Avyakt murli du vendredi 27 décembre 1974

>

27-12-74 om shanti avyakt baapdaadaamdhuban

‘yogi bhav’ aur ‘pavitra bhav’ dvaara vardaanon ki praapti

sarva vardaanon ko dene vaale vardaata shiv baba bole:-

aaj ki sabha vardaata dvaara, sarva vardaan praapta ki hui aatmaon ki hai। vardaata dvaara, sarva vardaanon mein,mukhya do vardaan hain, jismen ki sarva vardaan samaaye hue hain। woh do vardaan kaun-se hain?usko achhi tarah jaante ho ya svayan vardaan-swaroop va vardaani-moorta ban gaye ho? jo vardaani-moorta hain; woh svayan swaroop ban, auron ko dene vaala daata ban sakta hai। to apne se poochho ki kya mukhya do vardaan-swaroop bane hain? arthaat yogi bhav aur pavitra bhavah - is vishesh course ke swaroop bane ho? isi course ko samaapta kiya hai ya abhi tak kar rahe ho? saptaah course ka rahasya, in do vardaanon mein samaaya hua hai। jo bhi yahaan baithe hain,kya un sabne yeh course,samaapta kar liya hai ya unka abhi tak yeh course chal raha hai? course arthaat force bhar jaana। sada yogi-bhav aur sada pavitra-bhav ka force arthaat shakti-swaroop ka anubhav nahin hota, to usko shakti-swaroop nahin kahenge। lekin use shakti-swaroop banne ka abhyaasi hi kahenge। kyonki svayan ka swaroop, sada aur svatah hi smriti mein rehta hai। jaise apna saakaar swaroop, sada aur svatah yaad rehta hai aur uska abhyaas nahin karte ho balki aur hi, usko bhulaane ka abhyaas karte ho। aise hi apna niji-swaroop va vardaani swaroop,sada hi smriti mein rehna chaahiye। apvitrata ka aur vismriti ka naamonishaan na rahe। isko kaha jaata hai-vardaanon ka course karna। kya aisa course kiya hai?

jaise aap log, saptaah course samaapta karne se pahle,kisi bhi aatma ko class mein nahin aane dete ho, aise hi brahman bachche, jo yeh practical course samaapta nahin karte to baap-daada va drama bhi unko kaun-si class mein aane nahin dete। arthaat first class mein aane nahin dete। first class kaun-si hai?-ve satayug ke aadi mein nahin aa sakte। jab aap log, un ko class mein aane nahin dete, to drama bhi first class mein ka adhikaari nahin bana sakta। first class mein, aane ke liye yeh mukhya do vardaan practical roop mein chaahiye। vismriti ya apvitrata kya hoti hai iski avidya ho jaae। tum sangam par upasthit ho na? to aisa anubhav ho ki yeh sanskaar va swaroop mera nahin hai, lekin mere past janma ka tha aur ab hai nahin। main to brahman hoon aur yeh to shoodron ke sanskaar va unka swaroop hai। aise apne se bhinna arthaat doosron ke sanskaar hain,aisa anubhav hona-isko kaha jaata hai ‘nyaara aur pyaara।’ jaise deh aur dehi alag-alag vastuyen hain,lekin agyaanvash in donon ko mila diya hai। vaise hi ‘mere’ko ‘main’samajh liya hai। to is galti ke kaaran kitni pareshaani va duhkh va ashaanti praapta ki। aise hi, yeh apvitrata aur vismriti ke sanskaar,jo mere arthaat braahmanpan ke nahin, lekin jo shoodrapan ke hain, unko mera samajhne se,maaya ke vash va pareshaan ho jaate ho arthaat braahmanpan ki shaan se pare (door) ho jaate ho। yeh chhoti-si bhool,chaik karo ki kahin yeh mere sanskaar to nahin tha, yeh kahin yeh mera swaroop to nahin? samjha?to pahla paath,pavitra-bhav va yogi-bhav ko practical swaroop mein laao, tab hi baap-samaan aur baap ke sameep aane ke adhikaari ban sakte ho।

aaj kalpa pahle vaale, bahut kaal se bichhude hue, baap ki yaad mein tadapne vaale va avyakt milan manaane ke shuddh sankalp mein raman karne vaale,apne sneh ki dor se baap-daada ko bhi baandhane vaale aur avyakt ko bhi aap-samaan vyakta mein banaane vaale,woh naye-naye bachche va saakaari desh mein door-deshi bachche jo hain,unke prati vishesh milan ke liye baap-daada ko aana pada hai। to shaktishaali kaun hue? baandhane vaale ya bandhane vaala? baap kehte hain-’vaah bachche।’ ‘shaabaas bachche।’ nayon ke prati vishesh baap-daada ka sneh hai। aisa kyon? nishchay ki sada vijay hai। vishesh sneh ka mukhya kaaran,naye bachche sada avyakt milan manaane ki mehnat mein rehte hain। ‘avyakt’ roop dvaara,vyakta roop se kiye hue charitron ka anubhav karne ke sada shubh aasha ke deepak jagaae hue hote hain। aisi mehnat karne vaalon ko,phal dene ke liye baap-daada ko bhi vishesh yaad svatah hi aati hai। isliye aaj ki yaad, aaj ki good morning va namaste vishesh chaaron or ke naye-naye bachchon ko pahle baap-daada de rahe hain। saath mein, sab bachche to hai heen। ab vyakta dvaara avyakt milan, sada kaal to ho nahin sakta। isliye aane ke baad, jaana hota hai। avyakt roop mein avyakt mulaakaat to sadaakaal ki hai। aise vardaani bachchon ko yaad-pyaar aur namaste।