Avyakt murli du jeudi 9 novembre 1972

>

09-11-72om shanti avyakt baapdaadaamdhuban

gyaan-sitaaron ka sambandh gyaan-soorya aur gyaan-chandrama ke saath

smritisvaroop spashta sitaare sadaiv apne ko divya sitaara samajhte ho? vartamaan samay ka shreshtha bhaagya baapdaada ke nainon ke sitaare aur bhavishya jo praapta hone vaali takdeer bana rahe ho, un shreshtha takdeer ke sitaare apne ko dekhte hue chalte ho? jab apne ko divya sitaara nahin samajhte ho to yeh donon sitaare bhi smriti mein nahin rehte। to apne trimoorti sitaara roop ko sadaiv smriti mein rakho। jaise sitaaron ka sambandh chandrama aur soorya ke saath hai। gupta roop mein soorya ke saath rehta hai aur pratyaksha roop mein chandrama ke saath rehta hai। aap chaitanya sitaaron ka sambandh bhi practical roop mein kiske saath raha? chandrama ke saath raha na। gyaansoorya to gupta hi hai। lekin saakaar roop mein prasiddha roop mein to badi maa hi ke saath sambandh raha na। to apne ko sitaara samajhte rehna hai। jaise sitaaron ka sambandh chandrama aur soorya ke saath rehta hai, aise sada baapdaada ke saath hi sambandh rahe। jaise sitaare chamakte hain vaise hi apne chamakte hue jyoti-swaroop mein sadaiv sthit rehna hai। sitaare aapas mein sangathan mein rehte sada ek do ke snehi aur sahayogi rahenge। aap chaitanya sitaaron ki yaadgaar yeh sitaare hain। to aise shreshtha sitaare bane ho? chaitanya aur chitra samaan hue hain? apne bhinna-bhinna roop ke bhinna-bhinna karttavya ke yaadgaar chitra dekhte, samajhte ho ki yeh mujh chaitanya ka hi chitra hai? chaitanya aur chitra mein antar samaapta ho gaya hai va ajun sameep aa rahe ho? sitaare kab aapas mein sangathan mein rehte ek do ke sneh aur sahayog se door rehte hain kya? aap logon ne kab sammelan nahin kiya hai? sandesh dene ke sammelan to bahut kiye hain। baaki kaunsa sammelan raha hua hai? jo antim sammelan hai uska uddeshya kya hai? sammelan ke pahle uddeshya sabhi ko sunaate ho na। to antim sammelan ka uddeshya sabhi ko sunaate ho na। to antim sammelan ka uddeshya kya hai? uski date fix ki hai? jaise aur sammelan ki date fix karte ho na, yeh fix ki hai? woh sammelan to sabhi ko mil kar karna hai। aapke us antim sammelan ka chitra hai। jo chitra hai usko hi practical mein laana hai। sabhi ka sahayog, sabhi ka sneh aur sabhi ka ekras sthiti mein sthit rahne ka chitra bhi hai na। jaise govardhan parvat par anguli dikhaate hain, to anguli ko bilkul seedha dikhaayenge। agar tedhi-baanki hogi to hilti rahegi। seedha aur sthit, uski nishaani is roop mein dikhaai hai। aise hi apne purooshaartha ko bhi bilkul hi seedha rakhna hai। beech-beech mein jo tedha-baanka raasta ho jaata hai arthaat buddhi yahaan-vahaan bhatak jaati hai, woh samaapta ho ekras sthiti mein sthit ho jaana hai। aisa purooshaartha kar rahe ho? lekin apne purooshaartha se svayan santushta ho? va jaise bhakton ko kehte ho ki chaahna shreshtha hai lekin shaktiheen hone kaaran jo chaahte hain woh kar nahin paate hain, aise hi aap bhi jo chaahte ho ki aise shreshtha banen, chaahna shreshtha aur purooshaartha kam, lakshya apne santushtata ke aadhaar se door dikhaai de to usko kya kaha jaavega? mahaan gyaani? apne ko sarva- shaktivaan ki santaan kehte ho lekin santaan hone ke baad bhi apne mein shakti nahin hai? manushya jo chaahe so kar sakta hai, aise samajhte ho na? to aap bhi master sarva-shaktivaan ke naate jo aap 3 varsha ki baat sochte ho woh abhi nahin kar sakte ho? apni woh antim stage abhi practical mein nahin la sakte ho? ki antim hai isliye ant mein ho jaavegi? yeh kab bhi nahin samajhna ki antim stage ka arth yeh hai ki woh stage ant mein hi aavegi। lekin abhi se us sampoorn stage ko jab practical mein laate jaavenge tab antim stage ko ant mein pa sakenge। agar abhi se us stage ko sameep nahin laate rahenge to door hi rah jaavenge, pa na sakenge। isliye ab purooshaartha mein jump lagaao। chalte- chalte purooshaartha ki percentage mein kami pad jaati hai। isliye aap purooshaartha ki stage par ho lekin stage par hote bhi percentage ko bharo। percentage mein bahut kami hai। jaise mukhya subject ‘yaad ki yaatra’ jo hai woh nambarvaar bana bhi chuke ho lekin stage ke saath jo percentage honi chaahiye woh ab kam hai। isliye jo prabhaav dikhaai dena chaahiye, woh kam dikhta hai। jab tak percentage nahin badhaai hai tab tak prabhaav phail nahin sakta hai। phailaav ke liye percentage chaahiye। jaise bulb hote hain, light to sabhi mein hoti hai lekin jitni light ki percentage hogi itni jaasti phailegi। to bulb bane ho lekin light ki jo percentage honi chaahiye, woh abhi nahin hai, usko badhaao। sunaaya tha na - ek hai light, doosri hai searchlight, teesra hai light-haaoos। bhinna stages hain na। light to bane ho lekin light-haaoos ho chaaron or andhakaar ko door kar light phailaao। sabhi ko itni roshni praapta karaao jo woh apne aapko dekh saken। abhi to apne aapko bhi dekh nahin sakte। jaise bahut andhakaar hota hai to na apne ko, na doosre ko dekh sakte hain। to aise light-haaoos bano jo sabhi apne aapko to dekh saken। jaise darpan ke aage jo bhi hota hai usko svayan ka saakshaatkaar hota hai। aise darpan bane ho? agar itne sabhi darpan ban apna karttavya karne shuru kar den to kya chaaron or sarvaatmaaon ko svayan ka saakshaatkaar nahin ho jaavega? jab kisko saakshaatkaar ho jaata hai to unke mukh se jay-jay ka naara zaroor nikalta hai। aise darpan to bane ho na? saare din mein kitnon ko svayan ka saakshaatkaar karaate ho? jo saamne aata hai woh saakshaatkaar karta hai? agar darpan powerful na ho to real roop ke bajaay aur roop dikhaai deta hai। hoga patla, dikhaai padega mota। to aise powerful darpan bano jo sabhi ko svayan ka saakshaatkaar kara sako arthaat aap logon ke saamne aate hi deh ko bhool apne dehi roop mein sthit ho jaayen। vaastavik sarvisaathvaasarviski saphalta ka roop yeh hai। achha!

sada saphaltaamoorta, sanskaaron ke milan ka sammelan karne vaale, apne sampoorn sthiti ko sameep laane vaale divya sitaaron ko, baapdaada ke nainon ke sitaaron ko, takdeer ke sitaare ko jagaane vaalon ko yaad-pyaar aur namaste।