Avyakt murli du dimanche 23 septembre 1973

>

23-09-73 om shanti avyakt baapdaadaamdhuban

vishwa ki aatmaon ko light va might dene vaala hi vishwa-adhikaari

nav vishwa-nirmaata, trikaaldarshi banaane vaale,har paristhiti aur har samasya ka saamna karne ki shakti dene vaale aur divya-drishti vidhaata shiv baba bole:-

kya aap apne ooche-se-ooche baap ki oonchi sthiti par sada sthit rahne vaali svayan ko shreshtha aatmaayen samajh kar har karma karte rehte ho? jaise baap ke baare mein gaayan hai-’’ooncha tera naam, ooncha tera kaam, ooncha tera dhaam,’’-isi ke anusaar kya aap apne ko bhi baap-samaan oonche naam aur oonche kaam karne vaali vishesh aatma samajhte ho? yeh dhyaan rakhte ho ki ek bhi vyartha athva saadhaaran sankalp utpanna na ho?isko kaha jaata hai-’’oonchi sthiti।’’ kya aap apne ko aisi oonchi sthiti vaala anubhav karte ho?jab tak vyartha (vesta) sankalp, bol ya karma hain tab tak shreshtha (best;) nahin ban sakte। ya to best (shreshtha) hain ya phir vesta (vyartha) hain। jaise din hai to raat nahin,raat hai to din nahin, vaise hi jahaan vesta hota hain, vaha baista (uchcha) nahin ban sakte। to baista (unch) banne ke liye vesta (vyartha) ko khatma karna padega। jab vesta (vyartha) khatma ho jaayega tab anubhav karoge ki aatma kaisa bhi kaarya karti hui, kaise bhi vaataavran athva paristhiti mein rehti hui aur hangaame hote hue bhi vo rest (aaraam) mein hai।

jaise aajkal science vaale apni science ki knowledge (vidya) ke aadhaar par kaise bhi duhkh ke samay ek injection dvaara alpakaal ke rest (aaraam) ka anubhav karaate hain na? vaise hi kitni bhi aavaaz aur kitna bhi tamoguni vaataavran ho, lekin silence ki shakti se vesta (vyartha) samaapta hone ke kaaran best (shreshtha) sthiti mein sthit hone se sada rest (aaraam) anubhav karoge, arthaat sada apne ko sukh aur shanti ki shaiya par aaraam karta hua anubhav karoge। jaise yaadgaar ka chitra bhi hai -- saagar mein jahaan lahron ki halchal hoti hai to saagar mein hote hue, saanpon ki shaiya hote hue bhi arthaat vaataavran va paristhiti duhkhamay hote hue bhi (saanp to duhkhadaai arthaat kaatne vaala hota hai na) aaraam ka anubhav karoge। to iska bhaav yeh hai ki aisi paristhitiyaan,aisa vaataavran jo kaatne vaala ho,hilaane vaala ho aur apne vish dvaara moorchhit karne vaala ho lekin aise vaataavran ko bhi sukh-shanti ki shaiya bana de। arthaat aaraam ka sthaan bana de, arthaat aatma sada apne rest mein rahe। to jaisa yaadgaar chitra hai, kya vaise hi practical jeevan mein anubhav karte ho?sheetalta mein sheetal rehna koi badi baat nahin hai, aaraam ke saadhnon mein aaraam se rehna-yeh bhi saadhaaran baat hai lekin be-aaraami mein aaraam se rehna isko kaha jaata hai-’’padmaapadma bhaagyashaali’’। to aise vishay saagar ke beech rehte hue paanch vikaaron ko apne aaraam va sukh aur shanti ki shaiya banaana hai। arthaat kya abhi se vikaaron ke oopar sada vijayi ban sada gyaan ke manan aur baap ke milan mein magna rehte ho?

jo aisi sthiti mein sthit hai, arthaat sada magna hai,woh hi sada nirvighna hai। magna nahin to zaroor koi vighna hai। ab vighna aapke oopar vaar karne se haar gaye hain ya aap bhi vighnon se haar kha jaate ho? ab tak bhi haar khaate rehna kya yeh ho sakta hai?yeh to asambhav hai na?abhi haar khilaane vaale ho ya ki khaane vaale ho? agar svayan nirvighna bane ho to banne vaalon ka karttavya kya hai? koi to ab ban rahe hain, koi ban gaye hain। jo banne vaale hain woh apne mein hi busy (vyasta)। kyonki jab tak svayan na bane tab tak auron ko banaane mein yatha-shakti hi kaarya kar sakte hain। lekin jo ban gaye hain unka kya karttavya hai?unka karttavya hai doosron ko banaana। to bana rahe ho na? to kya pahle ‘charity biginsa ait hom’ hain?arthaat apne saathiyon ko। ve saathi kaun-se hain?aapke jo brahman parivaar ke saathi hain। to un apne saathiyon ko aap samaan banaane ke baad phir baap-samaan banaana hai। lekin pahli stage mein yadi unhein aap-samaan banaao to bhi bahut hai।

to jo bane hain unka karttavya kya hai? unka swaroop abhi kaun-sa hona chaahiye? kisi ne uttar diya-vighna-vinaashak। achha vighna-vinaashak kaise banenge?to kis roop se sanhaar karenge ki jisse sahaj hi vishwa ki seva kar sako? woh roop kaun-sa hai?vo hai double light aur might house ka। double kyon kaha? kyonki aapko do kaarya karne hain? kisi ko mukti ka raasta bataana hai aur kisi ko jeevanmukti ka raasta bataana hai। ek hi raasta nahin balki do raaste dikhaane hain aur har-ek aatma ko apne-apne thikaane lagaana hai। to jo bane hain unka swaroop ab double light aur might hona chaahiye taaki ek sthaan par hote hue bhi chaaron or apne light aur might ke aadhaar se bhatki hui aatmaon ko thikaana de deven। to kya is kaarya mein busy ho?ab light aur might donon ka balance hona chaahiye। sirf light se bhi kaam na hoga aur sirf might se bhi kaam nahin hoga। donon ka balance jab theek hoga tab sab andhon ki aulaad andhon ko (shaastra mein bhi kaurav sampradaay ke liye gaaya hua hai ki andhon ki aulaad andhe hain) apni light aur might ke dvaara kaun-sa vardaan denge aur ve vardaan mein kya praapta karenge? divine insight arthaat unhein teesre netra ka vardaan do।

vaise bhi ‘netra-daan’sabse shreshtha daan kaha jaata hai। netra nahin to jahaan nahin। sabse bade-se-bada jeey daan kaho ya vardaan kaho ya mahaadaan kaho vaastav mein woh yahi hai। to andhon ko divine insight ya teesre netra ka daan do jisse ki woh mukti aur jeevanmukti ke thikaane ko dekh bhi saken। agar ve dekhenge nahin to phir pahunchenge kaise? isliye double light aur might house ban,donon ka balance theek rakh har aatma ko teesre netra ka vardaan do।-yeh hai shreshtha aatmaon ka karttavya। sirf apne prati hi light aur might rakha to light house nahin kahlaayenge। agar apne mein light aur might hai to apne saathiyon ko aur vishwa ki sarva aatmaon ko mahaadaan do aur vardaan do। agar koi bulb chaaron or roshni na phailaaye, sirf jahaan jag raha hai us thode sthaan par hi light de to kahenge na ki yeh to kaam ka nahin hai। to apne ko dekho ki kya main svayan tak light va might dene vaala bana hoon ya vishwa tak light aur might dene vaala bana hoon? jitne tak light dene vaale ab banenge utne hi chhote ya bade raajya ke adhikaari bhavishya mein banenge। agar sirf thodi si aatmaon ke prati light aur might dene ke nimit bante hain to vahaan bhi thodi-si aatmaon ke oopar hi raajya karne ke adhikaari banenge। yahaan vishwa ke sevaadhaari to vahaan bhi vishwa ke raajya-adhikaari honge।

ek hote hain raajya-adhikaari banaane vaale jinko teacher kehte hain। woh raajya kaarobaar sikhlaane vaale banenge lekin raajya karne vaale nahin। ab aap sikhlaane vaale banenge ya karne vaale banenge? vahaan satayug mein bhi nimit maatra padhaate to honge na? raajya kaarobaar sikhlaane vaale shikshak jo hote hain usko raajyadhaari kehte hain parantu raajya adhikaari nahin। ya to raajyadhaari banenge ya phir raajya adhikaari। lekin adhikaari woh banenge jo abhi se apne svabhaav,sanskaar aur sankalp ke adheen nahin banenge। jo abhi bhi apne sankalp ke adheen hota hai to kya woh adhikaari hua? woh sankalpon ke bhi adheen hua na? to isliye ab sankalpon ke bhi adheen nahin,svabhaav aur sanskaar ke bhi adheen nahin hona hai। jo ab se in sabke adhikaari banenge, woh hi vahaan raajya-adhikaari banenge। ab hisaab nikaalo ki kitna adheen rehte hain aur kitna adhikaari rehte hain। phir uski result se svayan bhi apne bhavishya ka saakshaatkaar kar sakte ho। arthaat apne-aap ko parakhne ke aaeene mein apne vartamaan aur bhavishya 21janmon ke liye hamaare future ke features kya honge woh bhi dekh sakte ho। aap apne 21 janmon ke features bhi dekh sakte ho agar aapka apne-aapko parakhne ki shakti ka aaina itna powerful hua to। us aaine mein to sirf vartamaan dekh sakte hain, bhale kitne bhi powerful sheeshe hon,jis dvaara bahut door ki cheej ko bhi dekh sakte hain, lekin woh bhi hain to is duniya ka hi na? usse bhavishya ko to nahin dekh paate। lekin aap logon ko parakhne ki shakti ka aaina itna powerful mila hai jinse na sirf bhavishya ek janma ko apitu21 janmon ko dekh sakte ho। aur phir 21janmon ke aadhaar par, bhavishya pad ke aadhaar par apne pujaari-pan ke part ko bhi dekh sakte ho। to aisa powerful aaina jo baapdaada dvaara praapta hua hai, kya unmein dekhte rehte ho? apne ko clear dekh sakte ho ki dekhne ke liye kisi aur ki jaroorat hai? trikaaldarshi ko aur koi ki aavashyakta hoti hai kya?trikaaldarshi to doosron ke bhavishya ko bhi jaan sakte hain। to kya aap apne bhavishya ko nahin jaan sakte?

trikaaldarshi bane ho ki ek-darshi bane ho? ek-darshi arthaat sirf vartamaan ke darshi। ab to trikaaldarshi ban sabko sandesh do। jab ek-darshi ban sandesh dete ho to ek percent hi result nikalti hai। trikaaldarshi ban sandesh do to teen hissa result to nikal hi jaayegi। arthaat 75% result hogi। ab hai 25% result। to ab kya karenge?abhi paandav sena ki vijay ka jhanda lahraayenge?-phir kya karenge? donon hi lahraayenge na? yeh jhanda lahraana to sahaj hai chaahe ek ke bajaay 100lahra do। har ek apne area mein jitne chaahe lahra de। lekin is jhande ke lahraane ka arth kya hai?vijay ka jhanda lahraana। jo ab milkar tan-man aur dhan sab laga rahe ho woh kis lakshya se? kya sirf shiv ke chitra ke jhande lahraane ke lakshya se?ab lakshya yeh rakho ki sab milkar apni raajdhaani par vijay ka jhanda lahraayenge aur sab par vijay paayenge। agar bach bhi jaayen to woh bhi dabe hue hon। bolne se chup to ho hi sakte hain na? ab to chup bhi nahin hain, ab to bolne mein bhi hoshiyaar hain।

dekho, vishwa ka mukh kaun-sa hai? akhbaar,parche aur maigizan। ab vishwa ke mukh dvaara bolte to rehte hain na? lekin chup ho jaayen,maar na sako to kamse- kam moorchhit to karo। moorchhit vaala bhi bolega to nahin na? ab yeh result aaoot honi hai। raakh kaun bante hain aur kitne bante hain aur koton mein se, laakhon mein se ek kaun nikalte hain,woh bhi dekhenge। lekin yeh hoga kaise? iske liye do baaten chhodni hai aur ek baat dhaaran karni hai। do baat kaunsi chhodni hai? (do mat ko chhodkar ek mat dhaaran karni hai) lekin do mat hoti kyon hai? ek mat se do mat mein aane ka kaaran kya hai? do baaten chhodni kya hain aur ek baat dhaaran kya karni hai? chhodni hai ek to stuti aur doosri paristhiti। kyonki ek to koi paristhiti ke kaaran dagmag hote hain aur doosre stuti mein aane se sthiti nahin banti hai। to isliye sva-sthiti ko dhaaran karna hai। aur stuti aur paristhiti-in donon baaton ko chhodna hai। sankalp se bhi chhodna hai। paristhiti ke kaaran sva-sthiti nahin hoti hai aur stuti ke kaaran sthiti nahin hoti। to isliye stuti mein kabhi nahin aana। agar yahaan apni stuti ka sankalp bhi rakha to aadha kalpa se jo stuti honi hai usmein sau guna kat ho jaata hai kyonki ab ki alpa kaal ki stuti sada kaal ki sthiti ko kat kar deti hai। isliye ab paristhiti shabd bhi nahin kehna aur stuti ka sankalp bhi nahin karna।

jitna nirmaan rahenge, utna nirmaan ka kaarya saphal hoga। agar nirmaanta nahin to nirmaan nahin kar sakte। nirmaan karne ke liye pahle nirmaan banna padega। isliye ek salogan sada yaad rakhna-koi bhi kaarya ho, koi bhi sarakmastaansij saamne hon lekin sadaiv jaise agyaan kaal mein kahaavat hai ki ‘pahle aap’ arthaat‘doosron ko aage badhaana svayan ko aage badhaana hai’। svayan ka jhukna hi vishwa ko apne aage jhukaana hai। isliye sadaiv ek do mein yahi vritti, drishti aur vaani rahe ki ‘pahle aap’। yeh salogan kab bhoolna nahin। jaise baapdaada ne kabhi bhi sankalp va bol mein va karma mein yeh nahin dikhlaaya ki pahle ‘main’। sadaiv bachchon ko pahle laaye-is drishti va vritti ko aage rakha। is prakaar ‘follow-father’karne vaali har aatma is baat mein ‘follow father’ karegi to saphalta 100% gale ki maala banegi। agar pahle aap ki bajaaye ‘pahle main’ yeh sankalp bhi kiya, agar ek aatma ne bhi yeh sankalp kiya va vaani aur karma mein bhi laaya to maano saphalta ki maala ka ek manka toota। maala se ek manka bhi yadi toot jaata hai to saari maala par prabhaav padta hai। isliye svayan ko to is baat mein pakka karna hi hai lekin svayan ke saath-saath sangathan ko bhi is paath mein va is salogan mein sada saphal banaane ke prayatna mein rehna hai। jisse vijay maala ka ek manka bhi alag na hone paaye। jab aisa purooshaartha karenge va yeh kaarya karenge tab vijay ka jhanda apni raajdhaani ke oopar khada kar sakenge।

part bajaane ke pahle – rehearsal, samjha? dress aur mek-up aadi kiya jaata hai tab hi part successful hota hai। to yeh dhaaran karna hai। aise saje sajaaye ever ready ban jab stage par aayenge to sabke mukh se ‘hear-hear’ka aavaaz,vansa mor ki aavaaz niklegi। kya taiyaari ke saath-saath yeh bhi taiyaari kar rahe ho। sirf sthool taiyaariyaan karne mein to busy nahin ho gaye ho? pahle apni dress taiyaar karo aur phir mek-up ka saamaan taiyaar karo। mek-up karna arthaat sthiti mein sthit hona,kya yeh bhi taiyaari kar rahe ho? kya inki bhi meeting karte ho? jyaada meeting mein yeh pointa bhool na jaana। stall ko sajaate-sajaate samay ho jaaye aur svayan aise hi khade ho jaao-aise hota hai na? kai centres par function ki taiyaari karte-karte svayan aise hi khade rah jaate hain, svayan taiyaar nahin hote to yahaan ab aise nahin karna।

daan lene vaale aa jaaven aur aap us samay socho ki kya le aaven jo baante, isliye stock pahle se hi ikaththa kiya jaata hai। us samay ikaththa karne va koshish karenge to kai vanchit rah jaayenge। jaise aur cheejon ka stock ikaththa karte ho, vaise hi yeh stock pahle ikaththa karna hai। jisko jo chaahiye, sukh-shanti chaahiye ya sirf praja pad chaahiye ya koi ko saahookaar pad chaahiye aur koi sirf salaam bharna chaahen। vishwa-mahaaraajan ko kai aise bhi chaahte hain ki jo sadaiv charnon ke daas rahen। to aise bhakta jo naman karna chaahte hon aison ka bhi stock bhar do। jisko jo cheez chaahiye aur jis cheej ki ichchha ho, uski ichchha avinaashi poori kar sako। is mitti ki duniya ki nahin, sone ki duniya ki। aisa stock jab ikaththa hoga tab jaldi apne stock se un aatmaon ko de sakogi। kya yeh bhi taiyaari ki hai? yeh potaamel nikaala hai ya sirf yahi nikaala hai ki har ek zone kitna tan-dhan denge, kitne bainarsa,aur chaadren aadi denge kya yeh nikaal rahe ho?lekin apne mastak par bhi bainarsa lagaana padega।

pahle to apni moortta ki chaitanya pradarshani lagaani padegi। jismen nain kamalsam dikhaai den, hothon par roohaani muskaraahat dikhaai de aur mastak se aatma ki soorat dikhaai de। to kya aisi apni moortta ko sajaaya hai? yeh pradarshani bhi taiyaar kar rahe ho ya sirf stall ki pradarshani taiyaar kar rahe ho? iska inaam bhi milega na? aap aapas mein ek-do ko stol ki sajaavat ka inaam denge aur baapdaada inaam denge chaitanya pradarshani ki sajaavat ka, isliye ab double inaam milega। kis-kis ne apni chaitanya pradarshani va apne mastak ke banner dvaara service ki uska inaam denge। ab result denkhenge। result to aani hai na? teen numbers ko inaam milega-first,second aur third। baapdaada bhi teen inaam denge। har ek abhi se soch rahe hain ham first inaam lenge aur first mein bhi aa jaayenge। agar sab first mein aa jaaven to bhi saugaat denge। ismen kya badi baat hai?jab itne vijayi banenge to vijayi ratnon ke aage inaam ki kya badi baat hai?sab first number bano to inaam bhi sabko milega, sthool mein milega। sookshm kahenge to badi baat nahin hogi। saakaar srishti nivaasi hone ke kaaran saakaar mein bhi denge। kya denge woh abhi nahin bataavenge। woh us samay prasiddha hoga। jaisi yogyata hogi,us yogyata ke anusaar inaam hoga। gold bhi kya badi baat hai?thode samay ke baad yeh saara hi sona aapke charnon mein aana hai। vishwa ka maalik banne vaalon ke liye yeh sab kya badi baat hai?jo baapdaada ki saugaate hain na। jitna number utni saugaat। jitna badhiya service ki saphalta dikhaayenge unko aisi badhiya saugaat milegi। baaki stol ki sajaavat ka inaam yeh (deedi-daadi) dengi aur woh baapdaada denge। achha,dilaasa nahin hai। practical mein denge। achha! aise sada vijayi, sada saphalta-moortta,sada sva-sthiti se,sada har paristhiti ka saamna karne vaale, sada nirmaan ban vishwa nav-nirmaan karne vaale aur kadam-kadam par ek baap ki yaad mein ek-mat ho,ek ka naam baala karne vaale shreshtha aatmaon ko baapdaada ka yaad-pyaar aur namaste। omshaanti।