Avyakt murli du vendredi 13 avril 1973

>

13-04-73 om shanti avyakt baapdaadaamdhuban

bhakta aur bhaavna ka phal

vishwa kalyaankaari sarva shaktivaan, vardaata,sarva-aatmaon ke pita aur bhaavna ka phal dene vaale bhagwan bole :-

jaise bhakton ko bhaavna ka phal dete hain, vaise hi koi aatma bhaavna rakhkar,tadapti hui,aapke paas aaye ki ‘jeey daan do’ va ‘hamaare man ko shanti do’ to aap log unki bhaavna ka phal de sakti ho?unhein apne purooshaartha se jo kuchh bhi praapti hoti hai woh to hua unka apna purooshaartha aur unka phal। lekin aapko koi agar kahe ki main nirbal hoon, mere mein shakti nahin hai to aise ko aap bhaavna ka phal de sakti ho? (baap dvaara)। baap ko to peechhe jaanenge-jab ki pahle unhein dilaasa mile। lekin yadi bhaavna ka phal praapta ho sakta hai tab unki buddhi ka yog direction pramaan lag sakega। aisi bhaavna vaale bhakta ant mein bahut aayenge। ek hain-purooshaartha karke pad paane vaale, woh to aate rehte hain, lekin ant mein purooshaartha karne ka na to samay rahega aur na aatmaon mein shakti hi rahegi,aisi aatmaon ko phir apne sahayog se aur apne mahaadaan dene ke karttavya ke aadhaar se un ki bhaavna ka phal dilaane ke nimitta banna pade। ve to yahi samjhenge ki shaktiyon dvaara mujhe yeh vardaan mila। jo gaayan hai ‘najar se nihaal karna।’

jaise bahut tej bijli hoti hai to switch onkarne se jahaan bhi bijli lagaate ho us sthaan ke keetaanu ek second mein bhasma ho jaate hain। isi prakaar jab aap aatmaaen apni sampoorn powerful stage par hon aur jaise koi aaya aur ek second mein switch on kiya arthaat shubh sankalp kiya athva shubh bhaavna rakkhi ki is aatma ka bhi kalyaan ho-yeh hai sankalp-roopi switch। inko on karne arthaat sankalp ko rachne se phauran hi unki bhaavna poori ho jaayegi, ve gadgad ho jaayenge, kyonki peechhe aane vaali aatmaayen thode mein hi jyaada raazi hongi। samjhengi ki sarva praaptiyaan hui। kyonki unka hai hi kana-daana lene ka part। unke hisaab se vahi sab-kuchh ho jaayega। to sarva-aatmaon ko unki bhaavna ka phal praapta ho aur koi bhi vanchit na rahe;iske liye itni powerful stage arthaat sarvashaktiyon ko abhi se apne mein jama karenge tab hi in jama ki hui shaktiyon se kisi ko samaane ki shakti aur kisi ko sahan karne ki shakti de sakenge arthaat jisko jo aavashyakta hogi vahi usko de sakenge।

jaise doctor ke paas jaisa rogi aata hai, usi pramaan unko dose (Dose) deta hai aur tanduroosta banaata hai। isi prakaar aapko sarvashaktiyaan apne paas jama karne ka abhi se purooshaartha karna pade। kyonki jinko vishwa mahaaraajan banna hai unka purooshaartha sirf apne prati nahin hoga। apne jeevan mein aane vaale vighna va pareekshaaon ko paas karna-woh to bahut common (Common) hai lekin jo vishwa-mahaaraajan banne vaale hain unke paas abhi se hi stock (Stock) bharpoor hoga jo ki vishwa ke prati prayog ho sake। to isi prakaar yahaan bhi jo vishesh aatmaayen nimitta banengi unmein bhi sabhi shaktiyon ka stock andar anubhav ho, tab hi samjhen ki ab sampoorn stage ki va pratyakshata ka samay najdeek hai। us samay koi yaad nahin hoga। doosron ke prati hi har second,har sankalp hoga।

abhi to apne purooshaartha va apne tan ke liye samay dena padta hai, shakti bhi deni padti hai। apne purooshaartha ke liye man bhi lagaana padta hai,phir yeh stage samaapta ho jaayegi। phir yeh purooshaartha badli hokar aisa anubhav hoga ki ek second bhi aur ek sankalp bhi apne prati na jaay balki vishwa ke kalyaan ke prati hi ho। aisi stage ko kaha jaayega - ‘sampoorn’arthaat ‘sampanna’। agar sampanna nahin to sampoorn bhi nahin। kyonki sampanna stage hi sampoorn stage hai। to aise apne purooshaartha ko aur hi maheen karte jaana hai। vishesh aatmaon ka purooshaartha bhi zaroor nyaara hoga। to kya purooshaartha mein aisa parivartan anubhav hota ja raha hai? abhi to daata ke bachche daataapan ki stage par aane hain। dena hi unka lena hona hai। to ab samay ki sameepta ke saath sampanna stage bhi chaahiye। aap aatmaon ki sampanna stage hi sampoornata ko sameep laayegi। to aap log abhi svayan ko check karen ki jaise pahle apne purooshaartha mein samay jaata tha abhi din-pratidin doosron ke prati jyaada jaata hai? apni body konshas (Conscious)deh-abhimaan necharli drama anusaar samaapta hota jaaega। sarakmastonses pramaan bhi aise hota jaaega। isse automatically solkonshas honge। kaarya mein lagna arthaat solko nshas hona। bagair solkonshas ke kaarya saphal nahin hoga। to nirantar aatma-abhimaani banne ki stage svatah hi ho jaayegi। vishwa-kalyaankaari bane ho ya aatma-kalyaankaari bane ho? apne hisaab-kitaab karne mein busy ho ya vishwa ki sarva-aatmaon ke karmabandhan va hisaab-kitaab chuktu karaane mein busy ho?kismen busy ho? lakshya rakha hai, sada vishwa-kalyaan ke prati tan,man, dhan sabhi lagaao। achha! om shanti।