Avyakt murli du jeudi 19 avril 1973

>

19-04-73 om shanti avyakt baapdaadaamdhuban

pratyakshata ka purooshaartha

nikrishta se shreshtha tatha bhaagyaheen se bhaagyavaan banaane vaale shivbaaba bole –

kya aap apne ko baapdaada ke sameep rahne vaale padmaapadma bhaagyashaali, shreshtha aatmaaen samajhte ho? jo jiske sameep rahne vaale hote hain, un mein sameep rahne vaale ke gun svatah aur sahaj hi aa jaate hain। iseelie kaha jaata hai ki ‘sang ka rang’ avashya lagta hai। to aap aatmaaen,jo sada baapdaada ke sameep arthaat shreshtha sang mein rehti ho, un ke gun va sanskaar to avashya baapdaada ke samaan hi honge?nirantar shreshtha sang mein rahne vaale aap vatsa apne mein sadaiv woh roohaani rang laga hua anubhav karte ho? kya aap vatsa svayan ko har samay roohaani rang mein rangi hui aatmaaen samajhte ho? jaise sthool rang spashta dikhaai deta hai, vaise hi kusang mein rahne vaali aatmaon ka maayaavi rang bhi chhip nahin sakta। bolo,dikhaai deta hai na?

vatson ne sir hila kar kaha - ‘haan।’

tab vaise hi shreshtha sang mein rahne vaalon ka roohaani rang bhi sabhi ko dikhaai dena chaahiye। koi bhi dekhe to unko yeh maaloom ho ki yeh roohaani rang mein rangi hui aatmaaen hain। aise sabhi ko maaloom hota hai ya abhi gupta ho? yeh roohaani rang gupta hi rehna hai kya? pratyaksha kab hona hai?kya ant mein pratyaksha honge? woh date kaun-si hogi? ant ki date sabhi ki pratyakshata ke aadhaar par hai। drama plan anusaar aap shreshtha aatmaon ke saath pashchaataap ka sambandh hai। jab tak pashchaataap na kiya hai tab tak muktidhaam jaane ka varsa bhi nahin pa sakte। iseelie jo nimitta bani hui hain un se hi to poochhenge na?nimitta kaun hai? aap sabhi ho na? abhi apne hi aage apne sampoorn stage pratyaksha nahin hai to auron ke aage kaise pratyaksha honge?kya apni sampoorn stage aap ko shreshtha dikhaai deti hai woh haath uthaao। vaastav mein sampoorn stage to knowledge se sabhi jaante hain। lekin apne-aap ko kya samajhte ho? sameep ke hisaab se us samaan banenge na? to apni sampoorn stage dikhaai deti hai?

‘main kaun hoon?’ yeh paheli hal nahin hui hai kya?kalpa pahle main kya thi,woh apni sampoorn stage bhool gaye hain kya? auron ko to 5000varsha ki baat pahle yaad dilaati ho। pahle-pahle jab aate hain to poochhti ho na ki pahle kabhi mile the? jab auron ko kalpa pahle vaali baaten yaad dilaati ho to yaad dilaane vaalon ko apne-aap ki to yaad hogi na?darpan spashta nahin hai? jab darpan spashta hota hai aur powerful hota hai to jo jaisa hai woh vaise hi dikhaai deta hai। aap vishesh aatmaaen aur sarva shreshtha aatmaaen kya apni shreshtha stage ko dekh nahin paateen?itni hi deri hai, vinaash ke aane mein,jab tak aap nimitta bani hui aatmaon ko apne sampoorn stage ka spashta saakshaatkaar ho jaae। ab bataao vinaash mein kitna samay hai? jaldi hona hai ki deri hai?

aaj sadguroovaar hai na? to aaj vatan mein rooh-rihaan chal rahi thi। kaunsi rooh-rihaan? vartamaan stage kahaan tak nambarvaar purooshaarthiyon ki chal rahi hai?ismen result kya nikli hogi?pahle prashn ki result mein majority 50% se jyaada nahin nikle। woh pahla prashn kaun-sa?is varsha ka jo mahatva sunaaya tha aur direction diya tha ki yeh varsha vishesh roop mein yaad ki yaatra mein rehna hai va avyakt sthiti mein sthit rehte hue vardaan praapta karne hain? to direction pramaan jo varsha ke aadi mein attention aur sthiti rahi woh abhi hai? jo avyakt vaataavran va roohaani anubhav pahle kiye kya vahi roohaani sthiti abhi hai?stage mein va anubhav mein pharka hai? jaise sabhi seva-kendron ka aakarshanam ya,vaataavran,jo aap sabhi ko bhi aakarshan karta raha, vahi kya service karte hue nahin ban sakta hai?is prashn ke result mein sunaaya ki 50% bhi result nahin tha।

doosre prashn mein result 60% theek thi। woh kaun-sa prashn? service ki result va umang utsaah mein result bahut achhi hai। lekin balance kahaan hai? agar balance theek rakho to bahut sheeghra hi master successful ho kar apni praja aur bhakton ko bliss (Bliss)dekar is duhkh ki duniya se paar kar sakenge। abhi bhakton ki pukaar spashta aur sameep nahin sunaai deti hai kyonki aapko svayan hi apni stage spashta nahin hain। yeh hai doosre prashn ki result।

teesra prashn hai, samparka va sambandh mein svayan apne aap se santushta va anya aatmaaen kahaan tak santushta raheen,service mein va pravritti mein। seva-kendra bhi pravritti hai na? to pravritti mein va service mein santushtata kahaan tak rahi? ismen maainoriti paas hain। majority 50-50 hai। abhi hai,abhi nahin hai। aaj hai, kal nahin hai। isko50-50 kehte hain। in teenon prashnon se chalte hue varsha ki result spashta hai na?sunaaya tha ki is varsha mein vishesh vardaan le sakte ho? lekin ek maas hi vardaani-maas samajh attention rakha। ab phir dheere-dheere samayaanusaar vardaani-varsha bhoolta ja raha hai।

isliye jitna hi is vardaani varsha mein vardaan lene ki smriti mein rahenge to sahaj vardaan bhi praapta honge, aur yadi vismriti hui to vighnon ka saamna bhi bahut karenge। isliye chaaron or sarva brahman parivaar ki aatmaon ke aage sarvaprakaar ke vighnon ko mitaane ke liye jaise pahle maas mein yaad ki va lagan ki agni ko prajvalit kiya vaise hi abhi aisa hi avyakt vaataavran banaana। ek taraph vardaan doosri taraph vighna। donon ka ek-doosre ke saath sambandh hai। sirf apne prati vighna-vinaashak nahin banna hai। lekin apne brahman-kul ki sarva-aatmaon ke prati vighna-vinaash karne ke liye sahayogi banna hai aisi speed tej karo। beech-beech mein chalte-chalte speed dheeli kar dete ho। isliye pratyakshata hone mein bhi drama mein itni der dikhaai de rahi hai। tabhi to svayan ko bhi pratyaksha kar sakenge। apne mein sarvashaktivaan ka pratyaksha roop anubhav karo। ek do shakti ka nahin,sarvashaktivaan ka। master sarvashaktivaan ho, na ki do chaar shaktivaan ki santaan ho? sarvashaktivaan ko pratyaksha karo। achha।

master blissful, master knowledgeful, master successful,sarva shreshtha, sada roohaani sang ke rang mein rahne vaale vishesh aatmaon ko yaad-pyaar aur namaste।

is murli ki vishesh baaten

jaise kusang mein rahne vaali aatmaon ka maayaavi rang chhip nahin sakta vaise hi shreshtha sang mein rahne vaali aatmaon ka roohaani rang bhi dikhaai dena chaahiye। koi bhi dekhe to unko yeh maaloom ho ki ye roohaani rang mein rangi aatmaaen hain।