Avyakt murli du vendredi 14 juillet 1972

>

14-07-72om shanti avyakt baapdaadaamdhuban

antim seva ke liye ramtaayogi bano

jaisegvarmenta ke gupta anuchar naye-naye plans banaate hain, kahaan bhi koi ulta karttavya aadi hota hai to usko check karte hain। vaise aap bhi sabhi paandav government ke gupta anuchar ho। aatmaon ko jo dhokhe mein phansaane vaale hain va ulti raah par chalaane vaale va milaavat karne vaale hain athva giraane ke nimitta hain unhon ke liye naye-naye plans banaate ho? woh gavarmet bhi sadaiv nai-nai plans banaati hai na, jisse milaavat karne vaale unhon ki nazar se bach nahin paate hain। abhi chaaron or aavaaz to phaila diya hai lekin yeh vidvaan, aachaarya aadi jo nimitta bane hue hain yathaartha gyaan ke badli aythaartha reeti dene, unhon ki taraph attention jaata hai? ek dvaara bhi anekon ko aavaaj pahunchta hai। woh kaun nimitta ban sakta hai? saadhaaran janta ko to sunaate rehte ho, unmein se jo banne vaale hain woh apna yatha shakti purooshaartha karte chal rahe hain। lekin jo aavaaj phailna hai woh kinhon ke dvaara? shaktiyon ka jo antim gaayan hai woh kya is saadhaaran janta ke prati gaayan hai? shaktiyon ki shakti ki pratyakshata in saadhaaran janta dvaara hogi? jo political log hain unhon ke dvaara itna aavaaj nahin phail sakta kyonki aajkal jo bhi neta bante hain, in sabhi ki buraaiyaan janta jaanti hai। aajkal praja ka praja par raajya hai na। to netaaon ki aavaaj ka prabhaav nahin hai। to ek dvaara anekon tak aavaaj karne ke nimitta kaun banega? in gurooon ki janjeeron mein to sabhi phanse hue hain na। bhale andar mein kya bhi ho lekin unhon ke shishya andhashraddha se sat- sat karne ke aadti hain। netaaon ke peechhe sat-sat karne vaale nahin hain। to shaktiyon ka jo gaayan hai woh kab practical mein aana hai? va uske liye ab dharti nahin bani hai? jaise gupta anuchar jo hote hain woh kya karte hain? milaavat vaalon ko hi gheraav daalte hain। milaavat karne vaale bade aadmi hote hain, jisse government ko bahut praapti hoti hai। saadhaaran ke peechhe nahin padte। unhon ke naye- naye plans bante rehte hain ki kis reeti milaavat ko prasiddha karen। to aisi buddhi chalti hai? ki jo sahaj praja banti hai usmein hi santushta ho? prabhaav padne ka jo mukhyasaadhan hai woh to practical mein karna pade na। woh kab hoga? jab pahle buddhi mein plans chalenge, umang aayega ki hamko aaj yeh karna hai। to abhi woh sankalp uthte hain va sankalp hi merge hain? jaisesarvischalti rehti hai aise to praja banne ka saadhan hai। lekin aavaaj phailne ka saadhan, jisse pratyakshata ho, woh practical mein laana hai। jab vimukh karne vaale sammukh aaven tab hai prabhaav। baaki vimukh hone vaale sammukh aayen to koi badi baat nahin hai। isliye baap se bhi jyaada shaktiyon ka, kumaariyon ka gaayan hai। kanyaayen arthaat brahmaakumaariyaan। iska matlab yeh nahin ki kumaari hi hogi। brahma- kumaar-kumaariyaan to sabhi hain। kanyaaon dvaara baan marvaaye hain। baap khud sammukh nahin aaye, sammukh shaktiyon ko rakha। to jab practical mein shakti sena nimit hai to shaktiyon ka jo vishesh karttavya gaaya hua hai woh unhon se hi gaaya hua hai। woh umang-utsaah hai? kya seminar karne mein hi khush ho? yeh to sabhi saadhan hain nambarvaar praja banaane ke। kuchh-na-kuchh connection mein aate hain aur praja ban jaati hai। lekin ab to isse bhi aage badhna hai। antimsarvisko practical laane mein abhi se taiyaari karo। pahle to sankalp rakho, phir uska plan banaao, phir plan se practical mein aao। usmein bhi samay to chaahiye na। shuru to abhi se karna pade। jaise shuru-shuru mein josh tha ki jinhonne hamko giraaya hai unhon ko hi sandesh dena hai। beech mein praja ke vistaar mein chale gaye। lekin jo aadi mein tha woh ant mein bhi aana hai। jaise maaya ki janjeeron se chhudaane ke liye mehnat karte hain। vaise yeh bhi badi janjeer hai aur ab to din-pratidin yeh janjeeren mohini roop lete hue apni taraph khainchati ja rahi hain va alpakaal ki buddhi dvaara praapti karaate hue apni janjeer mein phansaate jaate hain। unhon se sabhi ko kab chhudaayenge? antim prabhaav ka saadhan yahi hai jiska gaayan bhi hai ki cheenti mahaarthi ko bhi gira deti hai। gaayan to kamaaliyat ka hota hai na। saadhran janta ko sunaate rehte ho, woh kya badi baat hai। yeh to woh milaavat vaale bhi karte hain। jhoothe log bhi apni tarphaaakarshitkarte hain। lekin jo apne ko mahaarthi samajhte hain unhon ke pol khol do। unhon ko jhukaao tab kamaal hai। aisi kamaal dikhaane ke liye kuchh buddhi chalti hai? asatya ko asatya siddha karo tab to satya ki jay ho। jay-jaykaar hogi hi tab। phir itni mehnat karne ki zaroorat nahin। iske liye plans chaahiye, tareeka chaahiye aur andar mein woh nasha chaahiye ki ham gupta anuchar hain, inhon ke pol siddha karna hamaara kaam hai, ham hi iske liye nimitta hain। yeh andar se umang-utsaah aave, tab yeh kaam ho sakta hai। yeh programme se nahin ho sakta। kisi ko aap programme do ki yeh-yeh karo, aise vo nahin kar sakenge। usmein saamna karne ki itni shakti nahin aayegi। apne dil se josh aave ki mujhe yeh karna hai, woh practical ho sakta hai। sankalp ko rachne se phir practical mein aa jaayega। abhi sabhi ki nazar koi kamaal dekhne ki taraph hai aur bina shaktiyon ke yeh kaarya paandav athva koi kar nahin sakta। nimitta shaktiyon ko banna hai। jaise shuru-shuru mein ramta yogi maaphik jahaan ke liye bhi sankalp aata tha, josh mein chal padte the aur yatha shakti saphalta bhi pa lete the। aisa hi phir is baat ke liye bhi ramta yogi chaahiye। praja banaane mein bahut busy ho gaye ho aur jo rachna rachi hai usko paalne mein hi samay beet jaata hai। achha।