti ki aatmaayen bachche hote hue bhi, jinhonne preet ki reeti nibhaai hai va preet-buddhi bane hain, aise preet ki reeti nibhaane vaalon se itni preet ki reeti nibhaai hai jo anya sabhi aatmaon ko alpakaal ka sukh praapta hota hai lekin preet ki reeti nibhaane vaali aatmaon ko saarevishvake sarva sukhon ki praapti sadaakaal ke liye hoti hai। sabhi ko muktidhaam mein bithaakar preet ki reeti nibhaane vaale bachchon ko vishvaka raajya bhaagya praapta karaate hain। aise snehi bachchon ke sivaae aur koi se bhi sarva sambandhon se sarva praapti ka part nahin। aise preet nibhaane vaale bachchon ke din-raat gun-gaan karte hain। jisse ati sneh hota hai to us sneh ke liye sabhi ko kinaare kar sabhi-kuchh unke arpan karte hain, yeh hai sneh ka saboot। to sada snehi aur sahayogi bachchon ke sivaae anya sabhi aatmaon ko muktidhaam mein kinaare kar dete hain। to jaise baap sneh ka pratyaksha saboot dikha rahe hain, aise apne aap se poochho - ‘‘sarva sambandh, sarva aakarshan karne vaali vastuon ko apni buddhi se kinaare kiya hai? sarva roopon se, sarva sambandhon se, har reeti se sabhi-kuchh baap ke arpan kiya hai?’’ sivaae baap ke karttavya ke ek second bhi aur koi vyartha kaarya mein apna sahayog to nahin dete ho? agar sneh arthaat yog hai to sahayog bhi hai। jahaan yog hai vahaan sahayog hai। ek baap se hi yog hai to sahayog bhi ek ke hi saath hai। yogi arthaat sahayogi। to sahayog se yog ko dekh sakte ho, yog se sahayog ko dekh sakte ho। agar koi bhi vyartha karma mein sahayogi bante ho to baap ke sada sahayogi hue? jo pahla-pahla vaayda kiya hua hai usko sada smriti mein rakhte hue har karma karte ho ki bhakton muaafikakhaan-kahaan bachche bhi baap se thagi to nahin karte ho? bhakton ko kehte ho na - bhakta thagat hain। to aap log bhi thagat to nahin bante ho? agar tere ko mera samajh kaam mein lagaate ho to thagat hue na। kehna ek aur karna doosra - isko kya kaha jaata hai? kehte to yahi ho na ki tan-man-dhan sab tera। jab tera ho gaya phir aapka us par apna adhikaar kahaan se aaya? jab adhikaar nahin to usko apni man-mat se kaam mein kaise laga sakte ho? sankalp ko, samay ko, shvaans ko, gyaan-dhan ko, sthool tan ko agar koi bhi ek khazaane ko manmat se vyartha bhi ganvaate ho to thagat nahin hue? janma-janma ke sanskaaron vash ho jaate hain। yeh kahaan tak reeti chalti rahegi? jo baat svayan ko bhi priy nahin lagti to sochna chaahiye -- jo mujhe hi priy nahin lagti woh baap ko priy kaise lag sakti hai? sada snehi ke prati jo ati priy cheezhoti hai vahi di jaati hai। to apne aap se poochho ki kahaan tak preet ki reeti nibhaane vaale bane hain? apne ko sada highest aur holeeestasmajhkar chalte ho? jo haaiestasmajhkar chalte hain unhon ka ek-ek karma, ek-ek bol itna hi haaiestahota hai jitna baap haaiestaarthaat oonch te oonch hai। baap ki mahima gaate hain na -- ooncha unka naam, ooncha unka dhaam, ooncha kaam। to jo haaiestahai woh bhi sadaiv apne oonch naam, oonche dhaam aur oonche kaam mein tatpar hon। koi bhi nichaai ka kaarya kar hi nahin sakte hain। jaise mahaan aatma jo bante hain woh kabhi bhi kisi ke aage jhukte nahin hain। unke aage sabhi jhukte hain tab usko mahaan aatma kaha jaata hai। jo aajkal ke aise aise mahaan aatmaon se bhi mahaan, shreshtha aatmaayen, jo baap ki chuni hui aatmaayen hain, vishwa ke raajya ke adhikaari hain, baap ke varse ke adhikaari hain, vishwa-kalyaankaari hain - aisi aatmaayen kahaan bhi, koi bhi paristhiti mein va maaya ke bhinna-bhinna aakarshan karne vaale roopon mein kya apne aap ko jhuka sakte hain? aajkal ke kahlaane vaale mahaatmaaon ne to aap mahaan aatmaon ki copy ki hai। to aisi shreshtha aatmaayen kahaan bhi, kisi reeti jhuk nahin sakteen। ve jhukaane vaale hain, na ki jhukne vaale। kaisa bhi maaya ka force ho lekin jhuk nahin sakte। aise maaya ko sada jhukaane vaale bane ho ki kahaan-kahaan jhuk karke bhi dekhte ho? jab abhi se hi sada jhukaane ki sthiti mein sthit rahenge, aise shreshtha sanskaar apne mein bharenge tab to aise highest pad ko praapta karenge jo satayug mein praja svamaan se jhukegi aur dvaapar mein bhikhaari ho jhukenge। aap logon ke yaadgaaron ke aage bhakta bhi jhukte rehte hain na। agar yahaan abhi maaya ke aage jhukne ke sanskaar samaapta na kiye, thode bhi jhukne ke sanskaar rah gaye to phir jhukne vaale jhukte rahenge aur jhukaane vaalon ke aage sadaiv jhukte rahenge। lakshya kya rakha hai, jhukne ka va jhukaane ka? jo apni hi rachi hui paristhiti ke aage jhuk jaate hain -- unko haaiestakhenge? jab tak haaiestanheen bane ho tab tak holeeestabhi nahin ban sakte ho। jaise aapke bhavishya yaadgaaron ka gaayan hai sampoorn nirvikaari। to isko hi holeeestakha jaata hai। sampoorn nirvikaari arthaat kisi bhi percentage mein koi bhi vikaar taraph aakarshan na jaae va unke vasheebhoot na ho। agar svapna mein bhi kisi bhi prakaar vikaar ke vash kisi bhi percentage mein hote ho to sampoorn nirvikaari kahenge? agar svapnadosh bhi hai va sankalp mein bhi vikaar ke vasheebhoot hain to kahenge vikaaron se pare nahin hue hain। aise sampoorn pavitra va nirvikaari apne ko bana rahe ho va ban gaye ho? jis samay last bigul bajega us samayya banenge? agar koi bahut saymayay se aisi sthiti mein sthit nahin rehta hai to aisi aatmaon ka phir gaayan bhi alpakaal ka hi hota hai। aise nahin samajhna ki last mein fast jaakar isi sthiti ko pa lenge। lekin nahin। bahut samay jo gaayan hai -- usko bhi smriti mein rakhte hue apni sthiti ko holeeestaaur haaiestabnaao। koi bhi sankalp va karma karte ho to pahle check karo ki jaisa ooncha naam hai vaisa ooncha kaam hai? agar naam ooncha aur kaam neecha to kya hoga? apne naam ko badnaam karte ho? to aise koi bhi kaam nahin ho - yeh lakshya rakhkar aise lakshan apne mein dhaaran karo। jaise doosre logon ko samjhaate ho ki agar gyaan ke virooddha koi bhi cheez sveekaar karte ho to gyaani nahin agyaani kahlaaye jaayenge। agar ek baar bhi koi niyam ko poori reeti se paalan nahin karte hain to kehte ho gyaan ke virooddha kiya। to apne aap se bhi aise hi poochho ki agar koi bhi saadhaaran sankalp karte hain to kya highest kaha jaayega? to sankalp bhi saadhaaran na ho। jab sankalp shreshtha ho jaayenge to bol aur karma automatically shreshtha ho jaayenge। aise apne ko holeeestaaur highest, sampoorn nirvikaari banaao। vikaar ka naam-nishaan na ho। jab naam- nishaan hi nahin to phir kaam kaise hoga? jaise bhavishya mein vikaar ka naam- nishaan nahin hota hai aise hi highest aur holeeestaabhi se banaao tab anek janma chalte rahenge। achha। aise ooncha naam aur oonche kaam karne vaalon ko namaste।