Avyakt murli du dimanche 8 juillet 1973

>

08-07-73 om shanti avyakt baapdaadaamdhuban

samay ki pukaar

amar bhav ke vardaata, asvachchha se svachchha banaane vaale,sarvashaktivaan banaane vaale aur athak sevaadhaari banaane vaale shivbaaba bole:-

aap sabhi kahaan baithe hain? kya sabhi mele mein baithe ho? yeh hai practical mela aur sabhi hain yaadgaar ke mele। abhi ke is madhur milan ke mele se,anek sthaanon par aur anek naamon se mele manaate aate hain। mele mein vishesh milan hota hai। mela arthaat milna। yeh milan arthaat mela kaun-sa hai? is samay mukhya mela hai hi aatma roop se paramatma baap ke saath milne ka athva yoon kahen ki aatma aur paramatma ka mela hai। na sirf ek sambandh se,lekin sarva-sambandhon se, sarva sambandhi baap se milan ka mela hai athva sarva- praaptiyon ka yeh mela hai। ek second mein sarva-sambandhon se sarva-sambandhi baap se milan manaane se praapti svatah hi ho jaati hai aur anya mele to kharcha karne ke hote hain, lekin yeh mela sarva-praapti karne ka hai aur doosre mele mein agar kuchh praapti bhi karenge to kuchh dekar hi praapta karenge parantu yahaan dete kya ho? jisko sambhaal nahin sakte ho, tum vahi dete ho na? koi yahaan achhi charja dete ho kya? jin charjon ko aap sambhaal nahin sakte ho tum vahi to baap ko dete ho isse baap ko kya bana diya? sevaadhaari banaaya hai na?

jaise ki apni charja ko sambhaalne ke liye koi servant ko rakha jaata hai। baap ko dete bhi vahi ho jisko aap control nahin kar paate ho baaki baap ko aur kuchh diya hai kya?kichad patti dekar agar padmon ki praapti ho jaay to usko dena kahenge ya lena? use lena kahenge na? to aur sabhi mele dene ke hote hain aur vahaan yadi dekar kuchh liya ho to woh kya badi baat hai। lekin yeh mela sarva praapti lene ka mela hai। jo chaaho aur jitna chaaho aap utni praapti kar sakte ho। to aisa sarva-praaptiyon ka mela kabhi kahin dekha hai? aise mele par aap sabhi aaye huye ho, to mele mein ek hota hai milan aur doosra kya hota hai? aur mele mein to maile bante hain aur yahaan kya bante ho?-svachchha। svachchha to ban gaye ho na ya aap abhi tak svachchha ban rahe ho? svachchha banne ke baad kya hota hai?shrringaar hota hai aur tilak lagaaya jaata hai। abhi sada-smriti ka tilak svayan ko laga rahe ho aur divya gunon ke gahnon se apne aap ko saja rahe ho?to mele mein milna hua, aur manaana bhi hua। aur saath-saath mele mein khel-paal bhi hota hai। mela aur khela saath-saath hi hote hain। to ‘mela aur khela’ - yeh do shabd agar sada yaad rakho to aapki kaun-si stage ban jaayegi?

yadi kabhi bhi sthiti dagmag hoti hai to uska kaaran hai ki mela arthaat milan usse buddhi ko kinaare kar dete ho; arthaat mele se nikal jaate ho aur use khel nahin samajhte ho। to mela aur khel yeh do shabd sada yaad rakho। mele mein sabhi baaten aa jaati hain। jaise pahle sunaaya tha na ki milan kin-kin baaton ka hota hai?mela shabd yaad aane se sanskaaron ka milan, baap aur bachchon ka milan aur sarva-sambandhon se sada praapti ka milan sabhi is mele mein aa jaate hain। yeh srishti ek khel hai, yeh to mukhya baat hai। lekin yeh maaya ki bhinna-bhinna pareekshaayen va paristhitiyaan jo aati hain yeh bhi aap logon ke liye ek khel hai। agar isko khel samjho to khel mein kabhi pareshaan nahin honge, hansate rahenge। to pareekshaayen bhi ek khel hai। teesri baat khel samajhne se jo bhi bhinna-bhinna variety sanskaaron ka part dekhte ho, un paartadhaariyon ka is behad ke khel mein yeh part arthaat khel noondha hua hai। yeh smriti mein aane se kabhi bhi avastha dagmag nahin hogi। sadaiv ek-ras avastha rahegi। jab smriti mein rahega ki yeh variety part drama arthaat khel hai to variety khel mein part na ho kabhi yeh ho sakta hai kya?jab naam hi hai variety drama। jaise had ke cinema mein bhinna-bhinna naam se bhinna-bhinna khel hote hain। samjho naam hi hai-khooni naahak khel-phir usmein agar koi bhayaanak va dardanaak scene dekho to vichlit honge kya?kyonki samajhte ho ki khel hi khooni naahak ka hai। pahle se hi aisa samajhkar phir use dekhenge। vaise hi maanon koi ladaai, jhagde,krodhi ki storeez hain to usko dekhkar hansenge ya royenge? zaroor hansenge na?kyonki jaante ho ki yeh ek khel hai। aise hi is behad ke khel ka naam hi hai - variety drama arthaat khel। to usmein variety sanskaar va variety svabhaav va variety paristhitiyaan dekhkar kabhi vichlit honge kya? ya use bhi saakshi ho ek-ras sthiti mein sthit ho dekhenge? to agar yeh samjho va yaad rakho ki yeh ek variety khel hai to jo purooshaartha karne mein mushkil samajhte ho, kya woh sahaj nahin ho jaayega?

yeh do shabd bhi bhool jaate ho, mele ko bhi aur khel ko bhi bhool jaate ho aur bhoolne se hi svayan ko pareshaan karte ho। kyonki smriti arthaat saaksheepan ki seat chhod dete ho। seat ko chhodkar agar koi drama dekhe to phir kya haal hoga uska?to seat par sait hokar variety drama ki smriti rakhte hue, agar ek-ek paartadhaari ka har part dekho to sadaiv harshit rahenge। mukh se vaah- vaah niklegi। vaah! meetha drama! yeh kya hua,kyon hua yeh nahin niklega balki vaah-vaah shabd mukh se niklenge arthaat sada khushi mein jhoomte rahenge। sada apne ko master sarvashaktivaan anubhav karenge। kya aise svayan ko practical mein anubhav karte ho?

mele se baahar nikal jaate ho to pareshaan ho jaate ho aur jab haath chhod dete hain to bhi pareshaan ho। aise hi tum yahaan bhi baap ka haath chhod dete ho। ‘haath chhod dena’ kya iska arth samajhte ho? baap ka sthool haath to hai nahin। ‘shreemat’ hai haath aur ‘buddhi-yog’hai saath। to mele mein jab haath aur saath donon hi chhod dete ho arthaat baap se kinaara kar dete ho tab bhi pareshaan hote ho। haath aur saath agar na chhodo to sada khushi mein rahenge isliye ab sadaiv mela aur khela samajhkar hi apne part aur doosre ke part ko dekho। yeh to sahaj baat hai aur common arthaat puraani baat hai। puraani baat ko nirantar banaaya hai ya kabhi-kabhi bhool jaate ho aur ya kabhi samay par yaad karte ho? yeh isliye batlaaya ki yadi woh do shabd bhi nirantar yaad rakho to nirantar khushi mein aur nirantar shakti swaroop mein rah sakte ho। abhi samay chhoti-chhoti baaton mein va saadhaaran sankalpon ke vighnon mein ganvaane ka nahin hai। abhi to master rachayita ban apne bhavishya ki praja aur bhakton donon ko apni praapta ki hui shaktiyon dvaara vardaan dene ka samay aa pahuncha hai। abhi dene ka samay hai, na ki svayan lene ka samay hai। agar dene ke samay bhi koi lete rahe to denge kab?-kya satayug mein? vahaan aavashyakta hogi kya? to abhi hi apni rachna ko bharpoor karne ka samay hai। abhi apne prati samay ganvaana va apne prati sarva-shaktiyon ka prayog karna usi mein sarva shaktiyon ko samaapta kar dena arthaat jo kamaaya woh khaaya aisa karne ka abhi samay nahin hai। pahle samay tha ki kamaaya aur khaaya। lekin abhi samay kaun-sa hai? jo jama kiya hai usko sarva-aatmaon ke prati dene ka samay hai। nahin to aapki praja va bhakta in praaptiyon se vanchit rah jaayenge aur ve bhikhaari ke bhikhaari hi rah jaayenge। to kya daata aur vardaata ke bachche, vardaata va daata nahin banenge? jis samay sarva-aatmaaen aapke saamne bhikhaari ban lene aayengi to kya merciful baap ke bachche sarva aatmaon ke prati raham nahin karenge?kya us samay un par taras nahin aayega?kya use tadapta hua dekh sakenge?

laukik roop mein bhi had ka rachayita apni rachna ko duhkhi va tadapta hua dekh nahin sakta। to abhi tum bhi master rachayita ho na? athva yeh baap ka hi kaam hai ya aapka bhi kaam hai? jab aap log bhi sabhi master rachayita ho to master rachayita apni rachna ke duhkh ke vilaap va tadpan ko kabhi dekh nahin sakenge। us samay unhein kuchh dena padega। agar abhi se stock ikaththa nahin karenge aur jo kamaaya, use khaate aur khatma karte rahenge to unhein denge kya?ab apne potaamel ko dekhna hai। abhi ke samay pramaan master rachayita ko kaun-sa potaamel dekhna hai? kya-kya galti ki yeh to bachpan ka potaamel hai lekin master rachayita ko apna kaun-sa chart check karna hai? aap har shakti ko saamne rakhte huye yeh potaamel dekho ki aaj ke din sarva-shaktiyon mein se kaun-si shakti aur katni percentage mein shakti jama ki। abhi jama ke khaate ka potaamel dekhna hai। kharche ko full stop dena hai। abhi tak bhi apne prati kharcha karte rahenge kya?doosron ko dena-woh kharcha nahin। yeh to ek dena phir laakh paana hai। woh kharche ke khaate mein nahin। woh jama ke khaate mein hua। jab apne vighnon ke prati shakti ka prayog karte ho woh hota hai kharcha। jab koi bhi vighna padta hai to unko samaapta karne mein jo samay kharcha karte ho ya jo gyaan dhan ko kharcha karte ho to itna sabhi kharcha abhi se bachaana pade।

jaise yeh government bhi aajkal bachat ki scheme banaati hai। to olmaaeeti government bhi ab sab bachchon ko order karti hai ki ab bachat ki scheme banaao। kharche ko full stop lagaao। abhi to dete raho, abhi lene ka kuchh raha hai kya?agar raha hai to isse siddha hota hai ki baap ne poora varsa diya nahin hai। lekin baap ne apne paas kuchh rakha hi nahin hai। woh to ek second mein poora hi varsa de dete hain। jo kuchh bhi lene ka rehta hi nahin। to abhi bachat karni aayegi, na ki kharcha karne ki aadat pad gai hai? bahut aise hote hain jisko jama karna aata hi nahin। jama kar hi nahin sakte unhein aur hi kharcha karte-karte udhaar lene ki aadat pad jaati hai। yahaan bhi jab apni shakti kharcha kar dete ho tab kehte ho phalaani deedi,daadi va baapdaada kuchh de deven। udhaar le lete ho। pahle socho ki ham kiske bachche hain? akhut khazaane ke maalik ke baalak hain। nasha hain na? jab akhut khajaane ke baalik so maalik ho aur aise phir doosron se shakti ka udhaar leve unko kya kaha jaaye-bahut samajhdaar? aise bahut samajhdaar to kabhi nahin bante ho na? kya bachat karne ki yuktiyaan athva bachat ki scheme jaante ho? bachat karne ka bhi sabhi se sahaj aur shreshtha tareeka kaun-sa hai, jisse ki sarva shaktiyon ki bachat kar sako?budget bhi kaise banaavenge? pahle banaavenge tab to check karenge na? kaise banaaven ki jisse automatically jama ho? budget banaana arthaat apni buddhi ka, vaani ka aur phir karma ka,sabhi ka apna har samay ka programme fix karo।

jaise budget banaate hain to usmein fix karte hain na ki itna kharcha is par karenge। us phikseshan ke anusaar hi phir kharche ko chalaate hain। tab budget pramaan kaarya saphal ho sakta hai। to budget banaana arthaat amritvele uthkar roz apni buddhi ke plan ka, vaani dvaara kya-kya karna hai aur karma dvaara kya-kya karna hai, un sabhi ko fix karo। arthaat apne teenon prakaar ki roz ki diary banaao। to roz diary banaane se jo buddhi ke prati karttavya fix kiya hai woh phir check karna pade ki jaise mainne budget banaaya kya usi pramaan kaarya kiya? ya budget ek aur plan doosra to nahin? to apni sarva- shaktiyon ko jama karne ki sahaj yukti yahi hai ki roz apna plan banaao mansa, vaacha aur karmana ka। buddhi ko saare din mein kis karttavya mein busy rakhna hai, yadi woh bhi amritvele fix karo to phir sabhi vyartha khatma ho jaayega। vyartha khatma kiya to samartha ban jaayenge। vyartha ko samaapta karne ke liye planning buddhi bano। planning buddhi banne se hi apni sarva shaktiyon ko jama kar sakenge। kyonki jo bhi shaktiyaan kharcha karte ho woh sabhi vyartha kharcha karte ho। agar vyartha ka khaata hi samaapta ho jaayega to bachat automatically ho jaayegi। vyartha ko samaapta karne ke liye daily diary banaao। is reeti apne samay ko bhi fix karo ki aaj ke din buddhi mein vishesh kaun-sa sankalp rakhenge ya aaj vaani dvaara kya karttavya karenge? woh fix hone se saadhaaran va vyartha bol,jo energy ko vesta karti ho woh sab bach jaayegi। jo vesta nahin karte woh baista ban jaate hain। vesta karne vaale kabhi baista nahin ban sakte। sabhi baaton ko dekho aur apni bachat ki scheme ko badhaao। tab hi master rachayita ban sakenge। abhi master rachayita ban kar rachna ki paalna karne ki saamarthya nahin aai hai। master rachayita nahin banenge to kya banna padega? agar kisi ko sambhaalna nahin aata hai to kisi ke sambhaalne mein chalna pade na। to master rachayita ke badle rachna banna pade। banna to master rachayita hai na? sirf do shabd jo suna-’mela aur khela’। sadaiv in ko smriti mein rakho to bhi bachat ki scheme ho jaayegi। vyartha sankalp, vyartha samay aur vyartha shakti jo kharcha kar dete ho woh bach jaayegi। iske liye sirf apna niyam majboot rakho। sochte ho ki yeh karenge lekin niymit roop se niyam banaate nahin ho। ek maas josh mein rehte ho aur baad mein phir maaya ka aana shuru ho jaata hai athva maaya behosh karne ka kaam shuru kar deti hai। isliye kya karna pade?

jaise dekho jab koi hosh mein nahin aata, uske liye injection pichhaadi injection lagaate rehte hain ya jab koi operation karte hain to usko dekh kar feeling na aaye, isliye bhi injection lagaate rehte hain। to jis samay anubhav karte ho ki ab josh behosh ke roop mein ja raha hai arthaat maaya ka josh shuru hai to kaun-sa injection lagaavenge? attention aur chaiking to hai hi। lekin uske saath-saath amrit vele power house se full power lene ka jo niyam hai usko baar-baar check karo। yahi badi se badi injection hai। amrit vele baap se connection jod liya to saara din maaya ki behoshi se bache rahenge। is injection ki hi kami hai। connection theek hona chaahiye। aise nahin ki sirf uthkar baith jaana hai। uth kar to baith gaye, yeh to niyam ka paalan kiya lekin kya connection theek hai arthaat praaptiyon ka anubhav hota hai? agar injection lagaaven lekin shakti ka anubhav na ho to samjhenge injection ne poora kaam nahin kiya। isi prakaar amrit vele ka connection arthaat sarva powers ka aur sarva praaptiyon ka anubhav hona,yeh bade se bada injection hai। pahle yeh check karo ki - amrit vela aadikaal se theek hai? agar aadikaal theek na hoga to madhya aur ant bhi theek na hoga। aadikaal mein anubhav karne ka abhyaas nahin hai to srishti ke aadi athva aadi kaal mein sarva sukhon ka anubhav nahin kar sakega। jaise saare din ka yeh aadi kaal hai,us aadi kaal ko agar chhod kuchh samay ke baad va kuchh ghanton ke baad jaagte va baithte ho va connection jodte ho to jitna yahaan let, utna vahaan let। kyonki baapdaada se bachchon ke milan ka, apointamenta ka samay jo hai usmein pahla chance bachchon ka hai। phir hai bhakton ka time। agar bhakton ke time mein bhi connection joda to bachchon jaisa vardaan nahin pa sakenge। isliye is kaal ka us kaal se connection hai। sabhi se bada budget ka pahla-pahla aaitam (Item) to yeh raha। amrit vele arthaat aadi kaal। us samay apne ko check karo ki ham aadikaal mein aane vaale hain ya kuchh janma peechhe aane vaale hain? yahaan ke ghante vahaan ke janma। jitne yahaan ghante kam utne vahaan janma kam ho jaayenge। kamjori isi ki hai। baith to jaate hain sabhi। us samay ki scene dekho to bada maza aayega। us samay ka drishya aisa hota hai jaise ki jaypur mein ek hi hathayogiyon ka museum hai। bhinna-bhinna prakaar ke hathayog dikhaaye hue hain। to amrit vele bhi us samay ki scene aisi hoti hai,koi hath se neend ko control karte to koi mazboori se time paas karte aur koi ulte latke hue hote hain। arthaat jis kaarya ke liye baithte hain woh unse nahin hota। jaise un hathayogiyon ko dikhaate hain ki koi ek taang par, koi ulte aur koi kaise hote hain। yahaan bhi us samay ka drishya aisa hota hai। koi ek second to achha vyateet karte hain, phir doosra second dekho to ek taang par thaharte-thaharte to doosri taang,phir gir jaati। sochte hain aaj ke din kuchh jama karenge parantu hota nahin hai। woh scene bhi dekhne ki hoti hai। koi phir sote-sote bhi yog karte hain। jaise woh hath karte hain,kaanton par sote hain। yahaan shesh saiya (shaiya) par hote। yahaan ke us samay ka pose bhi wonder-full hota hai। isliye sunaaya ki amrit vele ke mahatva ko jaanne aur unhein jaankar jeevan mein laane se mahaan ban sakte ho। agar amritvele apna plan nahin banaavenge to practical mein kya laayenge?

koi laukik kaarya bhi tab saphal hota hai jab poora plan banaate hain। agar plan nahin banaate to saphalta nahin ho sakti। is prakaar amrit vele apna plan fix nahin karte ho to man, vaani athva karma dvaara jo saphalta honi chaahiye woh nahin kar paate ho। abhi is mahatva ko jaankar mahaan bano। abhi to spashta sunaaya na ki ab baaki kya purooshaartha rah gaya hai। amrit vele ka theek karenge to sabhi theek ho jaayega। jaise amrit peene se amar ban jaate hain। to amrit vele ko saphal karne se amar bhav ka vardaan mil jaata hai। phir saara din koi bhi vighnon mein murjhaayenge nahin। sada harshit rahne mein aur sada shaktishaali banne mein amar rahenge। amritvele jo amarbhav ka vardaan milta hai woh agar na lenge to phir mehnat bahut karni padegi। mehnat aur kharcha donon karte ho। nahin to amar bhav ke vardaanon se mehnat aur kharcha donon se chhoot jaayenge। achha!

aise sada baap ke saath rahne vaale va sada har sankalp, har sankalp mein milan manaane vaale, ek sankalp va ek second bhi mele se alag nahin hone vaale, sadaiv saakshi aur smriti ki seat par sait ho har scene dekhne vaale khilaadi va dekhne vaale teevra purushaarthi,ek second mein sankalp aur swaroop banne vaale arthaat jo sankalp kiya aur woh swaroop bane। aise teevra purushaarthi amar bhav ke vardaani bachchon ko baapdaada ki yaad-pyaar aur namaste। achha, omshaanti।

murli ka saar

1. mela aur khela sada yaad rakho to sthiti dagmag nahin hogi।

2. seat ko chhod kar agar koi drama dekhe to kya haal hoga? to seat par sait hokar variety drama ki smriti rakhte hue agar ek-ek paartadhaari ka har part dekho to sadaiv harshit rahenge, mukh se vaah-vaah hi niklegi।

3. master rachayita ko apna kaun-sa part check karna hai ki aaj ke din sarvashaktiyon mein se kaun-si shakti aur kitni percentage mein shakti jama ki hai? abhi jama karne ke khaate ko dekhna hai।

4. vesta karne vaale kabhi best nahin ban sakte।