Avyakt murli du samedi 21 juillet 1973

>

21-07-73 om shanti avyakt baapdaadaamdhuban

roohaani judge aur jismaani judge

sada saphaltaamoortta banaane vaale, shaktiyon se sampanna kar master sarvashaktivaan banaane vaale,sarva dhaarnaayen karaake dhaarna moortta banaane vaale,suprim justice pyaare baba bole:-

apne ko justice samajhte ho? kya apne aapko aur sarva- aatmaon ko judge kar sakte ho? woh justice to sirf bol aur karma ko hi judge karte hain lekin aap to sankalp ko bhi judge kar sakte ho। aise justice jo apne aur doosri aatmaon ke bhi sankalp ko judge kar saken va parakh saken, aise ban gaye ho? aisa justice kaun ban sakta hai? jiski buddhi ka kaanta ekaagra ho। jaise taraaju ki sahi parakh tab hoti hai jab kaanta ekaagra ho jaata hai, halchal banda ho jaati hai aur donon taraph samaan ho jaati hai। aise hi jiska buddhi-yog roopi kaanta ekaagra hai, jiski buddhi mein koi halchal nahin aur nirvikalp stage va sthiti hai aur jiske bol aur karma mein, lav aur law mein, aur sneh aur shakti mein arthaat in donon ka balance hai, to aisa justice yathaartha jazmenta de sakta hai। aisi aatma sahaj hi kisi ko parakh sakti hai। kya aisi parakhne ki shakti va jazmenta karne ki shakti apne mein anubhav karte ho?

laukik judge agar jazmenta wrong karte hain to kisi aatma ka ek janma vyartha ganva sakte hain ya uska kuchh samay vyartha ganva sakte hain athva usko kai prakaar ke nuksaan pahunchaane ke nimitta ban sakte hain, lekin aap roohaani justice agar kisi ko parakh na saken to aatma ke anek janmon ki takdeer ko nuksaan pahunchaane ke nimitta ban jaayenge। kya apne oopar aisi jimmevaari mahsoos karte ho?jab aap log sarva-aatmaon ke kalyaan ke nimitta bante ho, anek aatmaon ka baap se milan manaane ke nimitta bante ho, to aisi aatmaon ko apne oopar kitni badi jimmevaari mahsoos karni chaahiye? yadi koi tadapti hui pyaasi aatma aapke saamne aaye, unki tadap ya pyaas ko samaapta kar uski pyaas mitaane ke nimitta kaun hain? baap ya aap? baap to backbone hain, lekin nimitta shakti sena aur paandav sena hi hai। to nimitta banne vaalon ke oopar itni badi jimmevaari hai jo kisi bhi aatma ko kisi bhi baat se ya kisi property se bhi vanchit nahin kar sakte - kya aise sarva ke mahaadaani aur vardaani bane ho?kya ek second mein kisi ko parakh sakte ho? agar kisi ko aavashyakta ho shanti ki aur aap usko sukh ka raasta bataao (parakhne ki shakti kam hone ke kaaran) to bhi woh santushta nahin hoga। isliye harek ki praapti ki ichchha ko parakhne vaala hi sampoorn aur yathaartha jazmenta kar sakta hai। aisi sarva ki ichchhaaon ko jaanne vaale ki vishesh kvoliphikeshansa kaun-si hogi ki jisse buddhi roopi kaanta ekaagra ho? lav aur law ka balance ho,uske liye mukhya vishesh dhaarna kya hogi? (sabhi ne bataaya) baaten to bahut achhi-achhi sunaai। in sabhi ka saar hua ki svayan jo ‘ichchha maatram avidya’ ki sthiti mein sthit hoga,vahi kisi ki bhi ichchhaaon ki poorti kar sakta hai।

agar svayan mein hi koi ichchha rahi hogi to woh doosre ki ichchhaaon ko poorn nahin kar sakte। ‘ichchha maatram avidya’ ki stage tab rah sakti hai jab svayan yukti-yukta,sampanna,nolezphul aur sada successful arthaat saphalta-moortta honge। jo svayan saphalta-moortta nahin hoga to woh anek aatmaon mein sankalp ko bhi saphal nahin kar sakta। isliye jo sampanna nahin to uski ichchhaayen zaroor hongi kyonki sampanna hone ke baad hi ‘ichchha maatram avidya’ ki stage aati hai। tab koi apraapta vastu nahin rah jaati to aisi stage ko hi ‘karmaateet’athva ‘pharishtepan’ki stage kaha jaata hai। aisi sthiti vaala hi har aatma ko yathaartha parakh sakta hai aur doosron ko praapti kara sakta hai। to aisi stage apne sameep anubhav karte ho ya ki abhi tak yeh stage bahut door hai? saamne hai ya sameep hai?itne sameep hai ki abhi-abhi chaaho to vahaan pahunch jaao athva usko bhi abhi sameep la rahe ho? vinaash ki taali va seeti baje aur aap apni stage par sthit ho jaao jaise ki sinhaasan par sameep aa gaye aur sirf chadhkar baithna hi baaki rah jaaye arthaat seeti baje aur seat par baith jaao।

jaise chairs ka khel hota hai na? daudte rehte hain, seeti baji aur kursi par baith gaye। jisne kursi li woh vijayi, nahin to haar। yeh bhi kursi ka khel chal raha hai। to ismen aap kya samajhte ho? abhi teen taaliyaan bajengi aur teesri par cheyar par baith jaao - kya itni taiyaari hai? lekin ye teen taaliyaan jaldi-jaldi bajti hain, unke beech mein jyaada time nahin hota hai। to kya itni taiyaari hai ki jo teesri par jhat cheyar par baith jaao? aisi guarantee hai na? ‘koshish’ shabd kehna to maano ki shak hai koi। kalpa pahle seat par nahin baithe the kya? koi-na-koi kursi lena-woh koi badi baat nahin hai। koi-na-koi kursi to praja ko bhi milegi। jab solah hazaar ko seat milegi to 9 laakh vaalon ko bhi seat milegi। lekin first seat ke liye sada apne ko ever-ready banaana pade। agar nimitta banne vaale hi second stage tak pahunche to jinki aap nimitta banengi woh kahaan tak pahunchenge?isliye jo apne ko vishwa-kalyaankaari samajh kar chal rahe hain, unko to sadaiv taali athva seeti ka intajaar karna chaahiye। intazaar woh karega jiska pahle se hi apna intazaam hua pada hoga। agar intazaam nahin hai to woh intazaar nahin kar sakta to pahle se hi intazaam karna-yeh hai mahaarthiyon ki va mahaaveeron ki nishaani। to abhi ever-ready banne ke liye abhi se hi apni chaiking karo।

jaise saari knowledge ka revise course kar rahe ho, vaise hi apni praapti va purooshaartha ka chart bhi shuru se revise karke dekho। usmein mukhya chaar subjects hain। chaaron ko saamne rakho aur har subjects mein paas ho usko dekho। jaise chaar subjects hain -- gyaan, yog,daivi gunon ki dhaarna aur eeshvareey seva। vaise hi yahaan chaar sambandh bhi hain,teen sambandh to spashta hain -- sat baap, sat shikshak aur sadguru parantu chautha sambandh hai saajan aur sajni ka। yeh bhi ek vishesh sambandh hai-aatma-paramatma ka milan arthaat sagaai। yeh sambandh bhi purooshaartha ko sahaj kar deta hai। jaise chaar subjects hain, vese hi chaar sambandh saamne laao aur in chaar sambandhon ke aadhaar se mukhya chaar dhaarnaayen hain। ek to baap ke sambandh mein-’pharmaan vardaar’,shikshak ke sambandh mein-’irmaandaar’aur guru ke sambandh mein-’aagyaakaari’aur saajan ke sambandh mein-’vaphaadaar।’ jo yeh chaaron sambandh aur chaar vishesh dhaarnaayen in sabhi ko revise karke dekho।

iske saath-saath chaar salogansa bhi smriti mein rakho-woh kaun-se? baba ke sambandh mein salogan hai-’san shows father’,arthaat sapoot ban saboot dena hai। shikshak ke roop mein salogan hai-jab tak jeena hai tab tak padhna hai, arthaat last ghadi tak padhna hai। yeh lakshya agar majboot hai to phir sarva praaptiyaan svatah hi hoti hain। aur guru ke roop mein salogan hai-jahaan bithaaye, jaise bithaaye, jo sunaaye, jaise sunaaven, jaise chalaave aur jaise sulaave arthaat jaise ki sabhi hukmi hukam chala raha hai-yeh hai sadguru ka salogan। abhi saajan ke roop mein kya salogan hai-tumheen se baithoon, tumheen se khaaoon aur tumheen se shvaansonshvaans saath rahoon। yeh hai saajan ke roop ka salogan। yeh sabhi baaten apne saamne laakar apne purooshaartha ko check karo। in sabhi ko rivaaeez karna hai।

yeh bhi check karna hai ki bahut samay se aur ek-ras arthaat lagaataar kya chaaron hi sambandh nibhaate rahe hain ya beech-beech mein kat hua hai? agar beech mein kuchh margin rah gayi hai to baar-baar kati hui cheez kamjor hoti hai। isliye apne jeevan ko in chaaron hi baaton ke aadhaar par rivaaeez kar ke dekho। is chaiking ko karke apne-aap ko parakh sakenge ki meri praapti va praarabdha kya hai? sooryavanshi hai ya chandravanshi hai? sooryavanshi mein raajaai family mein hain ya svayan mahaaraaja mahaaraani banne vaale hain? abhi jabki samay najdeek hai final paper ka to jaise laukik padhaai mein bhi sabhi subjects ko revise kiya jaata hai aur ek-ek sabjektsa ko revise kar apni kami ko sampanna karte hain, isi prakaar sabhi ko apne purooshaartha ko isi reeti revise karna hai। kaise svayan ka justice bano abhi woh tareeka suna rahe hain। jab svayan ko judge karna aa jaayega to phir doosron ko bhi sahaj hi parakh sakenge। jab svayan praapti-sampanna honge to doosron ko bhi praapti kara sakenge। yeh check karna to sahaj hai na? ek sabjekt athva ek sambandh va ek dhaarna va ek salogan mein bhi kami nahin honi chaahiye।

jabki abhi result out hone ka samay aa raha hai, to result out hone se pahle kampalentsa ko complete karo। apni kamplenta bhi aap svayan hi karte ho। amrit vele se apni complaint karte ho। jab tak apni kampalentsa hain, tab tak complete nahin ho sakenge। isliye svayan hi master sarvashaktivaan ban apni complaint ko complete karo। abhi phir bhi last chance ka samay hai। phir nahin to tu let ka board lag jaayega। abhi praapti ka samay bhi-’bahut gai, thodi rahi hai’ -- nahin to pashchaataap ka samay aa jaayega phir pashchaataap ke samay praapti nahin kar sakenge। isliye abhi jo thodi rahi hui hai, yeh chance bhi chaahe kisi aur ke nimitta, aap logon ko bhi yeh chance mila hai। phir bhi kisi prakaar ka chance to hai na? to chance ko ganvaana va lena, apne prayatna se aap jo chaaho woh kar sakte ho। isliye abhi se revise karo। yeh to suna diya ki jab revise karo va judge karo to kis roop mein karna hai। vidhi to suna hi di hai। kyonki vidhi-poorvak karne se siddhi ki praapti to ho hi jaayegi।

jo sampoorn stage ke ati najdeek honge unke sankalp mein, bol mein aur karma mein ek nasha rahega। woh kaun-sa? eeshvareey nasha to sabko hai hi। eeshvareey nashe ka varsa to eeshvareey god li aur praapta hua। woh to hai hi। lekin woh vishesh kya nasha rahega? unke sankalp mein, bol mein nashe ki kaun-si baat hogi? nasha yeh hoga ki jo bhi kuchh kar raha hoon usmein sampoorn saphalta hui hi padi hai। ‘honi hai’ va ‘hogi’aisa nahin,parantu ‘hui hi padi hai’। sankalp mein bhi yeh nasha hoga ki ‘mere har sankalp ki siddhi hui hi padi hai’। karma mein bhi yeh nasha hoga ki mere har karma mein peechhe saphalta meri parchhaai ki tarah hai। mere bol ki siddhi hui hi padi hai। saphalta mere peechhe-peechhe aane vaali hai। saphalta mujhse alag ho hi nahin sakti। aisa nasha har sankalp mein,har bol aur har karma mein jab hota hai, tab samjho ati sameep hai। hona to chaahiye, law to aise kehta hai va karma ki philosophy va gyaan to yeh kehta hai-yeh hai sameep। abhi isse judge karo to ati sameep hain ya sameep hain ya saamne hain। ye teen stejis ho gai na? achha।

sabhi ke andar ek sankalp ki halchal hai - woh kaun-si? to na maaloom yeh milan bhi kab tak? is halchal ka response kaun-sa hai? dekho pahle bhi sunaaya ki praapti ka samay abhi bahut gaya, thoda raha, thode ka bhi thoda hai। jabki praapti ka samay thoda hai aur kai aatmaayen aane vaali hain jinke nimitta aap logon ko bhi chance hai। aisi aatmaon ke prati abhi baap bhi bandhan mein bandhe hue hain। isliye jab naye-naye ratna aa rahe hain apna kalpa pahle ka hak nambarvaar le rahe hain to baapdaada ko bhi hak dene aana hi pade na? to aisi halchal nahin machaao ki na maaloom kya hona hai? lekin avyakt milan ka avyakt roop se anubhav karaane ke liye beech-beech mein margin di jaati hai va samay diya jaata hai ki jisse kabhi achaanak vyakta dvaara avyakt milan ka part samaapta ho to avyakt sthiti dvaara avyakt milan ka anubhav kar sako। jab tak baap ki sampoorn pratyakshata nahin ho jaati tab tak bachchon aur baap ka milan to hona hi hai। lekin chaahe vyakta dvaara avyakt milan aur chaahe avyakt sthiti dvaara avyakt milan,lekin milan to ant tak hai na? isliye aisa samay aane vaala hai ki jismen avyakt sthiti dvaara avyakt milan ka anubhav na hoga to baap ke milan ka,praapti ka aur sarvashaktiyon ke vardaan ka jo sundar milan ka anubhav hai, usse vanchit rah jaayenge। isliye yeh donon milan abhi tak to saathsaath chal rahe hain lekin last stage kya hai?last stage ki taiyaari karaane ke liye baap ko hi samay dena padta hai aur sikhlaana padta hai। abhi samjha kya hone vaala hai?abhi itne halchal mein nahin aao। jab hone vaala hoga to avyakt sthiti mein sthit rahne vaalon ko svayan hi aavaaz aayega,touching hogi,sookshm sankalp hoga,taar pahunchegi ya trank-kaal hoga। samjha?jab line clear hogi tabhi to pakad sakenge। jab avyakt milan ka anubhav hoga tab to pahchaanenge va pahunchenge। iske beech-beech mein yeh chance de abhyaas karaate hain। baaki ghabraane ki koi baat nahin। samjha?achha।

aise sada saphalta-moortta, gyaan swaroop, shakti-sampanna,divya dhaarna sampanna, yog-yukta,yukti-yukta sankalp aur karma karne vaale, parakhne ki shakti ko har aatma ke prati karma mein laane vaale,roohaani justice shreshtha aatmaon ko,sada vardaani moortta aatmaon ko aur baapdaada ke noore ratnon ko yaad-pyaar aur namaste।

mahaavaakyon ka saar

1. svayan jo ichchha maatram avidya ki sthiti mein sthit hoga vo hi kisi ke ichchhaaon ki poorti kar sakta hai।

2. intazaar woh karega jinka pahle se hi apna intazaam hua pada hoga।