Avyakt murli du vendredi 13 septembre 1974

>

13-09-74 om shanti avyakt baapdaadaamdhuban

murabbi bachche ban apni stage ko yog-yukta va yukti-yukta banaao

nirbal ko balvaan banaane vaale, sarva-aatmaon ke sanskaar va svabhaav ko shreshtha banaane vaale,gyaan saagar baba bole:-

aaj vishesh roop se baap kin logon se milne ke liye aaye hue hain? aaj ka yeh sangathan kaun-sa sangathan hai? baap-daada is sangathan ko dekhte aur harshit hote hue yahi sabko title dete ki yeh baap-daada ke murabbi bachchon ka sangathan hai। murabbi bachche jo hote hain, woh baap ke saath kadam ke saath kadam uthaate hue aur har kaarya mein sada sahayogi svatah hi ban jaate hain, unhein banna nahin padta aur unhein banne ke liye sochna bhi nahin padta। murabbi bachcha, snehi hone ke naate,sada sahayogi hota hi hai। murabbi bachchon ko, draamaanusaar sneh ka return, vardaan roop mein sahayogi banne ka, sahaj hi praapta hota rehta hai। agar yeh vardaan svatah hi praapta hai,to samjho ki main murabbi bachcha hoon। murabbi bachche ki stage, sada yog-yukta aur yukti-yukta hoti hai। murabbi bachcha arthaat baap ke samaan sarvagunon ka swaroop jo baap ke gun hain,un gunon ko saakaar karne vaala hi murabbi bachcha kahlaata hai। yeh aisa hi group hai aur yeh service ke nimitta bani hui zimmevaar aatmaayen hain।

yeh to sab kahenge ki service-arth nimitta arthaat baap ke gunon ko saakaar karne ke nimitta-isko hi service kaha jaata hai। baaki gyaan ko varnan karna, yeh to common baat hai। yeh vishesh service nahin hai। service ki visheshta arthaat baap ke sarvagunon ka swaroop ban kar,baap ka saakshaatkaar apne swaroop dvaara karaana। sunna-sunaana,yeh to dvaapar yug se chala aa raha hai। lekin aap vishesh aatmaon ki visheshta kis baat mein hain?baap-samaan ban,sarva ko baap ka saakshaatkaar karaana aur saakshaat ban saakshaatkaar karaana। yeh sirf vishesh aatmaayen hi kar sakti hain,yeh aur koi aatma nahin kar sakti। na bhaktimaarga vaale aur na gyaan maarga mein aane vaali saadhaaran aatmaayen। murabbi bachchon ka pharja bhi vishesh yahi hai।

saadhaaran aatmaon aur vishesh aatmaon mein mukhya kaun-si baat ka antar hota hai? koi guhya antar sunaao। mukhya antar yeh hai-vishesh aatmaon ke mukh se aur unke anubhav se, har aatma ka ek second mein aur ati sahaj hi direct baap se connection jut jaayega। aur jo saadhaaran aatma hogi, woh beech mein dalaal jo bante hain,to pahle dalaal mein rook kar phir baad mein baap se direct jutega। saadhaaran aatmaon ke service ki result mein,aane vaali aatma itni shaktishaali nahin banti, jo sahaj aur bahut jaldi baap se connection jodne ke nimitta banegi, lekin jinke nimitta banti hain,unko mushkil zaroor anubhav hoga। mehnat, mushkil aur samay lagega। kya karen, kaise karen,yeh ho sakta hai athva nahin-unke saamne yeh question aavenge; lekin vishesh aatma apni visheshta ke aadhaar se,apni shakti ke aadhaar se yeh kyon aur kaise ke question samaapta kar dengi। ve mushkil aur mehnat ka anubhav nahin karne dengi। aane se hi harek yeh anubhav karenge ki yeh to mera ganvaaya hua parivaar ya bhoola hua baap,mujhe phir se mil gaya hai। bhoolne par aashcharya lagega ki main bhoola kaise? aise baap ko,main bhool gaya! yeh hai mukhya antar, vishesh aatmaon aur saadhaaran aatmaon ka। saadhaaran aatma prayatna karti hai ki baap se direct connection jut jaave। lekin aajkal ki nirbal aatmaon ko sirf apna bal nahin chaahiye kyonki ve sirf gyaan aur yog ke aadhaar se nahin chal paate hain balki unhon ko nimitta bani hui aatmaon ki shakti ka sahayog chaahiye, jisse ki woh jump de saken।

din pratidin aapke paas jo aatmaayen aayengi woh ati nirbal stage vaali hi aavengi। jaise pahle group mein aap log nikle to pahle group ki shakti, himmat aur doosre group ki shakti, himmat aur teesre group ki shakti aur himmat mein antar dikhaai deta hai na। aise hi phir nai-nai aatmaaen jo ab nikal rahi hain unki shakti aur himmat mein bhi antar dikhaai deta hai। tan se bhi aur man se bhi har group mein antar dikhaai deta jaata hai। yeh to sabka anubhav hai na?hisaab se socho ki ab jo last ki aatmaayen aavengi, woh kya hongi?ati nirbal hongi na? to,aisi nirbal aatmaon ko sirf gyaan de diya, unhein course kara diya va yog mein baitha diya,ve isse aage nahin badhegi। ab to nimitta bani hui aatmaon ko,apni praapta ki hui shaktiyon ke aadhaar se hi nirbal aatmaon ko sahayog dete hue, aage badhaana padega। iske liye abhi se hi apne mein sarvashaktiyon ka stock jama karo। jaise sthool bhojan ka langar lagta hai na, aise hi aapke paas shakti lene ka drishya bahut jaldi saamne aayega arthaat aap logon ko bhi shakti dene ka langar lagaana padega। uske liye aap ko apne mein pahle se hi stock jama karna padega। jo gaayan hai-dropdi ke degde ka। dropdiyaan to aap sab ho na?dropdi arthaat yagyamaata ka degda donon baaton mein prasiddha hai। ek to sthool saadhnon ki koi kami nahin aur doosre sarvashaktiyon ki koi kami nahin। sarva-shaktiyon se sampanna degda kab khaali nahin hota। bhal kitne bhi aa jaaen। kitna bada langar lag jaave koi bhookha nahin ja sakta।

aage chal kar, jab prakriti ke prakop honge aur aapdaayen aavengi, tab sabka pet bharne ke liye kaun-si cheej kaam aayegi? us samay sabke andar kaun-si bhookh hogi? anna ki kami ya dhan ki? tab to,shanti aur sukh ki bhookh hogi। kyonki praakritik aapdaaon ke kaaran, dhan hote hue bhi,dhan kaam mein nahin aayega। saadhan hote hue bhi saadhnon dvaara praapti nahin ho sakegi। jab sab sthool saadhnon se va sthool dhan se praapti ki koi aasha nahin rahegi, tab us samay sabka sankalp kya hoga ki koi shakti deve, jo ki in aapdaaon se paar ho saken aur koi humein shanti deve। to aise-aise langar bahut lagne vaale hain। us samay paani ki ekaada boond bhi kahin dikhaai nahin degi। anaaj bhi praakritik aapdaaon ke kaaran khaane yogya nahin hoga,to phir us samay aap log kya karenge?jab aisi pareekshaayen aapke saamne aayen to, us samay aap kya karenge? kya aisi pareekshaaon ko sahan karne ki itni himmat hai? kya us samay yog lagega ya ki pyaas lagegi। agar kooen bhi sookh jaavenge,phir kya karenge? jab yeh vishesh aatmaon ka group hai, to unka purooshaartha bhi vishesh hona chaahiye na? kya itni sahanshakti hai? yeh kyon nahin samajhte-jaisa ki gaayan hai ki chaaron or aag lagi hui thi,lekin bhatthi mein pade hue poongare, aise hi safe rahe,jo ki unko sek tak nahin aaya। aap is nishchay se kyon nahin kehte? agar yog-yukta hain,to bhal najdeek vaale sthaan par nuksaan bhi hoga, paani aa jaayega lekin baap dvaara jo nimitta bane hue sthaan hain,woh safe rah jaavenge, yadi apni gaphlat nahin hai to। agar abhi tak kahin bhi nuksaan hua hai, to woh apni buddhi ki judgement ki kamjori ke kaaran। lekin agar mahaarthi,vishaal buddhi vaale aur sarvashaktiyon ke vardaan praapta karne vaale, kisi bhi sthaan mein rehte hain, to vahaan sooli se kaanta ban jaata hai arthaat ve safe rah jaate hain। kaisa bhi samay ho yadi shaktiyon ka stock jama hoga, to shaktiyaan aapki prakriti ko daasi zaroor banaavengi arthaat saadhan svatah zaroor praapta honge।

shuru-shuru mein akhbaar mein nikaala gaya tha ki ‘om mandali is di richest in di world (Om Mandali Is Richest In The World)’ to yahi baat phir ant mein, sabke mukh se niklegi। lekin yeh attention zaroor rakhna ki agar kisi bhi shakti ki kami hogi, to kahin-na-kahin dhokha khaane ka bhi anubhav hoga। isliye purooshaartha abhi in maheen baaton par hi karna chaahiye। kisi ko duhkh to nahin diya,handling karna aaya athva nahin। yeh to sab chhoti-chhoti baaten hain। murabbi bachchon ka purooshaartha abhi tak in baaton ka nahin hona chaahiye। abhi ka purooshaartha sarva-shaktiyon ke stock ke bharne ka hona chaahiye। murabbi bachchon ke roj ke chart ki chaiking, yeh nahin honi chaahiye ki kisi par krodh to nahin kiya ya koi asantushta to nahin hua,aisi moti-moti baaten chaik karna-yeh to ghudasvaar va pyaadon ka kaam hai। murabbi bachchon ka purooshaartha abhi tak in baaton ka nahin hona chaahiye। abhi ka purooshaartha sarva-shaktiyon ke bharne ka hona chaahiye। koi bhi ek shakti ka na hona arthaat murabbi bachchon ki list se nikalna। aise nahin ki chhah shaktiyaan to mere mein hain hi aur aath shaktiyon mein se do nahin hain, to phir 50% se to aage ho gaye hain। ismen bhi khush nahin hona hai। ashta shaktiyaan to mukhya kaha jaata hai। lekin honi to sarva-shaktiyaan chaahiye। sirf ashta shaktiyaan to nahin hain na, hain to bahut। baaki yeh to sirf sunaane ke liye sahaj ho jaaye isliye ashta shaktiyaan suna di gai hain। ab koi ek shakti ko bhi kami nahin honi chaahiye। kyonki ab jis bhi shakti ki kami hogi, vahi pareeksha ke roop mein aayegi। arthaat harek ke saamne draamaanusaar paper mein vahi question aayega। isliye sarvagun sampanna, solah kala sampanna aur master sarvashaktimaan bano। agar ek shakti ki bhi kami hai, to phir shaktiyaan kahenge na ki sarvashaktiyaan। murabbi bachche arthaat master sarvashaktimaan। murabbi bachcha arthaat maryaada purooshottam। jo hai hi maryaada purooshottam,uska sankalp bhi vipreet nahin chal sakta। jab aap logon ki chalan ko maryaada va eeshvareey niyam samajh kar chalte hain,to aap log bhi maryaada purooshottam hue na?

baap-daada ne is sangathan ki roop-rekha suni bhi aur dekhi bhi। bahut achha dekha aur bahut achha suna। harek ne apna ghaat to bahut achha taiyaar kiya hai। jab jevar bante hain to pahle sone ka ghaat taiyaar karte hain, phir hi usmein heere javaahiraat judte hain। to jevar to bahut achhe-achhe jvelarsa ne taiyaar kiye, dijaain bhi bahut achhe banaae, lekin unmein jo ratna jadne hain, woh abhi tak nahin jade। woh jadit tab honge jab plan ko practical mein laavenge। jevar achhe taiyaar kiye hain arthaat plan achhe banaaye hain। ab yeh dekhna hai ki harek kitne amoolya heeron se apne ko arthaat jevron ko shreshtha banaate hain। abhi woh result dekhenge। knowledgeful to bane ho, lekin samay ke anuroop ab aavashyakta hai, powerful banne ki। knowledgeful ke to jevar taiyaar kiye hain aur ab powerful ke nag taiyaar karke lagaane baaki hain। gheraav achha daala hai। ekdo ke haath mein haath milaaya hai,tab to gheraav hua hai na? abhi aage kya karna hai? yadi kabhi bhi haath milaane vaala,haath kamjor ho jaaye va thak jaae to bhi, usko kamjor banne nahin dena va aise thake hue haath ko bhi athak banaata, tab hi saphalta hogi। is sangathan ki saphalta, sirf svayan ko banaane mein nahin hai apitu sangathan ko majboot karna,sarva-saathiyon ko umang va utsaah mein laana, yeh hai is sangathan ki saphalta। jab doosre ki kami ko, apni kami samjhenge tab hi sangathan ko saphal bana sakenge। ek ki kami ko, thakaavat va kamjori ko dekhte hue, svayan ko aise ke sang ki lahar mein nahin laana hai। phalaani aise karti hai to phir main bhi kar loon। phalaani ne kiya,yadi mainne bhi kiya to kya hua? yeh sankalp svapna tak bhi nahin aane dena, tab samjho ki saphalta hai।

madhuban nivaasi bhi lucky hain। madhuban nivaasiyon ki result umang, utsaah aur athakpan mein achhi hai, baaki aage ke liye aur bhi maayaapruph bano। jaise waterproof hota hai na?aise hi madhuban nivaasiyon ko maayaaprooph banna hai, samjha।

aise svayan ko aur sarva-aatmaon ko shaktishaali banaane vaale, nirbal ko balvaan banaane vaale,sangathan mein doosre ki kami ko svayan ki kami samajhkar mitaane vaale,sarvashaktiyon ke bhandaar master sarvashaktimaan,sada svayan se aur sarva se santushta rahne vaali santushta maniyaan, baap-daada aur sarva ke dil par vijay praapta karne vaale artheet sarva-aatmaon ke sanskaar aur svabhaav ko baap-samaan banaane vaale,aise vijayi ratnon ko baap-daada ka yaad pyaar, good night aur namaste!

murli ka saar

(1) murabbi bachche snehi hone ke naate baap ke har kaarya mein sahayogi aur baap ke sarva-gunon va shaktiyon ko saakaar karne vaale hote hain। aise bachchon ki stage sada yog-yukta aur yukti-yukta hoti hai।

(2) ab to nimitta bani hui vishesh aatmaon ko,apni praapta ki hui shaktiyon ke aadhaar se, nirbal aatmaon ko sahayog dete hue hi aage badhna padega। iske liye abhi se hi apne mein sarva-shaktiyon ka stock jama karo।

(3) agar mahaarthi, vishaal buddhi vaale aur sarva-shaktiyon ka vardaan praapta karne vaale,kisi bhi sthaan mein rehte hain, to unke liye sooli se kaanta ban jaata hai arthaat vipatti va pareekshaaon ke samay ve surakshit rehte hain।

(4) jab doosre ki kami ko apni kami samjhenge tab hi sangathan ko majboot va saphal bana sakenge।