Avyakt murli du jeudi 28 juin 1973
Enregistrement en cours..
Vous pouvez maintenant lire ce murli sans internet.
Vous pouvez lire ce murli sans internet.
pour pouvoir le lire sans internet.
Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.
Comment est produit le Hinglish ?
Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.
Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
28-06-73 om shanti avyakt baapdaadaamdhuban
yogayukta hone se svatah yukti- yukta sankalp, bol aur karma honge
sada vijayi banaane vaale, marnaasanna aatmaon ko ji-daan dene vaale, sada shreshtha karma karne aur karvaane vaale yogeshvar shivbaaba bole:-
jaise jismaani militri ko martial order karte hain - ek second mein jahaan ho, jaise ho, vahaan hi khade ho jaao। agar woh is order ko sochne mein va samajhne mein hi time laga de to uska result kya hoga? vijay ka plan practical mein nahin aa sakta। isi prakaar sada vijayi banne vaale ki visheshta yahi hogi ek second mein apne sankalp ko stop kar lena। koi bhi sthool kaarya va gyaan ke manan karne mein bahut busy hain lekin aise samay mein bhi apne aap ko ek second mein stop kar lena।
jaise ve log yadi bahut teji se daud rahe hain va kashma-kash ke yuddha mein upasthit hain, ve aise samay mein bhi stop kahne se stop ho jaayenge। isi prakaar yadi kisi samay yeh sankalp nahin chalta hai athva is ghadi manan karne ke bajaay beej roop avastha mein sthit ho jaana hai। to second mein stop ho sakte hain? jaise sthool karmendriyon ko ek second mein jaise aur jahaan karna chaahen woh kar sakte hain, adhikaar hai na un par? aise buddhi ke oopar aur sankalpon ke oopar bhi adhikaari bane ho? fullstop varna chaaho to kar sako kya aisa abhyaas hai?vistaar mein jaane ke bajaay ek second mein fullstop ho jaay aisi sthiti samajhte ho? jaise draaiving ka laaisensa lene jaate hain to jaanboojh kar bhi unse tej speed kara ke phir fullstop karaate hain va baik karaate hain। yeh bhi practice hai na? to apni buddhi ko chalaane aur thahraane ki bhi practice karni hai। kamaal tab kahenge jab aise samay par ek second mein stop ho jaayen। nirantar vijayi woh jiske yukti-yukta sankalp va yukti-yukta bol va yukti-yukta karma hon ya jiska ek sankalp bhi vyartha na ho। woh tab hoga jab yeh practice hogi maano koi aisi service hai jismen full vijayi hona hota hai to aise samay bhi stop karne ka abhyaas karo।
abhi samay aisa aa raha hai jo saare bhambhor ko aag lagegi। us aag se bachaane ke liye mukhya do baaten aavashyak hain। jab vinaash ki aag chaaron or lagegi us samay aap shreshtha aatmaon ka pahla karttavya hai-shanti ka daan arthaat saphalta ka bal dena। uske baad kya chaahiye? phir jisko jo aavashyakta hoti hai woh poorn ki jaati hai। aap logon ko aise samay unki kaun-si aavashyakta poorn karni padegi? us samay harek ko alag- alag shakti ki aavashyakta hogi। koi ko sahan karne ki shakti ki aavashyakta hogi, kisi ko sametne ki shakti ki aavashyakta hogi, kisi ko nirnay karne ki shakti ki aavashyakta hogi aur koi ko mukti ki aavashyakta hogi। jiski jo aasha hogi woh poorn karne ke liye baap ke parichay dvaara ek second mein ashaanta aatma ko shant karaane ki shakti bhi us samay aavashyak hogi। to yeh sabhi shaktiyaan abhi se hi ikatthi karni hain, nahin to us samay ji-daan kaise de sakenge? saare vishwa ki sarva- aatmaon ko shaktiyon ka daan dena padega। itna stock jama karna hai jo svayan bhi apne ko shakti ke aadhaar par chala saken aur doosron ko bhi de saken। koi bhi vanchij na rahe। ek aatma bhi yadi vanchit rahi to bojh kis par hoga?jo nimitta bane hue hain - ji-daan dene ke liye। to apni har shakti ke stock ko check karo। jinke paas shaktiyon ka stock jama hai vahi lucky stars ke roop mein vishwa ki aatmaon ke beech chamakte huye najar aayenge। to ab aisi checking karni hai।
amrit vele se uthkar apne ko attention ke patte par chalaana hai। patri par gaadi theek chalegi na? tumhaare oopar saare vishwa ki jimmevaari hai, sirf bhaarat ki nahin। shreshtha aatmaon ka har karma mahaan hai na? to yeh checking karni hai। saare din mein koi aisa bol to nahin bola?va mansa mein koi vyartha sankalp to nahin chala ya koi karma wrong to nahin hua?har sankalp par pahle se hi attention rahe। yog-yukta hone se automatically yukti-yukta sankalp, bol aur karma hoga। achha।
mahaavaakyon ka saar
1. sada vijayi banne vaale ki visheshta yahi hogi ki woh ek second mein apne sankalp ko stop kar lega।
2. nirantar vijayi ke yukti-yukta sankalp, yukti-yukta bol va yukti- yukta karma hon, ek sankalp bhi vyartha na ho। yeh tab hoga jab apni buddhi ko chalaane aur thahraane ki practice ki hogi।
3. mahaavinaash ke samay aap shreshtha aatmaon ka pahla karttavya hai shanti ka daan dena aur phir harek aatma ki aavashyaktaanusaar shaktiyon ka daan dena।
4. shreshtha aatmaon ka har karma mahaan hota hai।