Avyakt murli du samedi 6 septembre 1975

>

06-09-75 om shanti avyakt baapdaadaamdhuban

teen combined swaroop

baap aur daada mein combined roop mein apna vaayda sada nibhaane vaale, sachche roohaani saathi trimoorti shiv baba bole –

har ek apne teen roopon se combined roop jaante ho? ek hai anaadi combined (sanyukta) roop,doosra hai sangamayugi combined roop aur teesra hai bhavishya combined roop - in teenon ko jaante ho?

aap manushyaatmaaon ka anaadi combined roop kaun-sa hai? puroosh aur prakriti kaho ya aatma aur shareer kaho। yeh anaadi combined roop is anaadi drama mein noondha hua hai। bhavishya combined roop kaun-sa hai?vishnu chaturbhuj। sangamayugi combined roop aapka kaun-sa hai? shiv aur shakti। shakti shiv ke sivaay kuchh kar nahin sakti aur shiv baap bhi shaktiyon ke bina kuchh kar nahin sakte। to sangamayugi combined roop sabka hai - shiv-shakti। sirf maataaon ka hi nahin hai,paandav bhi shakti swaroop hain। yaadgaar ke roop mein aajkal ke jagadguru bhi aapke combined roop shiv-shakti ka poojan karte aa rahe hain।

to sada yeh smriti rahni chaahiye ki ham hain hi combined shiv-shakti। jab hai hi combined to bhool sakte hain kya? phir bhoolte kyon ho? apne ko akela samajhte ho isliye bhool bhi jaate ho। kalpa pahle ki yaadgaar mein bhi arjun ko jab baap ka saath bhool jaata tha, arthaat jab woh saarthi ko bhool jaata tha, to kya ban jaata tha?nirbal kaho va kaayar kaho aur jab smriti aati thi, ki mera saathi aur saarthi baap hai to vijayi ban jaata tha। nirantar sahaj yaad ki sahaj yukti ek hi hai ki sada apne combined roop ko sada saath rakho va smriti mein rakho to kabhi bhi kamjori ke sankalp bhi kya svapna bhi nahin aayenge। jaagte-sote combined roop ho।

jabki baap svayan bachchon se sada saath rahne ka vaayda kar rahe hain aur nibha bhi rahe hain to vaayde ka laabh uthaana chaahiye। aise company va companion, phir kab milenge?bahut janmon se aatmaon ki company lete hue duhkh ka anubhav karte hue bhi ab bhi aatmaon ki company achhi lagti hai kya, jo baap ki company ko bhool auron ki company mein chale jaate ho?koi vaibhav ko va koi vyakti ko companion bana dete ho,arthaat us company ko nibhaane mein itne masta ho jaate ho jo baap se kiye hue vaayde mein bhi almasta ho jaate ho! aise samay maaloom hai kaun-sa khel karte ho? khel karne ke time to bade masta ho jaate ho। abhi bhool gae ho। kalaabaaji se bhi bahut ramneek khel karte ho? aise nahin ki jo sunaayenge woh khel karte honge, dekhne vaale bhi suna sakte hain। aapke hi is saakaari duniya mein khel dikhaate hain - bandar aur bandari ka। bandariya ko bandar se sagaai ke liye pakad kar le jaate hain aur bandariya natkhat ho ghoonghat nikaal kinaara kar leti, peeth kar leti hai। woh aage karta hai woh peechhe hatti hai। to jaise woh ramneek khel manoranjan ke liye dikhaate hain, aise hi bachche bhi us samay aise natkhat hote hain। baap sammukh aate aur bachche almasta hone ke kaaran dekhte hue bhi nahin dekhte, sunte hue bhi nahin sunte। aisa khel abhi nahin karna hai। apne teenon combined roopon ko smriti mein rakho to hi sada ke liye sada saathi se saath nibha sakenge।

apne ko akela samajhne se chalte-chalte jeevan mein udaasi aa jaati hai। ati-indriy sukhmay jeevan, sarva sambandhon se sampanna jeevan aur sarva praaptiyon se sampanna jeevan us samay neeras va bilkul asaar anubhav karte ho। trinetri hote hue bhi koi raah najar nahin aati। kya karoon, kahaan jaaoon kuchh samajh mein nahin aayega। khud jeevan-mukti ke gates kholne vaale ko koi thikaana najar nahin aata, trikaaldarshi hote hue apne vartamaan ko nahin samajh sakte। srishti ke sarva aatmaon ke bhavishya parinaam ko jaanne vaale apne us samay ke karma ke parinaam ko jaan nahin sakte! yeh kamaal karte ho na? aisi kamaal roj koin- koi bachche dikhaate rehte hain।

aise samay par baapdaada kya karte hain? bahut manaate aur rijhaate hain,lekin phir bhi bachche natkhat karte hain aur phir jab woh samay beet jaata hai,tab phir baap ko rijhaate hain। bachche bhi bade chatur hote hain। gyaan swaroop ko yaad dilaate hain। woh to jaante ho na kya karte hain?aap kshama ke saagar ho, kripaalu ho, dayaalu ho,merciful ho - aisi kai baaton se rijhaate hain। phir baap kya karte hain?baap phir lav aur law ka balance rakhte hain। yeh kahaani hai bachchon aur baap ki। kahaani sunne mein sabhi khush ho rahe hain। lekin yeh kahaani parivartan mein laani hai। jaise baap obedient servant ban seva par upasthit hai,aise hi harek baap ke saathi va sahayogi bachchon ko bhi baap ke samaan obedient servant banna hai। obedient servant almasta nahin hote। din-raat seva mein tatpar rehte hain। jaise baap bachchon ke aage vaphaadaar swaroop se saath nibha rahe hain,aise hi bachchon ko bhi pharmaan-vardaar arthaat har pharmaan par chalne vaale ban saath nibhaana hai। aise sada ke saathi banna hai। achha!

aise sada sachche saathi, har pharmaan par svayan ko kurbaan karne vaale, vaphaadaar,baap ke pharmaan-vardaar,baap samaan shreshtha banaane vaale,aisi shreshtha aatmaon ko baapdaada ka yaad-pyaar aur namaste!

is murli ki vishesh baaten

1. nirantar sahaj yaad ki sahaj-yukti ek hi hai, ki teenon roopon se apne combined swaroop ko smriti mein rakho ve hain-pahla aatma aur shareer athva prakriti ka anaadi combined roop, doosra bhavishya vishnu chaturbhuj ka combined roop aur teesra sangamayug ka shiv-shakti combined roop। is smriti se kabhi bhi kamjori athva nirbalta ka sankalp svapna mein bhi nahin aayega।

2. jo brahma vatsa ki company va companion ko bhool auron ki company mein chale jaate hain। koi vaibhav ko va koi vyakti ko companion bana lete hain,to chalte-chalte unke jeevan mein udaasi aa jaati hai aur ant mein duhkh ko praapta hote hain।

3. jaise baap obedient servant ban seva par upasthit hai, aise hi harek baap ke saathi va sahayogi bachchon ko bhi baap samaan obedient servant banna hai।