Avyakt murli du samedi 24 janvier 1976

Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.

Comment est produit le Hinglish ?

Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.

Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.

Exemples d’écriture courante
HindiHinglish
आत्माaatma
शान्तिshanti
मैंmain
हूँhoon

>

24-01-76 om shanti avyakt baapdaadaamdhuban

purooshaartha ko teevra karne ki yukti- ab nahin to kabhi nahin

roohaani sevaadhaari teachers se madhur mulaakaat karte hue avyakt baap-daada ne ye madhur mahaavaakya uchchaare:-

teachers jaise vishesh sevaartha nimitta bani hui vishesh aatmaayen hain, vaisa purooshaartha bhi chalta hai ya jaise students ka chalta hai,vaise hi chalta hai? part ke anusaar vishesh purooshaartha kaunsa chalta hai?sampoorn banna hai, satopradhaan banna hai - yeh to sabhi ka lakshya hai, yeh to in-general ho gaya। lekin teachers ka vishesh purooshaartha kaunsa chalta hai?aajkal jo vishesh purooshaartha karna hai va hona chaahiye,woh yahi hai ki har sankalp powerful ho- saadhaaran na ho,samartha ho vyartha na ho। teacher ka arth kya hai?serviceable,ek second bhi service ke bina na ho। murli padhna, aur checking karna - yeh to moti baat hai!

jaise samay sameep aa raha hai, to nimitta bani hui vishesh aatmaon ko purooshaartha yeh karna hai ki samay se tej daud lagaayen। aise nahin kehna hai ki itna samay pada hai, kami door ho hi jaaegi। nahin। yeh buddhi mein rakhna hai ki abhi nahin to kabhi nahin। har sankalp,har second ke liye yeh slogan ki ab nahin to kabhi nahin। jab aise abhi ke sanskaar bharenge to aisi abhi kahne vaali aatmaayen satayug ke aadi mein aayengi। kabhi kahne vaale madhya mein aayenge। kabhi kahne vaale samay ka intazaar karte hain। to pad mein bhi intazaar karenge। to har second, har sankalp mein yeh slogan yaad rahe। agar yeh paath pakka nahin hoga to sadaiv kamzori ke sanskaar rahenge। mahaaveer ke sanskaar hain - ‘ab nahin to kabhi nahin!’ hamaare se ye aage hain,yeh karenge to ham karenge - yeh albelepan ke sanskaar hain। jo sankalp aaya woh ab karna hi hai। kal nahin aaj,aaj nahin ab,arthaat abhi karna hai।

sabhi vishesh aatmaayen ho na? apne ko chhota to nahin samajhte ho?purooshaartha mein har ek bada hai। kaarobaar mein chhota-bada hota hai, purooshaartha mein chhota-bada nahin hota। purooshaartha mein chhota aage ja sakta hai। kaarobaar mein maryaada ki baat hai। purooshaartha mein maryaada ki baat nahin। ‘purooshaartha mein jo karega,so paayega। ab aise check karna hai ki aisa purooshaartha hai ya ki jaise saadhaaran sabka chalta hai, vaise chalta hai? teachers sada harshit hain? teachers ko anekon ki aasheervaad ki lift bhi milti hai aur kisi ko kamzor banaane ke nimitta banti hai, to paap bhi chadhta hai। jis bojh ke kaaran jo chaahte hain woh kar nahin paate। bojh vaala oopar uth nahin sakega। isliye chaahte hue bhi change nahin hote to zaroor bojh hai। us bojh ko bhasma karo - vishesh yog se, maryaadaaon se aur lagan se। nahin to bojh mein samay beet jaavega, aage badh na sakoge। amritvele uth kar apni seat ko set karo। jaisi seat hai,usi pramaan set hain? - yeh check karo। apne pose (Pose) ko theek karo। agar pose theek na bhi hoga to check karne se theek ho jaavega। achha!

is vaani ki mukhya point

aajkal ka vishesh purooshaartha yeh hona chaahiye ki har sankalp powerful ho saadhaaran na ho, samartha ho,vyartha na ho। jo sankalp aaya, woh ab karna hi hai। kal nahin aaj,aaj nahin ab,arthaat abhi karna hai।