Avyakt murli du jeudi 2 mai 1974

>

02-05-74 om shanti avyakt baapdaadaamdhuban

ab baap-samaan sarva gun sampanna bano

sarva praaptiyon se sampanna banaane vaale, atal,akhanda aur nirvighna,vishwa ke raajya ka adhikaari banaane vaale sarva-shaktivaan shiv baba bole:--

apne aapko master gyaansaagar samajhte ho? jaise gyaan-saagar sarva-shaktiyon se sampanna hain, aise apne ko bhi sarva-praaptiyon se kya sampanna anubhav karte ho?yeh jo kahaavat hai, ki devtaaon ke khajaane mein apraapta koi bhi vastu nahin hoti hai-yeh kahaavat braahmanon ki gaai hui hai ya devtaaon ki?sarva sanskaar brahman jeevan mein hi tum anubhav karte ho, kyonki abhi tum sarva sanskaar apne mein bhar rahe ho। to yeh gaayan ke sanskaar abhi se tum anubhav karte ho?kyonki is samay oonch te oonch baap-daada ke tum bachche ho। lekin tum devtaai jeevan mein master sarvashaktimaan nahin kahlaavenge। jab ki abhi saagar ki santaan ho, to saagar-samaan sampanna abhi honge ya bhavishya mein honge? gyaansaagar baap bachchon ko sab mein sampanna abhi banaate hain। tab hi last stage ka gaayan kiya jaata hai-sarvagun sampanna, solah kala sampanna,sampoorn nirvikaari aur sampoorn aahinsak। mahima mein bhi sabke saath sampanna va sampoorn shabd hai। yeh sampanna-pan ka varsa baap dvaara is brahman jeevan mein hi milta hai। ab apne varse ke adhikaari ho ya banna hai?

jab se baap ke bane, tab se varse ke adhikaari bane। varsa kya hai?kya varse mein sarva praapti va sarva ka akhut khazaana anubhav karte ho?jab varse ke adhikaari hain to adhikaari ki nishaani kya hai? adhikaari baap-samaan sada kalyaankaari,merciful, mahaagyaani,gundaani,baap ka har sankalp, har bol, har karma dvaara saakshaatkaar karaane vaala,saakshaat baap-samaan hoga। aise adhikaari ka gaayan hai ki uske jeevan mein apraapta koi vastu nahin। jo sarva mein sampanna hota hai, uski aankh va buddhi koi kisi taraph nahin doobti। woh sada roohaani nazar mein rehte hain,anek vyartha sankalpon va anek taraph buddhi va drishti jaane se pare, sarva phikron se phaarig aur apne baap dvaara mile hue khajaane mein sada raman karta rehta hai। unko doosra koi anya sankalp karne ki bhi phursat nahin rehti, kyonki baap dvaara mile hue khajaane ko,svayan ke prati va sarva-aatmaon ke prati baantane va dhaaran karne mein woh bahut busy rehta hai। sabse bade-te-bada dhandha, sabse bade-te-bada daan ya sabse bade-te-bada punya jo bhi kaho,woh yahi hai। itne shreshtha kaarya va shreshtha daan-punya ko chhodkar aur kya karenge? kya phursat milti hai, jo ki anya chhote-chhote vyartha kaarya karne ka sankalp bhi aave ya kaarya samaapta kar liya hai kya isliye phursat hai? samaapta nahin kiya hai, to phir phursat kahaan se aati hai? itne bade kaarya mein busy rahne vaale, phir gudiyon ke khel mein kya koi em-object (Aim Object) hoti hai? kya koi result nikalta hai? itne bade aadmi hokar har kadam mein padmon ki kamaai karne vaale aur aisi gudiyon ka khel khelen,to kya inko mahaan samajhdaar kahenge? vyartha sankalp, gudiyon ka hi to khel hai। abhi tak bhi aise bachapne ke sanskaar hain kya?

jiska apni aavashyak aur sameep ki chetan shaktiyon, sankalpon aur buddhi athva man aur buddhi par control nahin, adhikaar nahin ya vijay nahin to kya,vishwa ke svaraajya ka adhikaari va vijayi ratna ban sakta hai? jis raajya ke mukhya adhikaari apne adhikaar mein na hon, kya woh raajya atal,akhanda,aur nirvighna chal sakta hai? yeh man aur buddhi aap aatma ki sameep shaktiyaan va mukhya raajya adhikaari hain,va kaarya adhikaari hain,yadi woh bhi vash mein nahin,to aise ko kya kaha jaayega? mahaan vijayi ya mahaan kamzor?to apne aapko dekho ki kya mere mukhya raajya-adhikaari,mere adhikaar mein hain? agar nahin, to vishwa raajya adhikaari athva raajan kaise banenge? apne hi chhote chhote kaaryakartta apne ko dhokha den, to kya aise ko mahaaveer kaha jaayega? challenge to karte ho,ki ham law aur order sampanna raajya sthaapit kar rahe hain। to challenge karne vaale ke yeh chhote-chhote kaaryakarta arthaat karmendriyaan apne hi law aur order mein nahin,aur ve svayan hi kaaryakartta ke vasheebhoot hon to kya aise ve vishwa mein law aur order sthaapit kar sakte hain?har karmendriyaan kahaan tak apne adhikaar mein hain? yeh chaik karo aur abhi se vijayeepan ke sanskaar dhaaran karo। baap-daada ka naam baala karne vaale hi baapasmaan sampanna hote hain। achha!

aise ishaare se samajhne vaale, har kaaryakartta ko apne ishaare par chalaane vaale,har aatma ko baap ki taraph ishaara dene vaale, sada apne adhikaar ko anubhav mein laane vaale, sada sampanna,aur sada vijayi aise samajhdaar bachchon ko baap-daada ka yaad-pyaar, goodnight aur namaste।

is murli ka saar

baap ke varse ke adhikaari ki nishaani baap-samaan sada kalyaankaari, merciful,mahaagyaani,gundaani,baap ka har sankalp, bol aur karma dvaara saakshaatkaar karaane vaala saakshaat baap-samaan hoga।