Avyakt murli du mercredi 28 janvier 1976

>

28-01-76 om shanti avyakt baapdaadaamdhuban

roohaani sitaaron ki mahiphal

prakriti aur maaya par vijay praapta karaane vaale, saphalta ke lakshan dene vaale, sarva shaktiyon ka adhikaari banaane vaale shiv baba bole –

aaj baap-daada sitaaron ki roohaani mahphil ko dekh rahe hain। mahphil mein vishesh teen prakaar ke sitaare hain। har ek sitaara apne aapko jaanta hai ki main kaunsa sitaara hoon? ek hain saphalta ke sitaare, doosre hain lucky sitaare aur teesre hain ummeedvaar sitaare। abhi har-ek apne aap se poochhe ki main kaun hoon?saare din ki dincharya mein sankalp,shvaas, samay,bol, karma aur sambandh va samparka mein saphaltaamoortta arthaat saphalta ke sitaare svayan ko anubhav karte ho? jaise baap dvaara sukh shanti,gyaan-ratnon ki sampatti janma-siddha adhikaar ke roop mein praapta hui hai, vaise har baat mein aur har samay saphalta bhi janma-siddha adhikaar ke roop mein anubhav hoti hai arthaat sahaj praapti anubhav hoti hai?athva mehnat ke baad? mehnat jyaada aur saphalta kam anubhav hoti hai? jitna sochte hain, karte hain,utna sankalp aur karma ka pratyaksha phal praapta hota hai? ya ho hi jaavega,abhi nahin kabhi to hoga - aise bhavishya-phal ki ummeedon par chalte hain?sankalp ki utpatti ke saath saphalta hui padi hai, yeh nishchay ka sankalp saath-saath hota hai? har kadam mein jaise padma ka gaayan hai,vaise har kadam mein saphalta samaai hui hai। sankalp va karma ke beej mein saphalta roopi vriksha samaaya hua hai। aise anubhav ho jaise saphalta parchhaai ke samaan karma ke peechhe-peechhe hai hi। usko kehte hain ‘saphalta ka sitaara।’

doosre hain lucky। lucky sitaaron mein bhi number hain। lucky sitaaron ki visheshta yeh hai ki ve jo bhi sankalp va karma karenge, usmein nimitta-maatra mehnat hogi,lekin phal ki praapti mehnat ke hisaab se jyaada hogi। lucky sitaare apne lakka ko jaante hue har samay baap-daada ka laakh-laakh shukriya maanenge ki mere lakka (Luck) ka lock (Lock) khol diya। lucky sitaare ki vaani mein mahaan banaane vaale baap ki mahima dil se svatah hi nikalti rahegi aur unke roop mein khushi ki jhalak vishesh dikhaai degi। unka vishesh plan - sada baap ka naam baala kar, return karne ka arthaat baap ka har kaarya apne jeevan dvaara pratyaksha karne ka hoga। sada baap ke snehi rahne vaale aur baap ke snehi banaane vaale honge। sadaiv yahi slogan (Slogan) smriti aur vaani mein hoga ki vaah baba aur vaah takdeer! aise apne ko lucky sitaare samajhte ho?

teesre hain ummeedvaar sitaare। unki visheshta kya hogi? kai ummeedvaar sitaaron mein se saphaltaamoortta bhi ban jaate hain। ummeedvaar sitaare sadaiv baap ka va shreshtha aatmaon ka saath lete hue chalte hain। har kadam par sahaare ke aadhaar par chalte hain। har sankalp aur karma mein ‘hoga ya nahin hoga’, ‘shreshtha hai ya saadhaaran’ hai, ‘karen ya na karen’ - judgement ki shakti nahin hogi arthaat svayan justice nahin ban sakte। jajmenta karaane ke liye baar-baar kisi judge ki aavashyakta hogi। shreshtha sankalp vaala hoga lekin dridh sankalp vaala nahin hoga। har paristhiti mein va seva ke kaarya mein umang-ullaas hoga lekin himmat kam hogi। uske liye himmat dilaane vaala saathi chaahiye। plans bahut achhe honge,sankalp samartha bhi honge lekin swaroop mein poora nahin la sakenge। aadha ya pauna kuchh vaani dvaara,kuchh karma dvaara sampanna kar sakenge। lekin unki ek visheshta hogi। har samay sahaara lene ke kaaran baba ki yaad rahegi। unke mukh se nashe se aur nishchay se yeh bol niklenge - ki hamaara baba hamaare saath hai। aakhir woh din aayega jab sankalp ko karma mein laakar hi dikhaayenge। aisi ummeed har samay rehti hai। dil-shikasta nahin bante hain। sambandh aur samparka mein bhi sarva ka satkaar karne ke kaaran snehi hote hain। unke chehre par parivaar ke saath sneh ki jhalak dikhaai deti hai। aise ummdavaar sitaare maaya ke ek vishesh vaar se bache rehte hain। woh kaun-sa? ve deh-abhimaan mein kabhi nahin aate। deh-abhimaan arthaat hoshiyaari ka abhimaan aur buddhi ka abhimaan। ve isse safe rehte hain। aise nahin ki unki buddhi mein kuchh chalta nahin hai। plans chalte hain, sankalp bhi aate hain lekin dridh sankalp na hone ke kaaran saath lena padta hai। ab samjha - teen prakaar ke sitaare kaunse hain? ummeedvaar sitaaron mein baap ko bhi ummeed hai, kabhi bhi high jump de sakte hain। kabhi bhi na-ummeed vaale sabki ummeed apne mein rakhaane ke nimitta ban jaate hain। lekin yeh ummeedvaar hain। ummeedvaar mein ummeed rakhna। yeh drama mein kisi-kisi ka wonderful part bhi bana hua hai। achha!

sada svayan ko saphalta ka sitaara banaane ka lakshya aur lakshan dikhaane vaale, sarva shaktiyon ke adhikaari,baap ki sarva praaptiyon ke adhikaari,brahmaanda aur vishwa ke adhikaari,prakriti aur maaya par vijay praapta karne vaale, vijayi sitaaron ko baap-daada ka yaad-pyaar aur namaste!