Avyakt murli du lundi 20 mai 1974
Enregistrement en cours..
Vous pouvez maintenant lire ce murli sans internet.
Vous pouvez lire ce murli sans internet.
pour pouvoir le lire sans internet.
Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.
Comment est produit le Hinglish ?
Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.
Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
20-05-74 om shanti avyakt baapdaadaamdhuban
baap-daada ke dil roopi takhta par viraajmaan bachche hi khushanseeb
padmaapdam saubhaagyashaali bachchon ko dekh, ek se hi sarva-sambandhon,sarva- praaptiyon va khushiyon ki anubhooti karaane vaale,sneh ke saagar, vishwa ke pyaare parampita shiv baba bole :-
aaj baap-daada kya dekh rahe hain? aaj khushanseeb, padmaapadma bhaagyashaali bachchon ki maala dekh rahe hain। maala ke har manke ki visheshta ko dekhte hue harshit ho rahe hain। jaise baap bachchon ke shreshtha bhaagya ko dekh, harshit hote hain kya vaise hi aap apne saubhaagya ko dekh sada harshit rehte ho? kya bhaagya ka sitaara sada saamne chamakta hua dikhaai deta hai ya kabhi kabhi bhaagya sitaara aapke saamne se chhip jaata hai?jaise sthool sitaare kabhi-kabhi jagah badli karte hain,to aise bhaagya ka sitaara badalta to nahin hai?ek hi sitaara hai, jo apni jagah badli nahin karta,kya aise sitaare ho? woh hai dridh sankalp vaala sitaara, jisko apni is duniya mein dhruvsitaara kaha jaata hai। to aise dridh nishchay buddhi, aur ek-ras sthiti mein sada sthit padmaapadma bhaagyashaali bane ho, ya ban rahe ho? kya apni khushanseebi ka vistaar apni smriti mein laate ho?khushanseebi ki nishaaniyaan va sarva-praaptiyaan kya hain, unko jaante ho? jise sarva praapti ho,usko hi khushanseeb kaha jaata hai। sarva-praapti mein kya koi kami hai? jeevan mein mukhya praapti shreshtha sambandh, shreshtha samparka, sachcha sneh aur sarva prakaar ki sampatti aur saphalta in paanchon hi mukhya baaton ko apne mein dekho। ab sambandh kisse joda hai? saare kalpa mein isse shreshtha sambandh kabhi praapta ho sakta hai kya?sambandh mein mukhya baat avinaashi sambandh ki hi hoti hai। avinaashi baap ke sarva-sambandh hi avinaashi hai। ek dvaara sarva- sambandhon ki praapti ho, kya aisa sambandhi kabhi mila hua dekha hai? to kya sarva- sambandh sampanna ho।
doosri baat samparka arthaat saath athva saathi। saathi kyon banaaya jaata hai? samparka kyon aur kisse rakha jaata hai? aavashyakta ke samay, mushkil ke samay sahaara athva sahayog ke liye; udaas sthiti mein man ko khushi mein laane ke liye va duhkh ke samay duhkh ko baant lene ke liye saathi banaaya jaata hai। aisa sachcha saathi athva aisa shreshtha samparka jo lakshya rakhkar banaate ho kya aisa saathi mila?aisa saathi jo nishkaam ho,nishpaksha ho,avinaashi ho va samartha ho। aisa samparka kabhi mila athva mil sakta hai kya? avinaashi aur sachcha shreshtha saath va sang kaun-sa gaaya hua hai? paarasnaath jo lohe ko sachcha sona banaave aisa satsang athva samparka mila hai ya kuchh apraapti hai?aisa mila hai athva milna hai?mila hai athva abhi parakh rahe ho? jab saath mil gaya to saath lene ke baad kabhi-kabhi saathi se kinaara kyon kar lete ho? saath nibhaane mein natkhat kyon hote ho? kabhi-kabhi roosne ka bhi khel karte hain। kya maza aata hai, ki saathi svayan manaave isliye yeh khel karte ho athva bachchon mein khel ke sanskaar hote hi hain। aisa samajh is sanskaar-vash kya aise- aise khel karte ho?yeh khel achha lagta hai?bolo, achha lagta hai, tab to karte hain?lekin, is khel mein ganvaate kya ho, kya yeh bhi jaante ho? jab tak yeh khel hai to sachche saathi ka mel nahin ho sakta। to khel-khel mein milan ko ganva dete ho। itne samay ki pukaar va shubh ichchha-bachche aur baap se milne ki karte aaye ho aur yeh bhi jaante ho,ki yeh mel kitne din ka hai-kitne thode samay ka hai-phir bhi itne thode samay ke mel ko khel mein ganvaate ho। to kya phir samay milega?to ab yeh khel samaapta karo। aap ab to vaanaprasthi ho। vaanaprasthi ko is prakaar ka khel karna shobhta hai kya?saakshi ho dekho, kya sachcha saathi,shreshtha samparka va sang sada praapta hai?
teesri baat hai -- sneh। kya sarva sambandhon ka sneh praapta nahin kiya hai va anubhvi nahin bane ho? kya sarva-sambandh mein, sneh mein koi apraapti hai?iske nibhaane ke liye ek hi baat ki aavashyakta hai,agar woh nahin hai, to sneh milte hue bhi, anubhav nahin kar paate। sachcha sneh va ek dvaara sarva-sambandhon ka sneh praapta karne ke liye, mukhya kaun-sa saadhan va apna adhikaar praapta karne ke liye, kaun-si mukhya baat aavashyak hai? ek baap doosra na koi,kya yeh baat jeevan mein, sankalp mein aur saakaar mein hai? sirf sankalp mein nahin, lekin saakaar mein bhi ek baap, doosra na koi hai, tab hi sachcha sneh aur sarva-sneh ka anubhav kar sakte ho। aise hi sampatti va jo bhi sunaaya un sab baaton mein sahaj hi sarva-praapti hoti hai? aise khushanseeb jismen apraapta koi vastu nahin। aise jaante hue bhi,maante hue bhi aur chalte hue bhi kabhi-kabhi apne bhaagya ke sitaare ko bhool kyon jaate ho?
baap-daada aapke bhaagya ke sitaare ko dekh harshit hote hain, aur gungaan karte hain। aise khushanseeb bachchon ki roz maala simarte hain। aise baap ke simarne ke manke bane ho?vijaymaala ke manke banna badi baat nahin hai,lekin baap ke simarne ke manke banna, yahi khushanseebi hai। aise khushanseebi ke va baap-daada ke dil takhta nasheen,phir takhta chhod dete ho! baap ne apne shreshtha kaarya ki zimmevaari va taaj bachchon ko pahnaaya hai। aisa taajdhaari banne ke baad taaj utaar aur taaj ke bajaay apne sir ke oopar kya rakh lete ho? agar woh apna chitra bhi dekho aur taajtakhtadhaari ka chitra bhi rakho to vaÌya hoga? kaun-sa chitra pasanda aayega? pasanda woh taaj-takhtadhaari vaala aata hai aur karte woh ho?taaj utaar kar vyartha sankalpon ka,vyartha bolchaal ka bhara hua bojh ka tokra va bori sir par rakh lete ho। betaaj ban jaate ho! jabki aisa chitra dekhna bhi pasanda nahin karte ho, unko dekhte hue merciful bante ho lekin apne oopar phir kyon rakh lete ho? to aise apne ko khushanseeb ban va samajh kar chalo। samjha! achha!
aise sada ek ke saath sambandh, samparka aur sneh mein rahne vaale, sada avinaashi sampatti se sampanna rahne vaale, sachcha saath nibhaane vaale aur ek baap doosra na koi, aisi smriti mein rahne vaale bachchon ko baap-daada ka yaadapyaar, good morning aur namaste।
is murli ka saar
(1) ham kitne khushanseeb va padmaapadma bhaagyashaali hain,jo ki humein sachcha aur avinaashi sambandhi mila hai।
(2) ham kitne saubhaagyashaali hain, jo ki humein shiv baba jaisa nishkaam,nishpaksha,avinaashi aur samartha saathi mila hai।