Avyakt murli du lundi 20 octobre 1975 - 1

>

20-10-75 om shanti avyakt baapdaadaamdhuban

tyaag-moortta aur tapasvi-moortta sevaadhaari hi yathaartha teacher

sarvasva tyaagi, athak sevaadhaari, vishwa-shikshak shiv baba ne ye madhur mahaavaakya uchchaare :-

teachers arthaat sevaadhaari। sevaadhaari arthaat tyaag aur tapasvi-moortta। teachers ko apne andar maheen roop se chaiking karni chaahiye। mote roop se nahin balki maheen roop se। woh yahi hai ki saare din mein sarva prakaar ke tyaag-moortta rahe athva kahin tyaag-moortta ke bajaay koi bhi saadhan va koi bhi vastu ko sveekaar karne vaale banen? jo tyaag-moortta hoga woh kabhi bhi koi vastu sveekaar nahin karega। jahaan sveekaar karne ka sankalp aaya to vahaan tapasya bhi samaapta ho jaayegi। tyaag,tapasya-moortta zaroor banaayega। jahaan tyaag aur tapasya khatma vahaan seva bhi khatma। baahar se koi kitne bhi roop se seva kare,parantu tyaag aur tapasya nahin to seva ki bhi saphalta nahin।

kai teachers sochti hai ki service mein saphalta kyon nahin? service mein vriddhi na hona woh to aur baat hai, parantu vidhi-poorvak chalna yeh hai service ki saphalta। to woh tab hogi jab tyaag aur tapasya hogi। main teacher hoon,main incharge hoon,main gyaani hoon ya yogi hoon yeh sveekaar karna,isko bhi tyaag nahin kahenge। doosra bhale hi kahe, parantu svayan ko svayan na kahe। agar svayan ko svayan kehte hain to isko bhi sva-abhimaan hi kahenge। to tyaag ki paribhaasha saadhaaran nahin। yeh mote roop ka tyaag to praja banne vaali aatmaayen bhi karti hain, parantu jo nimitta bante hain unka tyaag maheen roop mein hai। koi bhi position ko ya koi bhi vastu ko kisi vyakti dvaara bhi sveekaar na karna - yeh hai tyaag। nahin to kahaavat hai ki jo siddhi ko sveekaar karte to ‘woh karaamat khair khudaai’। to yahaan bhi koi siddhi ko sveekaar kiya jo gyaanayog se praapta hua maan va shaan to yeh bhi vidhi ka siddhi-swaroop praalabdha hi hai। to inmen se kisi ko bhi sveekaar karna arthaat siddhi ko sveekaar karna hua। jo siddhi ko sveekaar karta hai, uski praalabdha yahaan hi khatma phir uska bhavishya nahin banta। to teachers ki chaiking badi maheen roop se ho। sevaadhaari ke naate se tyaag aur tapasya nirantar ho। tapasya arthaat ek baap ki lagan mein rehna। koi bhi alpakaal ke praapta hue bhaagya mein yadi buddhi ka jhukaav hai to woh seva mein saphaltaamoortta nahin ban sakta। saphaltaamoortta banne ke liye tyaag aur tapasya chaahiye। tyaag ka matlab yeh nahin ki sambandh chhod yahaan aakar baithe। nahin। mahima ka bhi tyaag,maan ka bhi tyaag aur prakriti daasi ka bhi tyaag - yeh hai tyaag। phir dekho mehnat kam saphalta jyaada niklegi। abhi mehnat jyaada,saphalta kam kyon? kyonki abhi in donon baaton mein arthaat tyaag aur tapasya ki kami hai। jismen tyaag-tapasya donon hain woh hai yathaartha teacher arthaat kaam karne vaala teacher। nahin to naam-maatra ka teacher hi kahenge।

teachers ko koi bhi subject mein kamzor nahin hona chaahiye। agar teacher kamzor hai to woh jinke liye nimitta bani hai woh bhi kamzor honge। isliye teachers ko sabhi subjects mein perfect hona chaahiye। teachers ka yeh kaam nahin ki woh kahe ki kya karoon, kaise karoon ya kahe ki aata nahin। yeh teacher ke bol nahin, yeh to praja ke bol hain। aise apne ko saphaltaamoorta samajhti ho? check karo, kahin na kahin rookaavat hai। isliye saphaltaamoortta nahin। jahaan tyaag-tapasya ki aakarshan hogi vahaan service bhi aakarshit ho peechhe aayegi। samjha? aise saphalta-moortta teacher bano। aise teacher ke peechhe service ki vriddhi ka aadhaar hai। aise ko kehte hai lucky (bhaagyavaan)। iske liye hi kahaavat hai - ‘dhool bhi sona ho jaata hai’। dhool bhi sona ho jaayega arthaat saphaltaamoortta ban jaayenge। teachers aise saphaltaamoortta hain? nambarvaar to honge। teachers ke number to aage hain। achha agar aisi saphaltaamoortta na bani ho to abhi se ban jaana।

baap se preeti nibhaane vaale ka mukhya lakshan

baap ko jeevan ka saathi banaaya hai? saathi ke saath sada saath nibhaana hota hai। saath nibhaana arthaat har kadam uski mat par chalna pade। to kadam-kadam par uski mat par chalna arthaat saath nibhaana। aise nibhaane vaale ho ya sirf preeti lagaane vaali ho? koi to ab tak preeti lagaane mein lage hue hain। isliye kehte hai ki yog nahin lagta। jiska thoda samay yog lagta hai phir tootta hai aise ko kahenge preeti lagaane vaale। jo preeti nibhaane vaale hote hain woh preeti mein khoye hue hote hain। unko deh ki aur deh ke sambandhiyon ki sudh-budh bhooli hui hoti hai to aap bhi baap ke saath aisi preeti nibhaao to phir deh aur deh ke sambandhi yaad kaise aa sakenge?

prashn:- baap dvaara praapta hui shaktiyon ka practical jeevan mein shaktipan ki nishaani kya dikhaai degi?

uttar:-shaktipan ki nishaani hai -kahin bhi kismen aasakti na ho। doosra, shakti-swaroop sada seva mein tatpar rahega। seva mein rahne vaale ki kahin bhi aasakti nahin hoti। seva karne vaale tyaag aur tapasya-moortta hote hain isliye unki kahin bhi aasakti nahin hoti - arthaat unko body-kaanshas nahin hota। teesre,unhein shaktiyaan dene vaala baap aur unke dvaara mili hui shaktiyaan hi yaad rehti hain। aise shakti avtaar hi maayaajeet bante hain।

is murli ka saar

1. sevaadhaari hi teachers hai aur sevaadhaari tyaag-tapasya moortta avashya hoga। service mein saphalta na milne ka kaaran tyaag-tapasya mein kami hai।

2. koi bhi position (main teachers hoon, main incharge hoon,main gyaani hoon, yogi hoon) vaale ko,koi bhi vastu ko, kisi bhi vyakti dvaara sveekaar na karna - yeh hai tyaag aur tapasya arthaat ek baap ki yaad mein magna rehna।

3. teachers ko sabhi vishayon mein perfect (sampoorn) hona chaahiye-agar teachers kamzor hai to woh jinke liye nimitta bani hain woh bhi kamzor honge।

4. jo siddhi ko sveekaar karta hai uski praalabdha yahaan hi khatma ho jaati hai।